&You

營業中

休息中

今日屯門做嘢做晏咗先食飯，諗住去屯門市廣場食嘢多啲選擇。見到呢間& you好似幾啱食，諗住試吓。太肚餓個腦思考唔到，諗住叫個set算數。我叫咗個紅酒牛肋條套餐。拍檔叫咗鯖魚。雖然個牛冇乜紅酒味，但係牛肉都算多，個汁送飯都好味。拍檔個燒鯖魚雖然細條啲，但佢都話好食。個飯佢哋用珍珠米，湯可以揀味噌湯或者粟米湯。我哋叫咗粟米湯係用粉開嘅，不過都算好味。每人$88 坐得舒服都算可以。