Zan Chee (已結業)

行街行到肚餓，喺”搵食”期間，咁岩見到呢間韓國嘢。門面好靚,食物擺放得好齊，又有好多唔同款式嘅紫菜包飯，感覺好吸引。不過佢只做外賣，沒有位置提供堂食。於是乎就決定去試吓啦。本來諗住問店員嘢，但係佢完全冇理會我哋，唔知係唔係因為佢哋聽唔明我哋講乜？買了個烤牛肉紫菜包飯同埋蟹肉卷蛋。兩樣都賣相一流蟹肉卷蛋。係密封，感覺好衛生。可能凍咗嘅關係，味道正常，冇特別。牛肉紫菜包飯，材料豐富，可惜係淡茂茂，完全食唔到任何味道。要食晒兩樣先飽肚，好唔抵食。