Wanna Eat

營業中

休息中

新蒲崗工廠區 出名多美食 同埋新舊餐廳 可以話 你唔好吃 淘汰率好高 見到 Wanna Eat裝修夠新 同埋充滿日系簡單嘅木系裝修 就同朋友入左去試下啦黑松露薯條 $48薯條攞上手好乾爽 唔油笠笠 甚至乎吃完薯條 個碟都係無油 好值得一讚 同埋 薯條係比較粗身 外脆內軟 另外佢有小量黑松露醬點綴 帶出黑松露嘅香氣 做得好好 哈 希望可以有多小小黑松露 另外醬汁係帶酸 又唔會好似番茄醬咁單調 配合埋一齊 係令到我地10分清盤 明太子意粉 $102意粉嘅熟度掌握得好好 唔會會太硬 或者「過林」 加上忌廉醬同埋明太子覆蓋住意粉 令到意粉 好滑順之餘 仲有明太子嘅脆脆口感 同鹹香 另外有五個帶子 簡單料理 已經好加分 同埋夠新鮮 彈牙 整體黎講調味唔會太重 女士吃起身無負擔 想吃意粉唔知揀乜嘢味就一定要試 明太子口味海鮮蕃茄義大利飯 $110義大利飯份量比較大 上面都有三個青口 蝦 同埋 帶子 賣相好靚 真係打卡 美食集於一身 義大利飯同意粉一樣 熟度處理得好好每一粒飯都吸收曬特製的蕃茄醬料 所以特別飽滿 另外成個飯係偏酸 覺得好開胃 我平時都好鍾意吃蕃茄 所以覺得嘅義大利飯係攞滿分另外

今日黎到新蒲崗，入左間環境設計好有格調既餐廳，枱與枱之間都有隔板。黑松露薯條一上台已經聞到好香芝士味，面頭有好多芝士碎粉。薯條跟一個沙律醬，唔肯定叫咩名但我一向都好喜歡食粗薯條跟呢個醬。薯條食到尾都唔會淋晒，份量唔少但味道好好所以都食得晒。9/10明太子意粉意粉被明太子醬同埋Ｄ蟹子粒撈滿，口感好CREAMY，而面頭會有少量紫菜絲增加香味同口感。不過重口味的我就覺得意粉差少少咸，而帆立貝食到有咸鮮味幾正。7/10拔絲咕嚕肉外皮酸酸甜甜幾開胃，外皮脆脆地一咬即溶，份量唔少都有好多舊。跟餐仲有兩款小食，麻辣木耳同蓮藕都唔錯。　8/10

呢間餐廳食品多元化，有中式、有西式，適合唔同口味嘅人。睇完一輪我哋揀左羊架。羊架配薯條，薯條夠香脆，熱辣辣。羊架有三件，夠林又有羊香味。仲有薄荷醬，賣相相當唔錯。跟餐加$20可以有湯，是日係洋蔥湯。清清地唔會太濃，有洋蔥香味，甜甜的。另外仲叫咗個蝦粉絲，份量比預期中多。三個人食share都足夠。粉絲超級入味，有鮮蝦香味又炒得夠乾爽。另外可以半價揀唔同飲品，揀咗百香果冰茶及泡沫咖啡。泡沫咖啡咖啡味唔錯，仲有心心拉花。百香果冰茶酸酸地唔錯。

今晚等阿哥放工，然後喺佢公司附近一齊食晚飯，揀咗呢間Wanna Eat，約7點鍾推門進去，已差不多滿座了。 店內風格簡約，以淺色及木系裝修為主，感覺清新，透過玻璃仲可以睇到廚師在做菜。坐低後，細心嘅店員問我哋要唔要口罩夾，可以食飯時，好好保存個口罩。 餐牌款式都幾豐富，無論中式、西式、甜品及特式飲品都有。阿哥叫我幫佢點杯凍綠茶Latte便可，其餘我決定，大家share 嚟食，心多多嘅我，睇咗一陣，點咗：台式三杯雞定食（$ 88），加$ 18熱紫薯Latte三杯雞一到，聞到好香九層塔、蒜子同埋麻油香，雞肶肉很鮮嫩，很惹味；定食還配上2小碟涼菜，有麻辣黑木耳及很清爽的蓮藕片，送飯一流。我杯拉了花的紫薯Latte 好靚，好開心。夏威夷薄餅（$ 78），+21凍綠茶LattePizza 邊好脆口，入面又鬆軟，熱辣辣，海鮮加菠蘿嘅薄餅，口感很清新好味。食緊飯嘅時候，我見到隔離枱嘅甜品好靚，所以我也加了「紅豆抹茶窩夫」$62，賣相好日式feel，份量都幾大份，窩夫上面有一大球抹茶雪糕及飽滿嘅紅豆，碟邊有好多細細粒好煙靭嘅黑糖啫喱，整個配合，很完美，令人好想追住食。我哋兩個一邊傾近況，一邊食甜品，很

晚餐大約都係$90左右，已經有好多唔同選擇，仲有散叫。見到拔絲咕嚕肉好吸引，就叫咗。咕嚕肉份量都幾多，個皮外脆內軟，而且仲帶有拔絲，真係好食！咕嚕肉配白飯，仲有黑木耳及蓮藕。另外叫咗個Pizza，估唔到幾好食。新鮮焗起，Pizza香脆又足料，有好多芝士好香。跟餐轉特飲可享半價優惠。見到呢度有咖啡機，當然叫一杯。叫咗朱古力咖啡，而且仲有拉花。拉得幾靚，大大杯，咖啡味又夠香濃。餐廳食物水準唔錯，而且價錢親民。

疫情稍為緩和，今晚就約咗朋友來新蒲崗呢邊dinner 順便交收🤓 佢帶咗我黎呢間幾隱蔽嘅餐廳，話有驚喜喎🤨 聽到佢咁講即刻有少少期待🙈嚟到見到門口Menu選擇唔算話好多，一頁睇晒一目了然，但勝在中西式都有得食😯 仲要樣樣都好似好吸引咁😍餐廳唔算大間，環境主要以北歐風風格為主✨乾淨企理👍🏻 坐得舒服❣️兩個人，食唔得咁多🙈最後揀咗一個意粉、一個pizza➕一個小食❣️另外在嗌咗兩杯飲品～.先來個小食俾我哋食住等🤟🏻黑松露薯條$48薯條🍟好大盆❗️絕對唔係得幾條果種 🤩薯條新鮮即炸🌟確保熱辣辣送到枱上♨️不過黑松露嘅份量就少咗D，好彩仲有個黑松露沙律醬搭救💕.千島海鮮手工薄餅$88呢個海鮮pizza都係以帆立貝為主，面層舖上大量香濃芝士➕適量嘅千島醬，簡簡單單但味道不錯💕而且完全唔知廚師點樣整到呢一個奇趣無比嘅批邊🤩 脆得來口感幾特別，好吸引我將個pizza連埋冇餡嘅批邊全部食晒🙈.想食.明太子意粉$102明太子意粉配上帆立貝💕再加埋紫菜絲喺面❗️完全喺西日式風明太子意粉嘅味道🤤醬汁嘅濃度調得啱啱好❣️唔會太稀亦唔會太杰，剛好夠令醬汁癡晒落啲意粉度再放入口😋意粉又唔會overcooked，煮得啱啱好👍

呢間淺木色調嘅文青Cafe，梗係要介紹多啲朋友黎試下啦！黎麥煙三文魚沙律（$86)份量十足嘅沙律！蔬菜新鮮又爽脆，加上酸酸嘅醬汁，十分開胃！仲有好多黎麥增加口感，超啱胃口！拔絲咕嚕肉定食（$92）呢個咕嚕肉無平時咁橙橙紅紅，亦無甜椒菠蘿等，平平無奇。但食落真係超Surprise！一用筷子拮落去，原來個皮仲係脆架！而一拉起就見到條條拉絲，真係勁吸引。咕嚕肉肥瘦適中，有少少油香，超正呀！配菜嘅木耳都十分值得推薦，爽脆之餘，啖啖都充滿麻香！

今日行過新蒲崗附近見到呢間餐廳裝修好文青，好日式feel.但原來係食中西式菜，價錢合理，所以入去試一試。起初以為受疫症影響，客人不多。但過左七點鐘好多客人，可見質素應該不錯。而且每座位都有隔板消毒液提供，亦提供放口罩既紙，相當細心。👍加了$20set:清新爽口既沙律菜同蕃茄蘿宋湯，非常之開胃😄小食：脆香炸雞翼🐣食落唔會話好油膩。雞翼炸到好香脆，不會好厚炸粉！雞翼都大隻，肉質非常之嫩滑再沾上蜜糖芥末醬，甜甜辣辣，好惹味開胃🙂 再配埋沙律🥗好清爽解膩。推薦：惹味 櫻花蝦雞樅菌炒粉絲🦐呢碟炒粉絲真係炒得好好味，夠乾身彈牙。落左櫻花蝦調味，炒到好香。仲落左蛋絲，雞肉粒同野菌，食落夠哂濃味！唔落辣椒都好惹味，如果加埋辣，一定更開胃！😄好喜歡！柚子雞定食，包含小食兩款：麻辣雲耳同蓮藕。唔會話好辣既麻辣小食，食落惹味醒胃。食完辣野，食啲甜甜酸酸既柚子雞中和一下，很夾。柚子雞香脆可口，送白飯一流👍都唔錯呀！另外可以半價加購飲品： 榛子牛奶朱古力🍫棒子味濃郁加上淡淡牛奶香味，唔會話好甜。幾好飲😋😋

跟女友經過新蒲崗，便選了這家試試她最愛的食物-明太子意粉，二話不說點了，還有蕃茄意大利飯及凱撒沙律。沙律中規中矩，蔬菜新鮮但沙律醬可以改進 略酸，明太子意粉偏淡可多加淡忌廉，最對胃口是意大利飯，但亦略咸。

「Do you wanna build a snow man? 」⛄️有位閏蜜寶寶細細個已經同我一齊玩，呢幾年大家都忙，有時都會約出嚟食飯，今次喺不明朗因素情況下都要一個月前約🤣藜麥煙三文魚沙律 $86清新嘅沙律份量都幾多，三文魚每人都分到2-3塊😌落咗醋開胃好多😳櫻花蝦雞樅菌炒粉絲 $82炒粉絲喺好幼細，有啲似中式嘅炒粉絲，菌類好香同埋幾惹味😆黑松露薯條 $48每條薯條都脹卜卜，放耐咗都唔易變腍👍🏻黑松露醬味道唔算太突出🤔是日蛋糕：抹茶紅豆蛋糕 $48🍵抹茶味濃‼️蛋糕入面嘅紅豆粒粒分明，有咬口，而拌碟用嘅紅豆略甜🥺富士山 $30呢個menu上無寫，要問店員先知今日有無😂飲品上枱時，店員話要快啲飲，遲少少會爆出嚟🤣影相時間時，愈嚟愈脹卜卜😳原來喺表面爆炸糖落咗去底部藍色梳打度會愈嚟愈脹😆又靚又好玩嘅飲品紫薯拿鐵 $18甜甜哋紫薯味濃郁☺️

Wanna Eat 係我新蒲崗區收藏名單的第一位， 始終新蒲崗區 老店就多， 傳統中菜但係雲吞麵雞蛋仔小食咩都有，但比文青chill 下 嘆杯咖啡食件cake嘅 小店真係冇。 橫掂住喺附近，約朋友喺舒適嘅餐廳食餐飯， 食件cake， 的確賞心樂事。 餐廳 環境唔算好大，但係用色柔和， 木系、淺灰色 再加上小小植物盆栽， 已經令到成個環境 同出面 有著好大嘅對比。 而餐牌都涵蓋中西， 有中或飯類，亦都有日式定食，另外仲有pastor同埋pizza， 當然唔少得角色小食同埋 咖啡飲品等等， 梗有一款啱心水。拔絲咕嚕肉定食 先叫咗一份中式套餐拔絲咕嚕肉定食， 定食套餐包括前菜麻辣雲耳同蓮藕， 雲耳帶點微辣但不過嗆 ， 蓮藕爽口勁開胃。 咕嚕肉即叫即炸 炸至金黃色，炸漿薄、肉質靚，肉粒入口還有肉汁，最重要係真係有拔絲效果，估唔到小店都有大牌檔必叫菜式，勁一流。 是日餐湯 另外定食加廿蚊可以跟是日餐湯，碗羅宋湯 都幾足料㗎。 海鮮蕃茄意大利飯 至於西式蕃方面叫咗一客海鮮蕃茄意大利飯，有香厚濃郁海鮮鮮味，risotto煮得剛好濕濕地，又唔會太水，幾creamy，飯入口更香而滑溜。 海鮮就

今次係第二次食Wanna Eat對上一次係weekend下午茶咁啱經過試左，食完先發現原來佢有冇打卡signature富士山特飲，所以一直想揾機會再試，但去過幾次即興都話fully booked。所以今次終於醒目，喺openrice book定位先去。yeah！今次食左：黄金雞柳 (超好味！黄金質感啱啱好，啲肉又唔老，有啲食黄金蝦嘅感覺！)想食。明太子意粉 (我本身就好鐘意食明太子，所以好味！再加5粒大大粒帶子，正！)櫻花蝦雞樅菌炒粉絲 (估唔到佢小小店，又文青feel咁，都咁有鑊氣喎！真係聽住廚房勁有鑊氣咁炒出黎架！)+$20 配餐湯 (今日係唔記得咩咩椰菜湯。清清地，唔錯。)+大部分飲品平價 (我地揀左blueberry soda) +signature富士山特飲 正價$30

剛好來到新蒲崗又到午飯時間，想起Wanna eat, 好今次試試它的午餐。套餐包沙律或湯，加主菜配餐飲。兩人都點了是日餐湯 - 甘筍湯，帶淡淡甘荀香。我的主菜點了柚子雞飯（少飯），酸酸甜甜帶陣陣柚子蜜香，旁邊配了黑醋沙律，挺有心思。餐飲點了咖啡，香濃。老公點了最愛的咖哩牛肋肉飯，大大份，足夠一個男士食量。老公評語咖哩汁味道濃郁，非常合胃口，牛肋肉就比較瘦，薯仔也炆得夠入味，不錯。餐飲他點了凍Latte, 保持水準

態度差👎🏻食物水準一般野飲都幾差下😑星期六下午茶時間都幾多人吓，要等位都好正常！但餐廳等位安排真係好差，無籌就咁同你講係第幾個，當時好清楚男店員同我講係第4個！之後［轉咗女店員負責叫位］～等咗成「半個鐘」，終於等到我哋！問題就出現啦！😡😡😡女店員話我哋無拎到位，店員同店員之間交接得唔清楚！佢叫我哋［重新拎位］！等咗成半個鐘叫我重新等，太過分啦掛🙄重點係女店員［態度極差］，實際對話有：女店員：「咁而家係咪要俾你哋入先啊？」女店員：「你唔行前我點探熱？」語氣極差！你哋安排得唔好，發脾氣喺客人身上真係好低質！終於順利入坐！叫咗千島海鮮薄餅$68味道正正常常啦，唔會話好食但又唔難食！蜜糖芥末雞翼$42有6隻份量都ok，係略嫌炸得有少少乾！醬汁味道都唔錯～飲品方面就唔係咁滿意啦～跟餐熱咖啡可以用難飲嚟形容！成杯係凍嘅 糖都溶唔到啊！一啲咖啡香都無，差過茶餐廳！baby pink soda （跟餐$22）係西柚梳打嚟，味道正正常常糖漿加梳打囉～但要加$22好似細杯左少少～奉勸大家如果要幫襯呢間餐廳嘅話，最好確認多幾次真係真係拎咗籌啊！同埋果位染髮半黑半灰嘅女店員態度真係欠佳，唔想受氣就少接觸為妙～

復活節長假期唔想去太遠食野，所以行咗15-20分鐘去新蒲崗食下午茶。我同老公叫咗2個餐share, 公司三文治比較一般，不過個沙律就幾好食，值得推介。餐飲叫咗Cappuccino同埋Flat White。Flat White奶味比較重，我都係鍾意Cappuccino多啲。下次再試下其他食物同飲品。