YUMMY MUMMY

營業中

休息中

天氣好熱 所以勁想食雪糕 掃完街就想食埋個雪糕完滿返歸點知中咗大伏呢間佢寫明18蚊5球 咁佢裝得細球我都預咗 唔緊要我哋揀咗 紫薯 開心果 曲奇 薄荷 豆腐咁佢哋話特別味 要加6蚊 咁我以為係每樣加3蚊 就話ok啦點知係每球加6蚊最後咁樣就收咗我30蚊一粒乒乓波咁大嘅雪糕除返要差唔多成10蚊一粒？？總之就覺得唔太抵啦(味道就係平時呢啲雪糕店嘅味特別味紫薯仲係成粒喺度 打唔碎 口感好奇怪開心果就還可以都係曲奇最安全

揸住筍筒仔嘅三球雪糕，好似捧住滋味小宇宙咁! 我一開始就撲嘅係乳酪味，係已經冰凍得啱啱好，富有乳香嘅入口即溶嘅感覺真係好滿足🍦。接住Rum酒味幾有驚喜，混合咗酒香同甜味，啖啖層次感，完全冇諗到可以咁襯。食到最後，薄荷朱古力就嚟救場啦! 涼涼哋嘅口感，仲帶咗啲苦甜嘅朱古力，真心消暑嘅好夥伴🍨。行過棉花糖店，店主嘅熱情同心思都能夠感受到。新出嘅Minions棉花糖，啲黃黃嘅軟綿綿上面真係有香蕉味，紫菜嘅鹹和甜嘅糖好夾，好食得令！啲爆谷就係我食完雪糕之後嘅心水之選，硬啲啲嘅脆口感，香味十足，一食成癮啊! 真係屋企看戲必備🍿。下次再嚟，我仲想試下其他啲，琴日嗰三球已經係我嘅新寵啦！

尋日行經呢間雪糕鋪，一入到店裏面就感受到咁濃厚嘅家庭氣氛，嗰種親切感真係好窩心！試咗幾款雪糕，每一款都讓味蕾興奮唔停！首先話你知，佢哋個荔枝雪糕，真係絲毫唔掩飾嗰種自然嘅果香，每一啖都似乎咬到啲荔枝咁，清新得嚟香濃，食落去舒服到不得了！🍦 想想我哋常食啲荔枝罐頭或者軟糖，呢個就純正多啦，啖啖荔枝，完全冇得輸！再講講個蜜瓜味，呢個就真係送俾鍾意蜜瓜嘅你。食落去感覺好似夏天一樣，清涼解渴，個蜜瓜味又唔係人造嗰種，係真真實實嘅水果鮮味，令人一次又一次嘆為觀止！至於芒果味，呢個就犀利少少，對於愛甜嘅我黎講，甜度正正好，不過對啲鍾意微甜嘅朋友可能就甜咗啲。不過，呢個雪糕嘅芒果香是真係非常突出，叫人忍唔住一球又一球！整體嚟講，呢度嘅雪糕質素與服務都頂尖，尤其係嗰啲自然嘅水果味，各位如果鍾意食雪糕，記住要黎呢度試吓啦！一定會令你再三回味，流連忘返嘅！🍧😋#港式街頭美味 #雪糕控必到

我哋繼續掃街😂😂見到openrice 0負評心郁郁就想試下$17/5球好似幾抵食咁食完之後之後史努比決定比佢哋第一個負評😟-♡ 雪糕 $17/5球 (特別口味+$5).👎🏿榴槤 +$5應該系食過最差嘅榴槤雪糕食到好明顯嘅椰奶味相反榴槤味就冇乜😟雪糕嘅texture系完全唔smooth好似啲雪過龍嘅雪糕咁🙁味道: 1/10.👎🏿雲尼拿因為驚伏嘅原因 我哋要咗兩球雲尼拿同買盒三色雪糕嘅味道一模一樣咁不如去買盒三色雪糕啦以佢一球咁嘅size 應該可以食到幾十球😌味道: 4/10.👎🏿荔枝全場最伏😟雪糕唔smooth食落沙沙地呢點就球球都系架啦🥲荔枝味exactly就系好假嘅香精味史努比覺得似藥水味😟伏伏伏伏伏伏伏!!伏過搭直升機🚁味道: 0/10.👌🏿豆腐稍為叫正常少少嘅flavor好微嘅豆腐味然後口感當然都系0分🥹味道: 5/10性價比: 5/10史努比覺得有少少被fake嘅感覺榴槤味仲要加$5總共$23/5球每球都可以話同乒乓波差唔多size甚至細過乒乓波😅唔明點解openrice 0負評😟就算主打平都唔使比啲咁嘅質素掛同埋史努比覺得佢唔平 份量咁少🥲大把主打平民價雪糕抵過佢又好食過佢回

小朋友上次經過葵涌廣場見到人哋揸住比卡超外型棉花糖🍬係咁話好靚😍😍😍跟住話考完試之後一定要帶佢過嚟佢好想要隻角落生物🤪我估唔到男仔都鐘意🫢當係考完試既獎勵。所以嗰日一放學就帶咗佢過嚟好彩都唔算太多人。開頭哥哥都想整隻比卡超但係差唔多晚飯時間無理由食哂2個棉花糖食完真係唔洗食飯！🥲姐姐都好有禮貌問佢想要邊一隻公仔造型大概等左8分鐘就有得拎佢好開心睇住個姐姐卷舊棉花糖姐姐又好細心禁剪佢隻眼同個嘴😆

啱啱嗰個週末，約咗班friend喺葵芳嘅party Room慶祝生日🥳 而因為我已經好耐無去過葵芳，所以特登提早咗少少去新都會行下街，順便去埋葵廣3樓睇吓有咩好食😋5球雪糕 ($17)呢兩日天氣咁熱，最好梗係食個雪糕降下溫😋🍦 呢間雪糕店真係由細食到大，依然都係咁多人幫襯，簡直係十年如一日😇 雖然佢個價錢就一定比唔上當年我仲係讀緊書嘅年代咁平，但係以宜家既物價黎講，仍然係超級抵食👍🏻 佢嘅雪糕有好多唔同味道可以選擇，今次我就揀咗芝麻、朱古力、士多啤梨、綠茶同埋忌廉曲奇，全部都係最經典、最大路嘅口味🤭 每一種味既雪糕都係細細球，叫做過吓口癮🤪

雪糕有好多唔同價錢嘅配搭, 比較特別嘅榴槤味都有得嗌由於咩都貪心想試下就揀咗十五蚊五球, 味道方面都有十幾款可以選擇, 總有啱你心水嘅口味.😋揀咗黑芝麻, 芒果, 豆腐, 椰子同冧酒提子. 每球雪糕份量唔多大約係mini size咁上下, 適合食完飯口痕想食少少甜嘢時買嚟過下口癮最鐘意食黑芝麻同豆腐, 芝麻味道好濃郁好似食緊芝麻糊咁, 本身以為豆腐咁淡味會比其他味道蓋過, 點知豆味比想像中出, 兩者一齊食就好似食緊芝麻豆腐花一樣😂

Yummy Mummy Ice Cream五球雪糕 $15（9/10）呢間由細食到大，住葵芳一定識佢哋，五球雪糕以前10蚊，今日再食返已經15蚊啦，仲有得草印仔，草夠印仔會免費有第六球。諗返起都有接近2年無食佢哋啦，疫情真係好大影響，依家咩都貴，加返5蚊都應該，冧酒同薄荷朱古力係必食！👍👍👍😋😋😋@yummy_mummy_ice_cream地址：葵芳葵富路7號葵涌廣場3樓3158號舖#雪糕 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

每次嚟親葵涌廣場，呢間雪糕店一定要食。之前因為比較忙冇咩時間過嚟，近呢排得閒又再嚟掃街。呢間雪糕店有三隻味我係必食，就係乳酪，Rum 酒同薄荷朱古力，指定雪糕筒三大球。唔知點解係鍾意食呢三隻。。。🤣🤣，最重要嘅係，每次放嘅次序都係一模一樣，薄荷朱古力永遠都係擺最低，跟住就係Rum酒同乳酪。重乳酪味，超好食，薄荷朱古力少少溶嘅時候，同冧酒突然間覺得好夾（個人認為）之前試咗金莎朱古力，雖然少少乸喉，但幾特別。除咗有雪糕同棉花糖食之外，仲有爆谷賣，近依排都會買兩包返屋企食，雖然包裝普通，但仍然香脆可口，20蚊一包都算值得買返屋企食。

同田會長及king係葵廣食飯順便行街，係IG見到有角落生物綿花糖，可愛い！晚飯後行左陣消化下就買來食，YUMMY MUMMY ，可以話係葵廣裡面為人熟悉的小店，屹立多年，售賣零食、雪糕、棉花糖及爆谷等小食。呢到嘅棉絮狀棉花糖，有幾款公仔造型及花型，(n年前買過花型)，亦有唔同口味，原味、提子、香蕉、藍莓、蘋果、橙味及士多啤梨等，都幾多選擇，不過已有心水目標。棉花糖製作過程，忍唔住影。等待時周圍睇下，見到呢個，巨星雪條嘅fd。角落生物蜥蜴棉花糖，$25，好可愛呀不停影相，左影影右影影(感覺好似影監犯相@_@)，整得幾可愛，唔係話好似，但簡單而可愛，呢個色唔知係味藍莓味呢(唔覺有嘅)～眼係用紫菜整，口係用酸可樂味軟糖整成，入口即化，香甜，呢類型嘅棉花糖，口感同味道，勾起兒時回憶，真係太耐冇食了。糖蔥薄餅、雪糕、爆谷及棉花糖，係呢到搵到兒時嘅回憶，而同時張懷舊小食棉花糖同現今受歡迎公仔crossover，都幾有心思。

$11有3小球雪糕，是80年代價呀。加$2仲要多兩球，抵！味道多款，食落都綿，夠凍夠滑，不會太削同多雪粒，又唔會太快溶。聽說是用本地的維記雪糕，質素都有保證。上次食左特別嘅榴槤，乳酪同薑汁撞奶味，$27有三球，三款都好好味。今次就食貼地D嘅味，香芋、呂宋杧、椰子、綠茶同士多啤梨味，加埋一齊色彩鮮艷，好繽紛！我覺得香芋同呂宋杧最正，香芋味夠粉夠綿，有少少香芋粒，呂宋杧味道好迫真，買唔到呂宋杧可以食呢個雪糕頂頂癮！ 綠茶味夠濃，不錯！士多啤梨有少少果肉但可惜有點藥水味。椰子味就一般。老闆好好人，佢話買夠$20有搓手液送，問我買唔買多$7嘢。 我想俾多啲生意作佢做呀，可惜揀唔啱，浪費左老闆好意。但我一定叫多啲人幫襯買雪糕。希望良心小店長做長有！

葵涌廣場有2間賣平民雪糕，哩間係其一，試下如何先，食落味道夠濃，食完飯買返杯雪糕做飯後甜品，真係好正，另外佢有賣棉花糖，唔係一般圓形形狀，佢會玩花式，做d卡通公仔形狀，小朋友見到好開心

係葵廣既童年回憶呀 由細到大個價錢都冇乜大變化 (依家價錢:6蚊1細球 9蚊1大球 10蚊雙細球 13蚊雙細球 10蚊3細球 12蚊5細球)有好多好多選擇呀 真係好難簡呀 不過好彩佢有得俾你試 簡岩佐先再買 要讚既係個伯伯好好人呀我同朋友簡佐5細球一齊share $12(綠茶 豆腐 咖啡 朱古力 曲奇)1.咖啡好食 好濃咖啡味 唔會過甜2.綠茶 有綠茶味 有少少回甘3.豆腐比較起係清淡d 但係係好食既另外2隻就普普通通啦 不過不過 呢個價你又可以要求d咩呀 評語:cp值爆火登 行過想食雪糕必去

細細個讀書果陣就已經成日食相信唔少人都聽＂埋黎試下味 歡迎試雪糕＂呢句都好深入民心 老闆兩公婆都好落力叫人試味 果份熱誠令我一直都幫襯佢地！雪糕可選用杯或是脆筒筒身都好脆口～最鐘意食佢個豆腐味雪糕清清地唔係話太甜做到豆腐果種淡淡既香味～最岩掃完街食返球結束這回合xD

而家葵廣開左好多新鋪，但都係鍾意黎呢間舊店YUMMY MUMMY。家庭式經營好有人情味！貪心想試多d味，所以要12蚊5小球！十分多味揀，見到仲出左好多新口味，好似沖繩海鹽、金莎朱古力等，不過就要加錢先有。我就叫左豆腐、蕃薯、曲奇、提子冧酒同埋香芋！首推提子冧酒，淡淡酒味配上提子乾，以呢個價錢，絕對係抵食！最上面黃色係蕃薯，幾香幾特別，出面不易吃到。反而香芋偏甜，無乜香芋味。呢間小店店員親切，價錢大眾，大力推薦👍🏻