Trois Cafe

營業中

休息中

返工之前順路去買返份是日靚早餐，放完一個long weekend 真係唔係幾願返工 踢走Blue monday 要有d儀式感 就係為自己準備一個豐盛嘅早餐見到三文治 既款式都幾多 今日我就揀左花生果醬三文治 加多個蘋果汁 真係有啲糾結想飲咖啡 但呢排腸胃麻麻 下次再試啦 🙂🙃三文治茶滿左果jam 其中有兩邊個mix 左花生醬 花生醬咪幾突出 同果jam 都夾 除左甜味 多左個層次 蘋果汁清新同好正路 唔會好甜 城市人返工同生活咁忙碌 有時都係要靠啲果汁黎攝取下營養 糖份都好啊😝😝😝 食飽飽之後 又有滿滿既energy 開工喇🤣🤣😁

上次同同事去左公司樓下間Trois cafe食lunch~中意佢又方便又坐得好舒服啊😊我地叫左一個飯一個意粉試下～🤩台式滷肉便當 $55，之前仲以為滷肉飯好肥，其實一啲都唔會因為佢已經滷到好入味，入口會即溶拎黎送飯係一流啊！🤩意大利肉丸配肉醬扁意粉$82，個意粉份量其實都幾大～上面鋪左好多芝士岩晒我口味啊！另外佢係配肉丸食落啖啖肉，不過岩岩好，就無乜肉汁個種。如果方便就就腳，呢個cafe絕對係不二之選😊 而且便當口味選擇都有成幾款，咖啡都好香😙

今日飯腳射左波就近近地行左去畢打街個邊食飯，呢間Trois cafe裝修都幾舒服，今次坐近門口，睇到甜品櫃同埋咖啡師係度沖咖啡！仲聞到陣陣咖啡香味Tim~今次叫左咖喱野菜玉子燒 $68野菜個份量都幾多，有三色椒同脆玉瓜都係好岩我口味，另外會有新鮮沙律同一個熟蛋，食一食素對身體都健康好多，而且咖哩一啲都唔重口味，辣度係少少辣一般人都接受到個隻我仲叫左杯Single origin chocolate🤤 飲落去係勁絲滑，濃濃既朱古力香而且朱古力濃度嘅係高，唔會太甜，超中意😙

呢個日天氣好熱又唔想行咁遠去買飯，就去左附近Trois cafe度食個lunch~ 佢係中環中建大廈一樓,親民價錢cafe享受⭐️咖喱野菜玉子燒 $68啲咖哩好香濃又唔係好辣個啲～唔食得辣既朋友可以一試！咖哩煮左我最愛既脆玉瓜入晒味👏🏼👏🏼而且個便當係有飯素架！加埋啲玉子，好似係日本食緊便當咁😙 啲玉子有兩舊，都好嫩滑一啲乂都唔老🤣環境：❤️❤️❤️❤️❤️食物：❤️❤️❤️❤️性價比：❤️❤️❤️❤️❤️如果上班一族食茶餐廳食到悶悶地，應該要過黎試下便當💕

之前同事帶我去食lunch食過一次😸今日我b豬話黎中環幫我食飯，我就帶左佢黎Trois cafe試下啲lunch我bb 無飯不歡，平時就一般般去cafe😌我同佢講有便當食，佢即刻心心眼！花膠炆雞便當 $68🤭 花膠食落爽口彈牙又唔有任何腥味，仲有埋大大隻冬菇😋真係好抵食，如果配菜配番熱菜就夾啲囉～依家啲沙律都好新鮮既我自己就叫左手作德國滑蛋腸拖鞋包 $55，個包仲大過我隻手掌啊，食晒都幾飽💁🏻‍♀️ 入面個滑蛋整得好香好滑，依啲腸仲有少少肉汁 ～好好味💜呢個啲野食好抵啊～又坐得好闊落好舒服，食完飯個心情都好好😊

星期五下晝holiday mode🤭經理帶左我落樓下食下午茶😌Trois cafe係中建大廈1樓，個裝修都幾靚架，行少女感覺啲梳化都用淡粉紅色～好靚啊！入去就會見到雪櫃同甜品櫃，當中最吸引我既係當然係甜品啦，🍪呢度有曲奇櫃，有唔同軟曲奇簡番🤣不過最近keep緊fit 就簡左個健康之選～原味燕麥杯💕我最中意食士多啤梨架啦，最面有三粒大大粒係面，燕麥食落係少少脆口又唔會過甜😋岩晒我經理就叫個芒果果麥布丁杯，佢係最底芒果蓉，中間就係yogurt加左燕麥，最上面就有粒粒芒果肉，經理話食落好清新，啲芒果又唔酸，幾好食～等我下次都試下呢個先打工仔可以忙裡偷閒，落去叉叉電食個輕下午茶，呢啲啲甜品係一個幾好幾選擇🤣

星期三老公係中環見完客就接左我去公司附近cafe食個輕型餐～位置係畢打街中建大廈個度行去唔洗3分鐘😙鋪頭幾幾多咖啡豆選擇，我地一人叫左一杯，飲落啲咖啡都幾香💜牛油果三文魚酸種吐司 $85啲牛油果同三文魚都好有心思咁卷左花花，兩個食材配搭得好夾，食落去好細滑～加埋少少黑椒調味，已經好好食💜手作德國滑蛋腸拖鞋包 $55拖鞋包係較煙韌既，配埋嫩滑既滑蛋口感上多層次，入面既腸都幾香肉味，不過就唔會太多汁💜蕃茄濃湯配澳洲牛奶炒滑蛋湯通粉 $35個湯好濃啊～加埋砌左蕃茄粒粒擺入湯度～呢個滑蛋用左澳洲奶，食落仲滑 想試下啲cafe輕型餐，不妨過黎試下價錢親民環境好舒服，唔洗同人迫👏🏼

上次同事帶左我上cafe食便當🤣，無睇錯啊，呢間充滿少女感既cafe，lunch menu有提供唔同便當，有肉有素全部都係一百蚊樓下，岩晒忙碌番工一族啊☺️今次我試左台式滷肉便當 $55🍽，啲豬肉肥瘦適中而且滷得好入味，滷到啲膏都入口即化，唔會油膩😙 呢度好好會比啲新鮮沙律菜，咁記唔怕出街食無食菜，飲食均衡番晒🤣我同事叫左咖喱野菜玉子燒 $68🍽，我都拎左黎試，啲咖哩好香又唔會太辣，煮到啲疏果岩岩好，唔會過淋💓 玉子有兩大條，咬落去入面好嫩一啲都唔會老👏🏼我叫左支橙汁都好新鮮，少少酸睇黎係鮮榨橙汁😙無落糖，我同事杯咖啡好香，下次我都試下～

之後已經食過幾次Trois cafe中意佢夠方便就腳☺️ 入門口裝修得好靚，又有啲盧葦裝飾比大家影下相打下卡，入到去會見到啲自助雪櫃比大家簡番啲果汁等等我自己都簡番支蘋果汁🍎因為呢度啲果汁都無加水甜味黎自生果本身好清甜，唔落糖夠晒健康～💁🏻‍♀️🥭芒果果麥布丁杯用咗新鮮芒果肉打成蓉，加埋燕麥同yogurt,on top仲有粒粒芒果，好岩女仔忍唔到口食甜品，又唔會好重負擔🍽香煎挪威三文魚配黑椒炒雜菌便當，佢煎得三文魚表面好乾身唔會油淋淋，加左炒過既菇菇，增加唔同口感，而且配搭埋一個雞蛋同新鮮沙律菜，成個便當都好好味💕

之前同事每日拎杯咖啡番工幾香，佢話係公司附近中建大廈一樓買，原來叫Trois~Cafe都有幾種咖啡豆☕️比你選擇，都可以叫店員介紹🤭 同事介紹呢度啲野食唔錯～琴晚有啲懶無煮飯，我就落去試下lunch~我叫左香煎挪威三文魚配黑椒炒雜菌🐟，呢個便當都幾日式仲有飯素配飯💕 個三文魚有兩大舊，兩邊煎到金黃香脆，咬落又食到三文魚好嫩，啖啖肉配埋啲雜菌😋 個便當仲有個小沙律同埋半熟蛋，完全照顧到打工仔既飲食均衡😌如果想試下便當風味嘆杯咖啡，呢度真係幾方便，餐廳環境又好舒服有梳化位，可以輕鬆享受一個午餐👏🏼

Toris cafe係畢打街中建大廈個邊～入門口已經幾靚，成間cafe係用粉紅色裝修，再配合埋啲金色坐係度自拍張度幾好睇☺️呢度啲咖啡都幾香，不過下次黎試下💓因為都幾肚餓，我叫左蕃茄濃湯配澳洲牛奶炒滑蛋湯通粉🥚🍅$35蚊，估唔到裝修咁靚，價錢好親民啊！蕃茄湯飲落係好濃，會食到粒粒蕃茄好足料，個炒滑蛋🥚食落好嫩滑再用番黑椒調味😙 我自己今次試下佢地啲新鮮果汁先，飲得出無落糖，岩晒我地呢啲注重健康既女仔😝因為都幾近公司，下次要過黎試埋呢lunch 便當同咖啡

一場黎到，天氣熱又想食啲凍冰冰野，就打算食個三文治簡簡單單。🥵☀️到落order嗰時，店員推介咗蕃茄濃湯配澳洲牛奶炒滑蛋通粉$35，又幾暖胃，蕃茄濃湯唔油，用鮮茄煲煲到溶晒，唔係快餐貨色。加埋滑蛋好順滑，一啖一啖好快就KO 晒成碗啦😬😋😋煙三文魚配蛋沙律三文治$35，見佢都有好多款三文治選擇，三文治🥪入面嘅料非常充足，煙三文魚有兩大片，配搭蛋沙律非常夾，本小姐超鍾意食沙律醬。😁👍🏻總結黎講，環境好舒適，食物選擇多，係附近番工嘅，可以得閒黎試下！😋

之前托同事買飯俾我，佢唔講真係唔知呢度有飯食！好好食喎！今次再去現場食熱辣辣嘅便當！同事叫咗個肉丸肉醬意粉，佢話佢嗰個先似係咖啡店食到嘅食物😂意粉份量都可以，如果有得自己揀跟配兩隔沙律就好啦！☺️幾好有個輕盈沙律，即刻變咗健康餐！😜🙌🏻而我就揀咗食花膠炆雞便當，嗰次外賣凍晒，係微波爐再番熱先食都好味，今次整好即食，啲花膠口感正好多，軟身又入味，冬菇又厚身，超級好送飯！😆😋仲要食多杯yogurt bowl 做甜品，啲士多啤梨超甜，下次再嚟！🍓😽

一個人行黎行去都無乜頭緒想食乜，見到時間一分一秒咁過去，係外面見到咁多靚女OL都食，應該無伏，入去試下。⏱🍴🏃🏻‍♀️💨落完單，好快就上野食，真係好啦！肉丸肉醬意粉 🍝，一向都鍾意食蕃茄味食物，意粉軟硬適中，份量唔錯，食得到用鮮茄去煮，肉丸都索晒茄汁，好味道！😆仲有蕃茄仔沙律，粒車厘茄超多汁啊！😁仲有支鮮金奇異果汁，好正，有果肉，飲落甜甜地，增加維他命啊，感覺自己好健康！😆🤣而個芒果果麥布丁杯，芒果好香甜，底係芒果布甸，芒果雙重奏啊！🥭🥭🥭可以推薦同事都黎食！！😋

咁啱有張優惠卷，就去食下新鋪頭。其實經過好多次，不過多數黎買早餐同老闆杯咖啡。😉😉估唔到入面都坐得好舒服，原來lunch time係有便當，我就揀咗花膠炆雞便當，有幾件花膠，冬菇同雞粒喎，花膠炆得好淋好入味，漿住個口，唔會太鹹，又食到菇菇香味，仲要無骨，唔使食到好呢Hea！啱晒優雅的me!😌😌同事食嗰個係咖哩野菜玉子燒便當，同事話個咖哩係偏向日式咖哩唔辣得黎仲有蘿蔔甜味，好食😋不過如果你係食素的話，記得叫店員走飯素啦，應該有肉鬆成份，呢個要問清楚呢！用埋優惠卷，買埋鮮芒果汁同鮮橙汁，以中環食嘢黎講，都唔使$150，超值啊！！🥭🍊😌👍🏻