Toppings (已結業)

幾乎隔個星期就幫襯一次. 次次都食熱狗...有次試埋佢地個burger,原來都好得喎.塊扒好厚,有肉味(係久違了的肉味),厚厚的好juicy.不過講到burger要我自己落醬加料,有點論盡... 始終唔同熱狗,可以起勢攝晒所有料入去.縱觀炮台山這區的burger最愛,我會投toppings.仲有一點意見,下次買多兩至三個set的話.最好有個手抽袋我呀...

在宏安道的 Henry's Kitchen 吃過 lunch, 見 toppings 就在附近而且不是太飽便把握機會再戰下場. 第一次吃這裡的 hotdog, 所以選了最 basic 的 frankfurter. 腸的質地不錯, 但沒有煎得很香. 反而配料成了整隻熱狗的靈魂. 任加的配料有菠蘿青瓜片酸瓜蕃茄 etc. 我就隨意加了一堆再加茄汁和芥辣. 所有配料和著一起吃真的是大滿足! 特別是菠蘿! 原來菠蘿配熱狗係好好食!$27 一隻 frankfurter 不算便宜. 但配料可以任加又真的是相當過癮.

星期日要去西灣河拎野俾阿姨...咁岩過開香港灣, 又咁岩入唔丁到線上東廊貓爸就決定係北角食野...其實都唔知食咩好...因為貓爸係北角返工, 就提議去食toppings buger順道係隔離油站入埋油...之前貓爸都會久唔久買外賣返黎俾我食既個間toppings buger不過搬左店舖後就好少食喇!!佢d包既size都拍得住buger king價錢都拍得住!!好味程度都唔會輸俾d大型buger house架!!我叫左個墨魚扒包, 貓爸就叫左cheese buger餐 +$6配左個肉醬薯條全部野都即叫即整...好新鮮, 不過都等左好耐...埋單都成八十幾...佢地好在即叫即整, 食落仲係熱辣辣架!!配菜同醬都可以隨自己鍾意落幾多都得~有新鮮既蔬菜、mushroom、菠蘿、粟米....等等...醬就有蕃茄醬、芥辣、地地、沙律醬...等...都好多選擇...一次落晒都得!!第一次食個墨魚扒包煎得有d過火, 有一邊黑左一大部分不過食落好有墨魚味...似打邊爐食個d墨魚交咁!!好香好好味...個cheese buger都好好食好有牛肉味!!唔似某大型連鎖店咁...又貴又唔好食 (以份量計真係貴)

未試過係咁美式o既小餐廳食熱狗, 感覺好特別!呢到d熱狗特點係可以自己選配料同醬料, 有大約十種俾任您挑選, 只需要選好腸的肉味就可以, 但因為我今次第一次同貪心得擠, 落咗口多唔同醬料, 攪到怪怪的, 提醒大家下次去選兩三隻好lu.除咗熱狗, 呢度仲有各種burger同小食, 仲有電視睇添, 雖然價錢不並不便宜, 但我覺得好過成日去老麥.

好隱蔽既小鋪…以前每日都行過，不過都只係試過一次~叫左一個芝士肉醬薯條加sour cream ($28)，因為即叫即炸，加上前面有兩個客人點左burger，所以都等左二十分鐘先有得食~用一隻船形既盒裝住，都幾大盒架~ 拎上手好熱好辣手，大量芝士溶左係薯條上面，加埋肉醬唔太鹹，好好味~~ 薯條雖然唔係新鮮薯仔切出黎既，係急凍貨，不過我鍾意食波浪形既薯條，同埋勝在新鮮炸起夠脆夠熱~雖然今日唔可以試呢度出名既熱狗，不過我想再返黎試~

由於呢度係半自助形式，只要你點左一個熱狗之後，你就可以去到收銀台旁既自助調味區，裏面有數十款既配料任君選擇。只要細心留意一下旁既人，就可以知道佢貪心與否，因為果度啲配料任攞，通常啲人都係加到成座山咁高，但最後都係食唔到，因為會跌哂落枱面或者地下，所以喺果度坐返半個鐘就可以觀察人生百態。講返食物質素先，其實做熱狗既都好難唔好味，本來都覺得佢好抵，但係因為搵到第二間更加好味同抵食既餐廳，變相覺得其實都唔係好抵，而且仲有啲貴，一隻普通熱狗要成近40元一隻，雖然話配料任攞，但係佢地啲配料又唔夠特別，又唔算咩貴野，又唔係新鮮，所以間唔中去食下都可以。碟著條就好似細碟左啲，加上又唔夠粗，炸完之後成條柴咁，上面既芝士都好多，不過最好就俾我地之前撈下佢，唔好成舊野咁撻上去，咪食食下凍左就好難整開啲著條黎食。其實著條好難唔好食，而且佢地啲著條都係普通行貨，周街都有得賣，所以無咩特別。

先前係AIA上堂, 朋友介紹過, 以前個舖住好細 但係調味吧有芝士碎而家搬過左幾個舖位 地方大左 有好多位坐 不過無左芝士碎但係佢件漢堡仲係好正, 個包外脆肉軟 依然任你加料不過以前好MOOD D, 而家似間PUB

從未搬大舖的時候已經光顧過, 已經是三四年前的事了吧哈哈...一開始就是看到雜誌介紹toppings的熱狗可以自選材料才去光顧的但搬了大舖還同樣挾窄, 太多人了, 特別是週末, 很多家庭都會去... 而且高凳真的不太好坐這次叫了chicken mushroom hotdog, 香腸跟麵包都很長, 總會有種吃也吃不完的感覺, 哈哈自己隨意加點配料, 通常我會加一大堆一大堆的粟米, 煙肉粒, 磨菇, pickles, 對, 應該就這些了! 然後再加茄汁和芥辣試了toppings的熱狗就會看不起其他的狗狗了這次去也點了薯條, 但我較喜歡之前的波浪紋薯條呢... 無論如何也比老麥的好吃但稍遜色於burger kingDeluxe combo 可以減4元, 即熱狗/漢堡飽加小食加飲品, 但我一向不太好飲品所以薯條加熱狗已夠了, 如果連飲品也挺划算的!

貪心的人有福了, 我只叫了一個$27的熱狗, 已經飽得半死了.一開始只有即烘的麵包及烤腸, 然後可以隨個人喜好加上配料-粟米, 蕃茄, 酸瓜, 生菜絲, 蘑菇, 菠蘿, 煙肉粒, 紫椰菜絲, 洋蔥粒; 醬料也是任加- 芥末, 茄汁, 他他汁, 沙律醬.我真係太貪心la, 除了惹我討厭的洋蔥外, 全部嘢都大加特加, 完全食唔出熱狗的真味, 我唔講你都唔知我食熱狗la, 因為條蘑菇雞肉腸已經沉沒係餡料之中. 麵包係好鬆軟同甜甜地ga, 腸都好味但淪為配角, 下次真係要減少d餡籵先得. 同埋見佢有好多吸引的薯條, e.g. 芝士, 辣肉醬, 洋蔥圈, 薯角.......真係食得好滿足ar!!!!!!!!!!!!

新舖就響以舊舖同一條街。去親呢度食都好開心、成個熱狗有得DIY、想加咩就加咩~講味道係普通、但真係會食得好過癮！而且o的 staff 都好有禮貌~新舖有少少不滿係個環境太黑，好似唔係咁好feel咁。o的不鏽鋼椅都唔係太好座...上次食緊果陣好似聽到佢地傾裝修，希望可以裝得好o的~

星期日三點倒去食熱狗，皆因此店招牌也！以前好想去試，不過舊店很細，老公不喜歡，所以現在見它搬到有位坐的鋪一定要試試。環境及裝修簡潔，不過我覺得有點黑。進入後要先 order 然後等叫 no.我要了 Frankfurt 腸熱狗，餐牌上另有很多款其他腸，下次可以試試。老公要了 Double patty hamburger + cheese，另點了 french fries 及 onion rings，加两罐汽水，$108 價錢算OK la。Order 完即時聽到廚房滋滋聲，嘩真係即叫即做，好期待！拿食物時才看到可以自己加 toppings，有點忙亂不知道加什麼好呢？！（吃了半個 hamburger 才想起原來也可以加 toppings 的，我想這點餐廳應該加些說明或侍應提點吓比較好。）熱狗拿起覺得個包很夠大，足夠 hold 到條腸及 toppings，這樣才是熱狗的正確食法！個包外脆內軟及很香，frankfurt 腸好味不過咸，加上我自己下的 toppings，真正很滿足的感覺。那邊廂老公吃的 hamburger 也很香，個包也夠大及很香外脆內軟，加上 cheese 是 mozarella

呢間野以前係前幾間,好細間既,而家係後少少,大間左 一個hotdog+ $12就有餐 .. 最得意係自己加料 .. 全部都係自助so +到都唔似熱狗咁滯 雖然$40一個lunch好似好貴咁 .. 但係真係好好味 .. 叫左個洋蔥圈 .. 不過麻麻好味個hotdog 真係幾大個 .. 如果細食既女仔 .. 2個人食一個餐都夠 ..

昨晚上完堂後一心一意就要去炮台山試果間toppings...不過原來此店都幾勁明明幾個月前仲見佢舖頭細細又無坐位,昨晚去到佢已經搬左幾間舖又大間又有坐位...有時食店就係咁好食自然店舖都會廣闊吸引來d客人來..係香港做食既真係唔錯(如果整野食係好味既話)此店有多款不同款式既hotdog腸,仲來除左hotdog仲有burger買既.最後我就選左法蘭克福腸hotdog啦再加薯條...即叫即整所以都要等一段時間先有.事因我叫外賣,所以佢地個hotdog整完都叫我自己加配料後先同你打包.其實配料都有幾多選擇,當中更係有我至愛酸瓜啦..仲有菠蘿,粟米,洋蔥等等..味道方面我都覺得唔錯喎..個包又烘到脆卜卜d腸都ok啦..不過配料咁多d腸點好味都唔知咩味(不過我就係喜歡食配菜既人一定咩都落好多醬汁..怪人一名)不得不講係佢既薯條啦..我覺得真係好正又平喎..只係加多$8就有一杯仔新鮮炸起既薯條..大家有機會都去試下啦.