影片
港鐵銅鑼灣站 E 出口, 步行約4分鐘
繼續閱讀
電話號碼
21866404
開飯介紹
店名在意大利文意指「活著、體驗」，而餐廳位於商廈高層，可眺望維多利亞公園景色，你可以時尚的裝潢下細味高質意大利菜、當地的葡萄酒及特色雞尾酒。
繼續閱讀
營業時間
今日營業
12:00 - 23:00
星期一
全日休息
星期二至日
12:00 - 23:00
以上資料只供參考, 請與餐廳確認詳情
有關獎賞計劃
優惠
相關文章
餐廳樓底高，好有空間感，透光開揚大大玻璃窗，望到維港景色，好舒適。從餐廳望出去的景色開揚，餐廳有酒吧，有個舞台仔，仲有個大屏幕，裝修時尚又夠chill，座位闊落舒適，放工或weekend同朋友食飯，又或搞party嘅好地方👍🏻烤紙包忌廉蔬菜 $88呢個presentation都幾特別，蔬菜剛剛好，唔會太腍overcooked，有好多唔同種類嘅蔬菜，忌廉唔會太重味蓋過新鮮蔬菜本身嘅味芝士焗煙肉蘑菇忌廉汁麵包 $98簡簡單單嘅芝士蘑菇，重點係個麵包，睇落好似好實，食落完全唔係，好有麵包香，伴埋芝士煙肉蘑菇，好好味😋香煎豬鞍配芝麻汁及椰菜花 $298豬鞍肥瘦適中，豬味濃，肉又夠軟腍，煎得夠焦香，配芝麻醬都幾特別，豬鞍下面嘅椰菜花，沾滿豬油脂同芝麻汁好好味💯伏特加汁煙三文魚螺絲粉 $158煙三文魚撈埋伏特加汁好濃郁，螺絲粉夠彈牙，三文魚份量唔少，每啖螺絲粉都掛滿三文魚同醬汁💯Sunset Splash $98有益力多，士多啤梨，芒果同蘋果汁，顏色超靚，好refreshing嘅mocktailMango Brûlée $128Vanilla Infused Vodka，芒果Syrup，Citrus同蛋白, Vanilla Vodka幾特別，不妨一試
繼續閱讀
又一年lu朋友仔生日，梗係要搵間靚餐廳慶祝吓先得。今次搵到維園隔離有間靚靚既酒吧餐廳，窗邊位係望住成個維園好靚㗎#凱撒沙津 - 一上碟嚇咗一嚇，竟然係一大棵生菜😂😂但咁樣先夠fresh 同埋每一片菜都有好多沙律醬，配埋啲蟹肉同魚籽食好正。唔好睇佢好似得一棵菜，但切開哂之後都好大份#清酒煮青口 - 店員哥哥勁friendy ，佢推介咗幾款餸俾我哋，其中一款係青口。青口好鮮甜隻隻都脹卜卜既再加埋少少既酒味，令到青口冇哂腥味，仲食到淡淡既清酒味👍🏻👍🏻#軟殼蟹Risotto - 我好鍾意食Risotto㗎，依個飯煮得夠有少少既口感😋😋個飯入面都撈咗蟹肉，除咗個底既蕃茄味之外仲有蟹既鮮味🤤#肉眼扒 - 叫咗五成熟，上碟切到好靚靚煎得啱啱好，唔會過老好軟冧🤤店員教有兩種食法一種係壽喜燒汁淋落啲牛到，另一種係撈埋落蛋液牛既軟熟再加埋蛋液就更加滑，牛味非常香濃，再加埋甜甜既壽司燒汁就更好味😋😋最後食埋甜品 #心太軟 ，因為朋友想低調啲唔俾我同餐廳講係慶祝生日🥲🥲明明隔離枱慶祝生日有小小既煙花蠟燭好啱影相㗎嘛🤪🤪心太軟好香濃既朱古力，唔會得死甜味。一切開就流哂出嚟😈😈外皮焗得有少少脆😋😋再加埋朱古力醬就一流夠哂邪惡
繼續閱讀
再為大家介紹另一間樓上鋪酒吧餐廳不過今日係食午餐已經見到餐廳為萬聖節做好準備我地叫左兩個set lunch揀左是日餐湯🥔今日係薯仔忌廉湯面頭有橄欖油點綴飲落有薯仔蓉～非常綿密🐟香煎鱸魚配薯蓉，法邊豆及檸檬橙汁$158Seabass. Mashed Potatoes. French Beans. Lemon Orange Sauce望落好清新～鱸魚厚身蘸埋檸檬橙汁感覺清爽魚皮脆卜卜，薯蓉好香牛油味，法邊豆爽脆清甜🐷蜜汁燒豬柳配焗洋蔥及薯角$178月日Barbecue Pork. Potato Wedges. Baked Balsamico Onions蜜汁燒豬柳肥瘦相隔，口感爽而不膩，唔會話好腍無左口感，唔錯薯角唔使蘸醬汁已經好夠味，表皮香脆內裡綿密，唔會好乾餐飲：+$20轉荔枝冰紅茶+$30 Affogato 好正咖啡好香味道濃郁～雲忌拿雪糕中和咖啡既苦另外加左$20要甜品兩份好驚喜係Brownie配意大利雲尼拿雪糕Brownie睇落好厚實，食落有合桃香，朱古力軟心雲尼拿 雪糕濃郁有籽好食～甜品配靚景～食完個咁豐富既午餐即刻差滿電兩位外藉店員非常親切～會介紹一下有咩餐點亦會詢問係咪share食物下次會想夜晚嚟傾下計摸下杯底
繼續閱讀
位於銅鑼灣 Sugar+ 大廈 11 樓既VIVERE，擁有迷人既維港夜景同優雅既用餐環境。餐廳內有小露台同大屏幕，仲有精緻既吧台，非常適合慶祝特別既日子。*Lobster Specials* 新鮮原隻既開邊波士頓龍蝦搭配 9 安司既澳洲安格斯肉眼牛排，２者質量非常好。龍蝦肉鮮甜爽口，搭配特製荷蘭醬汁，口感豐富。牛排火候掌握剛好，色澤誘人，肉質多汁，呢份 SET 足夠兩人享用。*Carbonara Spaghetti ($168.0)* 濃郁既奶油醬汁掛上每條意大利粉，口感 JUICY，味道非常好。*Lava Cake ($108.0)* 熱朱古力心太軟蛋糕切開後，超多既濃郁朱古力醬流出，搭配一大個雪糕球，一冷一熱對比完美。*Tropicana ($88.0) 和 Bubble Trouble ($88.0)* 兩款色彩鮮艷的 Mocktail，清新可口，透明高身既玻璃杯裡盛載左d水果，響燈光下閃閃發亮，為用餐增添氛圍。*Sparkler ($20.0)*餐廳服務無可挑剔！知道我地黎慶祝生日，特別響甜品寫上壽星既名，插左支用來慶祝既小火花棒，拍照效果超級好！同時響大螢光幕上播放生日祝賀同生日歌，並幫我地影相，讓整個生日氛圍更加熱烈。如果你在尋找有儀式感既地方慶祝生日或者週年慶，VIVERE 絕對係個好選擇！
繼續閱讀
今日情人節想食餐正正常常嘅餐廳先book依間。點知一入去就安排咗張「門口位」俾我哋，完全唔明點解會覺得有客會想坐門口位。一開始order咗個軟殼蟹Risotto。隔咗5分鐘店員講賣晒，問要唔要Pistachio Risotto，我聽到之後明顯嚇親因為我無諗到會有Pistachio Risotto依樣嘢。我想話睇返Menu睇其他，但個店員就當我睇唔明Menu，當我ok Pistachio Risotto就走咗去。然後隔咗20分鐘先上Starter，隔20分鐘先上第一個Main，再隔5分鐘先上第二個Main，出餐時間極慢。而店員講嘅開心果Risotto其實係南瓜Risotto，本人亦都唔食南瓜。難聽啲講我有種感覺俾人誤導咗，好似佢拎咗廚房嘅剩菜炒一碟飯俾我。總之成個體驗好差，完全enjoy唔到。
繼續閱讀