Wheatfield X 羅宋湯專門店 (東薈城) (已結業)

呢間羅宋湯專間店已經唔係第一次食佢啲羅宋湯係真係好出色今次決定試下佢其他野食🤤睇下係咪同樣出色😍📍海派焗豬扒飯 HK$88呢個豬扒飯好大份，兩個人食都夠食🤩豬扒大大舊而且好厚身，食落啖啖肉，好滿足，調味方面都啱啱好👍🏻有小小羅宋湯嘅味道，不愧係羅宋湯專門店個焗飯係炒飯底，呢樣好加分👍🏻因為如果焗豬扒飯唔係炒飯底真係會係敗筆📍迷你蝦多士 HK$58/6件雖然叫迷你蝦多士，但一啲都唔迷你😂外脆內軟，食落蝦肉實淨如果單食會覺得有小小油，但如果點埋佢附送嘅醬就啱啱好，唔錯📍香辣雞翼串 HK$48/4隻有雞翼嘅地方就有我🤣見到呢兩串雞翼已經覺得好吸引，調味恰到好處，有小小辣，好惹味推薦大家👍🏻👍🏻👍🏻

約同事返工前午餐，揀了呢間餐廳，在商場頂層，店面不大，是茶餐廳格局，桌椅略迫，餐具都在桌子抽屜中！秘製醬油撈麵套餐（$85）牛腩羅宋湯：足料材料多，牛腩肥瘦相間，淋身入味，湯橙紅色蔬菜味道夠濃，略有油香，好味醬油撈麵：上海麵最夾醬油味道，煙韌彈牙，醬油夠濃，蔥花提鮮，好味溏心蛋：醬油浸，蛋白夠味彈牙，蛋黃剛剛熟到溶岩狀，好味熱檸茶：茶較淡口，正常凍檸茶（跟餐+$3）同事嘅汁燒豬髀肉（$18）一碟兩片薄切豬髀，喜歡瘦肉多，肉味夠，入味又唔會過鹹！好味（不過喜歡肥肉嘅人不要點）香煎雞扒（$23）皮脆肉唔嚡（未去到滑嘅地步）我唔食皮，雞肉入味唔過鹹店員爽快，我哋問佢雞扒可唔可以切，佢細心解釋因應不同大小厚度，由廚師決定！走時剛好見到收銀櫃旁有冰好嘅湯買！店員笑笑解說！（不是銷售）食物及服務都好

今日去左東涌outlet shopping。平時食黎食去都係 food court， 今次近近地試羅宋湯。🍜秘製醬油撈麵套餐 - $85小編揀左上海麵同麻辣雞絲柳。個羅宋湯真係好濃郁，牛腩都幾多，好淋。浸住個湯，啲牛腩入曬味！🥪廚師推介套餐 - $88其實飲完個湯已經好飽，個湯酸酸甜甜好開胃。依個湯底係豬骨，其實好似日式叉燒甘，都幾多片。套餐仲跟一個豬仔包，我揀左豬脾肉。其實快有係湯底果隻肉。豬仔包好脆，用個包點下個湯黎食仲正。

今天和媽咪到了東涌地鐵站的東薈城廣場行街食嘢，我們都選了在廣場名店倉二期的7樓一間專長羅宋湯類的餐廳吃飯， 我們分別點了有咖喱吉列豬扒飯配以羅宋湯和飲品，小食的一口蝦多士和紅菜頭紅蘿蔔肉湯，湯類果然落足料喎，啖啖湯渣啖啖新鮮熱辣好味！ 尤其紅菜頭湯個人覺得最好和有益呀，仲要差唔多半個紅菜頭在湯裏，喜歡湯渣的我開心滿足了！ 餐廳資料：Wheatfield x 羅宋湯專門店東涌東薈城廣場二期名店倉7樓703號鋪

話說今DAY OFF，過左去東涌探朋友，傾傾下都足料羅宋湯😊話說今DAY OFF，過左去東涌探朋友，傾傾下都有D 肚餓，決定去東薈城搵食🤗。朋友介紹依間餐廳D 羅宋湯好出名，我地一於試下😉。由於平日關係，而且已經過左午飯時間，人唔算太多。餐廳環境好乾淨，坐位都幾闊落，坐得都幾舒服😌。睇翻MENU，餐廳主打羅宋湯，配唔同嘅飯面類，仲有甜品可以選擇添😃。我地最後簡左2款精選套餐，比較抵食😙。先黎嘅係羅宋湯(配牛腩)，佢地好足料，牛腩幾大舊，淋淋地唔會癡牙，而有好多蔬菜。個湯飲落蕃茄味濃，帶有少少辣，好惹味😆。香煎雞扒配俄國蘑菇汁個俄國蘑菇汁都幾特別，甜甜的，撈白飯食都幾夾😆。香煎雞扒都不錯，都煎得好香，肉質好嫩😌。咖哩牛腩飯份量好大，牛腩肉味濃。飲品方面簡左熱檸茶同可樂。檸茶茶底都幾濃😎。

位於東涌的Wheatfield X 羅宋湯專門店，是間連鎖快餐餐廳。品牌主打海派羅宋湯，老闆曾經在銅鑼灣開設海派俄國菜餐廳Wheatfield Kitchen，現在則走茶餐廳路線，迎合香港人的飲食文化。 廚師推介套餐 $88 套餐包括: 海派牛腩羅宋湯 和 香煎薄牛扒脆豬仔包。海派牛腩羅宋湯用30斤牛腩烹煮5小時，隔油隔血後變成高湯，然後加入番茄、西芹、甘筍、椰菜等分階段下鍋，需時一天才完成。湯頭浮著薄薄的牛脂，脂香四溢，鹹香並重，味道很好呀。 全日自選湯麵餐 $82海派牛腩羅宋湯、自選粉麵和小食，我選擇配手打烏冬和香煎豬扒+$12。烏冬略為過腍，但由於湯頭鮮美，令整碗粉麵很加分呀。

去餐廳食 set lunch，一定係飲紅湯，但好多紅湯都好似水咁，唔飲好過飲。所以佢哋只可以叫個湯做紅湯 行過見到餐廳賣點竟然係羅宋湯，一定唔會錯過啦。Order 左個 set，有牛腩羅宋湯、豬扒包、奶茶。落完單唔駛5分鐘，碗湯就到，不過連杯奶茶都到埋，咁飲邊樣先呢😰？唯有飲羅宋湯先啦。碗湯好熱，心急得滯，辣親添，平時D紅湯係暖架，所以唔維意。唔應該怪餐廳，熱係基本 👍。個豬扒包就等得耐左少少，個湯差唔多飲完先到，美中不足。個豬扒包好厚生，個樣幾靚，擔心會唔會太硬。點知，一撳落去，竟然係好鬆軟，有驚喜。一口咬落去，個皮仲要好脆👍👍，抵讚！可能因為飲完碗湯已經8成飽，對件豬扒就食唔出驚喜。不過豬扒都好林。最後，就係果杯已經由熱變左凍既奶茶。晒左！如果杯飲品可以後上就 perfect 啦。

今日去東涌outlet行街行到餓餓地想食嘢 見到羅宋湯好似幾吸引就入去試吓啦因為係專門買羅宋湯嘅地方所以其實餐牌選擇並吾多！但係餐廳佈置都十分潮流文化！秘製醬油撈麵套餐 $85Step 1 湯類 海派羅宋湯 牛腩羅宋湯簡直係招牌，配料充足不再講，湯底濃郁入味，每口都均勻好味！Step 2 撈麵麵底 拉麵轉麻辣麵底+$2今次因為有湯飲，所以揀咗撈面去配合整個套餐，撈麵嘅麻辣十分足夠，麵條有口感之餘又吸收麻辣香味！Step 3 小食 麻辣雞柳絲將呢個麻辣雞柳絲再放埋撈麵到，簡直係辣上加辣既配合，食得辣之人一定唔可以錯過！凍飲加$3經典迷你蝦多士 6件 $58十分推介小食之一，香脆可口既外皮，口感由脆去內一層層，好味得黎配埋沙律醬簡直完美！香辣雞翼串 4件 $48雞翼串都十分吸引，一串兩隻串埋可以等你容易去食，雞翼香味恰到好處，加埋小辣配合散發既香口味道都十分出色！

東涌city gate,平日人流不多，揀啱時段，更可以在餐廳慢歎食物，静静地享受一個寧静的下午。餐廳坐得舒服，平日的下午茶時段，只有三四枱客。**羅宋湯可以選擇豬或牛**下午茶餐~ $38 加一上枱是一大碗內有牛腩，蕃茄的羅宋湯。入口盡是蔬菜，牛肉，蕃茄混和後淆成的濃湯味，大大滿足味蕾。餐包軟熟，伴上牛油。簡單而美味。湯加麵包，簡值是世紀絕配。最後再慢歎一杯港式香濃奶茶。一生一大樂事餐後更可在city gate繼續血拼， 可以彌補暫時沒有機會外遊渡假的失落感

白天沒食正餐，所以早點食晚餐。這家標榜羅宋湯的餐廳吸引了我。選了廚師推介套餐，包湯，脆豬仔包，飲品。$88 加一共 $97。湯及脆豬仔包都是四選一。 我選的是：海派牛腩羅宋湯香煎咸牛脷脆豬包熱檸茶湯的材料很豐富，3件麻將牌大小的牛腩，煮的時間剛剛好，另外有不少椰菜、紅蘿蔔、蕃茄。湯很濃郁及出色，大大一碗，吃完已半飽。咸牛脷脆豬包，很細心切成兩件，方便進食。包焗得香脆，塗上牛油，一片厚咸牛脷，伴有生菜、蕃茄、沙律醬。

// Wheatfield X Borsch & Noodles 🍅🍜 //.When it comes to picking a restorative and hearty broth to ward off that autumn chill💨, Wheatfield has to be on top of the list for their savory soup and bargained price.🍲.▪️Mini Prawn Toast (6 Pcs)▪️[$58]One of the most popular dim sum dish made from tiny pieces of bread, brushed with egg yolk and coated with minced shrimps before putting them into the fryer.🥢It was crispy and savory; an unbeatable choice to savor as an appetizer.😋.▪️Pan-Fried Thin Steak▪️[$25

喺大嶼山郊遊之後，你到東薈城搵餐廳食晚飯，好耐冇嚟過，原來呢度有新開幕嘅第二期，喺7樓上面有好多不同種類嘅餐廳，真係搵食嘅好地方。見到呢間食羅宋湯湯麵嘅專門店，一於入去試吓。不過因為晚上七點正值繁忙時間，都要等一陣位，似乎好受歡迎喎。湯麵套餐唔止淨係羅宋湯嘅，都有其他湯不過既然係專門店咁梗係食羅宋湯啦。唔食牛嘅朋友可以叫豬骨湯底嘅羅宋湯，真係幾特別同細心。我哋叫咗兩個套餐，每個套餐分別可以點一款小食，所以就叫咗一個蔬菜和另加$12要咗個西冷牛扒。嗰$12西冷牛扒好好食，真係意想不到，肉質好林，而且味道很好。至於主菜羅宋湯真係非常好飲，海派羅宋湯原來係由上海派嘅廚師，喺俄羅斯羅宋湯嘅基礎上，混合種菜嘅烹飪技巧，令到羅宋湯更貼近東方口味，想不到又真係幾好食。每碗都非常大堆頭，有大量嘅椰菜、紅蘿蔔、洋蔥，湯非常濃味而且不會口渴是真材實料嘅湯底配上拉麵或烏冬真係非常可口美味。湯麵套餐包飲品，如果想飲特飲就半價或者加$9都有汽水飲，

放假日逛東薈城行到有點餓，見羅宋湯專門店坐滿食客，門外有部取籌機方便客人排，仍有十多人等候，心想應該不錯。餐廳環境舒適，服務員有禮，下單上菜很快。我們點左廚師推介套餐$88，海派牛腩羅宋湯，有紅蘿蔔、洋葱、西芹、椰菜、蕃茄等⋯微辣帶少甜，豐富材料味道很清甜美味。香煎鹹牛脷脆豬仔包，包好脆口，鹹牛脷夾生菜、蕃茄和沙律醬，味道不錯👍加$3凍咖啡，可選少甜抵讚。另朋友都選廚師推介套餐$88，海派牛腩羅宋湯，有三至四塊牛腩，很腍又入味。香煎薄牛扒脆豬仔包，牛扒腍滑，夾生菜🥬蕃茄，很好吃😋東涌達東路20號東薈城二期名店倉7樓703號舖

世上有好多野係不能忘記的，海派牛腩羅宋湯一定係我其中最不能忘記的味道之一！當年讀港大的時候，已經對附近一間西餐廳的羅宋湯情有獨鍾。當我出來做事的時候，亦經常尋找這兒時的回憶！當中，Wheatfield Kitchen 一定係其中的表表者。當年我已常到佢銅鑼灣的店子吃飯，現在更開了幾間分店，今天我跟朋友行完山後，居然在東涌的商場見到他，當然第一時間幫襯。話明羅宋湯專門店，當然主打羅宋湯。雖然店鋪還有其他湯選擇，例如俄國清雞湯等。但我一場黎到當然揀選他的經典海派牛腩羅宋湯啦。我叫了個廚師推介套餐，包一碗大的羅宋湯，自選脆豬仔包同飲品，而我朋友就叫咗海派焗豬扒飯，加$38配以小羅宋湯及飲品！先講講我的套餐！首先海派牛腩羅宋湯份量非常大碗，他的牛香， 濃而不膩，香味四日，微酸但開胃，小辣卻不刺激。完全做到色香味俱全的境界！再加上他的用料相當豐富，蕃茄雜菜不用說，特別是他的牛腩，炆得相當唸滑，非常足料絕對係城中首選之一。香煎鹹牛脷脆豬仔包，脆豬仔包非常之好食，外脆內院，食落非常之香口，鹹牛脷十分之厚切而有肉汁，唸身彈牙味道很好也不會太鹹，配搭蕃茄生菜與及沙律醬，真係配合得天衣無縫！至於我朋友嘅

羅宋湯湯頭十分甜，就像糖鹽倒轉，味道十分怪異，屋企人食完都有肚子的問題，食物質素十分一般，永遠不會再次光顧，所有食物味道都十分怪異！小朋友都十分抗拒此餐廳味道，還説是羅宋湯專門店，比一般茶餐廳的水準還要差！