Tommy Yummy (翡翠中心)

營業中

休息中

三年冇去Thailand 旅行，返黎之後都係好唔捨得泰菜，見到中環呢間泰菜嘅menu 都幾得意，就沖左入去食。我就嗌左虎蝦海鮮混亂杯麵，賣相相當吸引，好似倒瀉杯足料海鮮杯麵。海鮮有魷魚，青口，大虎蝦，麵以青椒洋蔥炒起，醬汁酸酸辣辣，應該係冬陰公汁，以為冬陰公只係當湯咁飲先好飲，估唔到用黎炒麵咁好食咁開胃。另外都嗌埋香辣紅咖喱軟殼蟹配雪糕筒，紅咖喱入面有菠蘿蕃茄同埋青檸。本身會以為好辣，其實只係少少辣，仲有少少甜香，可能有加左少少椰奶嘅關係。軟殼蟹炸得香脆可口，外脆內軟，蟹肉尚算新鮮。最搞笑係可以將紅咖哩汁倒落雪糕筒度食，又甜又辣，又脆又軟，係一個十分新奇嘅食法。我哋覺得個汁好好味，所以呢最後都加埋薄餅點嚟食，咁嘅配搭都唔錯又夠飽肚。嘢飲方面，我嗌咗泰國奶綠，其實就係就係綠茶加奶。飲落唔算甜膩，有淡淡嘅茉莉花茶香，真係幾好飲。朋友嗌左Baileys 朱古力沙冰，開頭以為係普通嘅cream，原來加左椰奶嘅，真係喜出望外。baileys 味好重同朱古力好夾，覺得甜左少少但都係可接受範圍。鐘意泰菜嘅朋友都可以黎呢到試下，菜式創意同味道都唔錯，擺盤同環境都好靚，只係奶綠粒冰都係葉子形狀，冰入面都

天氣太熱行行下中環諗起附近有間食芒果冰好似好多人都有講就諗住去試下入到去就好有cafe feel不過附咗打卡食物嘅質素都好重要我地叫咗兩樣野先怕陣間食唔落個冰Order咗牛油果八爪魚做頭盤味道酸酸小小辣十分開胃p.s.但個主菜係上先。。。主菜就order咗雞肉炒飯呢個好有鑊氣feel 最後就係主角芒果乳酪疊疊冰(2人份)黎到真心整得好靚上層係真芒果周圍好似鳳梨酥嘅係芒果乳酪冰入面有糯米飯下面就有冰味道好豐富而且夏天食真係好爽🧡🧡🧡

今日下午嚟咗中環呢一邊行街shopping, 行到咁上下朋友就話想食吓泰國菜，咁啱見到呢一間裝修都幾靚嘅餐廳，餐廳位置係威靈頓街，其實都幾容易搵，搭lift上一層就係 餐廳嘅裝修係以簡約cafe形式，亦都有好多唔同嘅植物，令人有一種非常舒服嘅感覺，座位亦都非常寬闊，佢係對住中環街市對面嘅天橋，望住人來人往咁都幾得意比較推薦食物有泰式雞肉炒飯，雞肉比預期中多，亦都食得出佢本身預先調味嘅味道，甜甜地非常好食，再加埋炒飯非常乾身，每一粒都做到鮮明嘅效果，食落非常有鑊氣！配料亦都非常多，有蕃茄仔粟米仔，配搭都做得唔錯，令到成個炒飯更加有唔同的口感 佢嘅份量亦都大大份，絕對對得上佢嘅價錢 另外比較推介嘅有佢嘅紅咖喱軟殼蟹，軟殼蟹炸得非常香脆，配上紅咖喱食非常match! 紅咖喱亦都有好多唔同嘅配料，比較鍾意食佢嘅泰式茄子，咬落去非常香甜，亦都同紅咖喱非常配搭 另外我哋都叫咗兩款小食，香茅雞中翼熱辣辣，咬落亦都幾鍾意香茅嘅調味！豬頸肉配上沙嗲醬，亦都令到成個口感更加昇華 飲品我就叫咗泰式青檸手標茶，夏日咁熱飲呢一杯，簡直非常消暑！亦都非常鍾意佢嘅茶底，味道非常特別出邊冇試過呢一個味道消暑一流！總括

今日放工無聊，聽過呢間餐廳,原來我朋友話想是需要就入咗去入到去開頭嘅時候門口已經好吸引,入到去我就見到侍應好好招呼我哋去一個好舒服嘅梳化位坐低, 我就叫咗以下呢幾樣食物,芒果糯米飯,好味，芒果好新鮮牛油果飲品好特別，味道好清新，

Tommy Yummy泰式雞肉金邊粉💲118金邊粉份量好多 味道正宗 而且雞肉入味 肉質嫩滑 入面亦都有大大隻爽滑新鮮嘅蝦！ 芒果乳酪疊疊冰 💲118呢個疊疊冰令人好驚喜，本身冇諗過咁好食！除咗外型好靚之外，亦都有好多元素！有六嚿方形嘅芒果雪糕、芒果冰、乳酪、、原條芒果做雪條同埋糯米飯喺入面，另外配埋一個芒果碎椰漿～望落好似好細碗，咁但係食完之後好滿足～有姿勢亦都有實際～滿足到打卡慾望亦都滿足到我嘅肚仔😆大家去開中環都可以試吓呢間Tommy Yummy~ 價錢都唔算貴！而且都好好味😋環境亦都好舒服，唔會好迫同好光猛～

🥰夏天梗係要食刨冰😋呢間裝修得好靚嘅泰式Cafe 最出名就係佢哋嘅芒果乳酪疊疊冰($118)分量足夠2-3人吃，幾塊芒果冰磚，再加上包裹住糯米飯嘅綿綿冰，食落真係透心涼😆仲可以加上自己喜歡份量的椰汁，整個冰的味道很和諧，頂端放着一根小芒果。主食可以試吓香茅豬扒冬陰功泡飯，冬陰功唔算好辣，酸度適中，加埋香茅豬扒好夾呀～另外仲食咗佢哋嘅船麵，面底用上米粉，吃起來有一點掛湯，湯底比起一般外面的船麵更清新，吃完不會有口渴的感覺。午餐來吃的話，可以用優惠價加購小食，香茅雞翼和蝦餅每樣叫了一舊，這個價錢真的很抵食。

以斑斕綠色為主題的搞怪泰國菜，位於中環，窗外便是中環至半山的扶手電梯景色，難得可以在鬧市享受短暫的輕鬆時光；我們總共點了4款菜式+2杯飲品，人均 $290  ᐅ 虎蝦海鮮混亂杯麵 $128 餐廳招牌打卡菜式混亂杯麵，以冬蔭功味的炒麵為主角，配上多種海鮮，包括魷魚、青口、虎蝦等，濃厚的酸辣風味令人欲罷不能；而且還以「倒瀉」的造型擺盤，已經忍不住拿出電話馬上拍照🤣 我們留意到杯麵盒的品牌和餐廳一樣是 ‘Tommy Yummy’ (可能是自家製的杯麵吧)，炒麵的份量應該有兩個，兩個人吃絕對不會少～ ᐅ 芒果乳酪疊疊冰 $118 必點甜品！底部鋪滿芒果綿綿冰，夾著煙韌軟糯的糯米飯，再鋪上冰磚；冰磚由乳酪、芒果汁及芒果果肉製成，每一口都是濃郁的芒果味，絲毫不誇張；最頂還有新鮮的小芒果，味道十分香甜，某人說像吃榴蓮😆由今天開始已經愛上了綿綿冰的口感！ ᐅ 酸豬肉豆角炒飯 $98 酸豬肉據說是泰國北部最受歡迎的美食之一，經過發酵過後呈粉紅色，翻炒後口感有少許酸味；另外還有一條酸豬肉串，乳酸味更重，推薦大家一口酸豬肉串加上炒飯一起吃，因為燒豬肉串的存在感實在太高了~ ᐅ 任你泰串(3串) $82 我們

今日返工想好食濃味野，放工行行下見到呢間係街角既泰國樓上cafe就入左去試。一出𨋢，都要等一陣位嫁。↘椰香青咖喱雞配薄餅 $98青咖哩好有椰香，唔辣，香香甜甜同薄餅絕配。↘椰子雞湯 $88好多材料，無唔健康同重味精既感覺。↘打拋豬肉碎剪蛋飯 $98我見周圍都無乜人嗌呢個，但真心覺得呢個餅係咁多樣之中最好食既一個，豬肉碎調味好香又夠辣，就算覺得有啲辣，都會一啖接一啖咁食，停唔到口，仲配幾片蝦片，一定要試下！↘芒果乳酪疊疊冰 $118食返食評，好多人食呢間餐廳原來係為左疊疊冰。首先，當然係用黎打卡啦！賣相真係好靚，黎到影完相都唔捨得食。有原原粒芒果冰條，上層芒果磚下層雪花冰，對得住個價錢。

想去好耐的泰菜，之前成日見到親故們D打卡相，見到都覺得正🤤 呢晚同美女farewell 一於一齊試好嘢😍 知道依家都仲係勁多人去，所以一早Openrice 訂咗位🤠 咁就唔怕無位啦好開心留咗張露台位俾我哋，可以影下相望街景chill下🤡虎蝦海鮮混亂杯麵打卡必備！唔好以為杯麵就好普通咁，D海鮮新鮮彈牙又爽口😋😋 再加上辣辣地，好惹味🤩椰香青咖喱雞配薄餅唔係食得好辣，所以揀咗青咖喱。濃濃的椰香，少少辣，好惹味🤤 薄餅牛油好香，沾上青咖喱一齊食，無得彈👍🏻串燒拼盤六串六款唔同，燒得剛好，保持了水份，肉質嫩～牛油果沙律配燒八爪魚 牛油果沙冰竟然賣晒，為咗一解牛油果之苦，所以叫咗呢個沙律😁 八爪魚大大件，爽口彈牙泰式豬頸肉炒河樣子普通但好好食！！個河粉係透明的，好滑好Q彈😋芒果乳酪疊疊冰🥭必點招牌菜！鮮芒果仔，加D芒果肉冰。個底係糯米飯，清香唔太甜，加上椰漿perfect 飲品全部睇得又飲得，希望下次嚟有得飲牛油果沙冰🎐🎐開心果鮮奶咖啡☕️椰香菠蘿飄雪 🥥🍍鮮芒椰漿柚子露🥭🥥

🌟🌟泰式牛肉丸串是我個人非常喜歡的一道菜。這道菜的牛肉丸非常有彈性，口感十分嫩滑，而且配上泰式沙嗲醬汁，味道更加美味。串燒是一道非常受歡迎的小吃，而且這家餐廳的串燒做得非常好。豬頸肉、沙嗲雞肉和沙嗲牛肉都烤得十分入味，而且口感也非常好，好juicy，非常適合和朋友一起分享。🌟🌟雞肉乾炒寬河粉也是一道非常不錯的選擇。河粉炒得十分入味，而且雞肉的口感也非常好，不會太乾或太油膩。🌟🌟椰香菠蘿飄雪是一道非常清爽的甜點，非常適合在午餐後享用。這道甜點的椰香味道非常濃郁，而且菠蘿的酸甜口感也非常好。香芒熱情果手標茶梳打是一款非常特別的飲品，口感清新，而且茶味和水果味道的搭配非常協調，非常適合夏天飲用。餐廳內播放輕快的歌曲，Same Page - Tilly BirdsTuk Krub - Lipta非常之有泰國風情👍🏼👍🏼👍🏼

Happy Friday，放工約左友人食飯Relax，之前想去Tommy Yummy，新派泰國餐廳，主打的疊疊冰及混亂杯麵相當吸引加上又就腳即去試下，Friday多人Book定位好點，大家唔洗OT Book左7:00。餐廳面積頗大，裝潢以草綠及白等大地色系列為主調，綠色植物的佈置及藤椅，有著清新之感。電子落單，方便。牛油果沙冰，$55，半個牛油果作點綴，配上弧形玻璃杯，感覺醒神，沙冰口感軟滑，香牛油果味，清涼清新。泰式咖啡(熱)，$40，友人的。虎蝦海鮮混亂杯麵，$128。賣相玩味十足，似倒瀉杯麵，份量偏少，海鮮有蝦、青口及魷魚等，杯麵味道香辣，味道不俗。沙嗲牛肉串(2串)，$62。串燒惹味，正常水準。芒果乳酪疊疊冰(2人份)，$118。主打之一，芒果飽滿香甜多汁，外層的芒果磚內有果肉，入口爽甜果香味濃，疊疊冰口感綿滑又清甜，內有軟糯的糯米飯增添咬口，配上椰漿更美味。食物水準正常，甜品味道不俗，環境及食物賣相幾好，打卡之選。

難得朋友仔黎左中環，就一起去嘆下好西。呢間餐廳每次lunch都勁多人，我得一個鐘食飯時間一定唔夠時間排隊等位，好在我今次早左一星期訂位咋。今次叫左豬頸肉炒河，碟豆花凍咖啡。d炒河好有趣，係一大片，不是一條條幼河粉，味濃不過好味，碟豆花咖啡太多奶了，好似飲緊奶茶，味道一般，不推介。

中環Tommy yummy 踏入餐廳感受到泰國feel 。芒果乳酪疊疊冰 其實想食呢個疊疊冰好耐，今日嚟開中環梗係要嚟食啦！夏天咁熱食呢個冰真係可以降溫疊疊冰食落好香濃既芒果味乳酪又真係幾好食😋泰式雞肉金邊粉好多雞肉，食落仲好鮮嫩同好有雞味，再配埋啲花生粒同芽菜絲又幾惹味。清邁咖哩雞肉金麵嘩成隻雞比上真係爽皮，雞比咬落啖啖肉配埋個清邁咖哩又幾夾。金麵食落有啲煙韌正呀。清爽椰子水飲落有透心涼既感覺玫瑰洋甘菊花茶可以慢慢嘆吓

Tommy Yummy 中環比佢嘅芒果冰吸引 專程過海試吓芒果乳酪疊疊冰$118芒果冰超級出色，賣相就非常吸引，打卡一流！面頭係雪凍左嘅原個芒果！冰打得都算細滑，芒果味好濃，搭配芒果冰磚同內層嘅糯米飯 口感非常豐富😍😍必食！！Tea set：泰式雞肉金邊粉$88 連飲品呢個完全唔係tea嘅份量，同散嗌冇分別，雞肉同金邊粉都好多，我哋兩個人share都食唔晒🤣椰子南薑雞湯$88湯一上台就好香，呈現奶白色嘅狀態，口感好順滑，除咗椰子雞湯本身有嘅味道自愛，呢個仲有少少酸酸地，有啲似冬陰功嘅味道，另外湯入面嘅料都好多雞肉好大嚿好滑好多。可以分到四碗，好飲到我哋每人飲咗兩碗🤣Tea set：豬頸肉沙嗲串$58 連飲品有2大串豬頸肉，一入口好有驚喜，豬頸肉出奇地好腍，腍得來又保留到豬頸肉爽彈嘅口感，加埋濃郁嘅沙嗲醬，超好味！！推薦大家一定要試吓😋😋甲拋葉豬肉煎餅$52豬肉餡好多好厚，有少少辣，好惹味，外層嘅煎餅好酥脆😋😋有少少台式嘅感覺🤣🤣不過可能豬肉比較敚，調味比較重，整體略顯有🤏鹹

好失望嘅冬蔭功湯粉， 上菜個刻 我真係呆咗， 以為自己叫錯嘢食。 再睇多次張相， 心諗， 隻蝦有冇差咁遠呀。menu 張相係隻大蝦，我得到嘅卻係隻蝦仔， 唔比一隻都考慮下比半隻吧....... 或者下次唔該喺張相度寫返 「圖片只供參考」。 至於個湯底， 好清淡 ，有色無味， 講到尾，千祈唔好叫呢碗面 其實一開始坐低，張檯都已經抹唔乾淨， 仲有啲餸喺上面， 叫咗侍應嚟抹，都有講兩句唔好意思，都算數。 跟住水都無杯， 搞笑係，佢哋吧檯係斟好晒 10-20杯水 ， 放晒係tray，塔起晒，似係裝飾多過攞嚟比客人飲🙈。 整體感覺 認真麻麻， 雖然我叫個樣嘢食，唔係咩「推介」，「招牌」，但係都唔好咁樣用張相呃人😣🥺