Tiger Curry & Cafe (已結業)

今日返工前歎返杯Mocha，眼前海景心情立刻開心起來，濃濃嘅Mocha，厚厚嘅泡沫，咖啡豆和朱古力嘅比例岩岩好，甘甘地，奶嘅比例增加左整杯Mocha嘅滑度，好滑，望住海景慢慢歎杯Mocha.人生一大享受

行完街搵個地方坐低飲杯野, 見呢間唔多人又乾淨, 所以就是但入左去.要左杯特濃咖啡, 咖啡味確實好濃, 苦澀中帶回甘, 夠滑溜, 飲完好提神.仲有芝士蛋糕, 芝士味清清地, 唔算太濃, 蛋糕質地唔會雪到實晒, 軟硬適中幾軟熟. 而個餅底亦夠脆口, 整體唔會太甜, 不錯選擇.

又是下雨天，許多食肆早已爆滿。所以今曰快快的在公司樓下解決午餐。今天食的不是招牌咖喱,而是照燒雞扒飯。午餐送的沙律是胡麻味，蔬菜新鮮；而主食照燒鳮有幾件，細細件，肉質算滑唔乾，有淡淡的照焼味，甜甜地，沒有脆皮；米是珍珠米，尚算軟滑，唯醬汁偏少，唔夠送飯。另加錢的cappuccino 十分香醇，入口滑溜，十分不錯！整體感覺ok，但下次再來的話，還是點咖喱好一點。

Lunch @ Tiger Curry & Cafe老虎咖喱跟飯 $35 + 炒滑蛋 $18 + 相撲漢堡 $45 = $98味道微甜帶輕微的酸, 未達到印式咖喱的濃郁和杰度, 卻又比 巴基斯坦咖喱、中式清真咖喱 、一般日式咖喱 更濃和杰, 味道上的層次感豐富, 質地也算滑溜 ~相撲漢堡扒有結實質地又有柔軟肉質, 調味得宜, 不知怎的吃下去就是日式西餐的味道~本篇完 ~

白虎 : 薯仔泡沫, 溫泉蛋, 牛肉, 咖哩烏冬一碗白雪雪既烏冬, 睇落平平無奇, 原來內有亁坤.面層係凍凍地好綿密既泡沫, 原來由薯仔打成.下層係一碗溫泉蛋牛肉咖哩烏冬.食時連同咖哩烏冬搞拌一同食, 個咖哩食食下都幾辣, 但有薯仔泡沫中和一下.所以唔會好辣, 又有咖哩香. 再加埋溫泉蛋既蛋香.起初以為一碗烏冬冇配料只有泡沫. 原來仲有牛肉片. 味道更好豐富, 而且好飽肚. 蕃茄醬熱溶芝士煎雞飯:友人俾左少少我試. 雞肉好嫩好軟熟. 但係雞扒中間位有少少唔熟.個蕃茄醬唔會好酸, 反而好開胃易入口, 配埋熱溶芝士更惹味.飯粒煮得岩岩好, 唔會太淋或太硬身. 份量也很足夠.

細個時唔識煮嘢食，就覺得方便裝日式咖喱簡直係恩物，雖然配料唔多，但咖喱汁又香又惹味，足以令我食多左飯都唔覺，所以對日式咖喱總有種情意結。香港專食日式咖喱的鋪頭唔係少，但質素真係普普通通，Izumi、Coco壹番屋、Bee都唔太合心意，反而已經撤走的Go Go Curry（大家有冇印象）又平又抵食幾唔錯。Tiger curry都開左一段時間，直到而家先湊巧有機會試。佢最出名的白虎（白色咖喱牛肉烏冬）我冇食，因為只係一心想食傳統咖喱。係度食咖喱要遁幾個step點菜：先係選跟飯定意粉還是要唔辣的番茄醬，然後追加辣度，再來另費加芝士、炒蛋等配菜，最後係選配搭的肉類，有牛肉、炸雞、炸蝦，漢堡扒等等。我食嘅係追加2級辣的燒金雞（咖喱飯$35+雞$40），即係煎雞扒。見到偏稀的咖喱汁個心都涼左一截，還好食味不俗，濃香帶辣勁，分量足夠拌飯。斬件雞扒賣相一般，竟然出奇地好食，雞皮煎到好香脆，雞肉唔會淡而無味，淨吃都good。另一個係萬二炆牛肉粒（$35+$40），另加炒滑蛋（$18）。其實即係煮牛肉粒，奈何肉質偏鞋偏韌，要有點牙力先食到。炒蛋就做得唔錯，幾滑溜。值得去指數：

話說行到累餓餓哋，都係時候搵食，自從少左自由行，商場真係變得好冷清。所以都唔使點等位，七點半，周圍睇下，就揀間新野試下啦。呢間 Tiger Curry & Cafe 前身好似係 Dressed Salad，格局差唔多，不過係 Table Service。Menu 選擇唔算多，似 Coco Curry 自選咖喱，加餸加錢，飯底 35-40不過加隻蛋都廿蚊架，所以加加埋埋都差唔多成舊水。我嗌咗佢個夏威夷漢堡餐，菜單上寫係漢堡扒，煎蛋，蕃茄汁牛肉碎飯拼細沙律。朋友仔叫左白虎拉麵，順帶一提，佢比較有特色係拉麵，分別有白虎，綠虎同黑虎。再要多個小食粒粒唐揚鳥。好喇，上檯，白虎係一層好厚既蛋白，有好滿足既感覺，應該加左忌廉，千祈咪睇小呢碗拉麵呀！味道亦濃郁，食一碗都夠飽架喇！夏威夷飯餐，就同想像中有少少出入，細沙律其實係拌碟沙律菜，而蕃茄汁入面亦食唔出有半肉碎，定太碎？漢堡扒煎得比較香口，怕熱氣朋友要小心呀！但個汁味道都香濃可口，算唔錯！不過可借唐揚鳥漏左單，食晒成餐飯全場先得三檯客，有四個員工都無發現漏單，要我哋開口追先炸。好彩炸既時間拿揘得幾好，好脆，好香，雞肉亦算滑，係處理得最好的一道菜。整

天陰陰，唔想行出海港城，又不想吃food court, tiger curry 正合要求。舖面面積雖小，但可選的咖喱配撘算多。友人點白虎咖喱飯，而我則點老虎吼沙律。咖哩香濃，濃香中夾雜複雜的香草味道，而其中的辣味更是有後勁的。香滑入口的在口腔中慢慢滲出辛辣，而且更可隨個人喜好加餸.唯一缺點就是加下加下，個咖哩飯過百。而老虎吼沙律份量相當大，我咁大食都覺得飽！滿滿的生菜十分爽脆新鮮，加烤雞肉配特色醬汁，大滿足！抵讚之處是雞肉嫩而不乾，有汁，不俗。這兒可以是尖沙咀一百元以下午餐的好選擇。

間中小弟也喜歡吃一點日式咖喱的。其甜甜的味道相對起印度或馬來式的出品是來得更溫和，而且最重要的是就連不太能吃辣的小友也能接受，他往往在吃完後就不斷喋喋不休的說他能吃咖喱呢....在本地專門做日式咖喱的店子數量未算太多，第一個印象浮現在腦海中的便是那間叫"Coco"的連鎖店。對於光顧得多的我來說很自然會對之生厭，及至最近發現開了這一間喚作老虎咖喱的，一直都很想試但總是抽不出時間去....一直到這兒最近在於對我來說更就腳的海港城開了分店，於是便的起心肝找了個下午去吃一餐咖喱....咖喱的辣度可以自選，而另外也有蠻多的配料及菜可以加進去。最後決定不用將咖喱提昇其辣度，再加配牛肉粒、炒蛋及醃菜進去，這樣便組成了我的自選咖喱飯了....這裡大部份咖喱飯的配料都起了些蠻有趣，甚至乎是跡近誇張的名稱 : 甚麼的"萬二炆牛肉粒"又或是"神級炒滑蛋"....但無論名字是如何的有噱頭，於我而言最重要的仍是味道，不好吃的話名字再吸引亦沒用....先試一口咖喱汁，其質地有些像現時甚流行的湯咖喱，看起來稀稀的頗"水"。辣度方面比正常日式的偏強，而甜度卻沒那般高，香料味則和普通日本咖喱一樣不重....整體感覺只屬

平時偶然都會試下不同的咖喱，今次這個值得分享！在網上見到連小朋友都試的白虎，所以好奇心下就去試試。看到meun有有不同的食品種類, 果然跟傳統的咖喱店截然不同。終於到了期待的時刻, 白虎的白色泡沫是用薯仔打來, 一試便知，果然和坊間的咖喱店大不同, 很有新鮮感! 聽說他們的咖喱是用了26種不同的香料，難怪味道有不同的層次。👍然而對於喜歡吃芝士的我，也覺得這店的芝士年糕也很好味😋 而友人點了一般的咖喱豬扒飯再加炒蛋, 炒蛋炒得很好, 而豬扒亦不會乾再值得一讚是地方坐得舒服(:絕對物超所值!