Washabu

營業中

休息中

不專心聽和看客人點餐，一路周圍望，然後同另一位侍應講：喂！有兩條友沖緊入嚟啊！有兩個客自己衝咗入嚟呀！（係點緊餐嘅客人面前咁樣講）（語氣同茶餐廳差唔多）我同朋友都嚇窒咗餐廳嘅午餐時間係咪好多人呢，唔係囉，其實我哋Walk in都仲有好多位⋯睇餐廳嘅門面仲以為係高級餐廳，入到嚟先至知，原來唔係⋯黑安格斯牛沙巴當套餐，就係得咁嘅嘢食。蔬菜放晒入個煲度之後，其實得好少。牛肉係有牛肉味嘅，不過比較嚡啲。$168+10% 。份量就係連一個女仔食咗都唔飽。朋友食日本和牛，$208+10% 似乎好啲冇咁嚡。牛肉少少偏肥，但同嗰個和風柚子汁中和返都幾夾。但係呢個價錢咁嘅服務，再加上食唔飽，整體感覺：覺得呢間餐廳都唔使再幫襯第二次。

呢間新開嘅日式火鍋餐廳喺啓德SOGO 12樓，可以睇到車站廣場嘅美景。服務：侍應非常友善，服務亦周到。喺香港嘅高檔餐飲中非常之難得。食物：食物優質，擺盤好靚，味道好。今次試咗佢哋嘅日本和牛非常之好食。佢哋嘅海鮮拼盤種類多，而且新鮮。令人驚喜嘅係佢嘅套餐竟然仲有好精緻美味嘅日式前菜，飯後甜品亦都令人驚艷。環境：餐廳裝修有日式嘅優雅，環境舒服。毫無擠迫嘅感覺。香港嘅餐廳中比較少見。性價比：價錢相對合理，但有以上三項嘅高質素，非常值。整體性價比高。一個日本和牛一人火鍋，價錢360左右有六大片和牛，價錢都好合理。

好少有新鮮靚料打邊爐個價錢咁抵，佢哋仲送生蠔比我哋，都Ok大隻，再加埋個靚景，慶祝時都幾有氣氛。啲牛肉都幾好味😋特別鍾意食佢黑安格斯牛沙巴當，牛肉味好出好濃。我LeeD無牛不歡嘅人真係啱晒，之後都會再返嚟食。啲菜鮮又吸湯味，豬肉都幾好食，配佢個壽喜燒湯底幾好都有啲驚喜。下次約埋多啲朋友嚟，想試埋另外幾款湯味，特別係龍蝦味噌湯味。坐位都幾舒服，同埋夠晒大，大部份位都見到個靚景，一路食一路吹下水都正，今次坐咗都幾耐。

午市2人前HKD388, 包野菜盛合、3款前菜、 白飯、甜品、120g 美國牛板見腱、120g黑安格斯牛沙巴當、80g 北海道豚肉肉眼及日本雞肉。 試業期間送兩隻蠔。 加88蚊有海鮮盤。 白飯加15蚊轉稻庭烏冬、加八蚊轉普通烏冬。 我揀咗其中一個轉稻庭烏冬。 追加咗一碟$48嘅50g澳洲和牛肩胛肉眼。 湯底有六款揀， 我揀咗昆布柴魚、 另一鍋係鯛魚。另外唔係好記得，好似有龍蝦湯底加30蚊左右、 壽喜燒湯底等等。環境舒適寬敞。甜品係黑糖波波，入面好似係custard。加一後$592.9。

這次用餐 Staff Ricky的熱情與友善令我地喜出望外，不僅主動介紹各種食品類型，還提供了額外的窩心服務，讓我們的用餐過程更加愉快。特別是他主動幫我們拍照留念，讓這次的聚會有了美好的回憶。另外，另一個Staff Man的細心也讓我們感到驚喜。當我朋友想畢啖湯在拿起煲時遇到困難，他立刻察覺並毫不猶豫地過來協助，這種關懷的舉動讓我們感受到溫暖。這些細節讓我們倍感貼心，讓我們的用餐體驗更加難忘。最後，食品的質素也非常出色，午市set十分豐富，無論是味道還是擺盤都讓人讚不絕口。 這次的用餐體驗不僅讓我們享用了美食，也感受到員工的用心服務，絕對值得再次encore 

服務員阿Shing好詳細咁介紹唔同牛部位嘅口感同味道，問你嘅口味再幫你推薦試業期間仲有蠔送🤩叫個一人餐就有一隻送，不過朋友仔擺咗佢落去之後唔記得咗🤣拎起都縮咗一半咁滯🙈和牛肩胛都幾滑，朋友仔試安格斯係比較淋，肉味都重，唔錯，服務員哥哥教我地將肉舖喺湯面，每面2-3秒，出黎大概3-4成熟，但好滑好好食可惜稻庭烏冬賣哂，轉咗手打烏冬，雖然平啲，但係都好彈牙，連我平時唔多食烏冬嘅人都鐘意食。有一個麻麻地嘅位係舍烏冬未解凍，佢一開2, 但係我唔可以將佢地分開黎淥😮‍💨再額外加咗個牛沙巴當，都係重牛味，啱哂我呢啲重口味嘅人服務員超用心咁分享心得，又教多2招食法，等我下次試下先💪🏻總括黎講，食材新鮮，服務水準超高