Zappy (已結業)

耀華街百樂中心有很多餐廳，都食過4，5間，今晚就黎到同女女撐枱腳。雖然話係cafe,但環境好高級優雅，播放輕柔的抒情音樂，好有情調。同女女坐窗邊4人枱，十分舒適。餐廳氣氛寧靜，讓人能細心享受美食。牛油果大蝦沙律新鮮，大蝦煎過好香口惹味，肉質亦十分爽口彈牙。soup of the day 是南瓜忌廉湯，份量好大，還配有2片脆卜卜的餐包。忌廉湯香濃美味，有暖胃作用。鹹蛋黃炸薯條炸得香脆不油膩，女女食不停，薯條面頭有些鹹蛋黃碎，非常鹹香。店員也十分友善，服務不錯，度過了一個悠閒晚上。

呢間係我幾中意既餐廳,之前黎食過main,今次想食小食,就叫左個海蝦炸春卷,春卷係即叫即炸的,唔油膩,有好多蝦係裡面,真係好正!又叫左好名貴既黑松露薯條,份量好多,黑松露提升左個薯條既味,好好味。另外我仲叫左個檸檬大蝦同什菌沙律,無諗過d蝦既份量多到咁,係食極都食唔完,勁足料,佢煮既時候已擠左d檸檬汁,不過都仲有準備多一片仔檸檬比我自己擠。食完已經飽到上心口,真係高質得黎份量多,我見平日既set lunch仲更加抵,不過要返工食唔到啦!我仲意呢度寧靜高雅既環境,擺設好精心。店員都好細心,不時幫我清理已食完既野,又幫我加下水咁,佢D水加左D MINT LEAVES,所以都好清新。門外有位比人坐,應該係FOR人多時比人等位時坐的。

*今日eatmug9 #61樓上舖有乜好？夠格調 有氣氛 人流唔多 是日推介 ZAPPY cafe & bar就喺times square 隔離條街方便到不得之了門市有做下綠化裝飾囡囡可以扮個靚 打個卡樓面放嘅檯唔多燈光微暗 播住歌 幾有氣氛佢嘅main course + $88就可以upgrade 做set 就包頭盤 餐湯 同飲品香烤孜然雞扒依個係額外叫嘅小食味道咸咸酸味之餘塊雞就認真出色皮薄得嚟煎得夠脆咬落索索聲👍👍👍👍無花果橘子沙律實不相瞞小弟都係第一次食無花果😂口感原來係咁淋 同 fresh 配埋橘子同cheddar cheese 夠晒開胃是日餐湯 白菌忌廉湯檸檬忌廉汁大蝦意大利麵依味pasta 又係值得留意擺盤用心不特只個sause唔係一般行貨白汁係種唔會過份creamy 嘅微酸而啲蝦仁多之餘又夠爽用料都夠用心海膽醬牛油果蟹肉意大利麵到依個pasta見到一絲絲白色嘅唔好以為係芝士或者乜係蟹肉 成份pasta 都隱隱約約有陣蟹肉嘅second taste而牛肉果亦都upgrade咗道菜嘅口感簡直毫無破綻😂最後想講講間舖頭樓面雖然都係得一個人主理但佢真係好caring 同溫柔不時

今天約了好友一起食lunch，是她介紹來吃的。先來一個蘑菇湯，富有香濃的蘑菇味，真的有蘑菇碎，不是罐頭湯，是真材實料！再來主菜，雞扒親子三文治，原來親子的意思是雞蛋，麵包新鮮軟熟，一吃就知道不是隔夜的。把香軟旳麵包沾上荷包蛋汁，馬上將麵包的味道提升到另一層次。雞扒煎得很香之餘仍能保留嫰滑的肉質和香濃的肉汁，配以鮮炸薯條，薯條薯味香濃，沒有過鹹，令人齒頰留香，回味無窮。最後來了鮮奶咖啡，熱騰騰的，為這個午餐劃上完滿的句號，也幫我們叉足電，讓我們再有動力繼續完成下午的工作。值得一提，這份高質的午餐，每人一百元有找，CP值甚高，值得再來。

今日嚟到呢間餐廳食晚餐呢間餐廳環境係比較細同埋暗幾啱啲鍾意靜靜地食飯嘅人我一睇到佢個餐牌就即刻決定一定要食個鹹蛋黃薯條（$58）同埋網上一致好評嘅香煎帶子墨魚汁意大利燉飯（$178）佢嚟咗個薯條先個賣相係好吸引嘅聞落去都有鹹蛋黃嘅味但食落去就唔係好重味我覺得佢可以喺調味上加重啲鹹蛋黃味 之後佢就嚟咗個燉飯又係賣相好吸引好有色澤食落去呢都好重墨魚汁味帶子有煎得啱啱好的確係一定要叫嘅嘢食！我哋仲叫咗個海膽醬牛油果蟹肉意大利麵（$168）呢個就相對比較普通我覺得海膽醬同牛油果味唔太夾但總括來講呢餐都係好滿足既環境又舒服又寧靜幾啱慢慢傾計～

Zappy cafe is one of the hidden gems at causeway bay that surprised us with its overall above average quality! We ordered a pasta with Uni, avocado and crab meat, as well as salmon risotto! Both dishes were flavor-wise and generously portioned! I couldn’t resist each luscious spoonful of it as it was really palatable! The staff demonstrated professionalism with consistent politeness and attentiveness! We were overall very impressed! 海膽醬牛油果蟹肉意大利麵 $168煙燻三文魚親子意大利燉飯 $168

第一次同朋友上嚟食，見到reviews一直都好好。首先食咗個前菜， 大蝦沙律， 一直都係我最愛。 佢用我最鍾意嘅麻醬汁， 勁大隻蝦， 仲有我最鍾意嘅avocado。 材料同味道上不過不失。 想健康嘅你可以選擇大蝦沙律。 沙律菜選擇方面都唔會好單一， 有幾款一齊食口感都唔錯。另外仲嗌咗個黑毛豬， 整得超好食。 個肉質勁嫩滑， 絕對唔會嚡口。 又唔會整得太熟， 非常入味， 配上佢嘅醬汁， 加上少少沙律菜， 絕對係完美嘅配合。 一定要試啊！！

成日都黎銅鑼灣,今次搵到間樓上西餐。真係好容易錯過,太多餐廳啦呢區。呢間野真心正!本身見佢價錢都唔貴,以為質素似樓上CAFE果類。但D食物真係好高質。我叫左個主菜再加88蚊轉餐,有牛肝菌湯,無花果沙律同埋玫瑰JASMINE茶,並唔係D行野。每樣既份量仲好多添呀!每一樣食物都係一道一道咁上。牛肝菌湯好RICH好CREAMY,無花果沙律既無花果好鮮甜,花茶好清香,店員仲提我飲既方式添。而個主菜我叫左個海膽SAUCE牛油果蟹肉意粉,好夠味又好健康。呢度既裝飾好有格調,好田園又好文青,有畫有擺設。地方雖小,但真係一個好寧願既環境,好岩談心,最重要既一點係性價比高,店員有禮。連D水都有檸檬味,唔係TAP WATER既TAP味。讚!

見到好多好評，所以帶著期望。當晚超級大雨，好多人有遮都企左喺時代廣場等細雨小小先行，等左一陣都無細到，於是的起心肝行，點都係要濕。大家都急步行，雖然有遮，我基本上都濕晒，尤其對鞋，鞋內裝滿水，點知去到仲要等好耐𨋢，部𨋢等好耐仲喺廿幾樓。一到餐廳打開門，好舒服，擺設、氣氛都好有家的感覺，又靜靜地，同外面大雨的忙亂情況好大對比，加上等𨋢等好耐，心情本身唔太好，奇怪地一入間餐廳就已經轉得心情好好多。當然第一時間去厠所抹腳抹鞋😅😅經歷一輪衝鋒陷陣落大雨來到，就特別叫個黑松露薯條歎下，之前有其他餐廳整得好好食，所以有期望，換來就有失望，唔係難食，只是沒有預期中的黑松露香，味道不突出，黑松露亦不如我之前在別的餐廳食過的美味，不推介這個。本來期待呢個海膽牛油果意粉，海膽味不講其實唔知有，食唔出味。最讓我喜歡係個環境，真係好舒服，服務非常好，親切有禮，好適合傾計、談心、閨蜜訴心事等。對食物味道要求則一般。

晚餐係銅鑼灣解決 黎到timesquare附近依棟”飲食大廈” 係云云餐廳中揀左依間cafe😆入到去位置唔多 岩哂晚餐舒舒服服傾計！事前已經睇到有個無花果沙律 決定左要食新鮮無花果好正！份量都唔少 仲有橙 芝士 合桃碎 配個介辣嘅dressing 都幾特別🤣主菜就嗌左檸檬忌廉大蝦意粉同煎三文魚意粉普普通通 如果個蝦係真係連殻嘅大蝦會更好🤣三文魚就煎得好香 外面係脆嘅！份量亦都夠 好味！整體黎講 食物唔錯又坐得舒服侍應都好好服務 有時候就黎fill水～岩哂情侶黎撐枱腳😆

銅鑼灣一般食肆都會貴少少但質素都會高一點 環境都有心啲就好似呢間無意中發現的樓上cafe.門口睇落冇乜特別 但入到去就好有格調燈光偏暗 好多乾花之餘 仲有個酒櫃 雖然座位唔算多 不過可以靜靜地傾下計背景以純音樂為主 好有feel好輕鬆.香煎帶子墨魚汁意大利燉飯🍲$178一上菜就聞到超級香 賣相好得啊帶子煎得岩岩好 真係做到外脆內軟肉質很嫩滑 冇雪藏味 值呢個價意大利飯煮得幾好 唔會過淋 略嫌汁多左啲.咸蛋黃薯條🍟$58薯條怪覺得好開心 係粗薯條 厚切架滿滿嘅薯仔肉 份量好多 咸蛋黃味唔會過咸唯一有啲奇怪就係加左葱粒 冇得提早走青.呢度全部食物都即叫即製 同埋得一個廚師所以上菜會慢少少 但值得耐心等待樓面就由老闆娘一個人負責 好nice啊

認真，貴價餐廳我間唔中都會去下，唔係間間都好食。但今次去呢間中價餐廳，居然食到貴價餐廳fine dining嘅質素！勁suprised!!首先啲擺碟真係好靚 好精緻 好明顯想玩fine dine 好鐘意味道真係好食過好多酒店餐廳。特別係海膽牛油果pasta，啲海膽多到條條麵都痴滿海膽蓉，好鮮海膽味。幻想下都流哂口水。。。好想食多次呀又叫咗個海鮮多士，又係勁surprised!! 上面啲海鮮勁多，啲帶子好鮮甜，冇諗過多士可以咁樣整。啲味好夾，而且感覺好健康，因為啲海鮮真係好新鮮。最後仲有一個黑松露炸薯條，啲黑松露多都o曬嘴。自己睇圖。 個薯條即叫即炸，好熱好香口，而且分量好大，唔會好似麥當勞咁得嗰幾條 lol最後想講，老闆娘氣質好好，溫文爾雅下次朋友生日一定會再嚟

小妹今日約咗朋友仔吹水，兩個女仔好耐冇見好多偈傾，所以要搵間環境好少少嘅Cafe可以坐耐d 吹水之前有朋友介紹過呢間Zappy cafe，擇日不如撞日就上嚟試吓先上到樓，行入Cafe覺得個環境真係好好，間Cafe大概有五至六台雖然面積唔係好大，但係每台之間嘅間隔都好闊，坐落去都好舒服，傾計都唔驚嘈住隔離枱而且可能Cafe係13樓，所以望出窗外的風景都好開揚，好舒服坐左一輪終於係餐牌度揀咗一個沙律同埋一個意粉，兩個女仔share啱啱好<無花果橙柳合桃沙律$88> (好味:5/5) (抵食:4/5)小妹極少俾滿分，但系呢個沙律係小妹食過最出最好食嘅沙律首先小妹真係好少見到有沙律會有無花果嘅，點知原來無花果配上特製嘅特製芥茉醬係超級超級好食小妹覺得呢個沙律無論係賣相上、配搭上定係味道上都係極度出色，一定要推介俾各位朋友<海膽醬牛油果蟹肉意粉$168> (好味:4/5) (抵食:4/5)海膽醬好鮮，撈埋意粉食極滋味蟹肉、香菇、牛油果🥑又係另一個好神奇嘅配搭，平時其他餐廳真係好少見，但係撈埋一齊食又幾得意總括而言，呢Cafe真係非常之高質，得閒可以同三五知己一齊過

喺銅鑼灣返工嘅朋友仔推介過呢間餐廳。因此今日做嘢來到time square，諗住約埋朋友仔吃，誰不知人哋有約在先，陪唔到我吃，而我又唔想下次搭車再來過，就試吓一個人的晚餐。地方唔大，佈置唔錯，企企理理好骨子，因為層數高，又可以望出邊的風景，唔錯唔錯一個人，就諗住叫個沙律同前菜已ok，但見到個甜品又吸引，又嗌埋。牛油果大蝦沙律，好大碟吖，有沙律菜，車厘茄，仲有牛油果同埋大蝦，醬汁係柚子芝蔴醬，除咗芝蔴香，仲有柚子嘅微酸，成碟嘢惹味好吃開胃前菜係香烤孜然雞扒，雞皮勁香脆，雞肉軟滑，而且因為加咗孜然的關係，竟然有少少吃羊扒嘅感覺，係唔係好正?法式雲呢拿千層蛋糕令我諗起一年前嘅法國之行

忙完一整天，又到晚飯時候，決定慰勞一下自己，找了間小 cafe , 來個獨獨晚餐。簡單有氣氛的布置，有情調，座位舒適，還有柔和音樂，so relax !點了海膽醬牛油果蟹肉意大利麵 $168，還加了$88升級套餐，套餐包了精選頭盤、餐湯及飲品。海膽醬牛油果蟹肉意大利麵，材料豐富，有苜蓿芽、雜菌、牛油果等，而海膽醬及蟹肉則混入意大利麵內，吃起來啖啖海膽似的。餐湯是白菌忌廉湯，若單點餐湯要$48，白菌碎粒滿滿的，每口都菇味濃郁，加上忌廉的滑漏口感，令人滿意。無花果橙柳合桃沙律$88，材料同樣豐富，粗略吃到有無花果、芝士、苜蓿芽、橙柳、沙律菜、合桃、芥末等……味道層次豐富，不同材料粗合起來的味道大不同，一碟沙律啖啖都不同味道，而且味道很夾，是客有驚喜的沙律。沙律用了芥末，味道強烈，效果誘人。餐飲熱檸茶，單點也要 $32，轉套餐實在明智。小鳥造型牙簽罐，so funny 😍😍