Young's Cafe (已結業)

上星期五我同班Friend諗住去試呢間所謂好評如潮既Cafe,我地仲晨咁早走去訂定位,慌死佢冇位咁...點知7點去到,竟然大把位,仲任揀唔嬲!!試問呢D黃金時間都咁多位,D野唔慌好食得去邊啦...於是,打開餐牌,竟然得個6,7個意粉,揀無可揀之下,我地4個人最終揀左2個相同既意粉...品種少都算啦,仲要連走辣椒咁基本既服務都做唔到,搞到我個Friend一路食一路流眼水...擺明間Cafe特登整辣D食物,等D人被逼叫佢D飲品啦!!Cheap到死...咁都算啦,諗住個地方乾乾淨淨,食得安安樂樂就ok啦,點知環境優美,但係D杯就污糟到死,全部起晒漬,仲有手指摸,睇見就作嘔...叫人點飲得落先佢最大問題就係D服務,佢見我地叫得4個意粉就眼厲厲咁,成晚Bear住晒...喂,宜家4個意粉唔駛錢呀?之後又睇死我地冇錢俾,埋單個陣拎個5蚊慢左小小,個Waiter就即刻問"你地諗住幾時俾埋個5蚊?"嘩,呢D叫做咩態度?我地嬲得滯,1毫子貼士都冇俾!!呢間咁既Cafe,情調冇乜,服務差劣,衛生欠佳,仲有楚留香噪音滋擾...早摺早著啦!!?以後都唔駛指意我再幫襯,仲見到都要掉頭走呀...真係一肚氣!!

上次同班friend食晚餐，叫o左好多o野，但一Ｄ都唔貴，每人百零蚊，咁格局，真係幾抵。我地仲一坐三個鐘，嘻嘻，更加抵呀～！因為呢度坐得好舒服，適合朋友食飯傾偈，因為唔太嘈又唔係好靜，感覺幾好。食物質素唔錯，款式多元化，乜都有Ｄ，意粉唔錯。減肥推介～吞拿魚三文治，大堆頭，三塊麵包加半碟沙律，一定夠飽，而且仲唔貴添，味道唔錯o架～！

今日2pm, 見到set lunch 有salad , 即管一試~環境唔錯~ 好鍾意o個D 圓柱形燈罩, 同幾舒服o既椅子(夠大!! )~ 不過, 都係唔鍾意D 冷氣糟外露, 唔夠衛生~order o左個"橙汁芝麻雞柳配雜菜沙律" ( $39, 連湯and drinks )~ 橙汁芝麻雞柳又幾好味喎!!!! 不過D 雜菜切得太幼, 好難叉起~ besides, 如果個salad dressing 唔係沙律醬, 而係Caesar dressing 會仲好~drink要o左iced lemon tea~ 杯tea 就大啦~ 不過得三塊好薄o既lemon~ ~___~anyway, 依個lunch 唔錯!! ^_^

T-bone 叫6成熟就變全熟，羊扒又老又薄，連熱奶茶都沉到茶味無埋，得個苦字!Service? D waiter 叫佢換過份T-bone就黑口黑面，完全唔掂

初初入去係因為俾佢o既環境吸引，都幾舒服。午餐d 焗飯唔錯，不過d 份量對於我o地d 女仔o黎講就o岩o岩好，不過d 男仔就未必夠。焗肉醬意粉都幾好食，但係焗魚柳飯就麻麻，d 魚柳腍o左d，而炒飯就鹹o左d。如果d waiters & waitress 可以禮貌d 就更好。

The food is just of ordinary quality. The set lunch is not expensive. Service is of acceptable standard.The decoration is quite good.

之前聽過朋友講過呢度D食物幾好食，所以我叫男朋友帶我來食，慶祝我生日；環境好靚、又浪漫，真係好開心！我地坐出面半露天座位，幾好feel!講開食，我就想講講個“炸巴馬腿香蕉雞胸”啦！金黃香脆外皮加埋入面香蕉味道，真係好正！第二度冇得食；至於我男朋友就叫一個“煙三文魚燴天使頭髮”個名好得意，佢仲話好好食添！今次真係一個好正！正！正生日！

話係coffee 專門店，但名過其實，完全唔掂，最基本既熱咖啡都做得唔好，水溫不足，無咖啡香味，已實屬敗不，招牌咖啡都唔好，你有冇信心試其他食品?