Whitewood Coffee (已結業)

環境唔錯！但空間唔算好大！星期六日可能會比較多人～半自助式服務Cafe石門黎講叫相當唔錯野食仲好味得黎有返咁上下份量！但有時人多如果有人安排一下入坐既順序就會更好喇～

今日經過石門，難得搵到有質素嘅cafe！雖然只係嗌左一杯flat white，但係難忘到要寫食評。一間小小嘅cafe，竟然有差唔多十個staff，全部都係十幾歲嘅年輕人，全部都好俾心機做嘢，又好有禮貌！門口位置放左好多文宣同貼紙，好有親切感！一杯小小嘅flat white，飲岀年輕人嘅心機同誠意！而且係有質素嘅咖啡！加油呀，香港嘅後生仔！

1.食物質素：呢個pancake 比日本幾間過江龍都好食好多，唔空氣，好實在，但又唔硬，總之好鬆軟，最重要係水果好多，有藍莓有士多啤梨有香蕉，又大份，要兩個人一齊分享，最重要係水果唔酸，食完個人都開心晒！2.等候時間：少過15分鐘，可接受範圍內

再回到這裡嚐鬆餅、新鮮烘培、熱烘烘的鬆餅香味四溢，pancake口感柔軟，加上一塊香蕉、特好的搭配。一口鬆餅、一口白咖啡、好滿足啦！輕鬆享受一個悠閒下午、和朋友聊聊天。

三兩口子食個brunch食個甜點消磨一個下午～ 朋友相聚先吃個意大利粉Carbonara, 再飲個具節日氣氛嘅Gingerbread latte. 餐後再吃個soufflé pancake,一樂也！Carbonara味道不錯，但醬入面既芝士粉未完全煮溶。口感不太夠滑. 如果外加一隻溫泉蛋晌上面會更香滑可口😏Gingerbread latte 味道不錯! 賣相好！👍🏼Soufflé pancake質地口感中規中矩⋯⋯ 忌廉香滑😋

之前去過覺得吾錯所以想回味一下，咖啡難飲，pancake等完又完仲要中間吾夠熟員工態度麻麻望入廚房一片混亂員工感覺好忙但食物就一直未上，間中望到個女人（吾知係咪話事人）係到罵人，如果咁忙同人手不足既情況下都罵，員工態度差間接係個女人一手造成！不過就眼睇小店員工可能大多係中學生，感覺連一個似樣少少既員工都無整體感覺小店走緊下坡！只求賺錢食物沒有任何質素可言！難怪最近食評一直都係負評如果小店仲係持著呢種態度經營，我建議不如早日結業

以前都好地地，可惜此小店越做越差。近這幾次點的沙律菜都發黃，換極都係黃；招牌pancake個心又試過唔熟；冷氣又壞壞哋，特別是夏天坐得好辛苦。太失望，再冇改善真係要少啲幫襯了。

叫左一個拿破崙意粉、一個carbonara同一個香蕉pancake。14:00叫兩個意粉，carbonara 10分鐘後到，冇問題。餐廳話pancake需時20分鐘或以上整，咁我14:17 去order。等到14:30個拿破崙意粉仲未有我去催，原來漏左單，最後14:45 先有得食⋯⋯而店員期間唔見積極追單，令人失望。而個pancake係14:52先到，即係整左35分鐘。三樣野食有一樣漏單有一樣等得耐，呢餐絕對係等仲耐過食，冇下次。有單為證，絕非吹水。

牛油果雞蛋多士只有一片黑色麵包塗上薄薄的無味綠色醬（我想應該是牛油果醬吧），上面放了一個切片烚蛋；但無落黑胡椒和調味！而傍邊的沙律菜亦不是新鮮的！這個無心弄的多士要人客附$65 亦太過份了吧！有心的食店不會是這個樣子，至少有半個鮮牛油果配沙律碎蛋吧！但咖啡就值得一試！以上共$104

原本見到之前食評的pancake對這間小店很有期待特意去吃。點知pancake 扁塌塌，完全做唔到日本soufflé pancake 的口感，好失望😞 咖啡還可以但係等左成30分鐘，食晒所有野先有😩

同朋友黎開石門，估唔到有間咁唔錯既cafe。我哋坐窗口位，會望到馬鐵。Cafe既座位唔算多，但係都幾闊落。我哋叫左英式早餐、香蒜白酒蜆肉意大利粉、White Mocha、Chailatte、Classic Pancake。英式早餐︰英式腸煎得好香，煙肉同蘑菇都好食，多士香脆，炒蛋都好滑好食。香蒜白酒蜆肉意大利粉︰蒜味一般，有白酒既香味，蜆肉唔算多但係唔錯，意粉炒得幾香。White Mocha︰朱古力味一般，飲落同平時既Mocha差唔多，但係幾香幾好飲。Chailatte︰賣相好靚，飲落都幾香幾好飲。Classic Pancake︰蛋味超濃，超香超好食！唔算係入口即融果種，但係蛋味好香，就算同朋友食到好飽都爭住食，呢間店既pancake真係好好食，非常值得一試！由於我哋係weekend黎，人會比較多，大家可能要預返要排一陣隊先入到黎，但係個pancake係值得排隊等既。

家住石門附近，睇住石門開咗越來越多餐廳，街坊們終於有口福了！今次食咗呢一間Cafe，店子地方不大，但佈置非常有文青風格，又係一個影相呃like好地方。我見現場大部份人都食緊疏乎厘Pancake，我都唔執輸叫咗一份香蕉榛子醬疏乎厘Pancake。以前喺日本食過最好食嘅pancake，今次自然有比較嘅心態。老實說，質素絕對可以媲美日本食到的水準!無諗過小店都可以做出如此高質素， pancake口感綿綿好鬆軟，甜度適中亦不會出現砂糖唔均勻的問題。真的好好食！難怪平日下午時間店內都坐滿八成，咁難怪每一台客人都會點！Pancake愛好者必試！

今日去了石門附近吃下午茶！我點了一份牛油果包包配沙律，味道還可以不過最欣賞嘅係佢嘅咖啡！吾錯！這兒的環境好舒服，可以下次再嚟！食完野可以坐喺度睇下書，飲咖啡！下次再嚟，要試下意粉先

女朋友上網見到想食呢間梳乎厘pancake就帶佢嚟食 。餐廳位置唔多，加上又任坐，所以如果坐滿咗都要等好耐先有位。牛油果醬碎蛋多士($72)沙律菜旁邊有竹炭麵包配一隻蛋同牛油果碎。牛油果生生地，所以有爽嘅口感，但呢個份量同質素配咁嘅價錢真係有啲貴。雪糕雜果仁厚鬆餅 ($88)Pancake唔太甜又有蛋味，唔會好似食空氣咁，慢慢食都唔會塌曬。雲呢拿雪糕裡面有焦糖圓糖，好特別，但只食到杏仁片，就唔算得係「 雜果仁」。呢個算係幾值得食。Flat white($36)不過不失，after taste唔夠香濃。

去左小店試梳乎厘pancake🥞 質素絕對唔輸得過過江龍cafe 反而蛋香🐣係我食過咁多間最濃最香既🙂 但係佢係一批批咁出 咁啱係第二批搞到我等左差唔多一粒鐘😛一邊等嘅時候就試咗個牛油果toast 真係有驚喜喎❣️好香 沙律菜 牛油果又好新鮮 💫🤤