WM Café & Bar (科學園) (已搬遷) 新店位置

// Science Park Lunching-Spot 🍽 //.Cycling along the Pak Shek Kok Promenade has to be one of the most comforting activity🚲, but nothing tops off the day if you couldn’t find the right lunching-spot for a quick refreshment!🔥.▪️WM All Day Breakfast▪️[$88]Ordering an all-day breakfast is always “no-brainer” for me when they’re on the menu!✌🏻It was a tummy-fulfilling breakfast platter filled with croissant or toast, egg, grilled tomato, pork sausage, crispy bacon, sautéed mushrooms, baked beans, sweet

近排疫情好返少少， 於是我們就去沙田踩單車放鬆下，踩到科學園 一帶見肚仔餓便搵了WM Cafe & Bar坐低食野。我們叫了2個lunch set, 先講第一個美式BBQ烤手撕豬菠蘿芝士漢堡配薯條， 漢堡包加菠蘿是我最喜愛的配搭之一加上剛烤好的手撕豬加BBQ醬真的好夾非常好味，而且薯條剛剛炸起又熱又好食，另一個餐黑松露雜菇薄餅，一上枱已經聞到黑松露味加上芝士配薄批非常匹配，食上口非常juicy加上薄餅邊好脆～好味。最後當然唔少得飲返杯飲品繼續踩單車。

好天氣☀️好心情由沙田踩單車去到科學園食個 Lunch sin，見到WM cafe餐牌價錢都好平民又可以放低架單車，舒舒服服座底食個晏。 WM安格斯牛肉燒汁雜菇芝士漢堡配薯條：佢嘅漢堡比想像中好好，牛肉燒汁能夠提升到成個包嘅味道，薯條仲係我最鐘意嘅粗波浪紋👍🏻👍🏻👍🏻蒜香藍青口墨汁意粉：蒜味好香，青口都有成4隻份量都唔小，整體都好味嘅......飲品點左凍朱古力同凍檸檬茶，踩單車踩到熱熱地飲杯凍野真係爽爽爽。

一個字「貪」一間唔老實既餐廳！張單會計貴錢，今時今日侍應（一個老阿姐🦞，加一個男人）仲會話：搵唔到「經理」改唔到單，經理佢唔會黎。哈！萬一中伏去到 比錢前，一定要對單，否則會比左貴價錢！

去科學園食lunch，好耐以前食過一次。mos個間都食過，少風格不同。WM安格斯牛肉燒汁雜菇芝士漢堡配薯條 $72個麵包皮係有黑芝麻同白芝麻，熱脆左幾香口！再加上佢有安格斯牛肉牛味重既都，雜菇有燒汁無咁青。薯條夠熱口，多鹽咸香！雙層檸檬烤雞拼香辣脆炸雞芝士漢堡配薯條 $72芝士嚟到慢慢溶化去香辣脆炸雞。烤雞唔太乾，double chicken肉食飽飽！熱即磨咖啡幾香，自助加少少奶！熱甘菊茶Chill，熱熱菊花味。WM安格斯牛肉燒汁雜菇芝士漢堡配薯條 $72個麵包皮係有黑芝麻同白芝麻，熱脆左幾香口！再加上佢有安格斯牛肉牛味重既都，雜菇有燒汁無咁青。薯條夠熱口，多鹽咸香！

科學園俾人嘅感覺好似冇咩嘢食，但行多兩行快啲原來有好多間餐廳，中西日式都有。而今次就試咗間西餐嘅特別想讚下餐廳嘅牛奶，好濃郁。我同朋友都叫咗個和牛burger。個burger睇落去有啲單調，可能係塊生菜唔夠大，蕃茄唔夠多，所以就冇乜色彩。但係麵包有加牛油烤過，所以特別香脆，香口。塊漢堡扒都煎得啱啱好，唔會太乾柴。蘑菇醬汁得好少，所以整體食落去口感比較乾，鍾意多啲sauce嘅朋友可以再加千島醬或者茄醬。薯條份量正常，炸得幾好，外脆內軟。

星期六下午揸車入科學園逛一逛， 見到這裏有幾間餐廳， 今次就試下位於科學園一期科技大道西5號企業廣場地下S019號舖的WM Café & Bar。 餐廳環境有點像快餐店的格局， 叫了兩個午餐～WM 安格斯牛肉燒汁雜菇芝士漢堡配薯條$72、WM全天候早餐$78、 熱奶茶和熱咖啡。WM全天候早餐～ 很喜歡在星期六下午吃all day breakfast， 慢慢地享受我的午餐。有牛角包、黑松露炒蛋、烤蕃茄、豬肉腸、煙肉、烤雜菇、茄汁焗豆和粟米，最好味是香噴噴的黑松露炒蛋和啖啖肉的豬肉腸。WM安格斯牛肉燒汁雜菇芝士漢堡配薯條～ 漢堡包的牛肉熱辣辣的有肉汁， 最喜歡粗薯條， 外脆內軟的口感 。熱奶茶和熱咖啡～ 飲品是自助式， 點了之後到自助枱加奶和糖， 味道普通。今次到科學園一遊， 有新鮮感又可以放鬆一下， 下次有機會再來試下其他餐廳。

平時假日都會去下科學園踩單車，或者係釣下魚，係一個放慢腳步，放空既好地方，今日就黎左科學園既wm cafe食個下午茶cafe有室外座位提供，可以對住個靚景食野，不過當日天氣麻麻地，所以都係去番室內坐cafe既佈置好用心，好有大自然既感覺，係呢個環境下食野，心情都自然會特別放鬆食物選擇十分多，我選擇困難症發作諗左一輪之後，最後同友人簡左兩個午餐呢個係雙層檸檬烤雞拼香辣脆炸雞芝士漢堡，一上枱已經聞到好香，真係令人食指大動，配埋脆卜卜既薯條，真係完美組合切開入面，真係好足料，一啖咬落去口感十足，面包查左牛油十分香口，炸雞好juicy而且好入味，加埋蕃茄減低左油膩既感覺WM安格斯牛肉燒汁雜菇芝士漢堡。面包上面佈滿芝麻，熱辣辣好香口安格斯牛肉夠厚切，而且好有牛味，再加上芝士，有一種說不出的滿足感，岩晒我呢個鐘意食牛肉既人。天氣咁熱，當然吾少得叫番杯凍飲降下温係一個咁美好既環境下，再食到好食既食物，簡直係生活一大樂事，黎科學園又多左一個好去處

這日來到科學園，午餐時間選擇到此cafe 餐廳半開放式設計，有室內及室外位置今日太熱，怕熱嘅我哋坐喺裏面 午餐餐牌選擇都幾多，價錢合理，好多都好吸引 餐廳是先點餐及付款的形式，之後坐埋位等等，侍應會幫我地送餐 先來的是沙律。沙律菜很新鮮，醬汁剛剛好，感覺清新！佢哋送嘅餐湯係蕃茄湯，用一個有耳仔嘅小碗載着，幾得意 當中蕃茄粒份量都幾多，香濃開胃牛肝菌汁牛柳粒焗意粉$ 58意粉軟硬度適中，加埋牛肝菌醬汁味道剛好。牛肉份量都幾多，非常入味同埋林，我鍾意這個質感巴馬火腿芝士薄餅$ 70巴馬火腿及芝士份量好多，每一啖也很滿足！薄餅餅底香脆，有麵粉香味 飲品我哋叫咗普通跟餐熱飲：檸檬水及熱奶茶，也不錯的 如果加錢會有其他特別d嘅飲品選擇在Cafe後方bar枱有餐具、紙巾、加入奶茶咖啡的花奶和糖等等，顧客可自取。 整體來講呢間Cafe的感覺不錯！如果天氣涼爽一啲，坐出邊位置吹下風，感覺下科學園區中的悠閒，咁就可能更有放假感覺

星期日同朋友踩單車去科學園，踩到攰就諗住食個tea抖下~ 🍴餐廳環境行田園風，都幾舒服。有唔少人同我地一樣，踩完單車過嚟食tea。我地叫咗香草檸檬雞搥配法式忌簾滑蛋烤多士($48)、英式炸魚薯條配他他醬($54)、原味芝士蛋糕($33)，嘢飲叫咗凍檸茶同凍泡沫朱古力。落完單好快就上嘢飲同蛋糕，個cheese cake有少少檸檬味，幾清新。炸魚薯條好夠熱，而個香草檸檬雞搥嘅雞脾肉好嫩滑，烤多士好脆，椒鹽煎蛋好惹味。星期日估唔到都有下午茶Menu，價錢都唔係貴，買個餐就可以悠閑咁坐係到同朋友傾下心事，睇下風景。休息完又可以繼續踩單車做運動。如果一家大細星期日黎Family Day都好適合，Menu上嘅食物都好適合小朋友。下次黎踩單車會再黎幫襯，休息完再出發💪🏻

假期去科學園當然想 chill 下! 見到呢間餐廳有開放户外位置，原來佢係pet friendly 餐廳嚟！下次一定要帶埋狗狗嚟先得！今次就坐室內嘆下冷氣先😆佢係半自助形式，先到收銀處點餐同付款，再比企牌放置枱上，就有專人拎食物嚟㗎喇！Lunch Set都有幾多選擇，而且無加一㗎！👍🏻本身有湯送，但加少少錢就可以轉飲品，天氣咁熱，當然要飲返杯凍飲喇～咖啡~係自己加糖同奶，想有個點嘅比例，可以由自己決定。橙汁~係果汁先生原樽倒出，品質有一定嘅保證！All day breakfast~ 食 all day breakfast最大嘅樂趣，就係每一樣食物都可以食少少， 呢度都唔例外，會highlight 煙肉，煎得夠哂香脆，而且唔會過咸！雞串忌廉雜菌扁意粉～日式crossover 意式！！雞串帶有香濃汁醬，夠哂入味，而扁意粉既口感亦都一流！！每一條都成功沾上忌廉汁，yummy!!

lunch 睇下有咩食見都幾ok 就試下 本身食lunch 冇諗住打卡就冇影到相 不過食完之後真心覺得不吐不快叫左意粉完全冇味要落大量鹽同芝粉先至正常少少個漢堡只係比M記巨無霸有誠意多d如果比我買我寧願食巨無霸塊牛肉又薄又dry 個sauce 又冇咩味最重要係七十幾蚊食焗雞扒就一般般 不過真係對唔住呢個價錢加錢既雞翼講真都係唔好食最尾想補充少少就係份量真係好少一個男人食應該要食2個先夠飽咖啡溝水溝到冇咩味唔想再黎食

朋友在科學園返工，中午來附近就順便搵佢食個lunch。估唔到科學園入面都有好多餐廳可以選擇。而我地就揀左間食西式嘢嘅，有漢堡包意粉Pizza等等見到佢個海報，40幾蚊一個餐外賣自取，都幾抵食，可惜我地無其他地方可以食外賣，所以只可以堂食。安格斯牛肉燒汁雜菇芝士漢堡配薯條$72個麵包好好味，查咗牛油，焗到到脆卜卜，上面鋪滿芝麻，所以好香，塊牛肉就不過不失，都ok。雙層檸檬烤雞拼香辣炸雞芝士漢堡$72朋友食嘅 ，佢話味道都唔錯，烤雞唔會太乾柴。但個羅宋湯就有啲搞笑，用熱飲嘅杯裝，而且得3分一杯，有啲少。

因為疫情嚴重，最近都好少出去食嘢，因為都好擔心感染。今日終於忍唔住去左科學園抖下氣，因為覺個到地方比較大，應該比較空曠。行到少少攰，去到見到呢個餐廳既食物同 menu好似好吸引，決定走入去食！ 我地叫左2個set lunxh, 加左一份salad, 份量都算大，仲有2片鴨胸！ 配上蕃茄餐湯，非常開胃！ 佢餐茶都好特別，係紅茶包再自行加奶，奶非常厚，好彩我自己都可以調教到一杯又滑又好味既奶茶🤣🤣其中一個lunch set就係呢個double chicken lemon burger 用檸檬醃製厚切雞扒再配上一塊脆辣雞腿，個口細啲都食唔到啊！ 特別醬汁嘅配合亦都令到雞嘅鮮味非常之出色，食完之後個口好耐都仲記住呢一浸香味！ 薯條亦非常之新鮮，明顯係新鮮炸起！ 另外呢一個食完一定知你啱啱偷食完嘅意粉，墨汁意粉非常之香蒜蓉味，而且青口數量亦非常多，配上tabasco 認真一流！ 唔知幾時再有機會出去食啦😢😢😂大家要保重身體！ 希望疫情快點完！

同朋友係附近工作，見到科學園原來都多餐廳，見到呢間好田原風，吸引左我地入去啦！WM自家製超級素扒漢堡配薯條$72呢個素扒嘅口感好似漢堡扒，相比起漢堡扒仲冇咁油膩又有好香嘅豆味~再加上有酸酸味既酸瓜汁好開胃，呢個漢堡超吸引呀～必試!薯條新鮮炸起好脆~呢個套餐好正黑松露雜菇薄餅$66薄餅嘅餅底不同於出面用麵粉做嘅餅底，而係 薄批脆皮，口感好似餅乾咁脆架! 再加上有唔同嘅菇類同埋芝士配合埋好香口既黑松露好好食~佢嘅份量亦都唔少性價比好高!檸檬芝士餅$18呢個cake有味道清新，檸檬味唔會太重、唔會太酸，至於芝士味同檸檬味嘅比例剛剛好~兩樣嘅味道都好出~清清地 正朱古力慕絲蛋糕$18朱古力味好濃好香，入面仲有脆脆，增加左蛋糕既口感，兩個人share一件就啱啱好啦🙌🙌轉汽水加$5凍檸水加$4