影片
更多
2020-07-04
55 瀏覽
屋企人話想食龍蝦，本身想book中餐既，不過太遲訂，full哂。搜索下其他餐廳嘅時候搵到呢間做緊套餐優惠$338。咁就去試下啦。呢間餐廳有幾間分店，原打算去尖沙咀或荃灣分店，但都剩係可以walk in，咁就揸車去遠少少既青衣城食啦～一去到青衣城，見到附近既餐廳都排長龍，唯獨the Point 出面冇人等，心入面都好怕會中伏，不過一場黎到，就試下啦！環境都算乾淨，燈火夠光猛。我地order左一個龍蝦🦞套餐，同叫多少少菜式。The Point上菜速度超快。一落完單，湯就到了。應該係煲定㗎啫。個龍蝦湯唔夠濃，亦比較流質，有幾舊小肉。菠蘿特飲，個餐包埋。意粉味道不錯。用大貝殼🐚粉，幾有口感。配上龍蝦鉗肉。火焰Pizza披薩🍕到啦！侍應落左啲酒之後點火。我都即刻影低呢個moment。但食果下就會覺得，唔落好過落，雖然有視覺上既享受，但佢既酒味揮發唔哂，留左係pizza 到，賠上了pizza 的味覺享受！龍蝦的殼裏面係冇肉，反而搵到小蝦仔、蘑菇同芝士，我諗啲肉已被起哂，用黎煲湯同整意粉。pizza上有零聲既龍蝦肉，好彩的話，你挾果塊可能有一小舊😂😂我果塊好似冇～加左$38要個沙律，有羽衣甘藍，中規
一去到青衣城，見到附近既餐廳都排長龍，唯獨the Point 出面冇人等，心入面都好怕會中伏，不過一場黎到，就試下啦！環境都算乾淨，燈火夠光猛。
我地order左一個龍蝦🦞套餐，同叫多少少菜式。
The Point上菜速度超快。一落完單，湯就到了。應該係煲定㗎啫。個龍蝦湯唔夠濃，亦比較流質，有幾舊小肉。
菠蘿特飲，個餐包埋。
意粉味道不錯。用大貝殼🐚粉，幾有口感。配上龍蝦鉗肉。
火焰Pizza披薩🍕到啦！侍應落左啲酒之後點火。我都即刻影低呢個moment。但食果下就會覺得，唔落好過落，雖然有視覺上既享受，但佢既酒味揮發唔哂，留左係pizza 到，賠上了pizza 的味覺享受！龍蝦的殼裏面係冇肉，反而搵到小蝦仔、蘑菇同芝士，我諗啲肉已被起哂，用黎煲湯同整意粉。pizza上有零聲既龍蝦肉，好彩的話，你挾果塊可能有一小舊😂😂我果塊好似冇～
加左$38要個沙律，有羽衣甘藍，中規中矩。
加左個雞肉天使麵，有小小辣但幾好味。
加左個蜆，啖啖肉，好食。
最後加左個黑松露蛋黃醬薯條，失望。呢個菜係出面食普遍都好食，你個薯條夠脆，同埋靠個醬㗎之嘛。不過佢兩樣都做得唔好。唔建議叫呢個。
人均都要$240左右。屋企人形容呢間餐廳係高級版蕯利亞，我覺得好少少既🤣起碼有龍蝦菜式。不過建議如果大家想食龍蝦，都係去返有名啲既中菜館好了😛
張貼
