UNNIS 韓國小食

營業中

休息中

呢間小店由兩位韓國姨姨主理正宗韓國味道，佢哋淨係識少少廣東話🤗平時都成日幫襯買佢哋嘅Kimchi同炒粉絲因為味道好唔錯，Kimchi辣度剛好炒粉絲彈牙，份量足今次經過就買咗紫菜飯卷試試飯卷有幾款味揀: 泡菜/牛肉/豬肉/芝士/吞拿魚我哋買咗吞拿魚味🐟飯卷非常聚手，切開大約有8舊，好足料入面包住咗紅蘿蔔絲，醃蘿蔔絲，青瓜絲當然仲有吞拿魚啦😌總結💭💭一條飯卷只係$50-$55，用嚟當一餐絕對夠飽CP值高，會繼續支持韓國姨姨小店🇰🇷

葵廣食羣競爭大要有水準先可以一直生存落去呢間嘅紫菜包飯勁足料一條一個女仔食已經好夠食今次將個飯卷帶咗去野餐同行友人都表示勁大卷算抵食味道清新飯粒唔硬如果細食女仔係附近返工買一條都未必食得晒

我好少用失望形容袋物，其實韓國紫菜包飯唔係難整的食物，呢度收我$50一條芝士紫菜包飯，但芝士極少，其他配料如紅黃蘿蔔絲、青瓜絲、雞蛋絲，再多再爆，都係好普通。我係同家人一齊食的，食完妹妹直接叫我去荃錦中心買正宗紫菜包飯，仲有間係荃灣千色匯的yellow xxxx，貨比三家，都係韓國大媽整，高下立見，其中一間出名到上報，大家價錢相若，真係要小心選擇。

🍥 原味紫菜飯捲 $45💯 評分：🌕🌕🌕🌕🌕 (5/5)💬 一條切開8大件，嚿嚿爆晒餡超足料！餡同飯嘅比例差唔多去到9:1，好少見有紫菜飯捲嘅外層咁薄仲包到咁多餡～原味入面有魚糕、蛋、紅蘿蔔、黃蘿蔔、牛蒡同青瓜，份量分佈都算平均，入口爽脆感爆燈！啲飯食落酸酸哋，食落有淡淡嘅麻油香，而紫菜唔會濕到冇晒質地漿住個嘴。食咗大概2/3條已經飽飽哋，平靚正清清哋好惹味，料太多要預返個膠袋兜住～😋🥬 菠菜 $20💯 評分：🌕🌕🌕🌑🌑 (3/5)💬 麻油味唔太濃，食完個紫菜飯捲解膩啱啱好！啲菠菜水分充足條條飽滿，咬落清爽又脆口，夠晒健康同滿足感。😀留意返小店逢星期日休息，記得唔好去摸門釘！實在令人一試難忘，有機會再買其他餡嘅紫菜飯捲同韓式小菜食先～😍

Unnis韓國小食💚細粉絲 $30-佢比起其他嘅韓國粉絲少油d所以健康啲👻味道一般般不過拎到返屋企就可能凍咗少少🥲不過去到嘅時候 佢整緊其他嘢佢整嘅時候 真係好香🤤-21/7 eat店員係真正嘅呀朱媽記住要用英文同埋韓文溝通啊！半正式嘅食評🤣-好味程度：🌕🌕🌕🌑🌑抵嘅程度：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑

一間完全不起眼嘅外賣店，一般有三位韓國太太，不停手地包紫菜卷，非常足料。紫菜卷多料到突晒出嚟。而且亦切好晒，外賣返公司食，很方便⋯ 同事知我去買，通常會搭單～ 幫襯過好多次，隔一排又心癮癮，要買嚟食😅😅

這間位於葵涌廣場地下、瑟縮一角的韓國小食店，對於正在減醣節食的我而言，是列車埋站時的誘惑，是每日減肥破功的威脅，是平凡但令人牽掛的存在。我和朋友曾經無數次光顧這間由韓國阿珠媽主理的外賣店，各式的飯卷、炒魚膏、前菜，各有各的吸引。但吃得最多的還是他的牛肉飯卷。$50大大條，裏面塞滿蘿蔔絲、醬蘿蔔、青瓜、牛肉和蛋。一口下去，口感豐富，牛肉略带微甜的醬醃味，大大的滿足！曾經我最不屑天天都可以吃到的白米飯，但原來這食材原來已滲入骨血，久違了就會常常思念。

行完葵廣，又唔係好肚餓，於是又買我最愛嘅kimbap 返屋企做晚餐，呢一間嘅飯捲我食過好多次，店舖位置唔係好起眼，喺葵廣地下一個角落頭，之前試過佢哋嘅飯捲同埋炒辣年糕都好好食，而且見到唔知係老闆定係員工嘅人係韓國人，就諗起喺明洞街邊食韓國飯捲嘅時光😭，唔知幾時先可以再飛呢✈️✈️❣️豬肉紫菜飯捲 $50呢一條飯捲好有重量，有8大嚿，每1嚿都有我手掌心咁大，而且材料好豐富，有辣豬肉、紅蘿蔔、雞蛋、醃蘿蔔同青瓜，加上飯捲嘅材料多過飯，食落口好豐富，而且好爽脆，口感好好，食3嚿已經好飽🤣🤣👅好味度：8（10分滿分）支持小店，而且好有韓國風味，下次一定會再食😋😋，係冇得飛嘅日子過下口癮都唔錯🤪

去葵涌廣場行街，就去搵食，買埋韓國紫菜飯卷做晚餐！嘩！大大份好足料，餸仲多個飯，好韓國媽媽嘅味道，安慰一下冇得去韓國旅行嘅心情如果可以加埋吞拿魚沙律嘅口味就好😋

혹시 몰라 사장님이 리뷰를 볼 거 같아서 한국어로 리뷰를 남길게요💜 일단 제가 치즈김밥이랑 잡채를 시켰는데 김밥사이즈가 엄첨 커가지고 깜짝 놀았어요 ㅋㅋㅋ 근데 간이 아에 없어서 많이 아쉬웠어요ㅜㅜ 김밥이 커서 밥에서만 간을 넣어서 그런지 간이 부족할 것 같아요...채소에 간이 더 많이 넣으면 좋겠어요! 잡채는...맛이 설명하기가 어렵지만...제가 먹었던 잡채의 맛이 많이 다른 것 같아요ㅜㅜ면이 쫄깃쫄깃하지 않고 참기맛도 느끼지 않았어요ㅜㅜ 제가 봤을때 홍콩사람 맛이 안 맞는 것 같아요... -芝士飯卷大份但得飯有調味 所以好清淡唔同平時食到嘅飯卷-韓國炒粉絲個味有啲奇怪 食唔到麻油香味 麵質亦唔煙韌 完全唔推薦🥲

🤤 傳統韓國媽媽嘅味道Geo條👅評分：⭐️⭐️⭐️💫(5⭐️最高）韓國紫菜包飯 $40朋友帶我去試呢間韓國飯卷同小食，叫咗個最普通嘅紫菜飯卷，入面有蛋絲，蘿蔔同青瓜絲，餡料都幾足仲多過飯🤤青瓜同蘿蔔絲好爽口，整體味道幾好，係傳統韓國媽媽自家手製嘅感覺👍🏻下次會再試埋其他飯卷同小食，期待😊

小編之前去韓國對當時既美食真係讚不絕口✨，唔係賣花讚花香，好多美食必定要親身去到當地先有風味亦夠地道👅。而係韓國街邊美食亦甚多，係當地既小店都食到不一樣既佳餚🍽。而係香港，我地都可以食得到係帶有韓國風味既小食🥡，而小編今次去既呢一間就叫做「UNNIS韓國小食」。✦✦✦✦✦✦✦✦✦✦✦✦✦✦🎈韓式紫菜包飯 $40小編係咁多款紫菜包飯中🍙就揀咗最基本既一款韓式紫菜包飯，而入面有既材料係非常之多，蘿蔔絲、黄瓜、腌制蘿蔔、蛋、牛蒡等等。每一樣材料都加咗好多👏，再用紫菜同飯包住，味道方面比較清淡，因為選用既材料都偏清淡👄，較為健康。而比例上材料反而比飯要多，紫菜包飯亦冇加任何醬料， 可以食到一款清清淡淡既小食🍚。✦✦✦✦✦✦✦✦✦✦✦✦✦✦近排小編都開始鍾意食韓國美食，亦都會繼續嘗試唔同韓國餐廳💪，小編有時喺香港食韓國小店都想重拾當時係韓國當地食到嘅味道🤩。係香港都開始出現唔少有關於韓國食物既餐廳，韓式火鍋、韓式拌飯、炸雞、燒肉等等，唔知邊一款先係大家既至愛呢👀? 餐廳仲有提供炒年榚、炒粉絲、泡菜，有興趣既朋友都一齊嚟試下🤲。 ✦✦✦✦✦✦✦✦✦✦✦✦✦✦

雖然呢間舖頭既位置比較遠離美食集中地，亦都比較難搵，但係有麝自然香！自從有一次無意中搵到又咁岩想食韓式紫菜包飯，從此就對佢念念不忘，仲推介埋比同樣係為食既朋友，搞到佢都耐唔耐心思思專登入去買😂😂芝士紫菜包飯 （$45）令人難忘既點係料多過飯，飯只係圍住外圍好少既比例，飯同料既比例大概係2:8。餡有好爽脆既青口蘿蔔，口感很正😋😋而且每一塊都切得幾厚身，飯同料既比例再加上每塊既厚度得宜，口感無得彈。45蚊食到咁滿足既韓式紫菜包飯，絕對收貨！

發掘到一間喺葵廣既隱世韓國小食店，一間係葵廣地下，行過唔會發現佢🙈但食完一定會想encore嘅小食店💕🤩真正韓國人打理既韓式料理店🏠款式都幾多下，有唔同味道嘅紫菜包飯卷、韓式炒粉絲、炒年糕等☺️⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺韓式紫菜包飯 ($40)每份有大約10件，飯軟硬度剛好，食第一啖已經食得出好香麻油味😆內餡非常足料有醃蘿蔔、紅蘿蔔絲、雞蛋絲、冬菇絲同青瓜😝係配料多過米飯既紫菜包飯🙆🏻‍♀️呢個價錢來講真係做得好足料好大條🤣列入左我葵廣嘅必食之選🤩🔸評分: 8.5/10

由於疫情關係，好耐都無得去旅行喇😿😿，唯有嚟到葵芳廣場，試下呢間韓國小食店啦，有韓式炒年糕，所以又係食嘢嘅時間，都好有韓feel 嘅小店😻😻，因為老闆都係韓國人，好有旅行嘅感覺😹😹。再見到門口放左好多手工泡菜，有分大、中、小盒，買左盒中嘅比阿媽做手信😽😽😸😸，阿媽話幾好食，叫我再去買😼😼