影片
電話號碼
51800692
營業時間
今日營業
12:00 - 19:00
星期一至日
12:00 - 19:00
*星期二至日:彈性
以上資料只供參考, 請與餐廳確認詳情
早兩日聽朋友講起話長洲海傍嘅Pink Pig轉咗手,咪行出去試吓囉!Pink Pig其實好耐之前我都幫襯過一次, 位於海傍道轉角嘅舖位,附近食肆都幾多㗎! 舖位𥚃面基本上得幾個吧位,大部分嘅坐位都喺外面,唔多人行過嘅時候都坐得幾舒服.因為老闆娘係泰國人,所以當然要試吓佢嘅招牌泰式牛肉湯河,再加個青木瓜沙律,我老公就要個厚切煙肉漢堡.兩個人食就只可以試住咁多先!雖然佢嘅客人唔係太多,但因為係即叫即做,所以都要等咗大約15分鐘先至上個青木瓜沙律. Presentation係唔錯而且好有泰國風味,好食😋 再嚟個牛肉湯粉,湯味濃(雖然以我嘅口味就略為淡咗少少),不過係好味而且牛肉都好多,上面件蘿蔔淋到係入口就溶化嘅! 睇嚟好似唔係好大碗,不過食落都好多喎!而老公嘅漢堡就好juicy,不過就真係似乎細咗少少囉!呢度嘅價錢喺長洲都算中上,有酒精嘅飲品要$78,其他飲品就大約$40-50左右,而且要加10%服務費! 喺長洲連加一要差不多$100食碗泰式牛河, $100一個細細個嘅 burger,就算幾好食都係覺得not value for money! 我哋兩公婆叫咗3款食品冇飲嘢都要$270,抵唔抵食就見仁見智. 不過佢嘅 location好,所以到我哋臨走嘅時間都真係有好多人入嚟打卡食嘢嘅!
繼續閱讀
每次入長洲都會黎呢間bar 食個炸魷魚我真係好鍾意坐海邊，叫一兩份小食一杯野飲🍹傾下計就咁hea 大半日(⁎⁍̴̛ᴗ⁍̴̛⁎) - - - - - - - - - - - - - - - - - - - - - - - - - - - - - --酥炸日本池魚仔𓆟配撘洋蔥紅酒醋汁，食落酸酸地魚仔酥脆香口，個人覺得唔沾醋食更佳-炸日本魷魚呢碟真係好出色，每次入長洲都必食配搭墨汁香蒜蛋黃醬食，口感層次豐富一碟真係好快就食晒( ´ ▽ ` )ﾉ-鮮榨西柚梳打正常發揮，食炸嘢解解膩
繼續閱讀
🌬️超大風嘅一日1️⃣2️⃣⏺️3️⃣0️⃣，啲食物一上枱，10秒就凍曬❄️ 上次食係暑假好熱，今次食係好凍（今次太凍，無拎隻手岀嚟影cover，等我用返夏天影嗰張🤭）。🍄『蘑菇飯』$38滿滿嘅pepper 味，但啲飯濕咗啲⋯⋯🌭『芝士肉醬熱狗』$48啲醬滿到瀉，一咬就 ‘bit’ 哂岀嚟；腸同醬都岀色，但個包就太「空氣」，少咗少少質感⋯⋯🌶️『水牛城雞翼』$42雞翼唔係炸㗎，味道正常發揮。🍹見到cocktail list 上面有hot toddy，雖然嗰日無飲，但返屋企拎咗類似嘅材料自己試沖；原來熱上嘅whiskey 係咁岀色㗎🥰 下次去試下佢嗰杯先☺️。📍 The Pink Pig Music Bar and Restaurant (長洲)長洲建新里11號地下。好味指數：🌕🌕🌕🌗🌑回味指數：🌕🌕🌕🌗🌑
繼續閱讀
嗌咗兩盤一樣既意粉，第一盤等40分鐘，第二盤等咗成個鐘都未到😅😅😅😅😅就算多人都唔應該咁耐啦？仲要意粉個碗好求其，乜相都影唔到，份量又少，黑松露一茶匙都冇，除咗黑松露之外盤意粉都無味，淨水煮味，簡直掠水👎🏻曬晒我哋啲時間
繼續閱讀
今日難得嚟到長洲，當然首先食咗唔少長洲嘅出名小食啦。其實我哋本身已經食到飽飽地，但係經過海旁見到呢間嘢有炸魚薯條，又醒起曾經見過好評，所以決定入嚟試吓。可能因為今日係平日，所以就唔算多人。我哋一下單店員馬上炸，新鮮熱辣辣嘅炸魚薯條，非常好味。另外我哋仲帶咗兩杯凍冰冰嘅嘢飲，飲完真係成個人爽晒
繼續閱讀