YuMo芝士蛋糕專門店

營業中

休息中

荃灣 │ 巴斯克蛋糕專門店🤤💖✽開心果巴斯克蛋糕唔係講笑，食咗一次就食過返尋味🤣絕對係心目中頭三中意嘅生果巴斯克蛋糕✨🙏🏻😴無論自己食還是跟朋友分享都不錯。下次來荃灣記得一定要來試試🍰食物味道:9/10性價比: 7/10打卡指數: 7/10價格：約$65✽不用排隊 小店有少許座位 主要以外帶為主⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰

本身諗住睇吓有咩正餐食，但行行吓經過呢間芝士蛋糕專門店，朋友話呢間好出名，而且天氣又好熱，所以就入去涼下冷氣，順便揀兩件cake坐喺度食。本身對芝士蛋糕唔係特別太喜好，但今次試咗兩件，覺得其中一件特別非常出色。檸檬紐約芝士 $38我覺得呢間喺香港嚟講算做得幾好，因為本身平時都鍾意食酸嘢，而且呢個酸味同芝士夾埋一齊，識落一啲都唔覺得會好膩，可能對其他人嚟講，紐約芝士好多地方都有得食，但我認為個檸檬配合做得非常之好，建議大家可以試一個基本嘅款先。開心果巴斯克 $62唔知係咪之前喺第二間試過Gelato開心果味，所以覺得呢件嘅開心果味唔係好突出，如果開心果味再突出啲嘅話咁就完美啦，因為時間焗得非常之好，唔會實的的，中間仲係軟身嘅。下次再去既時候再試其他味，因為仲有好多款揀。其實香港有好多呢啲好出色嘅小店，只係因為租金太貴，令呢啲有潛質嘅小店控制佢哋嘅發展空間，希望佢哋可以越做越好。

一直好想試Yumo嘅cheesecake尤其係開心果味外表比其他舖頭綠💚🔍👀✧ 開心果巴斯克（$62）望落成個cake好綠搞到超高期望！質感整體偏軟好creamy的之前食過有啲cheesecake texture好似拖肥但呢個真。流心(৹ᵒ̴̶̷᷄́ฅᵒ̴̶̷᷅৹)另外好鍾意佢toppings開心果碎有大粒有磨到好細粒似粉不過開心果味就唔係話好濃結論係作為巴斯克芝士蛋糕好正但撈咗芝士就無可避免會蓋住開心果味✧ 開心果可麗露 （$29）有驚喜！本身諗住平過cheesecake咁多仲要見到toppings咁多開心果碎諗緊會唔會僅此而已但點知一咬開見到勁綠嘅開心果醬而且唔係而細細pat交功課係接近半嚿canele都係醬🥹雖然只係好經典嘅法式甜品但唔係間間做到外脆內軟而且size都算大～

今次去開荃灣 試咗呢間巴斯克芝士蛋糕專門店 佢哋嘅款式都好多 今次就係試咗呢個泰式奶茶味 佢仲有焦糖醬可以淋喺面 焦糖醬偏甜 質地濃郁 芝士蛋糕唔夠軟身 泰式奶茶味都唔出 唔係話特別好食 但係價錢就差唔多要$60 1件 都唔係話唔貴整體嚟講，我覺得一般般

話說有次朋友慶生，帶來美味麻薯蛋糕，於是筆者記錄在案，開始注意這小店。地點在荃灣香車街街市公廁對面，粉藍色的招牌，在一片舊樓中，都很顯眼，容易找到。適逢今天復活節假期，於是過來了解一下，人少少打算買兩件cake試試其他口味⋯⋯食店有多款選擇口味的Roll Cake ,還有生酮蛋卷，但必須要預訂。由於當日沒有預訂就過來試探，口味隨心吧！反正只吃過麻薯味道，其他都沒有試過。現場其實都有很多口味選擇，詢問店員，那種口味是你們的皇牌產品，她說是原味及開心果⋯⋯由於筆者是綠茶控，最後選擇了原味及綠茶。焦香原味巴斯克$48~芝士味道濃口，質感豐富，筆者很喜歡，配咖啡相當夾檔。若竹抹茶巴斯克Tiramisu $60~作為一個抹茶控，抹茶味未夠特出，可能因為是Tiramisu 吧！整體來說:兩件蛋糕合共$108, 以荃灣區來說都算高檔次，但吃得出食店是真材實料沒有馬虎。

係屯門已經有幫襯開，即使搬完左都無減低我對佢嘅喜愛❤️巴斯克嘅款差唔多都試哂，我最最最鍾意就係食佢嘅開心果巴斯克，但唔係每日都有呢款。今日就好幸運，係隔離食完泰菜就去買左以下兩件！開心果巴斯克 HKD62具有非常濃郁的開心果味道，而且佈滿了開心果碎，令巴斯克的口感更豐富。開心果卷 HKD45忌廉好香好滑，有開心果味，好食！但這蛋糕較濕潤，唔夠鬆軟，有些小失望。小總結❤️❤️❤️❤️❤️📌會再買巴斯克

YuMo Cheese人氣蛋糕店，蛋糕經常賣晒，要早啲去買。店舖之前位於屯門，而家搬咗去荃灣香車街街市附近。巴斯克蛋糕口味好多選擇，有原味、開心果、金莎、芋泥、鹹蛋黃、伯爵茶等等，另外仲有生酮版蛋糕同毛巾卷。所有蛋糕低甜配方，唔會過甜。。開心果巴斯克 $62一食落去開心果味好濃好香，頂層仲有焗左嘅開心果，食食下會feel到芝士味都好濃。蛋糕入面係軟心接近流心，口感好滑，好似cream咁，好食。。金莎巴斯克 $60好好食，頂層係榛子味嘅朱古力，加左nuts, 做到金莎嘅口感。朱古力脆脆加埋軟心嘅cheese cake, 口感好有層次。。焦香原味巴斯克 $50好濃芝士味，頂層焗到焦香，唔會太甜。

之前訂過開心果同原味巴斯克芝士蛋糕請人食🍰。開心果有驚喜，果仁味濃，重有勁多開心果碎鋪面；原味就更食到芝士味🧀，當時食到個個都大讚同好開心😁。今日同狗狗🐕、狗狗爸爸行荃灣，諗住買件cut cake回味下。下晝5點，店裡面的巴斯克芝士蛋糕得番聊聊可數的口味，而泰茶麻糬聽落幾特別，店員都話幾受歡迎，就試下。店外有張木長櫈🪑，帶住狗狗都冇問題，不過就冇檯，要拎住或放蛋糕喺櫈上面食🍴。泰茶麻糬巴斯克芝士蛋糕🥃🍡：賣相幾靚，份量一般，特別的地方係有個法式海鹽焦糖醬另上。建議食法係先唔落醬，咁可以食到蛋糕的泰茶味，然後再加醬就可品嚐到濃味。我哋跟足。喺唔加醬的情況下，我哋食唔到泰式奶茶味🥃😑，又或者真係好淡、太淡；個麻糬🍡係餅底，有啲怪，麻糬係食口感，唔係特別好食/難食，但係佢同泰奶又好似扯唔上關係🤔。然後，落咗個醬，件蛋糕全面被法式海鹽焦糖味攻陷，唔係唔好食，但成件事會令人有好多問號🤔🤔🤔：點樣呢幾種材料、口味會擺埋一齊？harsh啲講係三不像。我本來帶住期望嚟食cake，食完失望而回，因為$58食咗一件mix & mismatch的蛋糕🥹，難以言傳果份失落感~~~🐕狗狗食評：我冇得食~~

若竹抹茶麻薯巴斯克蛋糕位於荃灣曹公坊嘅芝士蛋糕專賣店，舖頭提供少量座位同一張細枱仔可以堂食。 本來想試開心果味巴斯克蛋糕，可惜今日冇得賣。原來每日供應嘅口味原來都略有不同。 於是就退而求其次試咗抹茶麻薯巴斯克蛋糕。蛋糕外皮焗得煙韌,入口軟身,芝士味唔會蓋過抹茶味,兩者配搭得啱啱好。 中間層流心甜甜地， 帶啲乳酪嘅香味，唔會話好膩 ，下面配搭咗一層堅韌得嚟味道又淡淡地嘅麻薯， 口感層次好豐富。 一件賣50蚊，值得回頭再試。

【慶生開Party之選·蛋糕蛋卷輕食應有盡有🥳🫂】//////呢間甜品店幾個月前由屯門搬到荃灣😁無論蛋卷、蛋糕定係布丁都係每日新鮮制造～今次朋友生日 訂左佢地招牌巴斯克芝士蛋糕trytry先(´▽｀)仲有好多款味道都好吸引!!.👉🏻海鹽焦糖泰式奶茶巴斯克($360)6”吋可以for 6-8人食用👏🏻更好嘅淋海鹽焦糖醬方法可以請教店員 我地趕時間拎走蛋糕唯有自創方法😹將蛋糕切件放上碟 每人再傳醬汁分别淋上蛋糕 都食到甜絲絲嘅海鹽焦糖風味～泰式奶茶個層就用上泰國ChaTraMue手標紅茶葉🥤散發淡淡嘅奶茶味 奶茶味可以再出啲 配忌廉同芝士口感幼滑唔膩🤤———-📍芝士蛋糕專門店 (荃灣)荃灣曹公坊15號德仁樓地舖

荃灣 超軟心巴斯克芝士蛋糕勁多款口味選擇外表焗到焦糖色 中間軟心超creamy若竹抹茶麻糬巴斯克 （$56）抹茶香濃 唔會苦澀 芝士口感細滑麻薯口感偏軟糯 放係雪櫃耐左都唔會變硬食完好滿足～～焦糖泰茶麻糬巴斯克 （$56）泰茶味同cream cheese非常夾泰茶味濃得黎亦唔會搶左芝士香唔會太甜 食落就冇膩啦～想食甜啲 可以落埋附送嘅焦糖醬 除左cheese cake 之外仲有賣卷蛋 望落都好吸引🤩小店主要做外賣生意 入面有兩張長凳可以坐低🦥

早前到訪一間位於荃灣既人氣芝士蛋糕專門店「YuMo Cheese」，主打多款口味巴斯克蛋糕，包括泰茶麻糬、開心果、芋泥、鹹蛋黃、白桃、伯爵茶等，有興趣的朋友不要錯過啦~‣ 焦香原味巴斯克 ($48)三款入面我地最鍾意呢款😍芝士非常軟熟，而且芝士味道香濃，表面仲有焦香味，好好食❤️‣ 海鹽焦糖泰茶麻糬巴斯克 ($56)呢款係選用泰國ChaTraMue手標紅茶葉，甜度適中，茶味突出仲可以自己倒焦糖上去，不過芝士味道唔算突出鍾意茶味既朋友可以考慮呢款～‣ 生酮焙茶巴斯克 ($62)呢份巴斯克係採用無糖無麵粉配方，而甜味來自有機赤藻糖醇，所以食落口感冇咁滑，而且甜度偏低，減肥既朋友可以考慮呢款😛💰Total: $166📍YuMo Cheese｜@yumo_cheese荃灣曹公坊15號德仁樓地舖🚩更多同類餐廳 #foodstep_bakery🚩更多同區餐廳 #foodstep_荃灣 📣Like & Share & Follow @ourfoodstephk_ 🙏🏻謝謝你的支持，成為我努力分享的動力💪🏻

位於香車街街市旁嘅地鋪主力做外賣但都有兩個位可以堂食金莎巴斯克 $60 少見啲嘅味 就試下好味 頂層係金莎脆脆芋泥巴斯克 $50 覺得依個麻麻地芋泥喺最底 覺得唔太夾又比較硬

對開心果最為好奇所以買咗呢個味，🧀個巴斯克軟心做得唔錯幾滿意🥰，🧩味道都食得出開心果味🤔第一啖係幾出，後面就普通，不過如果下次買我都未必會揀開心果，食過一次就ok🤣推薦原味，見個個都讚，同性價比高其他仲有抹茶、泰式奶茶、同埋黑芝麻味，味道好新奇，又有現貨，仲唔駛排隊，不過早買多啲選擇，有錢嘅話我想試曬佢😂等我更新😂你哋下次黎到荃灣就記得佢啦！新店開張，所以即刻幫襯，係香車街街市地下（曹公坊）靠近沙咀道個邊，難得有甜品舖係呢頭，大家多多支持下佢，希望佢長有長做🙏🏻

我一向喜歡四圍去揾嘢食，甜品當然是我的最愛之一， 我試過好多店鋪的巴斯克，但款式選擇和口味都一般，沒有太大驚喜。但一次偶然機會下，在荃灣不起眼地點發現這間芝士蛋糕專門店有好多不同口味的巴斯克，令我很開心。我第一次到店鋪，一次買了三款口味的巴斯克，而令我食指大動的一款是《焦糖泰茶麻糬巴斯克》，第一口食到好滑好有茶香味道，而且混合了麻糬...一次食到3種口味，麻糬口感更軟軟棉棉，好食到停唔到，回味無窮。之後，再試過不同口味，其中店鋪最熱賣是《開心果巴斯克》，果然味道不錯，好cream好滑，不太甜，食完都感覺到好開心好幸福，果然，甜品是令人陶醉，價錢需然是貴了一點，但以這種質素和做出不同口味的巴斯克都沒有失準也是值得一讚和值得推介。