影片
營業時間
今日營業
11:30 - 02:00
星期一至六
11:30 - 02:00
星期日
全日休息
以上資料只供參考, 請與餐廳確認詳情
【東區】【逸東餃子】同美女朋友收工經過呢間之前我食過佢哋大埔店嘅餃子店，我記得質素都係正正常常，唔差嘅。咁我哋入得去都係食餃子啦，先食「水蒸餃」系列 $52 嘅六隻「粟米芝士鮮肉餃」，又幾特別，但芝士味唔算濃，不過食得出係有嘅，只能夠講係不過不失。跟住就到美女朋友最期待嘅「香脆煎餃」系列 $54 嘅十隻「韮菜鮮肉餃」，本身佢中意食煎韮菜餃所以肯定會偏心，因為我覺得都係正常水準，佢就講到勁好食咁，唔知咩事。我自己最期待嘅就係呢間嘅「招牌魚湯餃子」系列，因為係可以連湯飲，幾好嘅。呢個系列我哋係叫咗 $50 嘅六隻「雪菜蝦酥鮮肉餃」，反而係三款裏面最平庸嘅一款，雪菜同蝦酥都唔突出又冇亮點。我哋都係飲「自家製樽裝冷泡茶」，佢飲 $16 嘅「熱情果玄米綠茶」，我就飲 $16 嘅「桂花元肉烏龍茶」，冇特別。埋單 $188，合理囉。。。（地址：炮台山蜆殼街6-16號寶榮大廈地下F號舖）
繼續閱讀
今日係夜晚嘅時間嚟到食餃子本身都係一個鍾意食餃子嘅人我嗌咗10粒嘅椰菜雲耳鮮肉餃$58仲有招牌蕃茄薯仔魚湯飲落去一啲都唔鹹 食得出冇味精嘅味道每一粒都好飽滿大粒鮮肉餡嘅比例肥瘦適中一個女仔食完10粒都好夠飽
繼續閱讀
仲記得剛剛過黎北角返新工既第一日就係食佢食完之後念念不忘佢個酸辣湯同埋煎餃🤩時不時都會想再食不過呢頭又真係好多野食小店真係多到試唔晒🤪早2日同事講起好耐冇食佢就決定過黎會一會佢🙌🏻🤩我地2條友叫左:▪️椰菜木耳鮮肉餃 (酸辣湯)▪️X香三椒鮮肉餃 (酸辣湯)▪️芫荽胡椒煎餃我特別鐘意個椰菜木耳鮮肉餃, 餡料豐富 椰菜同埋木耳口感清新 配上鮮嫩既肉餡 味道層次分明🙌🏻仲有個煎餃 外脆入面超Juicy 好香口🥹但煎餃會等得耐D但等耐D都值得呀
繼續閱讀
一想食煎餃就會幫襯佢，見未人齊就叫吓小食食住等，平時實叫嘅豆腐就照舊，見到有皮蛋酸薑就試吓啦，皮蛋一d都無嗰陣“壓”味，連埋酸薑一齊食係正，酸薑又脆又夠味，呢樣下次可以再叫，唔知可唔可以多酸薑呢平時粟米芝士餃會叫湯餃，今次轉食埋煎餃，果然一放低響檯就食，好似芝士醬包粟米嘅感覺比湯餃明顯，另一食法都唔錯。韮菜煎餃又係我必叫嘅食物。之後仲買咗兩盒生餃番屋企煮，因為唔係住附近，10隻送兩隻又抵，放冰格又可以隨時食，比起超市急凍餃感覺好似新鮮d, 員工叫我最好7日內食晒佢。
繼續閱讀
幾個月前無意中搵到呢間餃子店覺得幾好食成日都心心念念想再黎今日二訪覺得差了好多🥲叫左雙拼，大白菜鮮肉餃拼椰菜木耳鮮肉餃($56, 雙拼再+$2)加$10要左個通心米粉以為通心會比較掛湯🙄原來唔係，不值一試今次食比上次個皮更厚餡料同出面其他餃子店差唔多比較下鐘意椰菜木耳多少少，多左木耳爽脆嘅口感湯底揀左蕃茄薯仔魚湯全湯冇湯渣，幾好飲我都飲哂豆漿加$12 係支裝嗰種得個甜字冇咩豆香望真d仲要係中國製樽口個封口痴得好實勁難開完全搣唔開最後用筷子篤開佢先飲到店員都係除左基本落單出餐收錢就係0服務差過快餐店唔知係咪因為天氣熱一路食仲有隻烏蠅飛來飛去埋單$80 中午食個餃子麵加飲品黎講算小貴最主要係餃子係重點但唔算好食附近亦有唔少出色嘅餐廳決定冇下次👋👋
繼續閱讀