What's Cafe

營業中

休息中

好多西餐廳都有all day breakfast,間間都好飾一樣，但又間間其實都有D唔同。呢間比沙律菜少左D，其他仲有炒蛋，熱狗腸，雞扒，蕃薯粒，大冬菇，茄汁豆，仲有牛角包。整體all day breakfast就係大份，不過菜多D會平衡少少。條腸係我鍾意嘅種類同質感，皮夠脆身，正。蛋唔夠滑，不過不失。雞扒入味。個菇幾好味，夠juicy，甜蕃薯好似少D係all day breakfast出現，但因為我，鍾意食，又ok喎。個牛角包可以再脆身少少。加上佢價唔算好貴，值得一試。 個餐湯係2款，呢個係南瓜湯，唔錯，南瓜味適中，唔太甜唔太咸，磨得夠棉滑。

試左三次，咖喱飯最值得食，其他食物暫時都一般，但最差係飲品！1）花茶: 以為係自家製特別飲品所以一試，點知係涼茶，實在五花茶會比較好飲，難飲到飲咗兩啖就放棄； 2） 手沖咖啡latte : 以為手沖咖啡應該OK, 而且賣相都OK,點知係「希」到水咁樣，唔知用咗咩奶黎沖；3）奶茶：以為穩陣啲叫個普通奶茶應該冇事，點知都係中伏，好澀，冇茶味，冇奶茶應有咩口感，顏色如圖，好似朱古力咁色，未飲都知衰咗，又係飲唔落, 叫杯水算數！其實唔係唔想幫襯，但希望用心改善下飲品質素，其實只要自己一試就知道飲唔飲得落口。

今日晏晝少少放工太攰唔想煮，就用熊貓叫外賣，咪搵Ｄ未試過既餐廳試下囉。見佢個menu靚靚仔仔咁，叫左個和牛芝士漢堡配薯條，同埋 Masala安格斯牛肉飯。其實好快送到既，而我地真係超肚餓，急不及待就開嚟食，但係都不忘同Ｄ食物影相。送到嚟，個包裝唔錯，post相應該唔錯🤔特別係個和牛漢堡，我最期待既一個item！點！知！一打開個飽，不禁忍唔住高呼左出嚟，我！舊！和！牛！漢！堡！去！左！邊！我地叫和牛漢堡，個飽夾住左Ｄ菜同塊蕃茄，連芝士都冇，HKD 88蚊就係食個沙律菜BURGER?  😦唔係double check 下先比外送員pick up?  😥又或者有冇procedure 令到唔好再有呢D問題出現？🤯和牛漢堡係呢個item既主角中既主角！🤯🤯🤯🤯成個飽我乜都comment唔到,冇肉汁又冇其他汁好乾。😑公道D講句，薯條係正常既，可以比Ｄ汁嚟點下既。至於另外果個Masala牛肉飯(HKD 66)，我地仲加左HKD 18 要埋佢個印度薄餅 ，放心！有肉既🤭！不過個量唔多，一係就成舊硬硬的瘦肉，一係就成舊肥膏，擺唔到落口。咖喱汁幾香既，不過就稀左Ｄ，個印度薄餅hold 唔到D汁，個飯質地偏

今晚去左全新翻新左既麗閣商場食飯，想講個商場真係同之前好大變化，靚左同光猛左好多！ 我哋今晚就去試咗Whats Cafe，餐廳嘅食物選擇種類非常多，好適合咩都想試吓既朋友仔。而我見到佢有個冬日Special火鍋系列就忍唔住即刻試左喇！餐廳裝修簡約，略帶d文青feel。老闆好貼心，每張枱都安排咗消毒酒精。食物方面我哋兩個人分別叫咗壽喜燒火鍋同和牛漢堡。 壽喜燒成個presentation好正，$98 仲要有和牛，和牛仲唔係薄EE果隻，而且好有牛味！套餐仲包埋蔬菜、菌類同烏冬，一個女仔其實份量會有啲多，性價比高！至於和牛漢堡就配餐湯，薯條好香脆，牛肉比想像中厚，而且個醬汁好好味。

星期日滿心歡喜的去吃下午茶 看見一間小店諗住幫襯撐吓場 點知惡夢就來了😥😥😥叫了一個全日早餐 all day breakfast $75 首先先評論擺盤 攞盤其實不錯 之後說一下食物嘅質素 我只能說完全冇一個食物令我覺得有好味嘅感覺 伏己中 個蛋老到好似燉蛋 火腿只得¼塊好似隔離枱食淨咁 然後個窩夫完全淋哂 上碟時任何牛油糖漿都沒有提供 希望打算去食嘅朋友可以三思考慮吓 ps 個蛋真係好難食仲難食過我係屋企自己煮

新開未試過，諗住試下，乃左野🤦🏻‍♀️環境尚可，但食物質素一般，點了一個A2餐，$60-Masala 安格斯牛肉飯，跟一個餐湯及一杯drink。一食已經知道係牛腩，唔係牛肉，再問職員，話係安格斯牛肉，但另一個職員又話牛腩🤣如果係牛腩就唔好寫牛肉。餐湯普通啦，南瓜湯。個咖啡係即磨，但點解可以咁難飲🤦🏻‍♀️🤣去隔離Pepper lunch 食個牛肉正好多。🤦🏻‍♀️大家唔信，可以不妨來試吓🤣

舊舖食過一次, 一直想返尋味, 尋晚襯新舖開張去試試.上餐前先上湯, 係一個 blend 左既蘑菇湯, 湯底有D洋蔥湯既味道, 唔知有冇估錯呢? 作為一個例湯佢係可一可再的!妹妹點既熱朱古力佢話好好味(而且堅持要 order)我隨便點左個熱花茶, 都幾解膩, 唔錯~!

平時經過以為係啲普通平價西餐，點知又幾驚喜喎！ $60 印度masala安格斯牛肉飯啲牛肉全部淋得嚟又彈牙架😍有少少似慢煮牛👍 性價比好高 +$3 仲有涷飲#支持黃色經濟圈 #whatscafe #hkfoodie #food #foodpic #foodporn #foodaholic #igfood #hkigfood #sharefood #hkfoodblogger #followforfood #hkrestaurant #hkblogger #手機食先 #相機食先 #吃貨 #美食

長沙灣麗閣邨最近開咗很多餐廳，今日經過試下呢間cafe, 寫明Cafe 當然要試試咖啡啦下午茶menu 選擇算多，價錢亦合理濃湯番茄腸片炒蛋長通粉 $36+$9 試咗紫薯鮮奶濃湯番茄湯夠濃，蛋亦夠香滑，幾好味但一飲紫薯鮮奶就出事，完全沒有紫薯味道，連咖啡味道都無，只得牛奶味，好似淨飲熱鮮奶咁，超級難飲，真心是我飲過最難飲的紫薯鮮奶我真係無法再繼續飲落去，叫服務員換過一杯普通凍咖啡OMG只是一杯普通凍咖啡，點解可以一樣咁難飲超級多奶，超級甜，完全沒有咖啡味，好想知道茶水部員工是否十分喜歡鮮奶？ 點解每一杯都係奶味而沒有咖啡味？茶記既咖啡仲好飲過佢 飲咗兩啖已經飲唔落去一間Cafe 既賣點在於出色的咖啡，但呢間可以話係我飲過最難飲既咖啡，真心請老闆好好培訓同改善員工沖咖啡既技巧，不要把店舖污名遠播

齋道歉唔做嘢想點？😡😡😡😡😡😡😡😡😡😡一直幫襯開舊舖，見佢搬去新舖，於是去試吓。落單後好耐，要問佢先俾水，等咗差不多半個鐘又冇食物又冇嘢飲到，然後見到另一枱客「遲來先上岸」，追問後樓面話：唔好意思，冇漏單，只係比較忙，而家整緊。🥱😤過咗一陣，再見到另一枱又「先上岸」，就再追問點解連嘢飲都未有。同一位樓面之後攞住手寫單返嚟，話啲紙疊埋咗。🤬 咁即係未落單啦！我哋即刻起身走人!! 🏃‍♂️🏃‍♀️只係叫個新手樓面道歉有咩用？🤬🤬 連幫我即刻整都應承唔到！唔會再幫襯囉！