Thyme Coffee Bar (已結業)

與朋友相約長沙灣,隨心經過嘅Cafe,被舒適悠閒嘅氛圍吸引決定一試。由於時間尚早店內不算多人，可與朋友輕鬆交談吃東西。食物選了海蝦蝦乾意大利飯，呢個飯喺烹調時間已有濃濃的蝦味，食落有驚喜，有香濃嘅蝦味亦有海蝦及蝦乾嘅不同口感，意大利飯亦係我喜歡嘅口感！呢個值得推介。另外點選了一個蟹肉泡菜多士。泡菜與蟹肉味道挺配合，蟹肉亦十分足料，多士亦香脆好味。之後再點了炸魚配他他醬，即叫即炸係好味嘅。飲品方便，朋友叫了手沖咖啡，自己詢問了解除咖啡有何飲品推介，咖啡師便特制了一杯特飲，據了解是混了柚子蜜奇異果嘅vodka ，入口清爽冰涼，淡淡的酒味，值得一試。

朋友推介呢間位於長沙灣既cafe，慶幸當天有好天氣，而且野食相當高質。————————————————————————#海蝦&蝦乾意大利飯 💰110因為open kitchen 關係，煮緊野食既時候已經聞到好香！上枱時見到有好多芝士碎喺面，呢個飯食落好香好飯，飯軟硬適中，下次黎一定要再encore 佢！#蟹肉泡菜Toast 💰85 出面好少見cafe有蟹肉，而且份量仲好多！用既係sourdough toast ，烘到好脆。蟹肉同泡菜呢個配搭第一次試，估唔到出奇地夾，食落唔係好辣，唔食得辣既朋友可以試下挑戰！#炸魚配他他醬 💰50 呢度都有好幾款既小食選擇，價錢都好親民，呢個一客有五條，size都幾大，唔係hea你。#法式焦糖燉蛋 💰50 好開心喺cafe都食到呢款既甜品，食落好滑，不過如果唔想咁甜，可以試下叫staff落少啲糖先再燒。#特飲 呢杯野完全唔似酒！勁好飲，因為夠甜易入口！加咗奇異果🥝、柚子蜜、同vodka 。 #咖啡價錢好平，white 先$35 ！可以睇下個靚仔拉咩花俾你😜平時去cafe都好貴價，有時啲野食仲好普通，好難得呢度有間好食又價錢親民既cafe，住附近既街坊可以

長沙灣新開嘅cafe，開業未夠一個月，已經第二次到訪，值得寫一下食評😋先講吓環境，小店位於李鄭屋邨對面嘅轉角位，環境都幾舒服，尤其今日有好天氣，望住條街飲嘢都幾舒服！不過檯面比較細，幾個朋友想share嘢食可以坐 Bar檯會方便啲😌今次同朋友試咗個3ways prawn risotto同魚手指，個Risotto用咗蝦、蝦乾同蝦汁煮成，因為係即煮，未上檯已經聞到好香蝦嘅味，食落材料都好豐富，有蝦嘅爽口同蝦乾嘅咸香，好味！魚手指都係即刻炸，好夠熱，份量亦都幾好！飲品方面，今次試咗有酒精嘅特飲同手沖咖啡特飲係店員特別推薦嘅飲品，未放入menu，有柚子、奇異果同Vodka，飲起上嚟好清新，喜歡酒精嘅朋友可以問吓店員有咩推薦😆今次試咗手沖啡，酸同苦味都好平衡，聽店員講，店舖嘅咖啡豆由本地嘅小店烘焙嘅，鍾意飲嘅現場都有咖啡豆可以買，佢哋嘅blend豆個名仲好得意（唔記得影低🙈），係叫井欄樹同大坳門，好特別，下次可以買返去試吓🤣呢兩次都未有機會試甜品，下次要再嚟試吓！

對於新餐廳通常有少少保留，但完成工作之後實在太肚餓，行經見到佢打開晒落地門窗幾chill咁，就決定試試。點咗熱Mocha同烤南瓜牛油果沙律，因為坐喺對街嘅Bar檯，望住對面就係李鄭屋公園嘅大樹，加埋今日有少少藍天，好舒服。熱Mocha先來，飲咗兩啖先醒起未影相（哈哈）。入口好順滑，朱古力味濃得嚟唔甜，亦冇搶咖啡個味，好驚喜喎！八卦問下咖啡師哥哥，原來佢哋搵咗一間本地小型炒豆廠幫佢哋炒豆，仲可以買豆返去手沖，可惜我唔識……好快沙律都到，份量嚟講CP值算幾高。南瓜微微暖，好夠甜，如果再烤香啲就仲正。臨走見到後面檯有客帶住兩隻鸚鵡嚟，舖頭都好歡迎，然後先見到有個Tiramisu賣相好吸引，可惜趕住下場，下次再嚟試啦！