Whitewood Coffee (已結業)

黎到呢間位於石門嘅人氣食鬆餅cafe🥞由於啱啱過咗佢地嘅午飯時間黎，所以唔需要排隊～直接入座😝想黎嘅朋友可以留意下餐廳嘅午飯時間😛令我慕名而來嘅當然係佢地大大份嘅鬆餅🥞首當其衝就叫咗分別香蕉🍌厚鬆餅，同黑糖抹茶厚鬆餅（都係$76）！一上到臺大大份有三舊十分足料！香蕉鬆餅比較清甜滋味🍌唔會死甜～食到蛋香之餘配埋原條香蕉十分好食。而呢度嘅鬆餅雖然無做到空氣感，但佢嘅厚實感又出奇地好食！直頭可以做正餐！而黑糖抹茶鬆餅就比較甜少少，黑糖味唔係太出，會俾香蕉味飽肚啲😋鬆餅同樣厚實嘢飲方面我叫咗一個芝麻latte($44)，好大杯，芝麻味幾濃～不過叫嘅朋友記住搞均勻個底先好飲呀👍離開嘅時候都無人等緊位，建議平日下午茶時段去會比較少人☺️

新一年第一天當然要同姊妹出街搵間Cafe #chill 下啦! 今次搵到一間食鬆餅唔錯的店試下係咪真係甘正先😋黑糖抹茶厚鬆餅🍭今次一場黎到點都要試下, 整體感覺唔錯賣相好靚,望落都好厚身,份量仲好足有三件,本人覺得口感同梳乎里有點似,但鬆餅的感覺有質感D好鬆軟,又唔會好甜,真心推介👍英式早餐🍴本人真係好鐘意食All Day, 但今次這份All Day令小編好失望,先講牛角包佢口感唔夠鬆軟,表層唔夠脆有點難切, 煙肉口感太"鞋"有點咸,食落仲好多油, 再講下炒蛋質感望落唔夠水份太老好乾身唔夠滑😅抹茶鮮奶🍼抹茶味都夠濃跟鮮奶比例都幾平均,整體來說不過不失😁泡沫咖啡☕咖啡味道整體都可以,但味道偏酸飲完有點渴😼

見網上不少人分享這間cafe 的pancake，就慕名來試試。等了約一小時食物才送到，飲品都已喝完。pancake 質素正常發揮，但等侯時間太長，用餐體驗麻麻，感覺坊間過於吹捧。點了香蕉榛子厚鬆餅及黑糖抹茶厚鬆餅，個人比較喜歡抹茶口味。Charcoal Latte 特別，不是間間cafe 有。

前幾日在網上發現石門有間cafe食厚鬆餅，喜歡吃甜食的我，當然要去品嚐。餐廳在京瑞廣場1期2樓的角落位，很容易就可找到。門口及餐廳內裝修簡約、乾淨。點餐、取餐具、結帳都是自助的。今天選了香蕉榛子厚鬆餅等了大約25分鐘，職員終於送到餐桌上。賣相尚可，鬆餅還算鬆軟，不像梳乎厘班戟的那種空氣感，但這個鬆餅很岩我的口味，可惜的是榛子味是完全欠奉，整體來說是不錯！

餐廳中場休息後4點重新營業，店舖不大4點過少少已經坐滿人，要等一陣先有位。入座後要先到收銀處落單，我地叫左香蕉榛子厚鬆餅，店員比左個號碼牌我地擺喺枱面，餐廳是自助形式，餐具杯碟要自己出去拎。等左大約15分鐘到，鬆餅整好就送黎lu～有三件鬆餅，鬆餅上面有一坨忌廉同埋淋上左榛子朱古力醬，隔離伴上切好嘅香蕉片，影相個刻忌廉已經溶哂相信忌廉唔夠企身，另一樣亦証明鬆餅熱辣辣新鮮整好😛。鬆餅食落有蛋香充滿空氣感，忌廉同榛子朱古力醬份量不夠多味道亦比較淡，食落整個感覺欠驚喜。

身為疏乎厘pancake fans，見呢間有咁多款pancake，即刻俾佢吸引到😍2點尼到依然好多人排隊，等左起碼30分鐘先入到去。入面環境唔大，所以都要等幾耐。呢度點餐係自助，所以唔洗加1。本身想試佢地既卡邦尼意粉，點知當日menu只有闊條麵可以叫🥺🍝卡邦尼闊條麵 $76卡邦尼味道有d淡，不過配合埋煙肉同香蒜都唔錯，闊條麵麵條煙韌。🥞原味厚pancakePancake口感鬆軟，空氣感得尼口感豐富。cream好香滑，有3大件真系好滿足🥰不過等得有d耐，建議預早30-45分鐘落單！🍵Hot matcha latte抹茶同鮮奶平衡得啱啱好，甜度適中，茶味夠濃郁👍🏼

叫左個黑糖綠茶pancake, 足足等左45分鐘。問左兩次係咪漏單，一路都話整緊。重點係隔離枱遲過我地黎半個鐘，但同我地一齊上菜。真係好嬲...食物質素可以，但運作混亂、舖頭滿佈雜物...如果你有時間浪費的話...可以去試下

石門真係好多 💛店今次就試左呢間出名大大舊梳乎厘班戟 既 whitewood 😋店員除左出餐比你 ⋯其他 落單 拎餐具 凍/熱水 都係一站式自助服務.蘑菇香草醬闊條麵 $84呢款青醬味道好濃郁 闊條麵軟硬度適中 入面有蕃茄仔同埋少少蘑菇on top仲加咗少少松子仁令到口感豐富左 幾特別份量都岩岩好 如果一個人lunch食都飽肚 唔會細細份.特級英式早餐 $108今次all day同平時有少少唔同既地方就系包既部分用左牛角包🥐 可惜比較腍身 唔夠脆 可以再焗耐啲？✨不得不讚 炒滑蛋真系幾滑 同行朋友都比like 👍🏼其實 All day breakfast 來來去去都系果啲配搭同味道😛.仲叫左兩杯野食⋯都幾細杯😅要慳住飲荔枝白桃烏龍茶 好refreshing 味道完全唔會假⋯Iced Mocha 奶香味好濃 朱古力味唔算好突出 好飲既.黑糖抹茶厚鬆餅 $76成日都見啲人打卡食佢哋嘅鬆餅 今日終於到我啦我并不是甜品控 都比呢個soffle pancake 燒到😛😛 揀咗抹茶 ⋯平時比較少食抹茶嘅產品製作需時30分鐘記得喺叫主食嘅時候叫埋啦系你差唔多食完主食嘅時候店員就會攞上枱.三大舊鬆餅😋

Whitewood coffee主要以甜品同咖啡為主，主菜單只有pasta 6款選擇。比較特別佢地甜品主打pancake，有別一眾以蛋糕做主打嘅cafe。卡邦尼闊條麵 $76卡邦尼味道配合好好，食落煙肉香味混合鹽、胡椒、蒜香。，然後再有陣陣芝士香滲出，另外蛋黃以半熟形式同闊條麵攪拌，所以仲有一粒一粒半熟蛋黃粒，可能用闊條麵比一般意粉掛多左醬汁係麵條，所以味道特別香濃。炸單骨雞翼 $38雞翼新鮮炸起，炸得外皮好脆，肉還有肉汁同嫩滑，帶點辣味，應該唔食辣都接受到，但就咸左少少。黑糖抺茶厚鬆餅 $76鬆餅口感鬆鬆綿綿，空氣得黎又有番啲口感，鬆餅面層皮同紙包蛋糕面層皮好似，呢層皮特別香，所以令鬆餅特別加分，同日本傳入嘅gram同幸福pancake可以一較高下。抹菜一般都係配紅豆，但估唔到配黑糖醬又幾夾。Charcoal Latte(L) $44charcoal latte以黑芝麻製作，飲落好香芝麻味帶微微甜味，感覺同芝麻糊好似，但咖啡味就比較淡同簿身，可能係芝麻味太出蓋過咖啡味，不過整體都係好飲嘅。Flat White(L) $42Flat White咖啡味比charcoal latte濃，都

開頭睇openrice既餐牌，係話pancake 11:30至到2:30呢段時間係唔提供，但係中午12點嚟到嘅時候個餐牌應該換咗新，而家有pancake食。即刻入去坐低叫野食先。叫左個Carbonara pasta $84 配latte(L) + $14杯latte係帶微酸但好厚實，唔係死奶味重係闊條麵，雖然唔係好大份但係煙肉份量都多，唔係好creamy 嗰種卡邦尼但味道唔錯。再叫左個甜品Matcha pancakes $76岩岩好食完個意粉個pancake就到，好有蛋香啊～即刻食熱辣辣仲出煙架。個抹茶係甘味，上面既抹茶cream都做得好好。配埋黑糖好夾

為左souffle pancake而黎🤗叫左個原味試吓！唔會一陣風咁，有口感厚實，好食😋Flat white都好飲但我覺得唔夠熱😗Pasta同Fish & chips中規中矩，呢個價錢都算抵食👍🏻

有日俾我搵到，石門一期2樓原來有好高質嘅咖啡，就係Whitewood Coffee🧡 哩杯latte 咖啡vs奶香嘅味道好平衡，飲落去fruity但唔酸，after taste 有花香，奶泡可以再幼滑啲，溫度個人覺得唔夠，再加上天氣轉涼所以凍得快左，建議啲奶可以熱返啲🤏 不過見到係Loveramics 杯好開心。All day breakfast 份量好足料，應有嘅都有，沙律汁開胃，大大條芝士腸，菇香口冇出水，bacon 唔會太乾，美中不足係mini croissant俾蛋汁沾到，唔夠鬆脆。點餐人員好衛生，收完錢會即刻清潔雙手，令人放心，同埋哩度係自助拎餐具同斟水嘅。當日見到隔離枱嘅綠茶pancake 賣相10分滿分🌟，有機會下次一定黎試。嗰陣11點幾唔多人，可以有個安靜嘅環境，享受咖啡同食物，係開心嘅😊

難得星期六早起床，與家人到這家久仰大名的黃店我們一行三人點了兩個熱食、一款班戟及一款飲品這杯Charcoal Latte幾乎是泡沫狀的芝麻糊，芝麻糊/芝麻愛好者不能錯過芝麻與奶味互相映襯，並沒有側重任何一方，因此沒有特別愛芝麻的我也覺得不錯喝到最後才比較感受到微微的甜味青醬粉絲又怎能錯過青醬寬條麵呢?由於青醬充足，調味方面是滿意的當然寬條麵不會是手工/新鮮寬條麵的質素，不過總算對得住這價錢 (當然如果有青醬煙肉寬條麵/意粉，即使比這個貴15-20蚊，我會選擇青醬煙肉)性價比非常高這個意大利飯是我記憶中最熱的一次，一邊吃還一邊冒煙的 我想這點跟意大利飯/西餐有點不同唯一是提醒一下不吃洋蔥的人或可以在點餐時要求走洋蔥，當然忘記了也可以把他們拿走 (因為是條狀，不太難移動的)菇、松露也不吝嗇，因此吃下去感覺很滿足班戟方面正如其他食評所形容，的確是動L動L的味道而言抹茶味濃而不苦澀，班戟本身是不甜，所以黑糖漿變成了平日吃港式西多的糖漿為班戟提供甜品一般來說我不喜歡黑糖，大概是因為甜品本來已經甜，再加上黑糖的話實在是太過份

經常喺石門揾食嘅我，終於過嚟試食呢度嘅pancake！中午時間嚟到，門外都幾多人排隊，等咗二十分鐘就成功入去！店內環境唔算大，有個開放式廚房。喺呢度食嘢要先去櫃檯比錢order，同埋自己拎餐具同水。❤️卡邦尼意大利粉 $72即叫即做，上枱熱辣辣好香。意粉煮得啱啱好，唔太淋。醬汁好creamy，係落忌廉去整，適合香港人口味。不過份量少咗啲！好食度：⭐️⭐️⭐️(3/5)❤️香蕉榛子厚鬆餅 $76製作需時，等咗大概20分鐘。食落幾有蛋香，甜度岩岩好。口感鬆軟實在，唔會太空氣感。不過可能攪拌得唔勻，食到少少蛋白粒！自家製cream幾好食又滑身，同pancake好夾！香蕉新鮮，唔會係浸過糖水嘅香蕉。好食度：⭐️⭐️⭐️✨(3.5/5)餐廳推薦度：⭐️⭐️⭐️✨(3.5/5)睇得出係用心經營嘅小店，見到廚房係幾個年輕人下廚，充滿熱誠！值得支持！不過人手唔多，上菜比較慢，各位可能要耐心等候！

卡邦尼意大利粉🍝（$72）⠀聞到香bacon味🥓同少少菇味。就咁望以為意粉好完美咁比cream包住哂，但其實係乾左啲同好杰身🤡，加埋芝士變到gel埋一pat野咁，食到後面有點heavy👻。⠀⠀🍵黑糖抹茶厚鬆餅🥞（$76）⠀Pancake都幾動L算係做到有空氣感💨，但未到入口即溶，有啲實，都合格😬😬。食落有蛋香，面頭嘅抹茶🍵微苦但甘醇，同黑糖味好夾👍🏼👍🏼，一定要連黑糖一齊食！好好味！💚另外隔離有啲Cream，但唔夠企係近乎泡沫狀比較稀😵，所以唔係好𢳂到一齊食🤧。⠀⠀🍌🌰香蕉榛子厚鬆餅🥞（$76）⠀雲呢拿Cream同蛋味道係絕配😛，加埋朱古力更加係點睛，好食！🤪我地食到好後先注意到香蕉嘅存在，一齊食好似食緊香蕉味朱古力咁😚。⠀⠀☕️Latte($38) & ☕️Flat White($38)⠀咖啡味道比較中性，偏苦微酸。Flat White做法上味道會濃啲☃️。⠀