Very Good Eat (已結業)

食野最怕受氣今日路經望到魚蛋幾靚仔，回程時諗住買串來試下，舖頭有兩個人，一個短頭髮，一個肥胖身材的女人，短頭髮經過見到佢應付客人態度好好。另外一個身型肥胖的女人，比錢之前態度都好客氣，比完錢當我問佢魚蛋有無汁，佢即刻極差語氣，反問甘你想要咩汁？！本身諗住支持下小店，點知呢個女人比完錢就態度差，我自問係好有禮貌問佢，魚蛋直接係鑊油撈上來，問你有無汁都係正常反應。乜野事要惡言相向？？？可能你賣原味，我真係唔識欣賞，要受氣食野真係不了。

呢間Very Good Eat真係very good eat😂好好食啊。佢有好多小食賣，燒賣魚蛋臭豆腐撈麵都有，今次我就嗌左佢既腸粉食。 1️⃣腸粉（$11）其實我都有一排冇食過腸粉la，不過呢間既腸粉真係驚艷到我😲十一蚊有四條，份量都唔少，最正既係佢既麻醬係自己調配，唔會太結或者太稀，啱啱好，花生香味夠得黎食落唔會令人覺得啲汁太濟太濃，絕對係可以令人一啖接一啖咁食！同埋其他醬混埋一齊食，正👍而且佢既辣醬都好好味，唔會太辣，有少少甜味😋腸粉就夠曬滑，唔會有好厚粉既感覺。  

Just as I put in the title, this place offers the best duck blood as a snack in HK! Not only the blood itself, but the broth cooked in it is amazingly delicious. I finish the full bowl every time, to the last drop. One often gets blood curds in hotpot resto, but this little stall in Kowloon city provides this comfort food. Of course its Shui Mai, and steamed rice rolls are good too. Support this store any time u can, coz it’s places like this that remind us what HK is like, has been like, and al

返工前特登去買黎食叫左麻辣燙要左午餐肉、豬皮、鴨血同薯粉另外叫左一份魚蛋😋魚蛋好味啊另外個麻辣燙都好正略嫌鴨血細舊左少少其他都好味😍😍😍位置係九龍城廣場正對面🤪🤪

九龍城小食店除咗泰式串燒之外，呢間係一個好選擇。燒賣係九龍城中最好食的。可入貨返屋企自己整黎做早餐。麻辣鴨血都可一戰。麻同辣比例啱啱好。支持有心小店❤️下次再試吓個腸粉先。

係九龍城番工， 都無乜邊檔有燒賣魚旦今日行過九龍城廣場， 對面馬路比我見到有燒賣魚旦 碗仔翅賣， 即刻買左燒賣魚旦番去食，個魚肉燒賣好好食， 好彈牙， 叫左小辣同埋個豉油係甜甜地👍🏻下次試埋佢既麻辣燙同碗仔翅

一到冬天，自然就會好想食辣 (其實平時都好愛食🤣) 小胖的朋友推荐小胖一間小店，話食麻辣超好吃！所以小胖就去試下。麻辣麻辣，顧明思意就係要又麻又辣，不過坊間好多標明麻辣的都係得個鹹字…作為一個愛食辣的人，食到假麻辣真係會好唔開心，但呢間小店的麻辣燙令我食完立刻忍唔住要和大家分享小店的招牌係麻辣鴨血，因爲係午餐時間，單點鴨血又點可能堆飽小胖的胃呢，所以小胖最後叫咗鴨血，魚腐配紅薯粉，佢的辣有分大，中，小，小胖要咗中辣。一打開，香濃的麻辣味撲鼻而來，一碗有各3塊鴨血和魚腐，鴨血唔算好大舊和厚身，不過有一定厚度，口感超好！魚腐連湯一咬下去超幸福！小店的湯底超推，真·又麻又辣！食完之後雙唇依然有麻的感覺，辣度方面還可以，小胖可接受，相信下次可挑戰大辣！小店不設座位，全外賣，收費不貴，34元一個午餐，食到又飽又幸福！小胖會再去食！！真係好好食！

香港都冇乜邊度地方可以食到台灣嘅鴨血如果想食都要揀啲台灣火鍋再叫一碟任食都唔使諗㗎啦九龍城呢間小店 就偏偏有出呢啲咁冷門嘅小食要咗個中辣蘿蔔鴨血 盛為$30鴨血又Q又香 份量都唔少 連少量韭菜一齊食蘿蔔嘅甜相信有浸糖水 可能糖水浸得太耐 有啲死甜 比較失色整體來講鴨血可以再encore店入邊仲有其他麻辣燙 臭豆腐 腸粉 燒賣比較特別牛肉燒賣都有平時有時都見啲學生哥食下次可以一試從食物嘅水準黎睇得出 店主有心經營依間食店支持香港小店

I love Spicy ducks blood and Spicy stinky/smelly tofu but you can only get these at hotpot places.At Very Good Eat, they serve all my favourites which is served similarly to hotpot style.They cook the ingredients of your choice and serve it in a small portion of spicy broth.It is pretty affordable and you can order items which you specifically want without having to go to a hotpot.I got the ducks blood, luncheon meat and smelly tofu.Both the tofu and ducks blood were a treat and delicious with r

細細個已經食腸粉做早餐，但係搬左之後就已經好少食腸粉做早餐。終於係九龍城開左間有腸粉食既小食店，太好了。已經幫襯過呢間野好多次。腸粉夠滑，但係燒賣就一般。魚蛋細細粒幾好味。今日仲試埋臭豆腐同鴨血。好好味，咀唇真係庳左。好味。除左燒賣可以改善下之外，希望可以收夜的啦。

第一次經過呢間小店，買了臭豆腐及魚肉燒賣食，老闆娘好年輕，有禮又細心，會推介美食，又會問多辣定小辣，又有笑容，好客之道就係咁，雖然食物唔係好突出，臭豆腐是一般感覺，食完唔覺有味精，魚肉燒賣勝在冇星味，老闆娘夠晒有禮可以加分

店舖細细間，絕對吾簡單，我一次過食哂幾樣招牌野！主理人雖初入行，但對食材绝不馬虎！尤其燒賣，食回兒時既質感味道，牛肉燒賣、魚蛋不可不試，招牌鴨血、臭豆腐，麻辣味夠香，更是亮點之選，略嬚麻辣加湯之後，味道淡了些！(個人口味)但相信會有進步空間，必定會再試！😚

兩日幫襯左三次第一次係食完樂園之後約14:30買牛肉燒賣及魚肉燒賣各一份返酒店食。唔係即時食，16:00先食味道依然好味，就如她在受訪片中所說，係魚同牛，唔係粉同味。聽朝04有工作，今晚早瞓，18:00去完泰屋之後又返去買，今轉近收工時間，賣晒牛肉燒賣，所以叫左魚蛋，魚肉燒賣各二,怕一陣餓。到今朝做完野10:30喺坤記食完牛腩麵當Brunch後，又順路過黎買返轉魚肉燒賣，牛肉燒賣，魚蛋，各二剛好裝得晒。實在好味呢！她的辣油也與別不同