WM Café & Bar (科學園) (已搬遷) 新店位置

WM Cafe & Bar週六放假約朋友到沙田踩單車，途經科學園見到間幾多人嘅cafe，同朋友入去食個慢活下午茶，餐廳環境好有休閑，感覺好relax！G.WM安格斯牛肉燒汁雜菇芝士漢堡配薯條咬落啖啖肉，牛肉好有口感，芝士味香濃，波浪紋薯條好有薯味，食完好有飽肚感K.WM大啡菇牛油果大牛蕃茄漢堡配薯條(素)素食者必食之選，大啡菇味道清香，與熟透嘅牛油果好配合，好有田園嘅風味廚師沙律沙律菜好新鮮，配合酸酸甜甜嘅沙律醬一齊食，有如置身大自然嘅感覺意式炸雞翼香脆可口，皮脆肉嫩，黃金色嘅顏色甚為吸引，用嚟打卡簡直吸睛Chocolate朱古力喜歡面頭果層泡泡，入口即溶朱古力味香濃這間休閑嘅cafe最岩週末約埋三五知己一齊去gathering，嘆個tea, 傾吓偈，值得推介

早幾日去科學園chill吓，肚餓搵嘢食嗰陣見到《WM Café & Bar》，主打西餐輕食路線，價錢好抵喎，即刻試一試～可以坐室內或者室外，室外仲可以帶寵物一齊食 👍🏻👍🏻 地方闊落唔逼狹🍝 意式香草茄子雜菜茄蓉扁意粉($54)：正常發輝，好大碟 🍽 啱哂胃口大嘅人🍕巴馬火腿芝士薄餅($70)：pizza夠薄夠脆，parma ham 唔會過咸🍫凍朱古力(跟餐加$12) 熱latte (跟餐加$12)：凍朱我覺得係必嗌，好creamy好厚實 😋 正埋單都係$148，比起其他西餐平一大截！下次帶埋狗狗嚟先👏🏻👏🏻

早前放假我又去做運動啦！輕鬆一下又踩單車🚴‍♀️到了科學園， 一向喜歡這間平價西餐廳cafe , 性價比吸引啊！ 我們點了分別有豐富的全日早餐、黑松露雜菌素薄餅 、飲品朱古力奶和自家製檸檬🍋芝士蛋糕🍰！食物用心制作，我鍾意其中素食的pizza 濃濃黑松露香味俱全，還有全日早餐十分豐富， 檸🍋芝士蛋糕🍰一樣味道很好，有別一般普通大集團蛋糕。我們做完運動本來有點倦，吃完補充體力，精神一振了！絕對平價高質的選擇！WM CAFE & BAR 地址： 沙田白石角香港科學園一期科技大道西5號企業廣場地下s019號鋪

我地今日黎左科學園，一場黎到。順便食個T先走。呢間餐廳，喺出邊行過會聞到陣野食香味。下午茶時間佢都幾繁忙，我哋喺出邊等咗好耐, d staff 都唔得閒理我地。因為本身都有好多食客喺入邊，佢哋忙serve餐。等咗幾個字，我哋自己走入去，原來其實自己搵位坐就好了。睇完Menu,再自己出去點餐就得。我哋叫咗雞翼薯條，薯條係粗薯條。夠熱雞翼係醃過再炸，食唔到雪藏味。雞翼四件加杯嘢飲都只係$44.算係咁呢個芝士蛋糕好好食，唔會焗到燶晒。外層係咖啡色，好靚。質感做得啱啱好，唔會太實硬骨骨，亦唔會太多cream.所以食晒成件都唔覺得溜。 出色呢個係熱嘅荔枝綠茶 有少少荔枝味但唔太重 ,熱朱古力有層泡泡喺上邊

難得星期六得閒，搵個近近地嘅地方去下由西貢出發20分鐘內就到科學園見到好多單車友經過呢間餐廳係一間半自助嘅小café細看Openrice發現原來都有幾間分店但今次呢間可能地域限制所以比起其他，呢間分店算係少選擇WM 安格斯牛肉燒汁雜菇芝士漢堡餐 $72漢堡夠厚夠juicy同燒汁幾夾芝士有熱溶過，拉到小小絲麵包唔同肉有唔同配搭牛肉呢款係有芝麻嘅，食落都幾過癮忌廉菠菜煙三文魚闊條麵餐 $58家庭式嘅味道，清清淡淡唔會太滯都幾健康架，夠多菠菜三文魚都有好幾片仲見到隔離個小妹妹食雞串食得好開心如果踩單車經過嘅話一定會去大家經過的話，都係一個唔錯嘅選擇

最離譜， 係burger 食食下， 發現包最下面有張電腦打印票， 吸滿汁， 油， 好唔衛生亦都唔健康！點知有咩化學物質？茶餐廳都唔會， 最多放則邊， 比客前拿走！以為留言多梗係好， 點知， $8x野食都幾難食， 老mac 仲食得開心！餐具， 茄汁， 樣樣都自助， 自助位又好污糟甘， 衛生麻麻， 味道又麻麻， 服務又麻麻， 下次食starbucks 仲好過。芝士蛋糕， 食到成口沙糖定咩甘？ 好奇怪豬肉burger, 好少肉， 大部分係bbq 醬， 包又似隔夜

一心諗住黎科學園踏單車食個tea, 享受下假日，點d比呢間野既員工激親，服務態度差得很！野食同出面茶餐廳比差唔多.....收銀亞嬸唔知想點，慢都唔緊要，我原諒你老，唔識禁部機囉，咁你態度就咪咁惡劣啦，好聲好氣會死咩，講真，見你有位先坐低....咁唔鐘意做野既番屋企啦⋯⋯又要做又要黑面，想點呢亞嬸？出黎食野要受你氣？傻的嗎？可能我係女人，對我前面個男人好聲氣d lor, 要仔既就放假唔好番工啦！去瘟仔啦，唔鐘意清潔既，唔好清囉，等張張枱都係碟呀刀刀叉叉咁囉，大家唔好再幫襯啦，廢事食到肚痛啦...真激氣

ALL DAY Breakfast $68煙三文魚+$6蘋果汁 +$8假日去科學園行下，行下行下見攰攰地，望到呢間啲下午茶都係三四十蚊，就有熱狗漢堡薯條食，就入去坐底咗。但坐底先醒起近排食太多煎炸野，所以都係扮健康，食個all day breakfast 😂😂佢有牛油多士，茄汁豆，粟米粒，煎雙蛋，煙肉，腸仔，磨菇，蕃茄，味道不過不失，係價錢取勝藍莓紅莓醬窩夫 $34突然好想食窩夫，見有就叫埋，初頭都驚太飽，好彩下午茶係細細份嘅，啱啱好～如果個窩夫可以脆啲就好，略嫌有啲太林

事前無睇到食評，原來服務態度差係平常事。叫餐後去自助醬料區取芝士粉茄汁tabasco，pizza最後先到又食緊到先既burger諗住到食pizza先再落醬料。點知有個短髮金毛女侍應，走黎收走d牆料，我地話未用完，之後佢就係到話我地霸住d醬，我地講好多次話仲未用先放低，行開仲有自言自語單打話咁鐘意擺住拎返屋企用呀嗎。 😡火都黎，你拎走前唔係應該問下客人用完未先嗎？用完後佢再返黎拎走d醬，仲有眼啤啤掘住我😠

襯假期就去遠少少郊遊下，輕鬆一下。呢日黎到科學園，踏下單車食下野，科學園都算多餐廳，見到呢間有輕食，就食個lunch。呢間餐廳self service 為主，lunch menu 都有唔少選擇。有室內同戶外位置。我要咗份all day breakfast 同 肉丸肉醬意粉同加咗三隻雞翼。All day breakfast 有煎蛋，腸，栗米，多士等等，調味適中，上枱都夠熱。而肉丸肉醬意粉份量幾多，肉丸大概有六粒，意粉仲有唔少鮮蕃茄，值得推介。雞翼炸得幾脆口而飲品係正常熱飲，中規中矩啦！

好耐冇黎科學園。趁天氣好就帶埋細路入去踩單車。午飯時間就黎左呢間cafe食個light lunch。上次黎可能成年之前，餐牌好似唔同左。周日都有午餐，包一杯簡單熱飲，仲免加一。先到收銀俾錢，然後坐低等野食送上。忌廉菠菜煙三文魚菠菜闊條麵 $68賣相冇期望都冇失望。煙三文魚唔係原塊，撈左入d闊條麵度，d麵夠高温所以d三文魚基本上係熟既。闊條麵質感又ok喎，有d嚼勁唔會過淋，係我鍾意既質感，份量好多，食極都有。菠菜都有唔少，同忌廉汁一齊食幾嫩滑，另外仲有d爽甜洋蔥絲，加d口感。仲有支裝芝士粉俾你自己加。WM安格斯牛肉燒汁雜菇芝士漢堡配薯條 $82呢個漢堡真係唔錯，首先上下兩塊包都有超多黑白芝麻粒，超香，同埋焗得超鬆脆，好食。最底個層包揸左牛油，上面有一塊大生菜同蕃茄片，然後就係漢堡扒同上面既燒汁，再加上一塊芝士同雜菇就完成。呢個漢堡都幾juicy，燒汁味道較出，配合香脆麵包好味道，用刀切開四份都方便食用。薯條係波浪厚切，新鮮熱辣炸起都幾好食。茄汁同芥末醬喺自助調味吧攞。叫左兩杯熱檸水，每杯兩至三塊檸檬。總括而言，今次d食物好食左，特別係安格斯牛肉燒汁雜菇芝士漢堡。下次希望試下其他漢堡。笑臉

同朋友係科學園附近行海旁，晏晝去左呢間好多人好評既cafe食飯，因為係lunch時段，所以有好多上班族都排隊食飯。拎左餐牌之後，就可以去counter order，然後比號碼牌等上菜。我哋叫左兩個餐，分別係香草茄子雜菜扁意粉，同自家製素扒漢堡。每個餐附送左兩杯羅宋湯。可能因為附近都係上班族比較多，所以每個餐嘅份量都比較大。扁意粉番茄味道香濃，而素扒更加令人有驚喜，因為係素肉所以好健康，而且附送嘅薯條都係即叫即炸，十分好食。另外推薦加錢換凍朱古力，因為佢哋凍朱古力好好飲。

假日去買下午茶外賣 買完拎走食 本身係叫pizza配薯條 一打開個盒見吾到有薯條於是返舖頭問 問呀姐: 吾好意思係咪比漏左薯條 呀姐答我: 無哂啦頭先咪講左 我話: 頭先無同我講吖 呀姐話: 你自己聽吾到 收錢嗰時咪講左 我話: 真係無講到 有無其他野可以補返薯條(真心無講 收錢既吾係呢個吖姐 男朋友一齊比錢都無聽到有講)呀姐: 個個都聽到係你聽吾到 咪比左沙律菜點解佢做錯仲可以發脾氣咁態度 佢又可以肯定收錢既有聽到 仲要話我發爛渣 補返沙律菜就係圖中嗰幾條 買個下午茶都成肚氣 以後吾幫襯blacklisted

今日從沙田徒步到科學園，第一次到WM餐廳嘗試，點了一份限量供應的牛柳粒意粉，果然味道很好，牛柳入口鬆化彈牙，高勝價比。熱咖啡也不錯、入口苦中帶甘。下次一定再來品嚐！

未寫過食評但服務態度真係差到要話俾大家收銀阿婆慢慢黎，唔知佢識唔識用部機後面排隊排晒長龍都唔理食物同價錢唔成正比，我諗係街邊求其一個茶餐廳都可以整得有心機同靚過佢抱歉無影到相，因為走左之後行行下諗返真係接受唔到所以寫個寫評同大家講