UURO

營業中

休息中

青衣城地下嗰層角落頭個位又有新餐廳，見啲下午茶餐（2：00 - 5：30）唔係太貴，又唔使加一，入去試試。吉列脆炸雞配香脆薯條（$43）可選粟米條或薯條，選了後者。份量比預期中少，四粒炸雞件，熱的但油咗少少，雞件係雞脾肉，所以都軟嫩，炸粉唔厚。薯條係連皮幼薯條，熱的、脆的。有茄汁同蜜糖黃芥末醬汁。鮮茄焗豬扒飯（$46）可選炒飯或闊麵，選了前者。五分鐘左右上枱，本來驚驚哋會唔夠熱，但熱的，亦焗得夠時間。份量合理。炒飯底，夠乾身。茄醬味道正常，同坊間大多數焗飯相似。豬扒有一塊，已切開，肉質太腍身，無哂口感，似落得太多鬆肉粉。野菌白汁烤雞焗飯（$46）過多一分鐘就上枱，比焗豬飯仲熱。同樣係炒飯底。只有白汁味食唔到野菌味，但味道都可以。烤雞係一塊雞扒切件，肉質正常。下午茶餐包餐湯（紅/白湯）或熱飲。羅宋湯，一般西餐廳味道，合格之作。熱奶茶，餐牌寫特配奶茶，茶底不是錫蘭紅茶，而是茉莉綠茶，味道不過不失。熱檸蜜，餐牌寫新鮮冷壓檸檬蜜，即是沒有檸檬片的，味道還可以。可能始終係新開無耐，啲員工仍有啲手忙腳亂。因為安排坐係落地玻璃旁，柱位後面，落單及埋單都要等一排先有人見到。

🍔 Fantastic Food Fantasy Fandom - 1 🍔This is the first food review of this Fantastic Food Fantasy Fandom series! It is quite long, so brace yourselves! 📝I just went to a restaurant in Tsing Yi Maritime Square, UURO (Modern European). It had ambient and warm lighting, welcoming everyone as they entered the place. I ordered Ham Macaroni with some veggies that were cut into small square pieces. It also came with a piece of onion bread which had various types of seasoning and herbs sprinkled on. As

環境可以，食物質素不錯，下午茶的份量也絕對足夠，價錢合理，性價比高，所以即使平日人流也難得地不少，唯獨員工服務質素有待改善。員工分工有問題，負責結帳和安排位置的員工竟是同一人，即使有其他員工也沒有安排帶位，只叫客人在門口傻傻的等待她把所有帳結好才慢慢安排位置。另外，員工看見我們打瀉飲料也裝作若無其事的走開，沒幫忙慰問，有部分員工十分懶散，要其他員工呼喚才上前幫忙。。。。服務態度欠佳。。扣了很多分。。

煙燻牛扒叫做正正常常發揮，起碼都係入得口，同埋唔會好似茶餐廳咁好硬。都仲食到煙熏嘅味道。若果你要再加個size dish 例如食薯條就要額外加錢，因為個餐係唔包嘅，咁你可以叫湯同埋有個包其實女仔嘅份量都夠。濃湯整得都幾好味，但係個魚其實就好有冰鮮味，所以係麻麻哋。不過呢個環境係幾舒服，因為樓底比較高同埋都係好光猛。服務當日就講真係麻麻哋，因為我問個waiter攞把刀，佢竟然話個魚嗰度有跟刀可用😅，但係我都想自己攞把刀切牛扒細塊啲其實都唔係好過分啫，可能佢諗住都切到一條條你就咁執入口𡁻就得🤷🏻‍♀️

食物質素唔錯 但冬菇頭女人 態度差， 成日嘴藐藐 叫佢攞杯水 完全唔情願，唔想做不如唔好做啦！ 影響曬間舖 和諧 氣氛。 你食質素唔錯 位置好舒服好靚 又幾寬闊 好難得有 西式嘅質素 但係中價嘅價錢

喺青衣這間餐廳吃下午茶。來過幾次，但完全不好食。除了環境幾好之外，食物質素及service也很差。個海鹽雪糕waffle，雪糕已說到很久。結曬冰，一啲入一點也不好吃。有別的選擇，也不會來。

叫咗1沙律1西班牙海鮮焗飯1牛面頰1杯嘢飲1炒雜菇1湯仔 同埋1個心太軟全部加埋$350都唔洗，仲要幾好食….個牛面頰2大舊夠淋而且都入味，推薦。個飯都好食但冇牛面珠墩咁出色 。煙三文魚沙律好鬼大碟 心太軟少少流心都ok好食7/10個湯同埋炒菇是跟餐+23蚊 定30幾蚊唔記得 湯配麥包 都合格有餘6.5/10夜晚8點左右入席竟然冇乜人食 好多空位 一半都冇坐滿 神奇……第一次留comment happy原來要200字先可以俾分 哈哈哈哈

UURO (青衣)新開咗幾個月嘅餐廳，環境幾chill😙落地玻璃可以望到青衣藍巴勒海峽海景😂😂😂🍕夏威夷手工披薩 $78Pizza皮厚度適中，唔會話太厚。薄薄地嗰邊有焦香味，煙肉碎可以再多啲，成塊pizza好重菠蘿味同埋蕃茄味，味道不錯。🍝經典肉醬千層麵 $68好厚嘅芝士鋪面，加埋蕃茄味，正！略嫌千層麵唔夠千層，得幾層口感相對冇咁豐富。兩個餐配咗各配咗餐湯，比較推薦白湯，較creamy，有橄欖油嘅味道。🏠青衣青敬路31-33號青衣城1地下G22-G23號舖☎️ 31658175

青衣城一期新開左間意大利餐廳，於是星期日下晝就去試吓佢個下午茶。差唔多5點，出面有人等緊位，入面都坐滿，不過兩個人都好快就可以入去坐，仲有個窗口位添，望住海濱長廊食嘢都幾好吖☺️🌟香草白酒煮蜆配麥包 $45上菜時賣相雖然一般，但食落都幾好味，蜆肉索咗啲香草白酒汁幾鮮美，麥包望落去好似好硬咁，但原來食落去，表面係脆脆地，入邊係軟身嘅，點啲香草汁嚟食都不錯嘅🌟(茶餐)肉醬滑蛋漢堡 $44一望到就已經唔知如何入手，食緊嘅時候入面啲醬不停唧出嚟🙈 有點難handle，有點失望…🌟(跟餐) 蜜糖芥末雞翼 $15煎得唔錯，入面啲肉汁都保留到，點埋芥末更野味，如果可以煎到啱啱好金黃會再好啲總括而言，以呢個價錢喺青衣城坐得舒服咁食到個下午茶，CP算係幾OK啦。小瑕疵係餐具有少少污糟，最好用水浸一浸先用。臨走前見到佢出邊有個小型麵包餅店咁，啲款式都幾新穎，例如有紅豆撻、麻糬撻、菠蘿酥、菠菜芝士貝果、堅果芝士批等等，得意得嚟個樣都幾靚，價錢都唔貴，搵次再嚟試吓先

雖然人人都想早些收工，餐廳9點零 last order，10點關門，但晚上9點幾叫客人埋單又可否語氣好少少呢？食物 ok，價錢走便宜路線，但都不要降低服務水平啦～所以，服務有待改善啦～

出品質素差，Not value for money, 絕對冇下次！聽說這間新餐廳環境幾好（在以前「潛水艇餐廳」個鋪位），西餐都幾啱我口味，所以就搵晚試吓啦😋，點知...自助落單：點了個煎牛扒（七成熟）$188加一，上菜的擺盤還可以，但牛扒.. 一望已經又乾又over-cooked😕。侍應沒有俾刀，只有叉... 一口咬唔入，多筋又「鞋」，比嚼香口膠還要用勁！無奈之下，叫來侍應投訴牛扒又乾又嚡。她道歉後，立即答應換新的... 這次要求五成熟（預咗overcook)。來了，真的七成熟... 但都要切開才能吃下，唉，又唔俾刀🤬！ 我估你哋用急凍牛扒，但收我二百多元；要自己落單 但收加一，俾少少服務同質素得唔得⁉️至於太太叫的「煎三文魚扒煙肉無米飯」，實際上是切粒椰菜花的「飯」，煙肉太多，整體過鹹，還是不合格👎🏼。後來才發現，這間餐廳的早午、及下午茶menu價錢，只是幾十蚊、不過百。在晚市出品質素 不比日間好一倍的情況下，難怪會覺得不值，not value for money❗️冇下次❗️［唔好話我特登「唱衰」：所有嘢都係事實、第一身經歷、感想。絕非打手］

♧現代歐陸式餐廳♧見到佢門口裝修已經引咗我入黎望到海景感覺好休閒lunch menu 好多選擇～有燒肉類、pasta、焗飯、意大利飯 、手工pizza♡♡黑椒一口牛柳粒配珍珠飯黑椒汁有啲辣整體味道都唔錯☆下次可以約埋朋友黎食飯

服務不錯，餐牌選擇也很多。嘗試有創意的菜式，不過整體感覺只是一般。下午茶價錢就性價比高，麵包也吸引。如果以一間冰室角度去評價，可以一試包類的美食。如果當一間西餐廳，就不要抱太高期望。蜆肉大隻，鮮甜道一般，麵包有點香脆。打卡可以，味道就真是太一般了。熱辣辣，烘得好脆。如果多一點菜，就更加好了。煙三文魚質素比較差，天使麵口感好差，感覺似食米粉。龍蝦湯沒有龍蝦味，唯一正常的就是炒蛋。提拉米蘇應該有好濃的朱古力味和咖啡味，兩者皆沒有。奶味很重，蛋糕也算鬆軟。如果當一個蛋糕食，還可以。