What's Cafe

營業中

休息中

平時好寫少食評，覺得到到都差唔多，今次遇上呢間高質餐廳，真係要分享下，雖然唔駛推介都大排長龍，等左幾個字先有位坐，個人覺得食物質素有驚喜，同附近既餐廳比較真係高好多，每次食牛都覺得好好味，食得出唔係hea煮或者低質牛，今次餐湯試左大人同細路都鍾意既好好味粟米湯😍，天氣凍既時候飲住熱熱地既粟米湯，感覺更加溫暖，令我諗返起喺日本東京，天寒地凍時揸住罐暖笠笠既粟米湯既感覺🤭上次試左紅菜頭湯，健康得黎又好好味，兩種都唔錯。西班牙海鮮飯賣相都唔差，比想像中好好味。邊食邊聽住熟悉既英文歌，飲住最鍾意既榛子咖啡，唔經唔覺就由Lunch Time 坐到Tea Time，回味上次個安格斯牛堡，今次下午茶再試食另一個牛堡，配上脆口好味既薯條，同樣無令人失望🥰下午茶時間最舒服，人少少靜靜地聽住歌諗下野，好快就坐左大半日，老闆同店員都好好人，唔會有趕客既感覺，一間比人好舒服感覺既 Cafe

Masala加豬頸肉其實好吾配，我諗係個人口味。個賣相又吾得，無諗過cafe會用膠碗…個sauce遮住晒啲豬頸肉，一Pat 野甘上菜，好似嘔吐物甘，再加上黑色膠碗….茶記presentation 但係叫cafe….啲飯煮到一舊舊。60蚊我覺得隔離MOS burger 會係比較好既選擇

#WhatsCafe 💛今次講嘅係位於長沙灣嘅Whats Cafe💕如果係去旁聽嘅大家 諗唔到食咩 可以試下呢一間😽😽難得嘅黃店🤩🤩店舖方面 環境幾舒服 座位都唔錯 但係中午嘅時間 就比較多人🙈🙈建議大家早少少去到🧡🧡蕃茄茸温泉蛋肉醬意粉 $68💰（7/10）送到上枱係好香番茄味🍅🍅佢個番茄味全部都係用新鮮蕃茄整㗎😻😻所以都會食到有番茄茸😽🍅🍅温泉蛋篤爆之後去撈埋個肉醬意粉🍝好惹味‼️肉醬都好香 Feel到有肉碎😍😍整體感覺唔錯 番茄如果杰身少少會Perfect✨✨印度Masala烤雞扒飯 $58💰 （7/10）呢個完全俾到驚喜小編😻😻印度Masala 香料味十足✨✨超級足料 有香辛嘅香料 雞扒都好大塊☺️☺煎到外脆內軟 絕對可以食多次嘅印度Masala🤩🤩洋蔥味十足😻😻配埋飯食可以食得好快🤤🤤🤤睇到呢度 快啲約埋朋友一齊去‼️‼️推薦指數🌟 7 / 10 🌟💛#巨B食黃店📍#巨B覓食長沙灣What's Cafe (長沙灣)⚜️長沙灣東京街12號麗閣商場地下G28號舖⏱星期一至五 1200-2100⏱星期六日 1000-2100

喺麗閣邨嚟講，What's Cafe 算係較高價嘅食肆，幸好幫襯當日所見，食客都唔少。時為 24/6，點解咁記得？因為嗰日係蘋果日報最後出版日，我買唔到，好彩喺呢度攞到珍貴嘅一份。叫咗個 Masala 咖哩牛腩飯，包餐湯同飲品。呢度嘅 Masala 真心唔錯，除咗茴香，肉桂，蒜，芫茜，胡椒等香料之外，仲有好濃厚嘅番茄同洋蔥味，整體口感唔太辣，幾啱我口味。另外想讚下個飯，飯粒比較長身，有啲似印度飯 biryani，粒粒彈牙，好食👍。

光顧大概5-6次，食完會掛住😅之前ge壽喜燒，漢堡包，而我最喜歡就係春雞。隻雞焗完仍然juicy入味，價錢亦公道可惜！！！人物太可怕！！！1,會响你食食下野期間掃地同拖地(中午)2,客人未走清就關風扇同冷氣(8:45pm)3,坐近玻璃窗仲會關你窗簾，你就當我潔癖，當我仲食緊野你就拉簾，真心覺得D塵跌哂落我盤食物度(8:50pm)咁樣趕客，不如直接明刀明槍話比人聽幾點關門，幾點唔接客，反而唔會令人反感

韓式辣味黑毛豚肉漢堡包配薯條Price：$58📌韓式辣醬少少辣非常惹味，黑毛豚肉鋪滿成個包😎同辣醬好夾令人keep住想食🤪（小妹拎埋d沙津黎點辣汁😂）豚肉食落仲有d軟骨係入面幾好咬口🥳配菜薯條超級好食，食落就知係手切粗薯，唔係超市買個種冷藏幼薯條🤢炸到金黃色好脆，上碟仲係熱辣辣香噴噴😚Lunch Time食都幾多人排隊😭想試既話就要早d去啦（食完見到隔黎枱食燒春雞超級吸引好想試🥲）

薄餅皮脆，好食，但配汁相對較咸及有小小辣。芝麻鮮奶，奶味不太重，味道一般。雞翼夠熱，但味道一般。環境不錯，清靜近地鐵站，而且座位也闊寬沒有壓迫感。2人下午茶$120，價錢可接受。

叫左個孜然燒雞髀，可以㨂配薯條、沙律菜、意粉或者飯，最近減緊澱粉質，所以我叫左沙律菜。一嚟到見到個雞髀都燒得幾香，肉汁幾多，肉質嫰滑，仲有蔬菜湯，個蔬菜湯係將蔬菜攪拌而成，幾好味。呢個餐$78 ，環境舒服又唔使加一，整體唔錯！

普通的星期六晚，收工到附近食飯，無帶任何想法入到餐廳食飯，雖然人薦不及隔壁的泰式餐廳人多，但絕對不是不好味！味道是可以的！食得出唔係Hea煮嘅餐廳，冬陰功意粉微辣，好食！

自從麗閣商場經過翻新,變成一個已貨櫃為主題的商場，比平時的屋邨商場型格得多。 餐廳在麗閣商場對出的黑色大貨櫃，餐廳有大窗可透自然光入室內，令環境光猛。 室內整潔座位都算寬敞。 適合多人嚟聚餐，但現在因為疫情關係只可以四人一枱。餐廳裝修簡約有啲文青feel。湯係西蘭花湯，唔錯， 有西蘭花味入口順滑，咸度適中。蕃茄辣肉腸pizza(餅底)， 有九吋咁大個， 芝士味濃，蕃茄醬酸酸甜甜， 辣肉腸真係幾辣 ，餅底香脆。68元有咁大個及咁好質素真係抵食。菠蘿安格斯牛肉意式包配薯條$78呢個包比較令人失望 ，首先安格斯牛肉原來係肉片唔係漢堡扒。 第二係個菠蘿已經係酸酸甜甜但個醬汁又係酸，所以整體成個包都係偏酸。 第三 薯條剛上枱都唔算好脆，所以放一會就已經唔脆……餐廳環境合格，但食物質素不穩定有待改善。

由舊店跟到黎新店，食物保持到水準，款式仲多左俾客人選擇。今次食左抗疫餐「夏威夷千島Pizza(餅底）」和「印度Masala香煎豬扒飯」，Pizza香脆夠芝士，豬扒個汁辣辣地，一貫好惹味。會繼續支持！

喺ssp人谷見到麗閣商場新開嘅黃店cafe，今日放假特登去試。但果然不能期望太多。我嗌咗杯Flat White同牛油果醬莎莎熱狗。首先個牛油果醬莎莎熱狗上先。熱狗呢啲應該難食極有限，但個首先個包係唔脆，食落似超市買到嗰隻嘉頓熱狗包咁。條腸本身係無乜味，食落好淋，無乜口感。個牛油醬簡直無存在過咁。成個熱狗得茄汁味。講真，ikea熱狗都好食過。呢個熱狗單買好似要30幾蚊。。。我嗌flat white結果上咗latte，咁我都算無話要換返啱。因為知道咖啡要重新沖過咁我見係黃店就算。但認真個咖啡好唔掂，味道好單薄，得個苦字。好彩無嗌其他嘢食同飲品，呢度要40幾蚊唔係話貴但真係唔好食。希望食物同咖啡質素可以再提升。

抵食早餐黃店cafe💛埋單都係$46，有野食有野飲。呢間本身都係長沙灣，依家轉左新舖位。位置喺麗閣商場對出，門面似個黑色大貨櫃。有大窗可透自然光入黎幾舒服，環境寬敞。.🔸蕃茄牛油果醬碎蛋帕尼尼包($36)分數: (7/10)夠熱，panini bread 咬落脆，餡料豐富，有蕃茄，味道偏酸，牛油果醬可以多啲。.🔸Mocha (+$10)不過不失，咖啡味唔夠濃。.💈長沙灣東京街12號麗閣商場地下G28號舖

坐低黎咗個職員問我地食咩，但佢紙筆都無就咁同我地落單，以為佢咁好記性啦，一路食都無單比我地，點知食完先發覺杯野飲無同我地落單，同返嗰位職員講差杯野飲，佢先急急腳去叫人整。好心無記性就唔好咁有信心咁同客人落單，再者應該比單客人對下單係咪就穩陣啲呢？等咗15分鐘先黎個Pizza,勁難食.....個餅底焗得太乾又太薄，好似食緊餅乾咁，上面啲芝士完全無芝士味之後又等咗10分鐘，黎咗個叫價$7X既All day breakfast,以為好穩陣啦，點知個菇又乾又苦又澀，以為自己食緊中藥.......好想知整菇嗰位小姐有冇食過自己整既哩份黑暗料理係咩味。咬咗啖真係頂唔順食唔落。成碟野得個牛角包好食，因為係出面訂返黎再加熱返嗰種包....同時有送杯餐湯，係蘑菇蒜蓉湯，難飲到好似洗腳水咁😅😅😅最後係一開頭漏咗樣野飲 Ice Latte，淡到溝咗半杯水咁樣，仲要自己額外加$10....飲咗兩啖都頂唔順放棄🙄哩間野....全部啊姐級人士職員，你地啲職員如果試過自己整既野係咩味，仲會唔會咁有自信拎比客人食呢？再唔改善，遲早摺埋😀

麗閣商場其實係一個屋邨商場，不過經過重新包裝，感覺煥然一新！以標誌性塗鴉貨櫃打造主題，走炫黑工業風，十分型格。與韓國人氣文青貨櫃COMMON GROUND有幾分相似。商場前空地有少少裝置設計，可惜疫情影響全部都封起左。地舖有幾間食肆，大部分為連鎖式餐廳。而我地選擇了一間非連鎖CAFE食個下午茶。What's Cafe價錢貼地，符合地區。下午茶大多為輕食，以麵包/蛋糕類為主。餐廳牆上掛滿了畫作，年輕化得黎幾有藝術氣色，同商埸外面塗鴉設計有少少呼應。＊－。－。－。－。－。－。－。－。－。－＊🔸 香蕉合桃鬆餅 $29糕點放於收銀櫃枱前方，有三至四款，選擇唔多鬆餅有翻熱先上，幾細心可惜唔知係放得太耐定本身拌粉唔夠黏，切落去過於鬆散同偏乾，香蕉味未夠突出，唔太好食🔸 Tiramisu $29蛋糕外表平平無奇，望落去偏軟身，食落軟綿可可粉灑滿蛋糕面及碟上咖啡既香濃 vs 朱古力既甜度 vs 蛋糕既奶油，都算平衡到各種味道，略欠甜酒味道依個價錢會俾合格🔸 Latte  (跟餐+$10) / 🔸 熱綠茶鮮奶 (跟餐+$10)一般茶餐免費跟咖啡或茶以上兩杯都係特飲，要另外加$10/杯升級賣相唔錯，杯面上