UCC Coffee Shop (已結業)

我諗ucc最出名咖啡之外，第2樣一定係自助沙律吧，雖然沙律吧都係罐頭水果多，但總係要加錢黎玩1次，睇下可以疊幾多層2個人叫左2個main course,之後1個轉set...包1個湯，1個飲品，同1次自助沙律吧，最愛食薯蓉，一共“不”左6球，2個人share都好飽雞肉焗飯+墨魚汁海鮮risotto, 2個味道都唔差，但2個都好易飽，餐湯就係羅宋湯，其實都幾淡口，可能日式西餐比較淡口UCC真係只為沙律吧偶爾黎食1次

2018年2月17日晚上八時開始輪候入座，侍應話有位稍等，等了大約15分鐘入座後開始點菜並明白沙律吧，因為已經收沒有了，我們各人開始揀自己的餐，點餐後五分鐘，侍應在表示晚餐用膳時間已過，所以餐湯及餐飲不會都沒有，並表示我們入座應該已經說明了，而之前只有我們是否要沙律吧而以，我們明白沒有沙律吧亦沒有所謂，沒有想過餐飲及餐湯也沒有，天啊這是什麼服務啊，我們一行八人十分氣憤，決定離開😡😡😡😡😡😡😡😡

難得外子放假，便相約一起去吃午餐。奧海城比較近辨公室，於是便看看有什麼地方。當時已經是1:15，看到只有UCC 仍有位置，加上之前去過其他分店，便信心滿滿的入內進餐。午餐算是多選擇，各自點好餐後就耐心等待。我點的主菜，味道不錯，份量也算是足夠。但是，外子點的郤不知道什麼原因，差不多半小時才終於送到。真的等得太久了。賣相一般，肉質及味道據説只屬尚可，可能因為等待時間太久吧！興致也沒有了，只能匆匆吃後離開。或許，下次只會來吃過不趕時間的下午茶吧！

UCC 最吸引我係佢嫁沙律吧 去奧海城睇小丸子嫁關係 就選擇到UCC 晚餐 UCC 係日式西餐廳 菜單上都有印上日文 甜品亦都好日式 有大量芭菲 窩夫 本小姐同食家都唔係嚐甜嫁人都係主食對我偶黎講較為重要 6點鐘就入左去食 貪佢唔使排隊UCC 主菜都係大約100元上下 價錢相宜 有意粉 Risotto Steak 焗飯意粉 多年前食過UCC 嫁紅酒燉牛肉念念不忙 就選了它 跟飯 $108 用焗盤上 保持住溫度 熱辣辣 有3大舊牛腩 燉得入味軟身 2大舊薯仔 唔會過爛 蘿蔔亦都好味 最精彩當然係個汁 唔會過鹹 充滿牛肉味 可以撈幾碗飯 可惜佢飯嫁分量唔多 都係一碗仔 有的美中不足食家最鐘意食焗意粉 焗飯呀 就簡左個雜菌雞肉焗螺絲粉一開始侍應落錯左三文魚焗意粉 黎錯左之後佢地都即刻幫我地落單換返岩 黎到嫁時候熱辣辣 上面芝士焗至金黃色 香香脆脆 意粉加入不同種類嫁菇菌 金菇 本菇 冬菇 岩晒我呢個菌精 白汁裹住每一粒螺絲粉 成日同食家講 食物最緊要都係個汁 正 頭先講左UCC 最吸引我都係沙律吧 只需加$48 就可以將主食變為套餐 包湯 一次沙律吧 同飲品 十分抵食 我地只係加左一個套餐就

平時去開銅鑼灣ucc、今次去開奧海城、所以去呢間試吓、太大落差了！最愛食的旦包飯旦皮薄似紗、塊魚柳薄如紙煎得又乾、太大落差了、呢碟盛惠$9X.00、等了好一陣子才來的意大利海鮮飯賣相似屋企炒冷飯都唔緊要、最攞命係唔熱的、話俾侍應小姐時、她不作一聲、報以不耐煩的眼神、二話不說即刻收走、咁佢會點處理碟飯呢？無人知、之後再上桌明顯係番炒嘅飯、仲加料落咗唔少胡椒粉/克椒、’spicy hot’驚你再話唔熱! 呢次真係大跌眼鏡、如果唔係想飲杯咖啡、一定會去simply life食、總知怕怕啦！

約咗朋友行街，差唔多午飯時間，搵間可以坐得耐啲又唔限時間嘅coffee Shop，最後都係揀咗 UCC我覺得好啱我哋呢啲靚太坐低食嘢傾計。叫咗個牛扒，賣相就麻麻哋啦！味道都OK，但好奇怪個蒜蓉包係凍嘅，旁邊角落頭嘅嗰啲意粉真係好 hea不過唔緊要因為我入嚟嘅主要目的係想食 芭菲雖然有啲貴，但一見到兩個雪糕球，已經即刻開心到飛起同埋新鮮生果，蜜瓜雪糕好似話係北海道直送。杯底嘅cream同埋脆片，食唔食都無所謂因為非常一般！

今日同事提議到UCC cafe食午餐，傾下計鬆一鬆。我地每人點左一個lunch set，加$19有一份沙律bar，可任裝一次，裝得幾多得幾多，唔錯架，係考功夫ge時候😂😂😂功夫越強，越有食福😁😁😁隔離枱裝到成座山咁👍🏻👍🏻👍🏻沙律Bar: 雜果幾清甜，蝴蝶結粉同薯仔都唔錯，三個人開心一份沙津Bar都夠哂，份量剛剛好。三文魚菠菜闊條麵: 我點左三文魚菠菜闊條麵，賣相一般，味道更有待改善。闊條麵太腍，而且味道好淡，三文魚又太乾，食幾啖之後都無咩意欲想繼續食，真係有d後悔點左呢個！吉列雞扒咖哩飯：另一位同事點左呢個。雖然都唔係好吸引，仲有d似茶餐廳d碟頭飯，不過我諗味道點都會好過我點果個😑😑😑焗煙鴨胸咖哩飯: 呢個似樣d，同事點呢個，聞到焗飯ge香味，試左一啖，唔錯，芝士香濃，可能隔離飯始終香d😂😂😂

🍍估唔到食UCC都可以咁伏😑等位等左20分鐘，食物等左好耐先出到，都唔緊要，點知野食上枱完全唔得叫左Pizza、焗飯、蒜蓉包、帶子本菇意粉...Pizza🍕皮勁淋、蒜蓉包勁乾勁硬、沙律吧啫喱落得太多魚膠粉？硬到呢！全晚最正常嘅竟然係凍檸茶🍋OMG😵下次會食返銅鑼灣ucc‬，奧海城‬依間冇下次！

前日，星期五去左呢間食晏，十一二點都唔洗等位，嗌左個燒汁炸蝦奄列飯$86同加左個set salad$19個奄列飯不過不失啦，唯一可以講既係隻炸蝦唔脆，可能係一早整定或者翻炸過啦，呢度有少少扣分，另外隻蝦略為細隻，不過呢個都唔係重點，去ucc係為左個沙律吧！沙律吧好正，可以任食，比個碗你，睇你一次裝到幾多，我食左吞拿魚，薯蓉，沙律蝴蝶粉，菠蘿同蜜桃，全部都好味，但有樣野要留意既係裝沙律個碗有少少污漬，希望能夠改善下。

同朋友行完奥海城，見有d累想坐下飲杯野，就入左ucc, 諗住食個tea吹下水。tea time都幾多人啵，同埋環境都幾嘈，我地坐卡位，張櫈唔係幾乾淨有d食物屑係條縫到 但餐桌同餐具都幾乾淨。我點左個抹茶雪糕+紅豆西多呢個西多粒好好味，佢好夠熱，表面完全唔油膩，整到隻碟油淋淋，食多幾粒都唔怕邪惡。 入面好鬆軟，仲可以點埋d抹茶雪糕食，一啖一粒，正呀！ 朋友點左個mini西炒飯，睇佢反應就麻麻地，見到d配料都係得好少。建議大家都係點番d甜品/意粉類，會比較安全

曾經，ucc係我好鍾意既餐廳，我可以等位一個鐘都唔介意。但近一兩年，佢既質素明顯下降，好失望呀！是日點了燴飯同雪糕窩夫，竟然上左個甜品窩夫先，個飯要十幾分鐘後先上，上菜次序亂晒。窩夫厚身，不算鬆軟但唔會好硬，不過不失。朱古力味雪糕好普通，應該唔係靚牌子，不過match左窩夫好食左。上面加左少少朱古力醬同香蕉片，為個窩夫增加不同口感。燴飯都好食，不過唔夠熱。醬汁唔會太濃太鹹，配上菇類同溫泉蛋，又係不過不失。ucc依家我一定不會推介同話好味，但係又未去到難食地步，只係食物環境質素對唔住價錢。

今晚同個小靚仔去食過simple dinner。佢一定會點墨魚汁意大利飯，味道一般，但serve得好肉酸，好似求其pat落個碟度就上俾客人。另仲order左日式炸雞，ok的。仲有個朱古力法式多士，唔特別，插係上面嘅2條朱古力條仲有d怪味﹝我地冇食到)。呢個價錢，食物質素有d強差人意。唯一可取係服務人員態度良好。

好幾年前 已經食過一次 當時味道已經好差 唔會再去食。咁點解我今次又會去呢，事源係同行友人見到ucc成日好多人食，又要排隊，唔相信我既說話。我抱著一絲絲既希望ucc會有改善既心態入去試下。但換來既係無盡既失望首先我地叫左 安格斯牛柳同煎帶子燴墨魚汁飯。餐湯係蕃茄湯，味道一般，太酸。之後就到牛柳（7成熟）西式配日式汁，完全唔夾，味道真心唔得，大X樂d扒分分鐘都好食過佢。價錢仲要平2倍幾。但係咁樣都算最難食.....之後再上個墨汁飯真係不敢恭維。帶子好乾 硬身 無味道，可以掟傷人。個飯好傑，果道唔係食開墨魚汁個味，勁怪又唔夾。我個朋友食左2淡就無食到。總結 日式西餐唔係話唔得，但係呢一間真係做到好怪，禁多年都無進步到，仲可以有咁多人去排隊食.....今次係我第一次係openrice比負評，但係真係不推介大家去

同Baby行街行到攰，去UCC坐低食個窩夫,貪佢都坐得幾舒服，價錢又唔係貴！芒果窩夫，最鍾意佢嘅窩夫夠厚身，外脆內軟，甜度又啱啱好。仲要分量大大件，其實當飯食都夠飽芒果就一半半唔夠甜！不過又唔酸咁啦！另外我想食雪糕所以叫咗杯芭菲，外型賣相都幾似日本 feel 雪糕球中間空心嘅，有啲搵笨感覺，芒果又係冇味道嘅，唔夠香。收人成＄70一杯，好心用啲料就靚啲啦！粒士多啤梨先令我最不滿，酸到入心，咬咗一啖都唔想食，同埋擺咗好多脆脆片，又係唔得真材實料。

這間餐廳真係幾失望，帶位已經夠衰，很多位還要帶你去坐d被人夾住那些位，起身想走先話有細卡位…這樣都算，以前覺得這裡咖啡係好好飲，現在比麥當當蒸餾咖啡還難飲，稀過乜…下午茶意粉賣相比屋企煮還差，這樣可以給客食，都70幾蚊，真係無下次