影片
以上資料只供參考, 請與餐廳確認詳情
今日剛好係我生日，中午係The Oz Cafe 買左兩個外賣午餐返屋企，我叫左豬頸肉滑蛋飯，食到最後先至見到隻小強瞓左係件豬頸肉下面，十分噁心🤮打電話去想話比店舖知，要注意一下衛生，電話長響無人接聽🤣🤣
繼續閱讀
粉嶺聯和墟係一個好多野食既地方，The Oz係其中一間我覺得性價比好高既餐廳，佢係由兩間茶餐廳合拼，係我既私竇😆😆⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍝焗芝士肉醬意粉 ($48) 8.5/10呢度個肉醬意粉係吸引到我間唔中放假就會去買黎食，佢個意粉底本身撈左茄汁，我好鍾意佢肉醬既調味係偏甜，唔會食到好膩🤤加埋面頭超多芝士拉絲真係好正呀，唔會話有d撈唔到醬，食每一啖都可以食到飽滿既醬汁同芝士，佢唔係d咩採用好高檔既手製意粉咩高級芝士，用既只係普通食材，但個味道做到好家常好舒服，令人得閒會諗起想食～🥫焗芝士蕃茄豬扒飯 ($48) 7.5/10同樣地個焗豬飯都係行比較家常路線，個汁調味調得好好👍🏻酸酸甜甜個味道非常balance，個飯有d意外唔係蛋炒飯而係白飯，不過我反而幾鍾意白飯底wo，感覺食落無咁heavy，唯一可以改善就係個豬扒無咩咬口，淋bie bie仲無肉味🍎蘋果金寶 ($50) 7/10最後就係重頭戲啦🤣話說聯和墟生活點滴谷由一年前已經經常出現好多post係話呢間既apple crumble好好食，而且我之前問左幾次都話無賣啦，強烈既好奇心驅使我真係好想試食到呢個聯和墟名物👅佢一黎到已經聞到好香肉桂味，面頭係一層麵粉焗脆左咁，下面全部都係蘋果粒，其實佢又唔差既，不過無d人吹到天花龍鳳咁誇張lo🤣🤣可能果陣我已經好飽啦，如果佢配埋一球雲呢啦雪糕就好啦，同埋佢差唔多50蚊真心有d貴⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫總括而言，呢間評價係大概中上👌佢唔係d咩高級食材餐廳只係一間做街坊生意既餐廳，所以如果住附近可以去試一試，佢好適合得閒去食個性價比幾高既飯，但如果你要專登入到黎聯和墟嘅話就唔使啦🤣🏡環境：5/10🍝食物：7.5/10🤵🏻服務：5.5/10💰價錢：8/10👧🏻👦🏻回頭：Yes
繼續閱讀
聯和墟街市買明天燒烤食物，順便食晚飯，附近行左20分鐘，今日係聖誕節，大部餐廳都係聖誕套餐，唔太吸引又貴。最後經過呢間餐廳 ，喺外面見到餐牌係意粉以為係西餐，點知望下又有中式小菜 ，我一向好鍾意試新野又支持小店，最後決定試下，環境唔大，點左2餸小菜套餐，再加2個小菜，魚香茄子炆伊麵🥰， 點咗柚子金沙骨，過左一陣店員通知賣曬 ，之後廚房有人走出嚟（估係廚師）介紹我哋轉香橙骨，仲話都好味㗎😁，唔鍾意橙味嘅我，就拒絕咗 ，但屋企人想食，最後都試左，因為通常香橙骨係用濃縮橙汁，點知有小驚喜，係新鮮橙汁加橙肉整，味道好好，而其他小菜味道都唔錯，老公好快就KO左紅酒炆牛腩😆， 另一個驚喜係炆伊麵，爽口唔鹹又唔太油。屋企人會再嚟。
繼續閱讀
二人同行想找地方吃午餐，經過這間餐廳看看店外的餐牌，看到田園沙律扒餐和出前一丁麵餐都頗為合意，便進去坐下。入坐之後仔細看了餐牌才發現，我們想要吃的都在早餐時段，午市只有各款粉麵飯和意粉，我們都頗為失望：星期日、十一點半左右、覺得應該吃些和上班日的午餐不同的東西。但既然已經入座了，便點了豉椒牛河和椒鹽豬扒飯。豉椒牛河確實好味，河粉熱騰騰的質感很好，沒有黏在一堆，也沒有被炒到斷碎；牛肉份量很足、調味適中，汁也充足。椒鹽豬扒飯外表看來沒有怎麼樣，但豬扒炸得酥脆、調味香濃，十分好味，可惜的是沒有蔬菜。跟餐點沙冰也只需加十蚊，抵。這間餐廳的價錢便宜，味道確實很好，如果午餐是想吃炒粉麵飯的話，這店應該是首選。
繼續閱讀
最鐘意就係椒鹽豬扒飯，乾炒牛河，仲有蘋果金寶，雖然我都唔係全部餸菜都食過，但試了部份菜式都算有水準，佢哋嘅服務態度非常好， 會聽客人意見去改善質素，大家可以去試下。
繼續閱讀