The Point - Pizza & Pasta (青衣城) (已結業)

青衣城地庫增加了好幾家新食店，這天和朋友選了The Point。這裡裝修簡潔開掦，空間感十足。服務員都是很細心和有禮的。餐廳正推廣龍蝦出品。也有很多素食選擇。雜菌湯內有很多碎雜菌，濃稠適中，質地綿滑。軟殼蟹水波蛋沙律配蜜糖芥末汁 $98軟殼蟹外脆內軟，以蛋味香濃又厚滑的水波蛋及蜜糖芥末汁拌勻新鮮夠水份的沙律菜，喚醒味蕾增加食慾。香煎鰽魚配茄子橄欖蕃茄汁意粉$108大件的鰽魚排魚肉頗滑，茄汁意粉有點韌度，拌以鮮蕃茄、橄欖和香草同吃，美味！流心朱古力蛋糕配雲呢拿雪糕 $68我被暖暖的、濃滑的朱古力流心溶化了，完美！Fresh Fruit Fizz $36以新鮮的西柚汁及青檸梳打調製。

睇完戲，原來青衣都有the point，上次食過都好食，小朋友有得揀的，當然緊係pizza同意粉啦。青衣舖也是讓人舒適的裝修，坐位唔算擠迫，伙計友善，全情由小朋友拍板。意粉真是一流，有口感，汁有掛到意粉，一點也不膩。每一個意粉都好好食。pizza也是很特別fusion的，小朋友吃得津津有味，但餅不是正宗的pizza，可能遷就返香港人的口味。一齊吃晚飯，算是疫情下的一點放鬆，之後再一齊食嘢的話，不知要等幾時了。但我還是喜歡正宗的pizza啊。

心情好，唔想係屋企食～ 既然堂食，就想食一d外賣係食唔到的野，於是去飯新鮮出爐意大利餅皮pizza!首先好想讚呢到的服務😅二人坐左10分鐘，服務員主動fill 水。😅😅再5分鐘，再問我地落左單未😂😂 講實話真係揀完食乜之後唔記得落單！好彩店員好心提醒🔔⋯⋯難得堂食～ 當然係揀有pizza 皮的野食啦！脆口係最重要的！脆皮！之前外賣都已經覺得好味！堂食果然效果更佳！最後試埋佢個香蕉朱古力雪糕餅，好有蕉氣雪糕熔熔地好㚒！ 本來都覺得服務員好好～ 到離開的時候，我地又溜左張傳單，服務員攞出黎比我地好有今次買埋500$ 的現金卷，可以再有下下下次咁啦⋯⋯

屋企人話想食龍蝦，本身想book中餐既，不過太遲訂，full哂。搜索下其他餐廳嘅時候搵到呢間做緊套餐優惠$338。咁就去試下啦。呢間餐廳有幾間分店，原打算去尖沙咀或荃灣分店，但都剩係可以walk in，咁就揸車去遠少少既青衣城食啦～一去到青衣城，見到附近既餐廳都排長龍，唯獨the Point 出面冇人等，心入面都好怕會中伏，不過一場黎到，就試下啦！環境都算乾淨，燈火夠光猛。我地order左一個龍蝦🦞套餐，同叫多少少菜式。The Point上菜速度超快。一落完單，湯就到了。應該係煲定㗎啫。個龍蝦湯唔夠濃，亦比較流質，有幾舊小肉。菠蘿特飲，個餐包埋。意粉味道不錯。用大貝殼🐚粉，幾有口感。配上龍蝦鉗肉。火焰Pizza披薩🍕到啦！侍應落左啲酒之後點火。我都即刻影低呢個moment。但食果下就會覺得，唔落好過落，雖然有視覺上既享受，但佢既酒味揮發唔哂，留左係pizza 到，賠上了pizza 的味覺享受！龍蝦的殼裏面係冇肉，反而搵到小蝦仔、蘑菇同芝士，我諗啲肉已被起哂，用黎煲湯同整意粉。pizza上有零聲既龍蝦肉，好彩的話，你挾果塊可能有一小舊😂😂我果塊好似冇～加左$38要個沙律，有羽衣甘藍，中規

近日天氣比較熱，而疫情開始好轉。我見好耐沒有去青衣城，我放工後特登约咗朋友去青衣城走走。進去商場，眼見大部人都是帶着口罩的，大家的防疫意識十分強。我們在那裡走了幾間商舖後，我覺得肚餓，我朋友就二話不說地建議去The Point食晚餐。The Point是在青衣城地下，從青衣地鐵站走過去大概要五分鐘左右，交通十分便利。我們去到的時間大约六時左右，那時人不是太多。服務員為我我們探熱後就安排座位，我們就叫咗龍蝦二人餐，包二杯波羅冰，轉其他飲品可以半價，加38元可以有沙律，還叫咗單骨炸雞翼小食，最後還點咗我最喜歡的甜品。這裡是新裝修的，似是歐式的風格。座位十分闊寬，坐得舒服。眼見大部人都是叫咗龍蝦二人餐，可能是今期特別優惠。走的時候，都是坐得滿滿的。Lobster Bisque 個餐是包兩客龍蝦湯，龍蝦湯是有些龍蝦肉，味道不算好濃，但好有龍蝦味，又不算好鹹，真是剛剛好，所配拾得十分完美。Lobster Mac個餐包龍蝦芝士通粉，通粉比平時食的厚身及大，也食落比較彈口，裡面有好多芝士，食落口感比較好似绵花糖一樣，算是好食。Flaming Lobster 9"火焰龍蝦 pizza 九吋，原隻龍蝦，

早前係荃灣試過the point唔錯，今日到青衣見到有分店，門口menu有個龍蝦二人餐原價＄618（現優惠價＄338），好似幾抵食，跟朋友二話不說就走了入去🤣龍蝦湯，龍蝦味濃，仲有啖啖龍蝦肉😋加配沙律(加$38), 有羽衣甘藍、烤南瓜、茄子、藜麥，菜很新鮮，配上沙律醋，十分開胃。火焰龍蝦薄餅(9")，原隻龍蝦上，上檯時，還加上火燒一燒，未食視覺上已經拎滿分。餅底是我喜愛的厚批，配上車厘茄及水牛芝士，芝味濃郁，口感豐富。龍蝦芝士通粉，濃濃的芝士，配上大通粉，吸收了龍蝦及芝士的精華，龍蝦滋味，肉質爽，配搭得宜。棒棒雞翼(蜜糖燒烤醬)，炸得甘香脆口，上檯還熱辣辣的。甜品點了朋友最愛brownie, 朱古力布朗尼, 濃郁的朱古力，加上雲呢拿雪糕，上面舖滿朱古力粉，還有香煎香蕉及合桃, 好味的配搭。😋😋跟餐飲品是菠蘿梳打，我們點了其他飲品，以半價計，Furit Punch(加$24 ), 配新鮮水果，有士多啤梨、藍莓，誠意之作。另一杯Mango Fizz (加$18), 比較淡味。再散叫了杯芒果汁, 芒果味濃, 小朋友很喜愛。🥳這個餐實在抵食, 我見十檯有八檯都叫這個餐, 正!😍

放假相約朋友到青衣城逛街，逛街前想先醫肚，見商場內有我ㄧ直想去的餐廳「The Point」，今日ㄧ於在此開餐。入餐廳前例必先量體溫，其後侍應安排我們入坐，還介紹了他們今期所推介的二人龍蝦餐($338)，賣相和價錢都好吸引，所以我們決定點這個餐，還可以加配沙律。龍蝦湯首先送來，顔色奪目，稀稠適中，濃郁又順滑，碗內還見到龍蝦腳肉，果真材實料。羽衣甘藍茄子南瓜藜麥沙律我們加了$38點了份有齊我喜歡的蔬菜沙律。羽衣甘藍只採用葉子部份，不會太硬，加上烤過甜香的南瓜和軟滑的茄子，再灑上藜麥和南瓜子，口感豐富，配上柚子味噌汁，又清新又健康。龍蝦芝士通粉芝士通粉內放有多件龍蝦肉，鮮味彈牙，配埋軟硬適中的芝士忌廉通粉ㄧ起食，真係食到停唔到。火焰龍蝦薄餅 上檯時賣相已贏晒，侍應還淋上洒點了火， 讓薄餅添上多一層香味。他們將整隻波士頓龍蝦折肉鋪在薄餅上，龍蝦頭和身內釀滿了芝士、蘑菇、車厘茄餡料去焗製，再放在鬆軟的薄餅底中央ㄧ起焗，龍蝦鮮味滲透餅底內，配埋茴香頭的甜味，水牛芝士的奶香，是我近期食過最出色的薄餅。菠蘿梳打餐飲是清新帶微酸的菠蘿梳打，又消暑又解膩，正!!其實我們點了這個龍蝦餐外，還點了ㄧ客小食和甜

今日天氣頗為晴朗，心情超好。約了朋友到青衣城午餐！青衣城商場地下改變不少。多了很多食肆林立。朋友介紹底下選擇了這間不錯的餐廳。餐廳門口不是太搶眼但入內裏感覺座位很寛敞，裝修格局自然，沒有太多花巧反而覺得舒服。由於午市時間，餐牌也有數款 午餐可選擇，當然也可在餐牌內選擇其他食物！不一定要食午市套餐。種類也有 披薩、意粉、沙律、及甜品可選取。由於朋友不能吃牛肉及海鲜，所以我們在規範下只可以點2份午餐，一份是湯，沙律- 軟殼蟹、烤甜椒、水波蛋配 以芥末蜜糖醬汁。軟殻蟹整隻份量不少，味道鮮甜，外脆內軟，水波蛋煮得剛剛好，蛋一破慢慢滲出蛋醬，配以蜜糖芥末醬汁，甜甜的非常可口。另外一份叫了香煎鰽魚配茄子橄欖蕃茄汁意粉 - 鰽魚用了慢煮方法烹調，肉質嫩口、外皮略煎一點點脆，新鮮蕃茄蓉做醬汁蕃茄味香濃，還有初榨的橄欖油令到意粉香滑。當然午市套餐奉送餐湯及指定飲品。濃濃的蘑菇餐湯及一杯橙汁梳打，。一看餐牌上的無酒精飲料，非常吸引！安耐不住叫了一杯精美的特飲！顏色非常吸引。藍藍綠綠，顏色變化很美麗！不得不提，他們的甜品 不錯，尤其是心太軟，做得好好，不太甜，外脆流心。總算是為這頓飯劃上完美句號！

🧡睇左YouTube【有碗話碗】介紹期間限定🦞$338龍蝦2人餐，流曬口水，即刻book檯試食🤤.🧡🦞濃湯 啖啖湯都食到🦞肉,湯頭濃郁細滑,龍蝦鮮味突出，果然真材實料。.🧡波士頓🦞🧀通粉通粉係特色煙斗粉,特別大粒爽口,配上🦞肉,龍蝦汁與🧀再焗,拉絲效果一絕。🧡原隻火焰🦞披薩🍕即點即烤既9吋pizza，餡料超豐富, 除左已經有拆左肉既🦞仲有好多海鮮粒及🍄菇菌粒! 加埋即場既🔥火焰效果,絕對係相機食先😍.🧡飲品方面，估唔到仲🈶特色既香港手工啤酒品牌#DEADMAN飲🍺，尼支Crazy Rabbits飲落富咖啡香，同時帶焦糖同🍫味道！.🧡同Waiters講係睇完youtube介紹過嚟嘅仲送多個羽衣甘藍沙律🥗添.🧡Address:青衣青敬路33號青衣城地下G01號舖

今天到青衣城逛街，來到這裡已經十二點，係時候吃過午餐才開始Shopping，行行下見到這間The Point ，都不其然想起上次在荃灣都吃過，留下不錯印象，來到這裡又給我撞見，就不如就在這間店吃過午餐，看看是不是像荃灣的那間一樣有水準。量完體溫店員就安排入座，這裡環境和荃灣的那間一樣寛敝舒服，令人有一種優閒的感覺。店員和我們說，他們近來做一個龍蝦餐優惠，原本$618的二人餐，現在只需要$338就可以吃到，我和朋友都是龍蝦愛好者，所以二話不說就要了這個餐了，還可以用$38加配沙律，所以我們都點選了一個沙律。首先是沙律，這個沙律是由柚子味噌 ，烤南瓜，茄子，藜麥，羽衣甘藍沙律，我朋友一見到個沙律就很開心，因為有齊她想吃的東西，每種都很新鮮美味，她吃得很開懷！龍蝦二人餐包了兩個龍蝦湯，龍蝦香濃，但又不會太稠，這裡的龍蝦湯和荃灣的一樣放入龍蝦腳，每次見都一樣可愛。龍蝦餐的第二道菜是龍蝦芝士通粉，份量足夠二人吃，芝士味濃，裡面有很多龍蝦肉，味道香濃美味！第三道菜是火焰龍蝦披薩，全個披薩有9吋大，上枱時感覺已經很有霸氣，店員還在龍蝦上點火，紅紅的火焰令龍蝦披薩梗具特色。披薩面頭放了一個龍蝦造型，大

龍蝦芝士貝殼粉，加上秘製既龍蝦汁去煮，上面舖有一層芝士後再焗，粉入面有龍蝦肉呢個係基本啦，而粉中間仲有一隻特大龍蝦鉗，淨係睇到都令人流晒口水。龍蝦湯熱騰騰，龍蝦味道唔算濃郁，但湯內有龍蝦肉都算係咁，而口感方面如果可以再稠少少就好。香蒜辣椒白酒煮大蜆好惹味，開頭食第一啖覺得個汁既酒味有小小濃，但之後食食下接受左就覺得反而唔太濃（本身唔飲酒的）佢嘅蜆肉好大粒好飽滿，係食既時候仲有汁係入面爆出，而且夾埋蒜片一齊食會更香.

見新開又有下午茶，就入去試下...食物ok,但服務完全唔掂..幾乎你一放低件餐具佢就收o左你，真係全程‘趕客’..... 但根本全場唔full,d 職員態度唔算太差，但一定談唔上係helpful.....叫三個tea set ...來回十幾次收餐具，加水...完全影響用餐...我趕時間我去茶餐廳得啦...真係唔推介大家去

朋友話食過The point好好食，所以就約佢係青衣呢間新開既The point食餐飯😍Crossover Pizza😍呢個酥炸軟殼蟹pizza,主角軟殼蟹係原隻上，餅底係薄脆底😎但中間滿滿既芝士依然可以拉絲特別中意佢加左明太子醬係批邊，一咬落去明太子香散出黎真係好正☺️另外仲有爽滑蝦仁同d紫菜調味，我都幾中意成個配搭😃😋紅酒燴和牛勒肉配蜆殼粉😋呢個醬汁做得好濃郁，每個蜆殼粉都沾滿左個醬汁，好和味☺️見到和牛比得一d都唔手軟，仲要大大舊，肉質軟腍，又有足夠既油脂香😊墨魚汁海鮮意大利飯😊朋友叫左呢個，一上個陣都比佢既海鮮量震驚左😂有青口，墨魚，大蝦同蜆…我試左一啖飯，係好香濃既墨魚汁味😊平時都係食墨汁意粉多，今次都係第一次試墨汁Risotto ，都幾特別😎😃Cinnamon apple pizza😃食到好飽又想試下甜品，就揀左呢個幾特別既pizza甜品，佢一分為四，上面有烤蘋果，合桃，雪糕，面頭再淋上吉士醬，十分豐富人均285，食到好飽😂環境十分新淨舒服，服務都好貼心👍🏻下次黎一定要試埋其他pizza😎

Pizza 好似係主打，有好多款可以揀，仲分埋Size。我哋揀咗Posh Hawaiian，望落普普通通，但食落好有驚喜，成餐飯最喜歡呢個pizza 菠蘿係用焦糖微微烤過，意大利火腿味道偏濃，咸咸香香，再加帶少少苦澀味的火箭菜，三種味道綜合一齊好夾！上面白色嗰啲係松子豆，幾好咬口而且營養價值好高。榛子醬朱古力Pizza，烤過的Nutella醬 pizza包已經無得輸，加咗酸酸甜甜鮮香橙粒、核桃碎同淡淡雲呢拿味軟雪糕，非常好味，值得再encore。Chicken Lollipops烤雞翼，燒烤醬好惹味，仲keep到肉汁，唔會鞋颯颯，而且份量都算多〜西柚梳打，幾新鮮醒神。我哋要Jug size，超大瓶，一人3杯都仲有得剩，幾抵飲。

平時甚少逛青衣城，今晚專程到此，皆因The Point近來也進駐這裡。餐廳向來水準穩定，相信這間分店也不例外。地方闊落舒適，店員很有禮貌。煙三文魚小食三文魚鲜味香滑，夾著薄片樱桃蘿蔔，十分可口。鮮菜沙律蔬菜很新鲜，火箭菜，紫生菜等配以陳醋，開胃又健康。澳洲M5和牛肉眼扒五成熟，火候控制得宜，肉面香脆，牛味濃郁，肉汁豐富，入口融化，絕對是水準之作。卡邦尼薄餅巴馬火腿，巴馬臣和水牛芝士鋪於薄餅上，加上滑鷄蛋，為咸香薄餅添上滑溜感。配以冰凍檸檬茶，在清雅環境下细語輕談，颇為惬意。