UCC Coffee Shop (已結業)

今日出尖沙咀shopping; 本身想過grand hyatt食tea, 但係行到好累; 所以決定去UCC就算。坐底咗之後; 想慢慢睇吓食咩, 但係坐唔夠三分鐘;嗰個短頭髮啡色套裝女侍應就問我食咩，我話再吓食先; 佢居然粒聲唔出走咗去。最絕係居然30second之後再問!!!! order 咗之後一陣, 我問佢toilet位置; 佢唔答行開? 發生咩事?????? 之後又粒聲唔出收灑我枱面d 嘢!!! 過份呀~~~~~大家成日話邊道服務差, 相信一定不及這間ucc。哭面是給服務，食物一般ucc水準; 沒有驚喜。

呢日幫朋友預祝生日，諗住呢間野裝修咁靚，我地係日本又食過佢呢間野既分支，應該冇死啦，點知一入到去，嘈到成個chicken house咁，環境已經扣左一大節分。入去叫野食啦，食左：卡邦尼意粉，同茶餐廳有乜分別喎？茄汁意粉一碟；茄子咖哩飯，個賣相好核突，又冇特色；炸雞蛋包飯，蛋又唔滑，汁又唔好味，同日本既差得遠。咁樣既食物仲叫人俾幾十蚊，搞錯呀！仲好意思叫維也納洋食，我下次叫個奧地利朋友來，嚇死佢都似！個環境已經咁差，仲鬼咁早叫last order埋單go away，我地係泉章居坐到ｄ人全部走晒，都冇人叫我地走呀，你呢間野咁差，服務態度就好ｄ啦！

bf 同我成日都見到佢排晒長龍, 又見佢裝修完, 就特登黎試下食dinner~叫左一碟意粉, 一碟飯個樣都mama 地, 唔係話砌得靚靚地咁先俾我地試第一啖, 嘩~~~~好好好好好好咸呀!我可以用"味精人"黎形容我bf但佢都頂唔順, 食左大半佢都叫我放低唔好食真係咸到食壞人

相比起禮頓道的UCC, 呢間的環境無甘靚, server數目又少一點, 要等好耐先有人serve. 4個湯都要分幾次上,立刻大打節扣: (

同朋友黎個暑假聚會, 選左呢個睇落OK嘅餐廳:門口果位waitress 幾有禮貌. 我地坐係角落嘅二人位,張枱略嫌細左D.我要左UCC炭燒凍咖啡, 朱古力窩夫,朋友要三文魚天使麵(之類啦)朱古力窩夫麻麻地, 三文魚天使麵亦係一般.但杯咖啡真係好正!佢嘅食物對女仔黎講份量都幾大.....食食下嘅時候, 黎左一班廿幾歲嘅女仔, 嘈到拆天!講野勁大聲, 好似呢到係佢屋企嘅dining room咁.不知所謂, 後面果枱有小朋友都仲靜過佢地.

到這兒吃下午茶，吃了朱古力西多士、原味窩夫夾餅、凍UCC 炭燒咖啡、熱蘋果茶。朱古力西多士：西多士切到細細粒，炸得不會過硬，軟綿綿，很好。澆上巧克力汁，配上巧克力百力滋，重拾兒時感覺。窩夫夾餅：皇牌貨，還是原味配糖醬最令我感動。凍UCC 炭燒咖啡：咖啡味好濃厚，三十多塊錢一杯，我覺得係值得的。熱蘋果茶：太淡！重要漏單！環境漂亮，日式歐陸陳設，有味道。

星期一約兩位朋友吃飯，靚女A話喜歡呢度咖啡，所以大家決定到UCC。由於加$25可轉set，我地便決定要三個set，然後大家再share主菜。落完單，大家又覺得是否叫一或兩個餐已足夠呢! 不過，加$25已包餐湯、沙律及餐飲，齋叫一杯飲品都係差唔多價錢，其實都抵喎!落完單，大家各自出沙律吧取心愛食物，雖然沙律吧只提供波蘿、桃、粟米、沙律醬薯仔、紅腰豆、生菜等，不過，除了紅腰豆，所有都係我喜愛食物。不經不覺，我便把沙律碗堆得滿滿，最恐怖係我竟然又食得唒喎! 哈哈! 食完沙律大家已經半飽，餐湯只有忌廉湯，味道一般。終於，都到了主菜呀! 菠菜三文魚意粉------一般啦墨汁天使麵----------估唔到在座兩位朋友都未食過墨汁麵，佢地起初看見黑黝黝墨汁有點不安，食完後，佢地又覺呢碟最好味。咖哩牛肉飯----------估唔到d牛肉似肥牛喎，味道都okay啦!很喜愛這兒涷檸茶是逐壺上，而那個茶壺恰像實驗室內的試管，很別緻呀!環境都幾舒服，但服務一般。雖然其中一位侍應姐姐沒有任何笑容兼全程黑面，但總算有求必應啦，好過某些食店的侍應扮見你唔到嘛!

我琴日同男朋友補祝紀念日, 就睇到ucc, 有人話好, 有人話唔好, 我見價錢又ok, 就去試下!一去到, 都幾靚, 真係好日式西餐廳, 都ok 嘈...我地一人一個set, 2個都加$25 轉set, 再叫多個薯角$20~ 之後發現其實一個加set就夠, 因為d salad係好飽肚, 唔係hea 架! 叫左個海鮮意粉(茄汁) 有d淡, 可能係我食得濃, 我男朋友就話ok!& 咖哩漢堡掛飯, 日式咖哩, 因我男朋友唔食得太spicy, 所以都ok!d人話服務唔得, 又唔係呀, ok wor!ucc 係多靚女既一間cafe~

一心去”悅”食新派上海菜，原來已關門大吉，最後近近地去了UCC，記得以前媽媽成日帶我o地去呢類的日式西餐廳，覺得環境又好、食物又好食。現在人大了，好多事都要求高o左，今次俾我的感覺似較高級少少的茶餐廳。主菜加$25有個沙律吧、湯及咖啡茶。沙律吧都係一般貨色，罐頭水蜜桃、菠蘿、車厘茄….。湯係忌廉湯，極難飲，似飲生粉開的水，好"杰"好"杰"，一D味都冇。主菜係菠菜三文魚意粉，白汁唔算多，食落冇咁溜，意粉諗了少少，唔夠爽。茄汁海鮮意大利飯-上時只見得一隻青口，以為貨不對版，原來其他海鮮，蝦、帶子、魷魚等撈了係飯內面。飯質完全唔似意大利米，似係用日本米，煮得較濕較"立"，有少少黐口。我相信我會煮得好食過佢。見以下食評好多人批評D服務唔得，但係我眼見得三四個侍應姐姐，佢o地個個好落力冇停手。都叫做有求必應，只可能冇乜表情，比較其他餐廳已好好多。

今晚差不多八時到....人不多..不須要等位...叫了咖哩豬扒飯...當然要加$25..食埋salad..oh no!!!!!! soup is 粟米湯....too bad...it"s tasteless....最慘是凍的!! tooｂａｄ．．咖哩豬扒飯賣相好ｇｄ．．但好咸．．沒有咖哩味．．．ｓａｌａｄ．．．ｒｅａｌｌｙ　ｇｄ．．ｉｔ”ｓ　ｆｒｅｓｈ！！ｉｃｅｄ　ｃｏｆｆｅｅ．．．ｔｈｅbest..ｅｎｖｉｒｏｎｍｅｎｔgd!

擒日同男友往UCC Vienna食飯,諗住成日有咁多人排隊應該唔錯,點知勁唔掂,汁煮漢堡扒幾乎無汁,扒味道亦非常一般,唯一可取係個白飯,幾軟,我男友o既咖哩飯,好咸,由於我同男友對味精特別sensitive,食出佢地d食物好重味精,我地番到屋企喉嚨好乾同涸,直至現在喉嚨都唔係好舒服,如果大家怕食味精野就唔recommend

我地4個女仔去食晚飯, 其實係諗住傾多過食, 食物ok, 價錢都一般啦, 但係d服務差到嘔, 我地叫人加水, 明明望到你, 但係唔理, 其實佢地好明顯唔夠人, 我都明, 但係, 你唔夠人關我咩事呀, 你唔夠人係咪要我自己加水呀, 自己入廚房煮好無, 所以唔會去第二次囉

早幾年(!!)黎過呢度食覺得唔錯又唔太貴於是生日就同同學黎左呢度食~每款主菜+$25 就有湯有沙律吧結果有人lum 個沙律lum 到成座山咁高好在一早諗到呢樣野..所以五個人都係要左三個餐jed 沙律係幾好味既@@~有罐頭菠蘿呀桃呀咁...仲有生菜蕃茄o個d 啦...最鍾意佢個薯仔沙律@@~主菜我要左個芝士咖喱牛肉飯同行既有要左白汁海鮮意粉...聽佢地個comment 係「好過旺角o個d n 倍」即係好味啦...我個咖喱牛肉飯就普通我覺得淡左d..不過d 牛肉幾好=p野飲除左奶茶之外全部ok...個奶茶聽講話好似飲緊奶水咁=__="waiter 服務唔錯丫雖然出面好多人等但係都冇話催我地走呀咁...結果食完我地磨左大半個鐘先走人而好彩既係我地訂位o個時得番吸煙區位置...不過最後都係冇人食煙~最後都要多謝同學們請我呢餐飯=)

今日同男朋友去食lunch，分別叫咗蕃茄海鮮湯意粉及咖喱豬扒飯，大家都加$20轉餐。聽講薯仔沙律好好食，所以夾咗3球，不過真係好掂，一定要試試。個意粉一般，並沒有以前的食評講到咁好味。至於個飯就真係麻麻地啦。

order左一個茄汁海鮮炒飯，菠菜三文魚通粉，味道好普通，service都麻麻，不會再去．