The Recipe (已易手) 新餐廳

今晚食素食，3餸麵+凍豆漿($44)😍第2次黎呢間食試下其他食物今次試左紫豆卷+珍珠貢丸+秋葵+菠菜麵😍紫豆卷：係腐皮包住紫菜，食落幾香口珍珠貢丸：外面皮薄，咬開會見到裡面好多菇😍口感好豐富秋葵：只係用水滾熟，味道清新菠菜麵：第1次食原來好爽口，唔算太細條👍湯底：同上次一樣都係唔鹹，無味精既味道凍豆漿：同上次一樣都係唔甜，飲落好健康

今晚食素😎3餸麵($38)+飲品($6)=$44我食蕃茄+響鈴+鹵水豆乾+地瓜麵+凍豆漿第1次黎呢間食味道唔錯個湯無味精味地瓜麵無咩特別蕃茄有3塊豆乾有2件響鈴有2件豆漿無甜味仲有2條生菜食下

餐廳似乎轉了手，英文名一樣叫「The Recipe」，中文名叫「素食譜」。三餸車仔麵$38，啲麵都幾特別，有菠菜麵，太陽麵，地瓜麵。想食飯嘅都係$60有找，我食過咖哩秋葵炒飯（$45）味道同份量唔錯，好香咖哩味。最重要的是職員/老闆態度非常親切☺️。

晚飯搵飯食去到東廣場睇到依間環境幾好但無乜人附近其他餐廳又無開諗住搏一搏點知真係中哂伏叫左個$58紅酒牛肋條飯一黎到份量極細份個飯立痴痴唔熱個牛肋條都唔熱，又切到一粒粒味道一般般下次實唔會再食

兩個人去咗觀塘搵食…… 商場入面有一個好大嘅food court， 各式美食都有😍😍我哋行咗一個轉…… 終於揀咗呢間嚟食， 佢同隔離一間食嘅野 同 舖頭裝飾都類似，但店頭人流不多…… 仲驚會唔好食 點知喜出望外……超凡水準👍👍👍 冇諗過喺商場嘅鋪頭仔竟然有咁嘅質素我哋揀咗當日午餐嘅， 紅酒燴牛肋條飯 ( 牛肋條好淋， 醬汁又好入味 ) 辣蜆肉羅勒意粉 ( 真係要食得辣嘅人先食到 ) 兩杯特飲👉好味及視覺好ok💖大力甘推介比大家😉

呢間餐廳收銀兼侍應服務態度麻麻，叫餐時話他態度不是，然後入面廚師突然間插嘴’ 話唔x(粗口）做你生意‘，一來果廚師我無接觸過，二來你點知我同收銀之間對話，突然講粗口，你打開門口做生意，況且你做後排。

聖誕同新年之間，平時啲飯腳都放哂假，惟有食自己。Holiday Mode 唔想同人迫，想搵個靜靜地嘅地方慢慢享受下個lunch time，行咗去東廣場地下呢間既小店，見唔係好多人，就坐低咗...打開menu ，見到都價錢$5x , $6x 起，唔平喎😅心諗算啦，費時再行，選咗個紅酒燴牛肋條飯...(呢間係小店，冇咁多人手，選好之後要自己去買飛，之後比個牌仔你，自己搵個位坐低...)唔知係咪小本經營，人手唔夠關係，上菜速度十分慢，五分鐘後先上個前菜，重點係前菜好細份，牛油多士似係嘉頓生命麵包，牛油又冇咩，2啖已經食哂。個湯又好少，4-5湯羹飲哂，而且味道偏酸😥😥個主菜成20分鐘先到，慢得可憐，如果趕時間就唔好試😐 個主菜仍然維持間店嘅特色---細！牛肋條大概得3嚿，個飯也是細得可憐，男仔未必食得飽。幸好嚿牛肋條尚算ok, 煮得幾煁，咬落唔黐牙，這個比想像中好。個汁帶有少少紅酒的果酸，口感，質感都唔錯。紅蘿蔔吸收了汁味道，帶少少甜酸感。不過份量始終太少，得2,3嚿牛肋條，吃到後段沒有肉餸飯...整體感覺係細，慢，貴，食物水準還算可以，不過不失。

路過呢間餐廳，坐底食一食。個墨汁意大利飯煮得很不錯，有意大利當地嘰味道。飯餐更加好食(尤其是個雞扒飯餐)。以這個價錢吃到這個質素覺得都很不錯。👍🏻建議大家路過都可不防一試By the way~在食野時候我都上左下openrice睇下呢間餐廳嘰食評，發現有某d顧客並不知道真正的意大利飯係會少硬同有少少粉。不要大驚小怪。發現有位應該無知又少見識嘰顧客寫呢間餐廳嘰意大利飯唔熟。。。唉。。只講句［少見識就不要扮食家亂評］

今晚有事要一個人係外面食，見到墨汁意大利飯，第一反應就係試下，帶住小小期待，等所有嘢齊先開始，多士淋，湯及凍檸茶還可以，但呢個意大利飯就乜都唔使講，連煮都未煮熟，部分飯心咬落去又硬又粉，根本就係生米心，重怕自己唔識食意大利飯，走嗰時走去問廚師，意大利飯應該是點，佢話係會硬啲，但唔會係粉囉，根本就係未煮熟，所以會記住下次唔幫襯

食物質素非常之差， 廚師全部唔合格唔識煮野。份量少，意粉都唔識煮。煮完根本等同于熱水裡面浸過; 完全唔熟。Menu寫住大大個字prawn意粉。其實得五隻百佳急凍蝦仁，23 蚊一袋可以煮十八次。泰式肉碎飯，唔駛估，百佳免治豬肉炒埋豉油。配多兩片菜收你五十幾。Noir(Schwarz)店都冇呢間野黑。冇任何可能會食多次。完完全全垃圾。所有經過行過嘅人，千祈唔好食；食完100% 火滾。

今日因公事行到官塘，行到熱辣辣，想搵間野食坐低都周圍都係人，咁我地入左呢個廣場，好多間小店，我地行過見間舖仔幾靚，裝修幾有心思，最主要有位，我們便坐下tea 一tea , 點知坐左好耐，唔知係咪角位冇人睇到，好，我自己出去嗌，行到出櫃台，d人都好似見我唔到😤😤😤😤😤😤

同朋友去觀塘工作，全日忙於處理事務連午飯也skip 左，當工作完成馬上找個地方醫肚，去到東廣場下面好多小店，可能太晏，一係賣曬，一係收左，一係冇兩座位⋯⋯最後見到the recipe有位而且環境簡潔乾淨。芝士火腿法式三文治$42 賣相無難度的三文治，基本不會難食，but 個火腿煎得好硬，咬左一半就沒有再食蜜糖烤雞翼薯條$38雞翼有烤的焦香同甜甜味，不過個薯條好乾好硬Coffee咖啡口感偏酸帶苦，咖啡味不夠香濃一向支持小店，可惜這次食物水準認真麻麻，希望佢哋日後有所改善

一黎就有位，就即刻叫野食。我地叫左 羅勒蝦意粉、生菜肉碎包飯、黑松露扁意粉。首先個羅勒蝦意粉，點解意粉未熟都可以上檯，醬又唔夠濃，而且賣相又一般。第二，生菜肉碎飯，個肉碎味淡，又乾身，生菜得3片。第三個黑松露意粉，太咸太咸，食到最后個底咸到飲幾杯水都唔掂。重點系分量極度少極度少，一個女仔既分量都唔足夠！一句講到尾，唔會再幫襯！

呢到午餐選擇都算多份量都幾大碟而味道就某D好食某D就無咩味雞扒飯 超大碟有兩塊扒 個汁都好正 值得推扴相反，我朋友叫左意粉相對地無咩味 太淡 飲品叫左個冰茶完全無味 得個香 水咁的茶

一個星期六下午又呢到東廣場等朋友, 順便試下尼間小店的下午茶餐, 薯條是脆口, 而且是粗條有咬口, 蜜糖雞翼味道是OK惹味, 但最大的敗筆雪味太重, 咖啡就都很一般, 這不是咖啡店很難要求. 但還境是舒服, 店員態度是OK, 如果下午想搵個地方坐坐OK, 但食物就不能要求太高.