Zan Chee (已結業)

lunch 突然好想食韓國野，又懶得出去曬太陽，咁就商場尼間啦，都鍾意食佢d便當🍱，每樣都細細份，可以試好多野。佢d小菜唔係每次都一樣。今次有黑豆，好好味，甜甜地。又有沙律，食完成個飯仲有飯後水果🤭

買一盒boneless chicken 試試，M size，大約14塊。只係食到一半，每一件雞肉都柴，完全無汁，外層亦較硬。以炸雞來講，M記等其他快餐可能肉質更好。其實之前買過兩次其他食物，一樣唔記得，一樣係炒粉絲，味道都一般，唔算好食，但又未去到好差。最緊要係，以呢個價錢買非即時製作的食物，可以有更好的選擇。

又到牛媽去覓食既時間啦！！！今次牛媽早餐食到飽飽地，午餐想搵D輕食少少既，所以去左 Zan Chee 叫左個韓式牛肉卷，即叫即整，材料非常新鮮豐富！！！Yummy! !

Lunch time時間唔算太多，公司又有好多首尾做，所以就出去買個外賣諗住拎返公司食就算。行過見到呢間韓國嘢，有飯卷賣就覺得好似幾適合我，因為份量睇落去唔太多，一路做嘢一路食又比較方便，就叫咗一份試吓啦我叫咗個烤牛肉飯卷牛肉味都幾香，佢入邊仲有些少辣椒，提升鮮味，食落去味道唔錯嘅不過留意番，睇落去雖然份量唔係好多，但係食落去其實都幾飽！我覺得佢肉嘅份量少，飯嘅份量比較多，所以整體而言唔算太吸引，下次都未必會再試呢個飯卷。😞

lunch想食韓國菜，見到尼度啱好有間，而且佢個雪櫃最吸引，好多唔同嘅配菜。今次叫左個便當🍱。好豐富下，有六個菜。最好味覺得係佢個茄子，好入味。牛肉都有些小牛肉味。跟住竟然有糙米飯可以揀，啱晒我😋😋

行街行到肚餓，喺”搵食”期間，咁岩見到呢間韓國嘢。門面好靚,食物擺放得好齊，又有好多唔同款式嘅紫菜包飯，感覺好吸引。不過佢只做外賣，沒有位置提供堂食。於是乎就決定去試吓啦。本來諗住問店員嘢，但係佢完全冇理會我哋，唔知係唔係因為佢哋聽唔明我哋講乜？買了個烤牛肉紫菜包飯同埋蟹肉卷蛋。兩樣都賣相一流蟹肉卷蛋。係密封，感覺好衛生。可能凍咗嘅關係，味道正常，冇特別。牛肉紫菜包飯，材料豐富，可惜係淡茂茂，完全食唔到任何味道。要食晒兩樣先飽肚，好唔抵食。

平時如果得一個人食晚飯，又係奧海城二期行開，我就會簡簡單單係呢度買個韓式飯卷食。方便之餘，一個人食份量啱啱好，味道不過不失啦，都唔太差，我特別鍾意佢入面有塊小辣椒，剌激味蕾提升咗成個味感。

睇到人哋嘅食評先至特登去買來食，唔係平平無奇咁簡單直程係唔好食。啲嘢食係冇味㗎，口感好似擦子膠，煎釀三寶都好食過佢好多好多。個炸雞就算係熱都好唔知點解都可以一啲都唔脆，係一個林左個皮包住白色嘅肉，雞有冇雞味，唔係佢寫住係炸雞都唔知佢係炸雞。唯一可以入口嘅就係個紫菜包飯，但都唔係好食㗎。完全唔明點解可以開咁多分店同咁出名，憑什麼？我同朋友淨係食晒個紫菜包飯其他都食咗兩啖就掉咗，完全唔似食物嘅味道真係好奇怪，唔想再擺落口啦。

辣炒豬肉 set味道好夠，但唔會太辣，岩我唔太食到勁辣既人，紅米飯食到健康的感覺。配菜有4款，玉子卷食落好香，仲有泡菜，綠色好似豆嗰種好爽口(唔太清楚叫咩菜) ，仲配有2大酸酸甜甜的舊炸雞，好開胃。整體有肉有菜有飯好均衡，不錯。

提起韓國菜好多人都會去尖沙咀搵食不過又唔想次次為咗食韓國菜都去尖沙咀唯有慢慢發掘唔同小區既韓國餐廳啦可惜好少餐廳能令人回頭但最近發現咗ZAN CHEE!其實已經係第二買買佢既外賣 第一次係外賣速遞返屋企食無特別記錄但記得味道不錯今次因為係奧海城shopping完無哂堂食 又撞見奧海城都有ZAN CHEE一於再食可能係大型連鎖店？所以店舖門面做得好靚好整潔連玻璃櫃有既涼菜都係超靚仔 全部都好吸引我地兩人食 選了一個烤牛肉&5種配菜便當份量種類十足一份烤牛肉飯卷一份炒魚糕（不辣）一份海鮮烤餅同一份炒韓國粉絲以為每樣份量唔多但兩個人都係食唔哂😂每樣味道都好好味 好岩平時想食韓國菜過口癮既人 而且食物會有密封包裝 就算要拎住食物坐車都唔怕食物氣味會影響到人，更加唔怕有細菌🦠🥳