Venchi (已搬遷) 新店位置

Single Scoop $40Double Scoop $62榛子味，朱古力味，紅桑子味😈雪糕係Galeto，質地相對較硬身，食落口感較厚👍🏻朱古力味道幾正，味道非常之濃🍫榛子味道都好濃，奶味都幾出喔

元宵佳節前夕，繼續分享上週三的甜蜜母子拍拖食記；當日除了到訪國金軒及K11玩具亭，之後我們還到了海港城買玩具，之後經過 Venchi 豬仔又扭說要吃雪糕！其實甜魔媽媽更想吃 i-Cremeria，不過 Venchi 有多段美好親子回憶，讓為食豬再重溫下也好～囝囝初選是抹茶味，不過再試真點後，最終選了 Strawberry Milk Gelato。他只喜歡單球 ($40)，價位與 Häagen-Dazs 看齊，都是可選筒或杯，當然給他要選筒！甜魔媽媽試了一口，Milk Gelato 味道不錯，足以頂替囝囝吃不到心愛雲呢拿味的遺憾；不過中間的士多啤梨果肉就太凍及稍酸，始終這店還是特濃朱古力味最讚。等天氣回暖一些，找天再吃i-Cremeria吧～

Gelato 比起平時食個D 較硬身, 特濃朱古力味 gelato 更加好似食緊 Chocolate brownie 咁, 好實在, 好幸福, 硬身D無咁易溶. 第一啖先食粟子味, 甜甜的, 淡淡的粟子味, 有食到比較微小的夥粒, 其實 好似食緊平時粟子蛋糕個個粟子cream. 第二啖食抺茶, 都唔錯, 都几甜, 但茶的甘味也很搶, 沒被蓋過. 明知應該先食完2個淡口味的雪糕先好食 dark choc 味, 但係個2 個味都唔係幾吸引我, 第三啖即食特濃黑朱古力Galeto, 成個口都係好香 好濃郁朱古力可可豆味, 唔太甜, 滑, 一啲都唔漏. 我現在心目中的 Number 1 dark choc ice cream 係呢個了. 我個人比較喜歡 Vechi 呢個, 多過 soft serve. 食咗啖 dark choc gelato, 再食番 chestnut 變 無味, 但抺茶的甘味都仲係度.

前天在灣仔午餐後，三母子女又搭船到海港城繼續逛繼續拍。去到最後一站妹妹首先忍不住在車上睡著，為免囝囝中途體力不支，臨離開前又特別去買朱古力提神。其實元朗形點的Venchi已經開幕，就設在家上海外面，早一晚也去買了朱古力吃，就是圖中美味的魚子醬朱古力。70%對小朋友或會太濃，但對我這朱古力魔就是非常的完美，吃完齒頰留香太美妙！吃完又可掛聖誕樹，一物二用！至於囝囝，還是特濃朱古力味雪糕好了，因為元朗店正正沒有雪糕賣呢。在杯裝與筒裝的選擇中，小朋友肯定會選後者，然後吃到一身都是... 不過這裡的雪糕比較黏身，不太易融，相比很多間店算不錯了～面對超香濃好吃的特濃朱古力雪糕，為食囝果然非常喜歡，還擺出一連串可愛／爆笑的pose來謀殺相機 memory！仗著這杯雪糕，最後好動豬果然剛好夠精力由海港城步行至尖東站，然後一上車就睡著！都算很乖巧了～

晚餐後想吃點甜，難得路過，就來一杯吧！百多年歷史的的意大利朱古力品牌，店員說雪糕底從意大利入口，配合香港適時材料新鮮製作。與傳統意大利Galeto的稠狀口感有些分別，相比之下，這樣較硬身。原來因為香港天氣較意大利和暖，為免Galeto離開雪櫃後容易溶化，特許香港店調製時硬身一點。特濃黑朱古力Galeto入口濃郁黑朱古力香氣，甜度適中，帶著朱古力豆香與甘味，從口腔滑進喉嚨，口腔裡仍充滿揮不去的餘韻。這種滑與軟雪糕完全不同，軟雪糕雖滑，但入口很快溶掉，但這種滑，在口腔裡有種難以形容的充實感，冰涼但不會冷得味覺發麻。

超過130年的傳統手藝，著名意大利品牌朱古力在香港開站，我卻鍾意於她的gelato。Gelato選擇不及朱古力多款，卻秉承對朱古力製作的堅持，要真材實料沒人工添加。饞咀如我，吃過第一口，就回不了頭。抵不住番石榴雪葩的呼喚，就這個吧！平時吃雪葩，總覺得是將果肉打成汁混入冰打碎，這個在口裡的感覺完全不一樣。雪葩在口腔裡，仿如將一個番石榴打蓉放進口裡，是前所未有的真實感覺。就像自己在家裡製作，將果肉攪成蓉，加入乳酪、蜜糖等材料製作一樣。雪葩的清甜是真實的番石榴甜味，半點也吃不出有添加人工香料或味道。吃是人的本能，能夠在能負擔的價格下讓味蕾好好享受，人生一大樂事

因為有VIP coupon既關係，就去試下呢間，平時其實都係食平野咋。咁一去到間店，我拎張VIP COUPON出黎，係可以免費換一球任何味既雪糕，咁個收銀見到我拎呢張COUPON出黎，就即刻BLACK FACE，喂大佬，你地出呢D VIP COUPON唔係想更多人試你地D野咩？我係免費食你地D雪糕，但都唔洗黑面丫，咁唔想人地唔洗錢就食你地D雪糕就咪鬼出D VIP COUPON啦。真係富有中國特性LOR D人....講完SERVICE，我講下D雪糕，我揀左特濃朱古力，係幾好味既，成球食完過左勁耐個口都成陣朱古力味。不過我諗番起呢D SERVICE，再加上好味既雪糕，心情好複雜....

聞說這家店以朱古力聞名，而且朱古力也是由有機種植的可可豆提煉，因而好感度早已大增。很期待很期待呢，自從食過 Awfully Chocolate 的雪糕後，再也找不到類似的味道。我本人就是喜歡朱古力，但不愛太甜的味道，所以對朱古力雪糕的要求一直都很執著。一場來到，不如點個雙球試試吧！店員推介，如果食特濃朱古力味，配水果味會比較好，於是我選了香蕉雪葩。朱古力配香蕉是幾好的配搭，兩者的味道都很夾。來吧！來一口特濃朱古力雪糕，果然沒有失望。特濃的朱古力味，配合幼滑的雪糕，把我成個口腔都充滿朱支古力！正！香蕉雪葩都是不錯，但與特濃朱古力味比下去，就有點失色。下次還是試一試榛子味吧！

如果你愛朱古力，我強烈推薦呢度既dark chicolate ice-cream 比你， 濃濃的可可味，又不會每甘味蓋過甜味，每一口都令你細味！但如果想清新一點，不同的生果味雪葩亦是夏日不錯的選擇。我們一行三人，要了一杯dark chocolate,一杯西柚雪葩，你一口，我一啖！

曾幾何時，Venchi的榴槤雪糕在此引起長龍，當年一嗚驚人，但現在，也許是競爭大了，極度美味的感覺失去。這次選了雪糕筒而非杯裝，因為被雪糕筒頂端的花生吸引，品嚐之時就想起與榴槤合拍！雪糕本身香幼，榴槤味香，但比下去，其他店如貓山皇等亦不俗，雪糕筒亦新鮮香脆，花生本身亦無出錯，未有腍了，但榴槤加花生吃，口感不習慣，我吃榴橽就是喜歡其棉滑黏軟之感，與硬朗的花生口感是兩回事。是自己選錯，可次點選杯裝再品嚐。

我工作在尖沙咀,去了就腳的海港城食Venchi Chocolate 意式雪糕很期待的食, 因本人十分喜愛雪糕. 味道十分多款選擇, 我選了, 食了一口, 十分滑而且榛子朱古力味十分十分的濃,唯一我覺得如果有些位置可供堂食就更加 PREFECT, 另朱古力也不錯, 下次經過會再試其他味的雪糕.

閒日中午去到，全店是冇客的，但唯一的店員一點都唔approachable，我站了兩三分鐘先從另一邊櫃位施施然行過來，而且不要話给你試食，就連最basic的介紹都冇，畢完雪糕後亦不會主動同個客講可以灑榛子粒喺面，所以服務是要彈的覆盆子朱古力雪糕 $38 (1/10分)雪糕口感不夠軟滑，食到其中夾雜著雪糕皮，感覺不新鲜，失敗(十萬個爲甚麼：何謂雪糕皮?ans: 屋企盒dryer's 擺得耐左表面就會形成一層煙靭的雪糕皮) 覆盆子味...只可以話好很淡...欠缺raspberry應有的酸甜，失敗朱古力味呢，是蠻濃的，卻不夠醇厚，失敗脆筒唯一可取的是夠脆，至於味道嗎，bird nest 牌甜筒都好過佢 ，失敗之中的失敗肯定唔會再去，浪費寶貴的quota個人認為午餐喺牛角跟餐送的黑糖醬黄豆粉雲呢那雪糕更對胃口 評分 (10為滿分)環境: 5衛生: 4賣相: 4味道: 1服務: 0性價比: 0

本人十分喜愛食朱古力，開心時食，不開心時食，就好似靈丹妙藥。太耐無食佢的雪糕，於是就打電話去問下有無我未食過的榛子朱古力味，佢就話無擺出來，睇下我幾點來就幫我拎出來解一解凍，方便畢俾我。我真係好開心，竟然願意為我重新開一盒雪糕。於是我就話我五點後會來我大約5:30多去到，見到櫃內並無榛子朱古力味，於是問下一位男店員(佢係聽電 話果位)。佢就好搞笑甘話：你介吾介意先逛一圈，我吾記得左拎出來。該店的雪糕我有食過，但朱古力就未食過，所以我等的時候就順便睇下佢的朱古力la 我之前買開雪糕，有幾次都係由佢serve 我，所以我好鐘意這位店員(吾知定係經理)佢好nice ,而且好熱心。 我一路睇緊朱古力，佢都會推介和介紹其產品，亦會問我鐘意邊類型的朱古力。我真係揀到眼花繚亂，款款都好想試我等緊雪糕的時候，佢就請我食一粒焦糖味的朱古力。要知道其朱古力的價錢並不便宜，真的有點吾好意思同受竉若驚。 佢話這款係不少女孩子的心水，故讓我賞試，睇下岩吾岩口味。所以我就即場食左。的確係好好味，好香的焦糖味，但吾會搶走朱古力味，難怪會成為眾女子的首選。佢之後都有問返我岩吾岩食，不過我偏愛可可濃度高少少的朱古力所以

上週超忙的，來到新年前夕終於輕鬆一些，就分享一篇輕鬆的甜食記吧～其實也不全然是甜，因為寫的是來自意大利的 Venchi 朱古力，甜蜜中帶點甘苦，不過正正因此份外吸引人！有追看網誌的，應該會記得甜魔媽媽對 Venchi 的評價甚高，無論是魚子醬朱古力、熱朱古力還是雪糕，都十分讓人回味！來到選擇眾多的Gelato意式雪糕櫃前，雖然其實店方的抹茶、榴槤味都出色，但見到特濃朱古力差不多給淘光，想都不想就要了最後的一球特濃朱古力雪糕。　這款Gelato，真的超級美味！ 質感香滑是Gelato的特色，但難得是同時口味異常香濃，微甜甘醇、朱古力餘韻悠長，吃下去真的太幸福啦～  而且那脆筒也香脆同時富有蛋香，貫徹Gelato的高水準。Gelato的色澤與味道是同樣的深邃，看！為食囝囝過來搶了一口雪糕吃，就變化下面的花咀貓貓。而且吃完雪糕不久就昏睡車上，甜魔媽媽怕弄醒不敢給他抹咀，以致污跡留了好久好久呢...!!! 這裡約80g的單球Gelato $38，雙倍份量的雙球就$62，是貴一點，但真的有水準。記得多年前它曾做團購，那時甜魔媽媽也有瘋狂買下來！如果有再做請大家也通知我一聲啊～啊，我太醉心寫雪糕了

還記得兩年多前專程來Venchi想吃榴槤雪糕，但那天並沒有供應，結果買了幾百元朱古力，瘋狂地一晚吃光。後來到羅馬旅行，不同種類的venchi朱古力，看得眼花瞭亂，還要比香港平一大截。回到香港，覺得貴這麼多唔抵，就沒再來了。昨天經過，見到有榴槤雪糕！試了味，榴槤味都幾濃，但奶味偏重，都幾稠，還是較喜歡貓山皇。最後要了特濃黑朱古力和伯爵茶。可以自己加杏仁碎和榛子。伯爵茶雪糕清楚見到一點點的黑色茶葉，好靚。茶味雖香，但奶味太重，更像奶茶雪糕。還是朱古力好吃，極濃的黑朱古力，甜度非常低，出色。杏仁碎和榛子很脆，早知多放幾粒