Youni (柯布連道) (已結業)

Let's have a green Monday💚Youni除左gym仲有餐飲部，上次經過就買左外賣返屋企食。呢次試左Terriyaki chicken mixed grain rice🤗雞肉全部去皮，有雞胸亦有其他部位。雞肉唔鞋甚至可以稱得上嫩滑，怕肥可以唔好落晒照燒汁。係略縑紅米糙米飯比起正常偏硬 ，要咬多幾下。加埋隻水煎蛋 營養100分! 有晒carbs, protein 同good fat!另外仲買多件banana bread做甜品 🍌香蕉蛋糕口味清淡，口感似海棉蛋糕，只有屬於黎自香蕉本身既甜度，係健康嘅甜品!🌞今餐營養同味道都達標呢~~!

At first, I was afraid that I cannot get full by eating healthy bowl. But this shop changed my mind! Yes the sweet potatoes mash is super tasty! The chicken is quite smooth as well. And I always love eating broccoli. Perfect bowl for me! Enjoyable!

經常幫襯，本身youni的職員服務都不錯，最近換了收銀員，態度極差無視客人，佢有佢做野完全當客透明唔主動翻熱食物，拎個紙袋裝熱嘅外賣都發脾氣食物質素雖好，價錢合理，但要受氣真係唔想回頭

隔離位既同事不嬲都係養生人士，一日都黑都話捉我去食健康啲，我不嬲都唔理佢，我本身無肉不歡，叫我食菜。。NOWAY!不過見佢都叫咗咁多次我都無SHOW佢，唯有陪佢一次啦！呢間餐廳係開喺GOJI GYM下面，主要都係賣啲健康既沙律，同飯盒。佢樓上樓下都有位置俾你坐低食嘢。佢有啲午市LUNCH SET，連例湯或茶，我叫咗份12小時慢煮無激素豬扒飯。 12小時慢煮無激素豬扒飯－個飯碗唔係好大，但係放滿晒飯菜，上面就放咗件無激素豬扒，中間夾咗一層沙律菜，最底就係紅米飯，配上咗一個蕃茄醬汁。豬扒係煮得幾好味，難得唔放調味料，反而食返肉本身既原始味道。不過佢個紅米飯真係唔好味，好乾身，明明係熟既但食到好似食生米咁，我屋企都不嬲有煮開紅米飯，但都唔會咁硬身，呢方面有待改善。

我本身都係呢間gym既會員，做完運動消耗晒啲體力，好多人都以為唔食野會好啲會瘦，其實諗法係唔岩架，只要食返適量既野就ok!!!!今日跑左成個鐘跑步機，沖完涼出黎要食返個飯補充一下！是日餐都有3個選擇，另外仲有啲沙律盒係雪櫃入面🙂🙃我揀左第一個：泰式香辣火雞碎飯 $50送湯 今日既湯係紅蘿蔔老黃瓜湯個湯都好清甜，不過好細碗架咋，3-4啖就飲完，始終唔係老火湯，冇媽媽既感覺，不過就有健康既感覺！🙂🙃至於個飯對於食開街外野重口味既人應該會好唔慣！啲飯加左紅米同糙米，所以比較硬身！佢好精明咁將啲豆，椰菜，紫椰菜，紅蘿蔔切到勁幼勁細，放埋落啲飯度，不經不覺就食左蔬菜啦👍🏻👍🏻👍🏻👍🏻至於個泰式辣汁實在就係成個飯既靈魂，如果冇左佢調味我諗我食唔晒個飯！不過其實個汁係唔辣既！個蛋都做到小小流心！哈！不錯！🙂🙃