VEG-MIND CAFE

營業中

休息中

就在天空之城正中央方便就腳又有戶外座的cafe最緊要星期五早上無咩人早餐價錢都算平可以揀3/4款配菜飲埋咖啡先+$25試了bagel+素芝士醬配太陽蛋蕃茄粟米味道不錯驚喜係個沙律有最愛嘅passion fruitdirty沖得非常好層次分明入口帶酸面夠熱底又夠凍非常滿足🥰

跑完步經過天空之城有間好似新新地嘅cafe早餐主要係麵包同配菜全部都係素食🍀☘️🍃一上枱就覺得好精美！好清新！仲要好抵食！而環境都好舒服，上次天氣好就坐室外好正⋯⋯nice morning❤️

錦田天空之城不斷開新餐廳, 呢間素食店開左幾個月, 即管去試下。內部簡約裝修, 以白色為主調; 大約坐到14人, 算寬敞; 門口外面也有相當大的地方, 適合吸煙及有寵物的客人, 感覺幾寫意的。店舖有手沖及奶啡, 也有各式蛋糕小食, 主食則以意粉, 飯, 漢堡飽, All day breakfast 為主, 選擇都算多。點了一客炸南瓜, 配蜜糖, 味道好夾, 略嫌南瓜有點散; 芝士素肉醬紅腰豆意粉賣相無乜特別, 但味道有驚喜, 素肉醬的味道調得好好, 又夠多, 食完意粉都仲有醬汁剩👍最後叫左一杯黑芝麻latte, 芝麻係杯底, 所以要攪勻才好飲, 否則只飲到好重的奶味。原來黑芝麻同牛奶唔係好夾😥

之前路過呢間餐廳已好想嚟試下，因為次次同狗狗到天空之城都只係去旁邊的Hola，所以想轉個地方，而呢度的戶外空間比較大，檯與檯之間亦有一定距離，比較適合帶埋寵物一齊用餐。（如果可以增設一啲寵物食品就更好喇）午餐有約10款選擇，普通咖啡/茶跟餐+$10；指定特色飲品則+$20。喺店員/店長的推薦下，我揀咗芝麻牛奶，而主食係蒜蓉芫茜意大利粉。蒜蓉芫茜意大粉帶有香濃蒜味，芫茜經油炸，少咗新鮮芫茜果份獨有的草青味，對芫茜有抗拒的人都應該可以食到。意粉入面有頗多蘑菇，不過我係衝住芫茜而嚟，所以當了解到意粉的主角係蘑菇後都有少少期望落差。可幸意粉的確惹味好食，麵條的軟硬度適中，食物水準唔錯。至於芝麻牛奶，我覺得一般，如果一開始便搞勻杯飲品可能味道會平均啲，因為芝麻粉都集中喺杯底。整體而且，飲品係不過不失。呢間餐廳上菜都算快，去到亦唔使等位，值得推薦。

好耐無帶主子入天空之城 今晚入去 見到有新餐廳 就試下啦 又幾好味喎 😋室外位寬敞 坐得幾舒服matcha latte 茶味濃 不錯炸大啡菇 juicy 個牛油果醬 酸酸地 可以解到炸嘢既油膩感fish and chips 個素魚好味 一d都唔似素有d樂樂雞feel 芝士牛肝菌什菇旦面呢個係今晚最正的 好香菇味 必叫最後叫左個芝麻卷 好濃味 用料好足老闆話係用日本直送既牛奶做的食甜品最緊要唔太甜 佢呢個就係唔太甜個種 啱曬我胃口 😋整體都好滿意 連同行平時唔食素既朋友仔 都覺得唔錯

呢間好食到你完全唔覺得係食緊素！ 個漢堡包多汁到不得了，蘑菇意大利粉絕對要試，紅菜頭燉飯好特別。仲有個蛋糕好鬆化，我哋試咗芝麻、芋頭、綠茶，覺得芝麻味最好。個Menu同夏天開幕時已經好大進步，而且上菜好快。佢啲飲品好靚，我自己叫咗杯dirty coffee, 好得！ 鍾意po相嘅，你嚟依度一定唔後悔，有圖有真相，等我post俾大家睇。

第一次嚟天空之城我喺元朗搭小巴601過嚟，嗌爾巒有落，好快就到。雖然要轉車，但交通尚算方便。一入路口就見到呢間簡約白色cafe🤍我地嗌咗牛油果沙律、impossible burger、炸牛油果、素炸魚薯條、荔枝鳳梨特飲第一次食素魚，好有驚喜，沾咗醬後覺得個味有少少似麥樂雞🤣炸牛油果都好神奇，好似食緊薯條咁，不過又有牛油果味，唔中意食牛油果嘅我都覺得好食友人都大讚burger好食因為佢喺其他鋪食素肉，覺得有陣豆味。但呢間個味做得好好呢間係自助形式，自己出bar枱落單，食完後將餐具同杯碟放返落bar枱就可以了