The Yell-Owl Seafood And Grill (已結業)

一向都知九龍城美食多，除了茶餐廳和泰國嘢食，今次就想食西式早餐，所以嚟試吓呢間嘅all day breakfast。平時all day breakfast 少見會加埋龍蝦或者蟹，所以見到餐牌上嘅海鮮All day breakfast ，感覺幾新奇就試下。點知一黎到見到好大碟，基本上可以兩個人食一碟🤣第一時間試咗個蟹腳，肉味鮮甜又有少少海水鹹嘅味道，唔係平時食自助餐個種無味咁樣，所以覺得好好食😋其他配菜亦唔錯，食完好個之後覺得好飽。另外亦都叫咗Lunch set 豬肉眼扒配薯條同蘆筍，塊豬扒唔算好厚同稔，不過勝在肉味香濃。飲品方面就不過不失，我哋只係叫左hot mocha and iced latte, 下次會有興趣試埋啲pasta and risotto。

呢間既全日早餐不時都好多人推介皆因佢既龍蝦全日早餐實在太吸晴今次專程過黎試試佢 揀左下午茶時段過黎唔洗等位近門口位大大個貓頭鷹logo 都好容易搵到✎超級貓頭鷹全日餐 配龍蝦一隻 $248呢個豪華既ADB真係好大份 超多料龍蝦切左一半 見到入面真係爆多膏 店員已經處理過D龍蝦鉗 好輕易就拎到出黎其他配料有大啡菇 蟹肉牛油果醬多士 Egg Benedict英式豬肉腸 煙肉 沙律菜蕃茄, 薯餅 茄汁焗豆 牛油粟米2個人Share都唔過份呀 所以價錢都唔算貴 雙層芝士安格斯牛肉漢堡配薯條 $108另外下午茶menu都幾抵食漢堡都好大個 包體烘過食落都軟熟安格斯牛煎到岩岩好 咬落都有爆汁既效果小食拼盤 $148有4款炸既小食 雞翼 洋蔥圈 薯條 魷魚洋蔥圈超大個 其他都正常發揮

之前嚟食過龍蝦ADB，今次就試下晚餐，質素都唔錯😆炸魚薯條 $98炸魚外脆內嫩，配埋千島醬一齊食仲可以減少油膩感，薯條都係新鮮炸起，香脆得嚟又鬆軟😙燒紐西蘭西冷配薯條 $238Set dinner包沙律、餐湯、甜品或餐飲，是日餐湯係煙肉薯仔湯，加入炒香咗嘅洋蔥碎，令薯仔湯口感更加有層次，香味好出👍🏻西冷油花滿溢，一入口已經率先感覺到佢濃郁嘅牛油香，而且五成熟啱啱好，牛肉呈現粉紅嘅嫩心，肉質好嫩滑🤤黑松露野菌忌廉汁意大利飯 $178意大利飯有咬口之餘仲夾雜雜菌嘅彈感，而且煮得好入味，黑松露味道濃郁😚

之前朋友介紹係九龍城有間餐廳有好特別嘅龍蝦all day breakfast，一路都心思思想試，今次終於有機會過嚟食dinner，平日晚餐$238一位，另收加一。枱同枱之間唔太逼，坐得舒服，環境都算靜，同朋友、另一半一邊食一邊傾計都得。頭盤係紅菜頭雜菜沙律同南瓜湯，新鮮沙律菜以油醋調味，加上健康、抗氧化、營養價值又高嘅紅菜頭，微酸醒胃。南瓜湯香濃幼滑順口，天氣凍飲啖熱湯唔錯！青醬雜錦海鮮扁意粉，身為青醬狂魔嘅我見到餐牌有青醬意粉點可以唔會一會佢！有大蝦、青口同魷魚，蕃茄點綴顏色，意粉炒至乾身，煙韌有咬口，每條意粉都均勻裹上清爽可口青醬，入口啖啖都有羅勒香草味同蒜香。燒紐西蘭肉眼配薯條，賣相吸引，一切開就見到3成熟呈現嘅粉紅色軟嫩質感，不過肉味唔算太濃，伴以燒汁同芥末醬，增加唔少風味，配菜仲有薯條、烤蕃茄同燒蒜，夠曬飽！晚餐配甜品或者飲品，我哋就升級咗做特飲Passion of yell，菠蘿汁、熱情果醬加上青檸汁，果味十足，非常開胃！Tiramisu份量幾大，口感軟滑而不膩，咖啡味同酒味唔會太濃，個人就鐘意蛋糕表面帶苦澀味道嘅可可粉。

九龍城fusion西餐都幾多間，不過有心機有誠意既就真係唔多......呢間算係其中一間值得做回頭客～set dinner個前菜係芝士x溫泉蛋x大啡菇同餐湯。大啡菇就正常質素，焗得岩岩好。個薯仔蘑菇忌廉湯就有d驚喜，薯仔蓉好清爽唔黏口，蘑菇碎亦好香，成件事唔會好膩影響main course!!main course揀左紐西蘭西冷，廚師處理得唔錯，表面鎖到肉汁且香口，唔會又硬又燶，切開之後入面肉稔而且帶有少少粉紅色，明顯睇得出廚師既經驗同對食材既熟悉，真係加晒分～同埋加映仲有海鮮拼盤，揀左蒜片紅椒欖油配鮑魚、龍蝦、鑽石蜆同帶子。本身諗住全部白烚+上檯前淋欖油，點知佢係加埋調味一。齊。焗！龍蝦肉厚味鮮，但質素一般，鮑魚就厚肉彈牙，配埋欖油好惹味～鑽石蜆出奇地好有鮮味，而且同欖油好夾，有d 似食緊炒蜆haha~最後帶子係100分滿分！除左到欖油好襯，本身帶子係煎過先擺落黎，外脆內軟之餘仲有陣陣油香，真係好正！走果陣發現餐廳原來做緊下午茶8折，如果我喺附近返工就好啦可以偷懶走過黎食好西xd

今次嚟到九龍城搵嘢食，雖然九龍城係出名食泰國嘢，但係其實都有唔少唔錯嘅西餐廳㗎 ！Yell Owl seafood and grill 位於福佬村道既盡頭 附近環境靜靜地 可以好舒服咁坐同慢慢歎 店員都好nice 好有禮貌架☺️ 柚子汁脆炸雞翼 OMG 實左太好食了 佢係我打開menu 就想試既小食 必叫！ 雞翼皮炸到脆卜卜咁 香脆之餘仲keep 到肉質嫩滑 柚子醬清新香甜 係會食上癮果種 佢地既牛扒都有幾款可以揀 今次我哋就揀咗紐西蘭西冷牛扒 🥩一見到上碟就覺得好豐富 牛扒食落juicy有口感 配菜方面可以揀兩個 我地叫左西蘭花🥦本身以為冇咩特別 結果咬落去果下 啲牛油蒜蓉香爆出尼🧈🧄 第二個我哋揀咗芝士瘋薯🧀係mix左既番薯條同薯條仲有芝士醬 聽到都覺吸引喇 佢地係配菜方面都落左唔小心機架香煎比目魚扒 比目魚用咗好簡單嘅調味 少少黑椒少少香草 加上比目魚本身既油脂 已經好香好足夠 比目魚皮煎到金黃色夠香口 🤤 呢個係個dinner set 仲會配埋沙律 餐湯 甜品/飲品 性價比都唔錯

每次去九龍城唔係食泰國菜就係潮州菜，今日同朋友嚟呢邊搵食，特意選了這間喺網上好 hit 嘅人氣西餐廳「The Yell-Owl Seafood and Grill」。餐廳門面採落地大玻璃作設計，店內裝潢簡約，牆上掛滿食物餐牌，環境舒適，氣氛輕鬆，予人悠閒之感。我哋點咗兩個 Set Dinner ($238@)，套餐包頭盤、主菜、甜品或餐飲。頭盤係紅菜頭雜菜沙律同薯仔煙肉湯。沙律菜新鮮爽脆，紅菜頭十分清甜，軟硬適中，搭配橄欖油黑醋汁，入口好 fresh🌸酸甜醒胃。薯仔煙肉湯濃稠滑溜，入口滿載薯香，味道不錯！ 兩個主菜接著送上，香煎比目魚扒賣相很吸引，兩大塊，外層煎至微焦，皮脆金黃，食落好香口。魚肉嫩滑多汁，烹調時間掌握得恰好，配上面頭嘅香蒜牛油汁，更添滋味。薯條厚切，熱辣辣，脆卜卜，點茄汁食，美味。至於另一客燒紐西蘭肉眼就點咗七成熟，肉眼扒煎得啱啱好，肉質軟腍嫩滑，鬆化得嚟又富肉汁，入口牛脂芳香，唔使點醬汁食已經好好味。另外仲點咗客芝士墨西哥脆片配牛油果醬及酸忌廉 ($48)，Nachos 夠薄夠脆，食落好香口，面頭鋪咗勁多軟綿綿嘅芝士醬，配埋酸忌廉同牛油果醬一齊食，口感超豐富！最後結尾

之前喺元朗食過，最近又好想再去食，發現原來九龍城有分店，立即約埋老公去食👍👍👍環境非常舒服，座位非常寬躺😎😎😎最適合拍拖👩‍❤️‍👨👩‍❤️‍👨👩‍❤️‍👨法式龍蝦湯用矜貴的龍蝦熬製成的湯膽，取其鮮味的膏黃和蝦油，熬出的湯，顏色紅亮，香味濃郁，非常美味。自選海鮮拼盤有多種選擇和多個份量配搭，無論你是2 人食用，定一大班朋友，都可以自由配🤟🏻龍蝦、帶子、鑽石蜆、翡翠螺非常新鮮，配以特製的乾蔥大蒜忌廉，提升鮮味不少🤤🤤🤤墨魚汁帶子大蝦意大利飯墨魚汁非常Creamy，意大利飯顆粒分明，有咬勁及彈牙口感，賣相也吸引，鮮嫩彈滑嘅帶子配大蝦，非常滿足的一個晚上

九龍城抵食西餐🍽️係九龍城食泰國菜就多食西餐真係第一次😛😛今次試依間Yell-owl 一入餐廳就見到大大個貓頭鷹🦉霓虹燈✨野食唔錯 平日夜晚黎都好full啊~๑ 𝐆𝐫𝐢𝐥𝐥𝐞𝐝 𝐍𝐞𝐰 𝐙𝐞𝐚𝐥𝐚𝐧𝐝 𝐑𝐢𝐛 𝐄𝐲𝐞 𝐰𝐢𝐭𝐡 𝐅𝐫𝐞𝐧𝐜𝐡 𝐅𝐫𝐢𝐞𝐬🐮 • $238🍴Set Dinner 包紅菜頭雜菜沙律及餐湯 & 甜品或餐飲餐湯係甘筍湯 好清甜 驚喜之處係有d辣辣地 好飲！肉眼叫咗5成熟🥩好厚身 肉質軟腍 內裡粉嫩 juicy🤪🤪配上蒜粒🧄同 厚切薯條🍟🥳๑ 𝐌𝐚𝐜 & 𝐂𝐡𝐞𝐞𝐬𝐞 𝐖𝐢𝐭𝐡 𝐆𝐫𝐢𝐥𝐥𝐞𝐝 𝐂𝐡𝐢𝐜𝐤𝐞𝐧🧀 • $128邪惡濃郁芝士🧀🧀🧀勁creamy😛但唔會太漏烤雞胸肉口感唔錯 唔鞋👍🏻๑ 𝐒𝐧𝐚𝐜𝐤𝐬 𝐏𝐥𝐚𝐭𝐭𝐞𝐫🥙 • $148有雞翼🐓洋蔥圈🧅薯條🍟魷魚🦑必試雞翼😼外面嘅柚子蜜糖好香🍯而且炸得脆卜卜๑ 𝐅𝐥𝐚𝐭 𝐖𝐡𝐢𝐭𝐞 • $32

一直想試Yell Owl Seafood & Grill，因為它的龍蝦all day breakfast很吸引，今日朋友訂了7:00晚飯，餐廳整體表現很不錯，沒訂枱的更要等枱。晚市有套餐，一共有四款選擇，包紅菜頭雜菜沙律及是日餐湯、甜品或餐飲。而點選晚餐更可upgrade加錢點食物及飲品。我們點了晚餐之一比目魚扒配薯條、加香蒜牛油汁鑽石硯拼藍青口，及芝士墨西哥脆片配牛油果醬酸忌廉，另加大蝦芒果沙律。紅菜頭雜菜沙律清新新鮮，甘筍湯香濃美味，比目魚扒外香脆，juicy好味，扁肥薯條好味道。香蒜牛油汁鑽石蜆及藍青口十分出色，自家醬汁惹味，蜆及青口新鮮美味。芝士墨西哥脆片這小食配面上的芝士牛油果醬及sour cream多重口感，啱晒一邊傾偈一邊食。大蝦芒果沙律清新，煎香的大蝦惹味，芒果酸酸甜甜醒胃。兩杯飲品 Passion of Yell 及 Lemon Squash同樣透心涼，推介！服務態度也值得一讚，不時幫助加水及收碟。

之前聽朋友講the-yell-owl 嘅all day breakfast 好好味😋我就想食咗好耐㗎啦，今日終於有時間去食啦😆😆貓頭鷹All day breakfast 好富豐😍我最鍾意嘅係egg benedict ，真係好少地方嘅all day breakfast 會有egg Benedict😭呢個egg benedict 嘅muffin上面鋪滿左好多煙三文魚，荷蘭醬淋響水煮蛋上面，食落口好fluffy、順滑又唔膩，加埋煙三文魚嘅鹹香，好好味😍😋燒豬肋骨配自家製燒烤汁（下午茶套餐）一送上枱已經聞到好香嘅蒜味，店家將整個蒜頭加埋橄欖油一齊焗，蒜頭好軟滑、好香又唔辣😋而燒豬肋骨外面焦脆，入面好juicy、肉質好嫩，份量好大份！我同朋友食到好飽😋另外可以揀2個配菜，我地揀咗薯角同沙律菜虎蝦牛油果沙律（下午茶套餐）虎蝦好香，肉質好爽口又多膏😋而沙律菜好新鮮，黑醋又好解膩，另外，牛油果生熟程度啱啱好，份量好大方👍🏻我哋叫咗2份下午茶套餐，包1杯飲品。我地叫咗凍檸茶同伯爵茶。咁啱呢個伯爵茶嘅牌子係我好鐘意嘅其中一個牌子😍真係好香～😍

呢日同朋友去咗九龍城high tea. 揀咗呢一間all day breakfast好吸引嘅餐廳😄海鮮全日餐 HK$198北海道松葉蟹腳,黑魚籽炒蛋,鮮蝦多士,牛角包窩夫,扒著茄,香草雜菌,薯餅,沙律,焗豆,牛油粟米呢個早午餐超級豐富，每一樣嘢食都整得好好❤️松葉蟹腳超大隻，而且仲好鮮味。炒蛋好滑，配上鮮甜嘅黑魚子，正🤤鮮蝦多士好脆，而且仲好多蝦⭐️兩個人share 都好夠食😋😋鮮蝦蟹肉蕃茄蛋黃醬漢堡 $108 +$25配芝士瘋薯之後仲叫咗個下午茶餐嘅漢堡係好大隻嘅大蝦，個蛋黃醬同d中蝦都好match🤤另外仲加咗芝士瘋薯，係薯條同蕃薯條兩溝，配埋芝士醬真係好正😋嘢飲加左錢配熱同凍latte各一，意料之外地d啡都幾唔錯wor😄

好耐無介紹好西俾大家啦今次中島去左九龍城食好西個個都食泰菜就偏唔食😤—————————————————————揀左間靚仔西餐廳dιnner ѕeт甘筍薯仔濃湯+紅菜頭沙律紐西蘭肉眼配薯條мedιυм rare嘅肉眼排切開仲見到粉紅色 肉汁滿滿 肉味濃郁而且份量十足 就算男仔食都一定夠墨汁帶子大蝦意大利飯 有驚喜同行友人一致認同呢個好食墨汁香濃唔腥加上少少咸香芝士飯粒煙韌綿密一啖接一啖話咁快就輕鬆KO成碟😛最後仲追加左個香煎石班柳配薯角🙈石班柳表面煎得香脆金黃魚肉滑嫩多汁帶皮部分香脆好滿足嘅一頓晚飯😋😋放棄唔食海鮮拼盤都無令中島後悔👍🏻—————————————————————◪ 香煎石班柳 $158◪ 墨魚汁帶子大蝦意大利飯 $178◪ 燒紐西蘭肉眼配薯條 $238

放工去九龍城買少少東西，順便在附近逛下。行到福佬村道見到呢間The Yell-Owl Seafood and Grill 西餐廳有點特別，價錢又唔算貴，二話不說就入去。餐廳以黑色作為主調，簡潔幽雅，牆壁上的餐牌都是人手繪寫，圖案文字精美。今晚點了兩個set dinner，分別為香煎比目魚扒配薯條 同燒紐西蘭肉眼配薯條，兩個餐都有頭盤紅菜頭雜菜沙律、南瓜忌廉湯。紅菜頭雜菜沙律:這道沙律主要選用了的紅菜頭和羅馬生等雜菜製作的，配上香噴噴的黑醋醬油，味道酸甜清新。這道沙律是一個很好的開胃菜。南瓜忌廉湯:用新鮮南瓜蓉和忌廉混合製作而成的。南瓜忌廉香濃，除此之外湯還灑了少許辛辣的黑胡椒，在寒冷的天氣下，喝這杯湯真是一個溫暖滋補的好最好選擇。香煎比目魚扒配薯條:火侯得宜，比目魚不會煎得好老身，而又可以食到外脆內嫩的質感，配上醒胃的芥末醬汁，清新得來又有點惹味。魚肉份量亦十分豐富足夠。紐西蘭肉眼扒配薯條:紐西蘭肉眼扒五成熟，外表看似燒焦，內裡肉質仍呈鮮紅，以燒烤烹調，鎖緊肉汁，配菜方面有橫切的連衣蒜頭，蒜頭是熟的而這種做法令食客有點尋幽探秘歷險之感，蒜頭香濃，一啖牛肉一粒蒜頭，極致享受。加上蕃茄和薯

The Yell Owl Seafood and Grill地址：九龍城福佬村道5-9號地下C號舖九龍城向來是美食天堂，今天，朋友帶我到一間有質素的西餐廳，我當然要一試。去到餐廳，先叫了$238 set Dinner, 有紅菜頭沙律及餐湯，主菜是紐西蘭肉眼配薯角及西蘭花，甜品是芝士蛋糕。我們再追加香蒜牛油汁藍青口$88這間餐廳的海鮮，果然名不虛傳，藍青口給蜆肉都非常鮮甜。主菜我們選了紐西蘭肉眼扒配薯角及西蘭花，要求五成熟，廚師控制生熟道控制得非常好，肉眼扒大件，非常多汁，亦都很有牛的味道，再配上一大粒蒜頭，非常開胃。芝士蛋糕非常結實，好味，又酒店級的質素。另外，我們有點了豬肋骨，味道非常美味，值得一試。大蝦芒果沙律 $98有兩隻大蝦，非常大隻和鮮甜，很多塊新鮮的芒果，配上沙律菜的頭盤。總括而言，餐廳的食物質素非常高，廚藝精湛，服務質素亦很好，適合和閨蜜或情侶前往享用。