XTC Gelato (已結業)

聽聞這裡的港式奶茶gelato很不錯，上星期路過時不見有奶茶這個選擇。這天再經過，發現有售這個味道，除了奶茶外，還有我最愛的紅豆味，於是二話不說便要了這兩款味道來個雙球gelato。先吃放在上面的紅豆味，這個gelato的紅豆味十分濃郁，相信內裡紅豆的份量必定不少，吃起來還有點點紅豆碎來增加gelato的口感，的確是美味。奶茶味吃起來就像把一杯港式奶茶變成雪糕似的，味道十分相似而且夠濃，吃來也十分香滑，像真度極高！

XTC 買一球送一球嘅電子優惠券今個月到期，上次去希慎廣場時無食到，因為人嗰間得好少味道，今日黎Lcx 影叮噹，突然醒起碼頭呢邊有間分店，正好影完相就過黎買 , 都幾多人o係度試緊味, 我以前都係咁 xdGelato 其實唔係幾arm我食，太軟身同太重奶味，不過因為佢有好多特別味道，而且間中都有新口味推出，以前喺呢頭返part time 都經常幫襯，最深刻係焦糖香蕉味，好味但甜得好過分，仲有奶茶味，好香濃但同樣過甜，食完一定要飲水。今日試味試左蕃茄味，好清淡嘅茄味，幾得意。而正式買就揀左兩球雪芭，因為夜晚仲要同家人食生日飯，怕雪糕食兩球會太膩。1.紅桑子味~ xtc 嘅雪糕食落好軟滑，無乜感覺到啲冰，有啲似杰身嘅smoothies ，紅桑子味接受到嘅叫香甜，有人會覺得似藥水，我鍾意佢嘅酸味，好溫和，大啖滑入喉嚨都唔會令人咪眼縮膊，味道鮮明濃厚，一小球已足以享受。2.石榴味~清新石榴味，只有少許甜，較紅桑子味有冰感，而且內含果肉，份外清怡，佢嘅淡剛好調和返紅桑子味嘅濃郁，食完都無咁口渴## 買一送一優惠後，為$15一個，認真抵食！下次再有優惠券以供下載，亦不能錯過。

影完尖沙咀地下露天個100隻叮噹,勁熱!於是黎到碼頭隔離既雪糕店,咁岩之前系飲食男女度download左張買一球送一球既coupon今日就用得著喇!咁熱既天氣又要系條街度我就唔會揀雪糕喇我揀左兩球都要雪葩!士多啤梨雪葩同熱情仲夏雜果,一睇就睇中左熱情仲夏雜果味,個樣好夢幻呀黃色同紅色扭紋咁混合左,食落去好酸咪咪好好味!士多啤梨口味不嬲都唔系我會選擇既味道,唔知點解今日突然想試,原來清清地唔系好甜,都幾解渴架喎!有埋d士多啤梨既小粒粒咬下,幾好味!店員不完之後問我要杯定要筒,但明明我就聽到佢同另一個客人講雪葩好快溶唔好用筒建議用杯好d, 最後我都揀左杯上!

XTC 於香港約有4間分店，店內雪糕種類繁多，部分更用上地道食材作材料，富本土特色。辛辛苦苦同班多啦A夢影完全家福，來到附近就買一杯雪糕二人分享。單球$30；雙球$38選了奶茶及香蕉朱古力味要了杯裝，雖然杯子小小，但份量可多呢！兩球雪糕中，濃味的香蕉朱古力味在底，而奶茶味在頂。先淡後濃，不會影響味覺品嘗不同味道！而底層的香蕉朱古力味就經已是滿滿一杯，奶茶味就再放其上，相當滿足！奶茶味屬於店內的暢銷味道之一！味道跟質素同樣的有保證！入口味道跟奶茶味一模一樣，茶味香濃嘅同時亦富奶香，而且十分幼滑，雪糕的密度做得恰到好處。再試一口，這次沒有直接呑下，放於口中等雪糕慢慢融化，變成流質後再呑下，灌進肚內的是一啖出色的凍奶茶！簡單的一球雪糕，卻有著這種多元化享受，確實令人讚嘆！香蕉朱古力單是有香蕉味的就有兩款，分別有香蕉焦糖及香蕉朱古力。個人怕焦糖味道偏甜，便選了香蕉朱古力味，朱古力味香濃而且滑溜，但相對於同品牌的朱古力味，無論色澤及濃度方面都夠遜一點點。而香蕉味於當中徐徐散出，整球雪糕並沒有夾雜著香蕉肉或香蕉醬，比較失望！而且雪糕內藏有數粒小冰塊，數目不多，但破壞了口感！整體上中規中矩，可以一試

XTC算是比較早期在香港出現的gelato店，而多間分店中，以尖沙咀天星碼頭這一間光顧得比較多，大多是坐船從香港島到尖沙咀後，第一件事便是到XTC買gelato吃。其怪的是相反從尖沙咀坐船到香港島時，很少會到XTC買gelato，可能是怕買gelato的時間會錯過一班渡輪吧！今天則是少數的先買gelato再乘船到中環，店內有兩個雪櫃，可供選擇的gelato款式接近40款，真令人花多眼亂。最後我選了冧酒葡萄乾及香蕉焦糖，要了紙杯上的。本想打算買了後乘船時吃的，但拍過照後，還未行到天星的入閘機，gelato已經溶了不少，只好邊行邊吃。放在上面的一球是香蕉焦糖味，入口香蕉味濃，應該用不少香蕉去製造這個gelato，至於焦糖味則不太明顯，帶奶味的gelato吃起來十分香滑，只嫌溶得快了一點。在底的一球是冧酒葡萄乾，葡萄乾吃起來酒味十分濃，正合我的口味，應該用冧酒浸製了不短時間，但對其他不太喜歡濃酒味的朋友，這個未必會是好選擇。這款gelato的口感偏向冰多一點，沒有香蕉焦糖味那麼滑。邊吃邊等船，即使在氣溫達到33度的今天，也不覺得熱。吃完gelato剛好小輪到達，又是時候踏上一段新的旅程。

剛剛食完Venchi既特濃朱古力雪糕, 天氣熱, 入到xtc, 見薄荷朱古力碎係朱古力色, 仲深色過朱古力味, 唔係平時見既緣色, 所以叫左球黎試吓, 又叫左球核桃味, 兩球都超級好味呀~~~~薄荷朱古力碎:清涼薄荷味, 朱古力味同Venchi個雪糕差唔多濃, 加左朱古力碎仲好有口感, 食食吓見到有綠色既葉, 嘩, 堅料呀, 果然天然薄荷朱古力, 怪唔得無論薄荷味定朱古力味, 都係咁香濃!!!核桃味:有大粒有細粒核桃, 好堅料, 好有核桃味, 不過我同時食咁好味既薄荷朱古力碎, 所以冇咁突出, 但係都係好好味.總括黎講, 超級好味, 係好食過最好味既雪糕, 哈根達思同Venchi都行埋一邊~~PS : 太好味, 食得好快, 所以影得唔靚, 不過張相係睇到入面有綠色薄荷葉架~

經過碼頭, 當然又要來吃一吃...但可惜沒有我最愛的XTC CHOCOLATE~~試了口味後, 結果要了熱情果香蕉及曲奇朱古力碎..前者混得幾好, 而且好FRESH感覺, 夏天適合吃; 後者有曲奇粉及朱古力碎粒, 無我的最愛都補一下~

食今年生日週既最後一餐生日飯 (今年好多餐, 多謝各位 )內人同幾位大學朋友好好地靜靜地食左個飯。食完飯就慢慢行慢慢傾計到天星就買雪糕食 xD由幾年前一開係天星碼頭就開始幫襯到依家還記得最喜歡是上年的Summer special : Elderberry 呢度手製既雪糕我都非常之喜歡 雖然個日冇Summer Special (未exactly summer嘛),但其他既雪糕都非常之令人滿足嫁啦青檸雪杷, 口感似冰, 凍凍地, 入口即溶。而且酸酸地, 好開胃 一邊行海旁, 一邊同內人同朋友食雪糕, 真好

文化中心睇戲後搭小輪回家，路經XTC，心思思甜癮即時發作！時近晚上11點，店內仍很多人，大概有一些跟我一樣都是剛看完戲想吃個雪糕吧～排了一回兒隊，沒試吃便點了辣朱古力、開心果和櫻桃棉花糖。$43三球，平均一球不用$15，而且都幾大球，個人覺得比吃那些味道總是不夠豐腴，要靠toppings過關的froyo抵很多呢。辣朱古力：一吃便想起多年前中學時代與同學一起分吃一杯辣朱古力的回憶。 雖然說不上非常喜歡，但這口味絕對讓人印象深刻，吃起來還是很新鮮的經驗一樣，意想不到原來都差不多十年了……櫻桃棉花糖：從名字到顏色到味道一樣那麼sweet，像穿lace戴花的女孩，讓我有點兒吃不消。不過軟滑的雪糕中夾著些頗有彈性的棉花糖，蠻有趣的。開心果：最喜歡這個，開心果的果仁香非常濃郁，一粒粒像細沙的質感也很得意，非常好吃。小輪上吹著海風看著維港夜景，一口一口地吃著gelato回家，多麼美滿的晚上。

真的好想讚一下這店子當晚經過的店子就只有這一間在Earth Hour時分把所有燈都關上環保可是由小、由自身做起別的店可能怕影響生意，但照我看當日雖然漆黑一片但等買雪糕的人好像還比平日多這樣有心的店子值得支持

今天用完最後一張的XTC coupon, 這間店的雪糕真的很好食!早前已在中環食過奶茶味和開心果味, 奶茶味有點茶苦味, 夠港式, 正! 但就有點碎冰在中間.開心果味都夠香濃, 不過沒有很多開心果粒. 這方面就milkissimo 和da dolce 較優.今次就試雪芭. 試過後發覺這店原來雪芭比雪糕更好味!我試了熱情果香蕉雪芭和三葉草檸檬乳酪雪糕熱情果香蕉雪芭好味得令我食了兩次! 上次食完今次又食過! 夠酸又能帶出香蕉的香味, 很解渴!三葉草檸檬乳酪則是我新嚐的, 想不到的好食! 檸檬味重又夠酸. 重點是雪糕 (其實食落有點似雪芭) 有很重很香的奶味, 食完整杯後味道還在口內徘徊! 真是太好味了!!!再有coupon即使不就腳也定必再encore!

真是久違了的感覺啊~~很久前連又一城那間也沒有了, 現在會去的就只有TST海傍!!點了雙球!! 很濃, 每次必食的XTC CHOCOLATE, 吃後真的有種非常滿足的感覺, 哈哈!!XD 還有今次試了新口味, 焦糖香蕉, 沒想像中的甜, 香焦味亦非常之香, 希望下次可以再來試其他味!!!^^

之前食過XTC既雪糕,覺得味道唔錯,當日便特意駕車打算買2個家庭裝回家和家人一起分享!試過幾隻味後,揀好想要既2隻味後,和店員說我要一個鐘後先返到屋企,問佢有冇保温袋俾我la,佢話有保温袋,但要附加$10,咁好la,我尊重環保意識,所以都諗住照買架la,再問有冇乾冰la,佢話有,但係又要收費既環保冰都唔知有冇搞錯架,連冰都要收費,我使唔使買雪糕連裝雪糕既容器都自備埋呀?之後即刻唔買轉身走人,雪糕好味又唔係得你一間,我買另一間人哋冇保温袋,知道我要一段時間先返到屋企,都會用乾冰包好啲雪糕,保證我啲雪糕唔會溶la都唔知點做生意架

趁入冬前可能最後一個的indian summer，趕快去XTC吃個盡情。為我服務的兩位店員，樣子甜美可人，其中一個叫oceane 的很陽光，她介紹新出了masala tea口味，試食後「哇」的一聲：「真係好masala呀!」。複雜香料味產生的味覺效果十分「強烈」，精神振奮，如同呷了一口印度香料奶茶，oceane笑著點頭同意，說不是太多人能夠接受。她給我試回我久違了的港式奶茶味，那份熟識的茶餐廳絲襪奶茶味，依舊香濃得令我放不開。決定各買一盒家庭裝，來個港印奶茶crossover，美女店員們實在很好，即時放入的masala chai 雪糕，很用力的裝得實實的，又幫我把外帶雪糕放入專用雪櫃雪硬個半小時，再以冷凍啫喱保温，確保雪糕兩小時內不會溶化。回到家中雪糕依然實實的無走樣，十分感謝當天兩位服務態度良好又有耐性的「小天使」，除了奶茶味，她倆也給我逐一介紹新口味：無花果味道有清香果糖味，稍為偏甜（但無花果的甜度確是如此）配雲尼拿味應該一絕；開心果實在好介紹，大量粗粒果仁，開心果味濃郁；花生醬味對我個口味而言比較甜膩；芝麻味依然的滿口粒粒芝麻。最後另加碼多買一球開心果和豆腐即場吃，超滿足。在家中

本來打算去 Venchi Chocolate 吃雪糕，可是來晚了已經 closed，於是又回到老地方 XTC 。上次試過了超捧的「港式奶茶」和「焦糖香蕉」Gelato，今次則選了「白咖啡」和「藍莓」。「白咖啡」味的像真度高，咖啡味濃厚，還帶丁點炭燒的味道。「藍莓」味比較特別，用的是新鮮藍莓果肉，不是藍莓果醬，所以吃下去不甜，帶著清新的氣味。店員服務很好，樂意讓我們先試多款口味，下次要挑戰酸酸雪葩呢