VEG-MIND CAFE

營業中

休息中

疫苗通行證正式取消，係時候出動去靚靚素食餐廳打卡，這天遠征錦田小旅行，本到全白玻璃屋VEG-MIND CAFE，天氣好坐外面舒服寫意影相靚，精品咖啡出乎意料幾有水準，食物都好有驚喜呢！咖啡店不近港鐵站，如非自駕，可以在錦上路轉64K巴士在高埔村站下車再行幾分鐘過來。環境非常讚，可以當自己去峇里島度假。坐外面其實都無太曬，不過想吹冷氣都可以坐入面嘅。這個全日早餐餐牌整天都供應，選擇非常多實在眼花瞭亂，基本款是一個包一個醬三個菜。食早餐可以加HK$20飲咖啡。甜品的部分有各種蛋糕揀，留意返不是純素。全日早餐+咖啡 HK$88因為配菜都是自選的關係，完全可以自己砌一份純素早餐，另外要留意返部分選擇要加錢。這天我揀了貝果、牛油果醬、炒蛋、素煙肉和炸南瓜餅。首先想話咖啡有拉花又幾好飲實屬驚喜，沙律有羽衣甘藍靚菜，炒蛋夠滑夠份量，貝果唔太硬幾好食，素煙肉略鹹主要影相得意，炸南瓜餅中間真係全部南瓜蓉皮薄香口。11:30 之後開始供應午餐輕食，大概就是意粉西餐，感覺都唔錯嘅。

上網一早睇到呢間素食Cafe 想試下，無奈老公唔食，一直都無機會黎，終於上星期我終於得閒自己過黎食啦！天空之城大部份餐廳都有位泊單車，坐低左就即刻影下相同嗌野食啦，見到人地杯咖啡好靚，蛋糕又好正，不過我未lunch, 所以就試左lunch 先，跟著就坐左出面，我坐左bar 枱望出邊，感覺好悠閒好舒服。最後我揀左香蒜莞茜炒意粉，黎到好多莞茜圍住，中間有d 蒜蓉炒雞脾菇，係乾炒無汁既，但佢竟然係好濃味😱 所以有d 驚喜。另外我嗌左凍0茶， 味道正常。如果下次黎，我會揀咖啡+甜品，因為望到都覺得好吸引！同埋呢度可以帶狗狗黎ga😳

難得今日公眾假期就去遠小小元朗天空之城之前出面空地係免費泊車的依家星期六日及公眾假期收$40/2小時第一次去素食cafe 室內滿座，外面太曬，所以等左大約20分鐘真係好熱餐牌如下，佢有餐既可加$10要普通飲品，例如凍檸茶果d 我地叫左VMC菠蘿青檸炒椰菜花飯(中東包)$87賣樣不錯，幾靚不見有菠蘿🍍我估無貨轉左粟米不過係好食既不過個中東包一打開就爛，包唔到入去要分開單塊食😆另一個係牛油果芫茜芝士蕃茄莎莎墨西哥夾餅$88，好足料兩個比較下，個人鍾意食中東包多啲飲品一杯加$10要凍檸茶另一杯叫左芝麻味唔記得鮮奶定咖啡😂（因為食評過左幾日先寫）正常質素啦

餐廳有室內同室外 以白色為主 環境舒服 夏熱天時叫左杯藍蝶花西柚熱情果梳打水 同菠蘿青檸梳打水 真係透心涼 All day breakfast 就揀左吉士包 另加$15食班尼迪蛋 真係好好食呀 隻蛋一降落睇得出好流心 震騰騰咁 一切落去蛋黃流晒出黎 好正 炸素魚同薯寶都炸得好脆 跟左個炒野菇 特別d既仲有菠菜餅 跟餐轉特飲都係$10 都幾抵

上次去天空之城已經見倒新開左哩家門面好靚嘅cafe，打算要再去try try，哩家主打素食嘅餐廳所serve嘅菜式都幾高質，值得試埋其他野食！🥐𝙰𝚕𝚕 𝙳𝚊𝚢 𝙱𝚛𝚎𝚊𝚔𝚏𝚊𝚜𝚝｜𝟿𝟾牛油炒蛋．炒雜菌．串串茄．素煙肉．素腸．牛油粟米．牛角包之後就到個令人新奇嘅ADB，係對得住價錢嘅素食version～個素煙肉連個皮邊都好似，個味更加唔洗講，而個素腸好似一塊炸魚塊咁，但有住腸仔嘅味道，外皮脆脆地幾好食，個炒蛋用靚蛋同一樣炒得有水準，不得不提仲有佢個牛角包真係好大舊。🍛炸豆腐南瓜濃汁雜果仁意大利飯｜𝟾𝟾啲炸豆腐十足十平時去酒樓/大牌檔會叫嗰啲椒鹽豆腐咁，外脆內嫩，好有水準，熱辣辣食入口好正。Risotto啲南瓜唔係淨係煮到成pat咁撈勻一碟，而係仲有啲南瓜粒喺度，更埋啲juicy蘆筍同煮得剛剛好嘅飯粒，一個飯已經足以愛上間cafe。．☕️𝙷𝚘𝚝 𝙱𝚕𝚊𝚌𝚔｜𝙸𝚌𝚎𝚍 𝙲𝚊𝚙𝚙𝚞𝚌𝚌𝚒𝚗𝚘｜+𝟸𝟶佢地嘅咖啡都唔錯架~同埋我地坐左好耐LOL

平日星期五Lunch時間去試下食位置上係偏遠左少少，不過係元朗搭巴士去落車行5分鐘內就到啦！天空之城-美食街，入口位有隻大黃蜂👍🏻正呢度其實好多餐廳，不過今次試下呢間素Cafe穿過走廊就會到達😄😄😄門口旁邊既打卡位🤩🤩VMC雙重素牛肉熔岩芝士竹炭漢堡(煙燻BBQ辣醬)配薯寶$118推薦👍🏻👍🏻👍🏻👍🏻超巨型，竹炭包>芝士>素牛肉漢堡>菠蘿(有d辣汁)>芝士>素牛肉漢堡>蕃茄>菜>竹炭包，一淡冇乜可能咬到，要分開上下兩層黎食，素牛肉有d似真漢堡，口感唔錯，有少少辣都幾夾到菠蘿同素牛肉。薯寶炸得岩岩好，有12粒。一個人食真係超飽！FlatWhite跟漢堡+$20👍🏻👍🏻👍🏻，個拉花都唔錯，咖啡味都幾香。日式炸豆腐胡麻醬天使冷麵$88，個天使麵份量都幾多，一個人食唔晒，有黑白芝麻，正👍🏻幾粒炸豆腐，皮脆夠滑，伴碟仲有啲青瓜絲蘿蔔絲等，整體都唔差，好食😋😋黑松露薯條配黑松露醬$58，黑松露味唔算話太勁，易入口，炸得啱啱好夠晒熱！推薦👍🏻👍🏻總結：素食嘅Cafe其實唔太多，仲要係好食真係少有！真係要去試一次！Menu有其他嘢食都好想

舊年曾來過呢間位於錦田天空之城嘅素食 cafe🍀印象中無咩特別。上星期再次到訪，唔知係轉左手定改變左經營方針，無論裝潢、餐牌，以及食物同咖啡質素都脫胎換骨，有明顯嘅進步👍🏻而且仲多左個靚靚打卡位🤭叫左蒜香香辣芫茜意粉同烤杏飽菇芫茜青醬意大利飯 (芫茜控出沒😛)，齋睇相係咪除左芫茜還是芫茜😂？其實意粉同意大利飯本身嘅芫茜味道唔重，而芫茜只係放喺碟旁邊，食多少就豐儉由人啦🙃意粉雖然稱為「香辣」但其實只係微辣，蒜香味最突出，幾種味道混和一齊產生左清新嘅化學作用👍🏻如果意大利飯上嘅杏飽菇再腍一啲就更加好啦☺️吃完嘅感覺真係好健康😆最後都忍唔住叫埋芝士蛋糕做甜品🙃蛋糕嘅軟硬適中，有啲驚喜👍🏻佢仲有其他無芫茜嘅嘢食😆例如貓耳朵同 Burger，下次再來試試☺️

已經嚟過哩度好多次7.1趁市區封路又打風近近地再訪哩度食早餐雖然係素食款式選擇卻唔少今次老公試大大碗藜麥有黑豆、牛油果等啱晒佢話減肚腩😂我就食個反差大嘅炸素魚薯條健康vs油炸素魚個樣有d似麥樂雞😆薯條份量好多早餐大滿足！最後來多杯piccolo放假志在呷下咖啡唔需要太醒神細細杯啱晒☕️好鐘意哩度有outdoor seat食物同咖啡每一次嚟都keep到水準店員們更加係親切友善又pet friendly 真係一個令人放鬆的好地方💯

做完瑜伽又約咗妹妹食lunch，揀咗屋企附近嘅一間Cafe，呢間Cafe係一間素食餐廳，對我黎講非常好，因為我本身都唔係太鍾意食肉☺️我哋嗌咗個酥炸咖啡菇burger、一個牛油果紅菜頭pizza，用咖啡菇代替漢堡扒係一個唔錯嘅選擇，非常Juice👍🏻不過個Pizza就有啲失望，牛油果唔夠熟同襯落紅菜頭餅底完全唔夠味，所以我將有芝士肉醬果邊夾住紅菜頭嗰邊一齊食，豪邁啲不過噤食我覺得會好味啲😂同埋提提大家呢間餐廳喺自助，要拎乜嘢都要自己去拎，食完自己要收返入餐廳

山長水又遠，長征元朗錦田尋找天空之城，全因為要一解思鄉之情🤪——朋友話呢到既氛圍有少少似泰國既夜市喎😏Anyway😈😈😈自問大食恐龍好少食素，之前試過幾次去d新派素食餐廳打卡、又試過咩新豬肉產品，都覺得無食肉咁爽，但今日呢餐都幾滿足😃牛油果鷹嘴豆醬酥炸大啡菇burger｜香脆薯寶- 大啡菇super juicy🤩菠蘿亦十分fresh & juicy，兩者配搭蕃茄、生菜、牛油果醬，雖然無食肉既感覺，但refreshing既味覺衝擊會令你覺得無肉都好ok😁薯寶細細粒，炸得好脆，薯仔味好濃；一啖一粒，食完都唔會成口油，高汁🥳溫泉蛋牛肝菌risotto- 平時出面食可能會加埋d蟹肉絲，但呢到素食餐廳撇除左蟹肉，反而令個菇味更突出😍熱辣辣上檯，溝埋芝士絲，打爛埋隻日本蛋，既香濃，又多汁，難以抗拒既美味😚😚😚迷你黑松露薯條｜黑松露醬- 薯條加松露油去炸再醮埋松露沙律醬，基本上都好難唔好食既～但薯條無咩薯仔味，就著實令我失望既..😔凍特濃朱古力- 夠凍、夠濃，完。士多啤梨牛油果smoothie- 賣相靚，打卡table。牛油果既可以中和士多啤梨既酸，又可以令口感更thick，好味。但飲smoothi

雖然住元朗但自己都好少過去錦田😂係因為本身朋友住附近介紹我開咗一間新嘅coffee shop可以帶狗仔所以就過去試吓🥰因為係星期六日號所以天空之城嗰邊都幾多人但要泊車嘅都冇問題 因為嗰邊都幾多車位餐廳風格簡約 木系 感覺好舒服而且本身有擔心過素食會唔會唔飽😂(本身我係一個食肉獸)點知其實發現味道好唔錯之餘係絕對夠飽嘅😂而且咖啡都唔錯~如果有狗仔嘅話都建議可以嚟呢度試吓因為outdoor 位置都大就算有10隻狗喺嗰度都唔會好迫😆而且有瓦遮頭又唔使怕會太曬～～

第二次來這餐廳，感覺和第一次一樣，清新、驚喜。芫茜意大利飯，味道十分好，幾片雞髀菇驟眼看上覺得很寡，但廚師的調味極奇出色，本身淡而無味的雞髀菇突然變成人間美食。一個人吃一碟意大利飯偶爾會覺得很膩，但廚師加入了粟米芯，吃起來清爽不少，吃完整碟也覺得剛剛好。餐廳環境十分之漂亮。另外兩碟，家人也一致表示欣賞。😊

假日入到錦田悠閒一下，入到咁偏遠有間素cafe。比想像中多人，見佢室內室外都keep住有人流，好多居民或者寵物主人幫襯。巴馬臣芝士法國牛肝菌闊蛋麵 (Rating: 8.3/10)闊蛋麵煮得Al Dante, 有咬口嘅闊蛋麵掛汁唔錯，食到底都唔會覺得淋👍🏻配料有蒜蓉洋蔥碎加黑椒炒香，牛肝菌同大啡菇嘅比例相若，每啖都會食到菇，牛肝菌份量對得住價錢，多到有啲食菇仲多過食麵嘅感覺🤣至於灑喺上面嘅巴馬臣芝士相對好淡味，份量亦較少，醬汁唔算太濃，唔怕搶左牛肝菌嘅味道🍄巴馬臣芝士素肉醬紅腰豆意粉(Rating: 7.7/10)如果話係素肉醬，其實我覺得比較似紅腰豆泥加新豬肉mixed up嘅醬汁多於平時好香濃嘅肉醬，素肉比例唔多，反而啖啖都係紅腰豆同豆泥番茄醬，有一種健康嘅甜味，有點意想不到紅腰豆配茄醬其實幾夾🤤如果食慣啖啖肉就唔太啱，想食得健康又唔想過淡就適合不過。意粉正正常常，配上洋蔥及腰豆肉醬撈埋都討好，唔太油（其實好難會難食😂）。芝士雖然份量唔少，但好淡，亦唔太溶化，存在感不高。酥炸大啡菇伴牛油果醬 (Rating: 7.5/10)粉漿唔多，大啡菇炸得外脆內軟😛牛油果醬加上檸檬汁、香草等混

特登要搵露天餐廳去食，貪佢空氣流動無咁高風險。cafe裝修好日系好清新，出面都好多座位。呢度自己入去落單，收現金同PayMe, 之後會有人送餐俾你。芫荽意粉🍝心目中以為佢係會綠色，原來唔係嗰回事，但係食落又有芫荽味。鍾意佢煮得軟硬適中，加埋赫片脆脆地幾好食。Impossible meat burger 真係好似真肉，配個honey mustard sources都幾match! (店員好細心買我要唔要切一半）好似加$18可以飲其他野，叫左杯黑芝麻latte同green tea latte。拉花好靚，個size都大杯，飲落似無落糖芝麻糊。抹茶味latte都唔錯。最後加多件紫薯卷蛋（$32）不太甜，有紫薯蓉creamc，yummy!

就在天空之城正中央方便就腳又有戶外座的cafe最緊要星期五早上無咩人早餐價錢都算平可以揀3/4款配菜飲埋咖啡先+$25試了bagel+素芝士醬配太陽蛋蕃茄粟米味道不錯驚喜係個沙律有最愛嘅passion fruitdirty沖得非常好層次分明入口帶酸面夠熱底又夠凍非常滿足🥰