&You

營業中

休息中

今日去到第一次食， 叫店員攞隻碗， 咁簡單嘅要求佢都黑曬面， 你說話我聽提我要自己攞， 其實今時今日香港飲食業搞成咁， 真係咎由自取， 嚴格嚟講係抵x死, 我以後都唔會再嚟. 畀咁嘅價錢但係完全冇服務可言， 食快餐都冇咁受氣， 加上食物質素都係好一般

&you位於屯門市中心，菜式非常多元化，有便當、意粉、全日早餐、漢堡等，呢啲西日式料理。餐廳空間寬敞，環境都舒適，而落單係需要用到QR code掃描並支付，無需等待店員落單和牛漢堡扒日式咖喱煎蛋鮮菇飯和牛漢堡扒，牛味濃郁，肉質都嫩滑，份量適中，咖喱汁充滿日式風味，香味濃厚，微辣中帶點酸，再加埋煎蛋嘅蛋汁，令人開胃，但份量有點偏小。鮮菇則中規中矩，另外，碟邊附上一些蔬菜，啱晒注重均衡飲食嘅都市人黑醋脆雞漢堡配薯條脆雞口感酥脆，雞肉唔嚡，但黑醋醬汁較少，漢堡稍微偏乾，配餐的薯條份量不算多，但口感香脆

手機落單先支付，以為去咗快餐店或者國內消費，不過減省成本都係正常點咗紅酒牛肋條套餐非常鍾意個粟米濃湯，每啖都係粟米😊紅酒汁上碟已聞到好香撈飯真係好享受牛肋條唔錯都幾入味又夠腍呢度擺枱唔算密，如果二人食飯傾吓計都舒服

最近收到d coupon，原來呢間野開始賣早餐，但經過上次幫襯既經驗真係唔想再食呢間野，但老婆話比多次機會佢，所以就落去睇下有咩食，見個餐牌價錢都吸引，正當我地想入去果陣又見到上次果個光頭佬，我地企係門口就已經見到佢唔戴手套掂d食物，下一秒就hi落個身度，即刻同老婆講走！

星期六同老婆去左呢間野食，野食係屯門區算係唔錯，而且個環境就幾好，搵左位之後原來掃qr code落單，叫左個明太子意粉，味道唔錯，老婆就燒雞漢堡，都幾大份，兩個人都係200蚊左右。坐既位置可以見到廚房煮野，可惜發現唔係好唔衛生，見有個光頭廚房佬講嘢好大聲，又成日咳，成個廚房得佢著便服，唔知係未d大粒嘢啦，真係唔敢再有下次，好彩嗰次食完冇咩病痛，我覺得咳唔緊要，但戴番個口罩，始終係做飲食，仲要開放式廚房

前身係&tmr 行過有個店員哥哥叫我食！ 見肚餓就試叫左個韓式豬排！湯底紅卜卜，以為韓式就係辛辣野， 錯啦～ 其實係鮮蕃茄湯底！鮮茄粒粒有洋蔥加持， 香口好多，湯底都有洋蔥鮮茄味！非常意外，忍唔住要打食評讚下！豬排煎到脆邊，有水準， 而且無腌肉既 乸肉粉味，原生豬味仍然保留。 味道同調味恰度好處。麵條好彈牙，可能因為鋪頭高成本用韓麵關係，好好食呀，呢個早餐令到我好意外！會再食！依家應該係新開張 ， 送左coupon !

最近經過發現Lee間餐廳，一開始入去覺得幾得意d裝修，都幾家庭式，個人覺得係有少少似ikea+薩莉亞嘅混合版🤣價錢好經濟，而且份量都唔細，絕對食得飽☺️而味道同埋賣相都好唔錯👍🏻我地叫左個意粉，唔算好creamy ，比較淡口d，不過麵質唔錯，煙肉同芝士比例都OK，唔會太少，個蒜蓉包好好食🤤好脆口小食set正常發揮😆薯條好有童年嘅回憶，本身係胡椒鹽調味☺️好脆口，而且入面係淋淋地嘅薯🥹好正

呢間嘢高質又抵食唔知點解咁少人評論佢啲意粉抵食過同好味過樓下beans好多蕃茄忌廉汁意粉好少地方有得食薯條又好香口惹味要個二人餐先$200多啲飲品都好多選擇食過咁多次都好好味

食物有質素又好味, 價錢好合理又冇加一服務費, 地方頗寬敞,燈光柔和舒服,坐得比茶餐廳舒服得多! 還有基本侍應服務服務! 地方乾淨整齊! 所以性價比高，值得一讚! 👍👍

最近食過這間餐廳3次，3次都試唔同野…這次食左焗薯+辣味薯條，價錢上是合理的，味道上普普通通，不過腸仔味道是不錯的，辣味薯條是加了辣椒粉的薯條，是粗條型的，不太軟亦不太脆，兩樣食品送上枱時都是熱的…飲品方面其實三次都比野食出色，今次飲芒果荔枝菠蘿伯爵茶，都是用新鮮生果所以味道不錯。不過比交推上次飲的蘋果肉桂伯爵茶。至於環境，衛生程度不錯的，幾乾淨，另外因為餐廳都唔算人多，所以基本上坐幾耐都無人會趕走…這亦都係我黎咁多次原因😂