XTC Gelato (已結業)

XTC 買一球送一球嘅電子優惠券今個月到期，上次去希慎廣場時無食到，因為人嗰間得好少味道，今日黎Lcx 影叮噹，突然醒起碼頭呢邊有間分店，正好影完相就過黎買 , 都幾多人o係度試緊味, 我以前都係咁 xdGelato 其實唔係幾arm我食，太軟身同太重奶味，不過因為佢有好多特別味道，而且間中都有新口味推出，以前喺呢頭返part time 都經常幫襯，最深刻係焦糖香蕉味，好味但甜得好過分，仲有奶茶味，好香濃但同樣過甜，食完一定要飲水。今日試味試左蕃茄味，好清淡嘅茄味，幾得意。而正式買就揀左兩球雪芭，因為夜晚仲要同家人食生日飯，怕雪糕食兩球會太膩。1.紅桑子味~ xtc 嘅雪糕食落好軟滑，無乜感覺到啲冰，有啲似杰身嘅smoothies ，紅桑子味接受到嘅叫香甜，有人會覺得似藥水，我鍾意佢嘅酸味，好溫和，大啖滑入喉嚨都唔會令人咪眼縮膊，味道鮮明濃厚，一小球已足以享受。2.石榴味~清新石榴味，只有少許甜，較紅桑子味有冰感，而且內含果肉，份外清怡，佢嘅淡剛好調和返紅桑子味嘅濃郁，食完都無咁口渴## 買一送一優惠後，為$15一個，認真抵食！下次再有優惠券以供下載，亦不能錯過。