影片
港鐵粉嶺站 B 出口, 步行約10分鐘
繼續閱讀
電話號碼
35636692
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
【北區】【Uncle Issac】我要去粉嶺做啲嘢，咁啱嗰日旁證哥又得閒喎，就叫埋佢一齊。喺嘉福邨，未入商場喺路口就已經見到呢間韓國嘢，咁就決定試吓佢。然而，佢哋以炸雞為主，但係都有幾多選擇，一時間都有啲選擇困難呀。好彩之後見到原來佢哋有二人餐，就試呢個啦。佢哋嘅「Happy Share 餐」係「二人用」嘅，首先有八件「韓式炸雞」，係無骨炸雞嚟，啖啖肉，四件原味配上四件有醬汁嘅，我哋揀咗「西梅麵豉醬炸雞」，係店家自家製嘅，都好好食。兩款炸雞都做到外脆內嫩，而且醬汁全部自家製，係有質素保證嘅。另外仲有三選一嘅主食，我哋揀「韓式燒烤醬牛肉蓋飯」嚟試，份量十足，味道又好，冇揀錯。跟餐仲有一份「醃蘿蔔」，都係用心之作。飲品方面，套餐包兩罐嘢飲，旁證哥飲「忌廉」，我飲「韓國甜米露」，唔錯嘅。咁多嘢食先 $168，真係平靚正呀。。。（地址：粉嶺粉嶺置嘉里8號嘉福商場地下8號舖）#1amfoodie #hkig #foodiehkgirl #hk #hongkong #topcitybiteshk #hkeat #foodgasm #followforfollowback #love #hkrestaurant #香港 #香港吃貨 #thatfoodiething #食物 #globaleats #1am北區 #粉嶺 #UncleIssac #韓國菜 #HappyShare餐 #二人餐 #韓式炸雞 #西梅麵豉醬炸雞 #韓式燒烤醬牛肉蓋飯 #醃蘿蔔 #忌廉 #韓國甜米露 #1am1398 #1ambackup
繼續閱讀
今次去左粉嶺嘅屋苑商場，見到間食韓國🇰🇷炸雞🐓嘅外賣小店😊，見佢價錢唔貴，二人餐都係$168‼️份量仲唔少添😵🔹️二人餐包括：✨️韓式炸雞8件✨️飯／麵3選1（韓式辣炒豬肉蓋飯/韓式燒烤醬牛肉蓋飯/韓式炸醬麵）✨️醃蘿蔔1盒✨️飲品兩罐 ⭐️韓式炸雞原味4件，另外4件可以揀其他味道🫢，今次我地揀左係佢獨家嘅招牌西梅麵豉醬😚‼️ 炸雞炸到好脆，就算我地外賣拎到返屋企要半個鐘但都唔會淋👍肉質都滑，唔會乾✨️另外西梅麵豉醬炸雞個味道好特別，鹹鹹酸酸，食完唔會太漏👍值得一試✨️ ⭐️韓式燒烤醬牛肉蓋飯飯個燒汁好香，就算睇落唔算好多汁，但撈埋係啱啱好，牛肉份量都幾多，食落唔係cheap cheap嘅牛，配搭埋仲有啲椰菜、紅蘿蔔🥕，可以中和返啲肉嘅油膩感👍 ⭐️醃蘿蔔大大盒😆，仲要用左柚子黎醃，酸酸地仲有柚子🍋嘅清新味道😌 總結：佢每件炸雞都算大件，所以8件每人食4件都有啲漏，加埋佢個飯勁大碗🍚😵，兩個人食完勁飽‼️所以$168性價比都好高👍
繼續閱讀
💡uncle issac📍粉嶺今日黎到粉嶺嘉福邨既 Uncle Issace 叫左一份二人套餐($168)，包括四件原味炸雞、四件柚子檸檬炸雞同韓式燒烤醬牛肉蓋飯，仲包2樣飲品原味炸雞有4件，炸雞外皮金黃酥脆，咬落去感受到外皮的香脆同內裡雞肉的鮮嫩多汁。雞肉本身既鮮味被完美保留，唔洗過多調味，簡單酥脆已經滿足。柚子檸檬炸雞一樣4件。炸雞在原味炸雞加左柚子檸檬，微酸既柚子檸檬醬汁同酥脆的雞肉相互交融，食落清新口感。酸甜味道唔會過於濃烈，又可以增加你食欲，夏日熱辣辣都係唔錯既選擇。韓式燒烤醬牛肉蓋飯，牛肉片經過特製燒烤醬醃製同烤製，肉質細嫩，味道濃郁。燒烤醬的甜辣味道岩岩好。每一口都充滿了韓式燒烤味道二人套餐份量好夠，2人分享食到飽。加埋飲品爽
繼續閱讀
今日去咗粉嶺探朋友，玩完之後好攰唔想煮飯，於是去咗粉嶺嘉福商場「Uncle Issac」買外賣返屋企食。呢間舖頭細細間，但係佢都有位置可以堂食，我哋叫外賣，10分鐘內佢就已經準備好熱辣辣嘅餐點比我地拎走啦！Happy Share 二人餐 $168（1） 韓式炸雞八件 原味x4 有醬汁x4醬汁有好多款：蒜香醬油、西梅麵豉醬、蜜糖芥茉醬、經典洋釀醬、柚子檸檬、白洋蔥蛋黃醬、蜜糖牛油。今次我揀咗蜜糖牛油：充滿牛油香味，仲有甜甜嘅味道，配合香脆嘅炸雞，好味道。原味炸雞：外脆內軟，無其他調味反而試到炸雞真正嘅味道，無雪藏味，仲要有肉汁唔會乾爭爭。（2）韓式辣炒豬肉蓋飯呢個豬肉蓋飯好夠辣，炒埋啲豬肉椰菜洋蔥紅蘿蔔絲，味道層次豐富，個飯仲好多汁，差唔多粒粒飯都沾上辣炒豬肉嘅汁。（3）醃蘿蔔呢個醃蘿蔔好爽口，酸酸地，好開胃。食完一舊炸雞，配上一粒醃蘿蔔，又可以繼續同炸雞搏鬥。（4）可樂+忌廉食炸雞點少得冰凍嘅汽水，呢個餐包買嘢野飲，唔使煩唔使諗，適合我呢懶人。下次再想食韓式炸雞就多個選擇啦，仲有一個優點就係餐廳外面就有避車處可以泊低架車入去拎外賣！！
繼續閱讀
因為男朋友住粉嶺，所以偶然試到好食嘅新餐廳都會同大家推薦下。今次呢間真心有少少隱蔽，但係炸雞質素非常高，最緊要係性價比滿分，緊係要同大家推薦下！二人套餐包括8件炸雞，可以選4件原味同4件醬汁，仲可以選一款主食，另外仲包醃蘿蔔同飲品，大大份超抵食。———————————————🌟炸雞原味炸雞真心非常香脆，因為外賣嘅緣故都有擔心過會唔會返到去會變腍，但結果完全係冇仲要超級香脆！雞肉本身都好滑身好Juicy，不過個人覺得如果雞肉醃咸多少少成個味道就更正喇😍至於醬汁款我就選擇咗蜜糖芥末醬，果種香甜嘅感覺配上炸雞真係絕配，面頭仲加有少少花生碎，令到香味同口感都再得以提升。🌟韓式燒烤醬牛肉蓋飯呢個牛肉飯只能話真係太大份了吧，本身每人4件炸雞已經不得了，仲要有咁大碗飯，真係好抵食😂牛肉醃過後味道帶有香甜，面頭仲灑有芝麻令到啖啖入口都帶香。有點我幾鍾意係佢都算幾多蔬菜，對於我呢種超愛食菜嘅人都非常吸引。🌟醃蘿蔔首先好想講我平時對韓式醃蘿蔔真係幾抗拒，但呢度嘅醃蘿蔔竟然係好食到不得了真心超有驚喜。佢個醃料係有加有柚子，有少少柚子蜜嘅感覺，而且仲要醃到啲蘿蔔非常香脆極之開胃。份量仲要都幾大份，最後食唔曬我都有再留返晚飯再食，真係呢個2人餐嘅一大驚喜
繼續閱讀