What The Food Cafe (已結業)

住係粉嶺好多年，知道係聯和墟有間開左好耐的工廠區Cafe⋯⋯ Daddy一直都好想去，襯住星期日無咩野做，就去左食個Early Dinner，順便係附近睇埋戲。一出電梯轉右就見到磚畫，指住餐廳的位置。餐廳行工業風，加上創意滿分的設計，非常有特色。我們叫了三份餐點，所以有三個羅宋湯。個湯好足料，而且茄味幾香，加埋微微辣的味道，所以非常惹味。去Cafe當然會叫特飲啦～ 媽咪的WTF水果茶非常大杯，而且唔算好甜，如果想係Cafe慢慢坐的話，建議叫呢杯哦～ 我自己就叫左一杯凍鮮奶拿鐵咖啡，咖啡味唔算特別濃，不過係炎熱的夏天，可以飲杯凍冰冰的咖啡真係透心涼。Daddy就大愛呢杯香濃朱古力沙冰！雖然朱古力味幾香，但又唔太甜，加埋滑滑的忌廉，應該會俘虜好多人的胃。媽媽近排開始食得愈來愈清淡，所以我們就叫了一份超級豐富的超級沙律。呢份沙律除了有沙律菜外，個有煙鴨胸、煙三文魚及燒牛肉。個沙律汁仲有得揀添～ 我們今次就揀左較開胃的黑醋汁。係沙律的三款配料中，我比較鍾意一口牛肉粒，佢煎得幾香，入面又Juicy。餐廳的招牌菜之一就係蒲燒鰻魚蛋包飯！係7分熟的蛋上，放上燒得香口的鰻魚及燒汁，整體份量仲唔少。蛋包

粉嶺難得一見工廠大廈西餐。淨係行去食都已經身水身汗坐低後就感受到裝修有點亂，天花用最原本嘅工廠，配搭好鮮色油畫。不過食物都幾唔錯，勝價比高，而且環境優閒寧靜，好適合同朋友黎聚腳。

在這傍陀大雨的日子 , 最好去尋幽探秘 , 找點吃的 ~用餐地點在 粉嶺-業豐街 , 多利工業大廈 的What the Food Cafe , 簡稱 WTF .... 據聞這工廠大廈的 CAFE 裏竟然有「威靈頓酥皮牛柳」, 當然要去試下 ~沒想到 , 工廠大廈的餐廳 , 會有這樣特別的裝修 , 餐廳還有糖賣 ~Menu ~招牌蒲燒鰻魚超級滑蛋包飯 $86 : 衹要額外加 $28 升級原條鰻魚便成了照片上的模樣 .... 鰻魚肉質軟嫩又少骨 , 雞蛋煮得滑嫩 , 吃得飽肚又開心 , 不愧為招牌貨 ~主菜配無敵羅宋湯/季節沙律成套餐，可選一杯飲品半價 ; 筆者所點的就是羅宋湯 , 羅宋湯的酸辣度平均，有很多蔬菜及牛腩 , 沒想到工廠大廈的 cafe 會有這樣的水準 ~威靈頓酥皮牛柳188 : 酥皮與牛柳之間是塗上肝醬的，算是夠正宗 , 酥皮夠脆 , 牛的肉質也夠嫩 , 算不錯吃 ~飲品方面我們點的 雜果賓治 & 牛油果奶昔 賣相和水準都不錯 ~本篇完 ~

係粉嶺都有特式Cafe ，又係岩晒我地以D星期一至五唔太鐘意出九龍既人，有時帶住囡囡又想同朋友聚會下，以到係不錯既選擇，又可以傾計又可以玩board Game 。餐廳樓底好高，因為位於粉嶺工廠區，所以空間感十足，牆上亦用磚砌了不同經典人物既卡通。一入門口已經見到有個夾糖位，大人小朋友都好有衝動去夾。打開餐牌，經常見到既金句，玩味十足，而且仲有細細個成日講既急口令，所以點個餐都需要一D 時間😆😆😆😆餐包無敵羅宋湯超級足料既羅宋湯，酸中帶辣！黑松露野菌燉飯（$118）有三大隻帶子，帶子上加了黑松露，帶子的鮮味，配上松露的香濃， 而野菌燉飯口感細膩又濃郁，米飯不軟爛英國皇室御用威靈頓酥皮牛柳番黎喇（$188）可配飯、意粉、薯菜，製作需時半個小時，玩下board game 就好快過左啦，賣相吸引，酥皮包著牛柳，酥皮好酥脆，而牛柳沾上蜜糖芥末醬，口感更豐富越南滴滴咖啡（$38）咖啡香味濃郁醇厚，略帶苦澀回甘泡沫朱古力奶（$36）牛奶泡沫蓬鬆綿密，朱古力味濃郁

難得妹妹放假翻屋企當然要搵D活動搞下。 但係住係粉嶺（美食沙漠） 真係無咩野揀。 點知又比我Search到粉嶺工業村有Cafe, 可以去打下卡。於是就租共享單車由牽晴間踩過去大概15分鐘。（好累。。。） 佢地個名叫（W)hat (T)he (F)ood 夠曬搞笑。 而且所有環境擺設，連MENU都十分幽默。 我地叫左佢最出名Ge 鰻魚滑蛋飯 大份，有D膩，最後食唔曬。。。仲有大蝦溫泉蛋Carbonara OK， 好芝士跟餐有餐包（好乾），沙律/羅宋湯 +野飲當然唔少得港女打卡必備Ge花啦 哈哈最後再踩翻15分鐘翻屋企， 都真係幾累下。。。。建議都係揸車去好D 

【What The…Food!?】粉嶺既工業大廈一間位置隱蔽但幾有名氣既工業Café👅▪️蒲燒鰻魚蛋包飯 86蛋既份量好多，估計用左3-4隻蛋👅雞蛋炒得半熟，入口超滑溜蓬鬆，係我食過最滑溜既滑蛋飯😍滑嘟嘟既雞蛋放上一大條鰻魚，鰻魚都幾厚身同超級入味，至於口感係雞蛋一樣走滑嫩style。蛋包飯淋上超多蒲燒醬汁，並灑上大量紫菜碎，進一步增添和風風味。值得一提係，裏面係用鰻魚汁炒成既飯，比起一般的白飯底來得有誠意。整個蛋包飯口感滑溜豐腴、醬汁澎湃，一啖食晒珍珠飯+蛋+鰻魚+醬汁，簡直係人生美味。要挑剔既話就係比較重口味。如非地理位置較遠，絕對想一個禮拜黎食一次！

每逢星期日，總係會抽空食個family lunch，享受下家庭樂！今日就去咗一間喺粉嶺玩味幾重嘅樓上cafe-what the food!餐廳門口走廊設計非常有心思，左邊有「馬里奧」，右邊有近期大熱嘅「復仇者聯盟」，童心即時返哂嚟！一打開門，餐廳每個角落都充滿驚喜，例如有惡搞版蒙羅麗莎畫作，亦有白雪公主馬賽克入侵！再配合工業風裝潢設計，玩味指數爆燈！坐低翻開餐牌，驚喜陸續不斷！貫徹玩味主義，餐牌上仲發現唔少本土周星馳電影喜劇劇照，帶出共鳴之餘，不禁讓人會心微笑！叫完嘢食大概等左10分鐘左右，食品就開始陸續送上！先上嘅係無敵羅宋湯。咁囂張叫得做「無敵羅宋湯」，一定係有啲料到嘅！原來佢嘅湯料係自家種植，確保食材新鮮！而且細細碗嘅羅宋湯都非常足料，既有大大嚿紅蘿蔔，亦有薯仔、西芹、牛肉等。飲落去仲有微微黑椒香氣，果然夠無敵！正呀！之後就係煙三文魚青蘋果沙律。沙律嘅dressing係酸酸甜甜嘅醋，非常清新開胃，而且份量都幾多，三個人食都冇問題！之後就到真店之寶嘅「招牌蒲燒鰻魚超級滑蛋包飯」。咁長嘅名，睇嚟真係好架勢堂！蛋包飯嘅蛋的確係超級滑，佢入面嘅飯粒係採用日本珍珠米，口感煙韌，非常有咬口！

遠在粉嶺工業區 都係住呢邊既朋友帶我黎入黑後附近街道都幾恐怖下 哈哈餐廳環境十分chill 都幾有style 裝修好靚坐得好舒服我哋8:20幾分入座 嗌完野食 突然有個職員走埋黎串串共咁講已經截左單冇得加嘢食同埋九點半一定要離開 sosad 不過由佢 食物好快到 但其實質素只係ok 唔特別好食 但唔係難食既 分量方面都足夠 飲品十分甜 中意甜既會好中意值得一提嘅係我偷偷地拎個蛋糕入去 店員竟然當住全枱人面前問個蛋糕係咪喺度食因為要收切餅費 十蚊位😂😂👍🏻👍🏻👍🏻我哋即刻以掌聲回應👏🏻👏🏻👏🏻最後當然比佢哋吹埋單然後九點幾就走人lu 總結地方遠 環境好 服務不提 食物還好

突然好掛住呢間咁有玩味嘅cafe, 所以要老公陪我嚟！見到佢地新增咁夾糖嘅area! 如果喺度做嘢！我一定夾到唔捨得走！五顏六色，好靚呀！如果有梳化位，我一定會揀嚟坐！佢張梳化都唔知有咩魔力，次次坐落去都可以好似喺屋企咁舒服，場內只有三張！好彩都安排到我坐呢度！🤭喺度都食過好幾次，今次有驚喜！因為佢轉咗餐牌呀！當然佢有保留到佢嘅皇牌鰻魚飯喇！但一間好嘅食店，係點咩都可以得到食客既欣賞！為咗體驗廚師嘅廚藝，我決定今次唔食鰻魚飯！😂餐包同羅宋湯！個包包係熱嘅黑糖包，而個湯非常濃口！睇吓！好足料㗎！而黑糖包係實心，而唔係空氣麵包，夠哂咬口同香甜！柚子蘆薈沙冰～成日喺出面飲沙冰，都要隔啲時間得佢溶先可以飲到，但呢度好聰明！打一半！咁就有沙冰效果而又即時可以飲到喇！可知面前有嘢飲而又等佢溶，係幾咁煎熬！威靈頓牛柳（可選配飯/意粉/薯菜）～嘩！一嚟到見到個賣相已經吞口水喇！不枉店員提示要等半個鐘，我都係堅持要等呀吓！個牛柳極淋！唔癡牙又無根！熟嘅程度剛好！個酥皮仍然呈香脆狀態！配上呢個薯仔+芝士香香滑滑嘅批仔，好滿意！同時亦知道設計呢度菜既廚師沒有交行貨！正！朱古力蛋糕窩夫～前同後有唔同嘅配料！可

啲嘢好食!鰻魚飯 - 蛋夠滑, 樣夠靚Earl Grey Tea 加橙 - 加咗啲橙肉喺度, 味道清新甜美!Cappuccino 咖啡 樣好靚! 味道好!羅宋湯 有幾舊肥肥牛尾噍度, 趙落去, 食得滿足舒服。煙三文魚 青蘋果 沙律 - 都好味道, 青蘋果清新。

兩年前，間中都會揸車入去食佢地既招牌蛋包鰻魚飯。事隔一年無去食，星期日就諗住再去食下，上OpenRice見開11:00am，結果11:30am去到 話12:00pm先開門，由於附近無野好行，就問職員可以坐底等嗎？結果，再加強語氣同我講開12:00pm。 但因為專登入去食，附近亦無其他選擇，唯有落樓下等到12:15先上返去食。一坐底，舉手叫野食，有個職員叫我等等，2分鐘後 有個拎住包煙 目無表情 説話毫無聲調既女仔嚟落單。當時叫咗一個 蛋包飯，一個意粉 ，一杯咖啡，一杯奶昔，一份雞翼。 結果某咖啡今日要3點後先有售，我之後轉牛油果奶昔，點知牛油果未熟。到最後，接近食完之制，有一家人大約有6-8人入嚟食野，但大枱已留位，當時只剩幾張二人枱有位，實際上拍埋啲二人枱就夠位坐，但店員話唔會拍枱，話無位坐。老實講，野食差咗好多之餘，服務態度差，根本無必要專登去一個工廠區再食，今次絕對係磨滅咗我對佢地既好感同印象，以後亦唔會再去。

這次是我第一次到工廈用餐，這次會突然到這間餐廳用餐主要是同事介紹兼帶路。餐廳名字這麼搞笑特別，讓我對餐廳環境和食物亦開始期待起來。餐廳的門面以及環境都不錯，相信是一個打卡熱點，喜歡打卡的朋友不妨可以過來試試。這次我叫的餐點是蒲燒鰻魚蛋包飯，餐點份量非常足，大大份，如果不算太大食的女生可以考慮叫一個飯，兩個人一起分享。👭味道方面，雞蛋很滑，不會煮得過熟，鰻魚亦很好吃，飯不是單純白飯。總括而言，就是價格優惠，食物份量多，味道不錯，CP值頗高的一間餐廳。😋雖然整體而言這間餐廳很不錯，但美中不足的是鰻魚有很多細骨，不過就這個價格而言算非常不錯了，值得一試！ =）

呢間餐廳雖然同火車站唔太近，但係絕對係一試再試。我點左個鰻魚滑蛋飯，個份量非常之好，唔會唔夠食，又唔會過大。鰻魚既份量都好大條，有陣燒過既味好鬼正！配合埋佢個汁不得了🤤

-《油浸雞腿忌廉燉飯》雞腿不韌，浸得剛好💛忌廉燉飯濃郁又creamy～配餐會有餐包和羅宋湯🥐羅宋湯超足料，又濃郁～♥《玫瑰洛神花茶》這個又是超足料呢😛整個底部都是玫瑰花瓣～玫瑰花和洛神花都有好幾朵🌹不過太甜了，個人不喜歡太甜:-(♥《草莓千層酥配豆腐雪糕》沒錯～你沒有看錯🤦🏻‍♀️忽然變成了芒果千層酥lol他們說沒有草莓所以換成芒果🤨好的但是⋯完全沒有問過我們呢o.o不過芒果也很美味，千層酥也很鬆脆🥰豆腐雪糕的豆腐味也很濃郁，不欺場～♥小提示 Tips：星期一WTF全日放假不·要·來！！😭

位於粉嶺工業大廈有間好有趣既Cafe，但其實唔遠，轉入去工業區第一棟就係。一出𨋢已經被佢地既graphic吸晴，沿路都好有心思，心諗真係無黎錯啦，「只准本工業大廈員工進入」，見到唔理啦，入左去先算。坐左係窗口位，背山面餐廳，心情好舒暢。不過食物都唔差，香芒魚柳唔係得d香芒汁，係成塊香芒係魚柳上面，啖啖香芒、啖啖魚柳，喜出望外的美食，仲有叫左個西冷扒，肉汁鮮甜，7成熟唔太熟唔太生，洽到好處，本人為左嘆下，仲叫左杯越南滴漏咖啡chill一chill先，都係不錯的，煉奶份量岩岩好，不會過甜。