47
6
2
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
相關文章
Random搵到的餃子店,有驚喜!鍾意呢度嘅餃子皮厚度適中,咬落有口感🫶🏼同埋想特別讚吓佢嘅蕃茄魚湯🥰非常鮮味,每次食完10隻餃子都仲會飲晒啲湯!冇口乾!🥟芫茜胡椒餃 拼 大白菜鮮肉餃 配 蕃茄魚湯 🟢重口味之選!出色個位係芫茜同胡椒竟然夾到好和諧,兩㨾重口味既材料食落口有種心癢既麻感😆非常好食🥹但都揀饕客,畢竟唔係個個都頂得順芫荽🤭大白菜餃就不過不失,肉唔係特別肥,冇驚喜,但都係安全之選🤓🥟韮菜鮮肉餃 拼 麻香三椒鮮肉餃 配 蕃茄魚湯🟢韭菜鮮肉都係安全之選,食得出啲菜都新鮮嘅🥕調味偏淡麻香三椒是招牌,的確好少舖頭用三色椒做餃子餡,作為唔鍾意食三色椒嘅人我必須要講佢仍然有陣青味,但因為加左花椒油中和左好多!多咗種風味🧘♀️鍾意食三色椒嘅朋友食到欲罷不能😆🥟煎黑松露香菇餃🟢有驚喜!用左新鮮東菇食到一粒粒好有咬口🥹混埋黑松露癖咗草青味,一啖接一啖,係略嫌有啲油姐🥹不過都好味的
繼續閱讀
出得街食得晚飯,閒閒地都過百銀💸💸想食平啲就會諗起逸東餃子🥟1️⃣蕃茄魚湯已經出晒名,每次都會飲晒。配芝士豬肉餃子(6隻$48),皮薄到可以透到啲饀嘅顏色,芝士份量加得恰到好處,好味。2️⃣涼拌拍青瓜($18)唔辣,好香醋味,仲好似有少少話梅味(?)夾埋好啱胃口,好開胃。3️⃣豆腐片($18)係滷水汁,似腐皮豆腐咁,但太索汁有點偏鹹,配青瓜食會清爽啲。💮晚餐食三樣嘢$84,平。靚。正。😼
繼續閱讀
食物普通, 唔算驚艷, 湯味偏淡, 同老母滾魚湯咁上下服務就係無服務, 行入去無人招呼, 唔緊要行埋去諗住講聲外賣, 喝我稍等, 好, 我等俾完錢等15分鐘攞外賣, 我接受15分鐘後返去, 袋野喺枱面, 望一望我, 無反應好, 自己攞囉, 成件事就完喇我真係好想撐本土, 但係收起自己既傲氣先啦各位老闆
繼續閱讀
作為大埔人,都幾慚愧自己好少食好多好好食嘅餐廳。今次嚟到東昌街呢邊,就想再試真啲呢間餃子。嗌左個椰菜木耳豬肉(?)餃子酸辣翅+通心米線,咁多野都係$50 大大碗。平時冇乜機會食通心米線,係好食嘅通心粉質感,但係長version😂軟硬度岩岩好~碗仔翅夠味(酸辣!),git6度都夠,米線都吾少,餃子好食幾飽,非常物有所值$50!下次會食一樣嘅xd
繼續閱讀
今日自己一條冷當稔梗食唔食飯好嘅時候,突然望下右邊就見到佢嘅出現,佢開咗咁耐我真係一次都無食過,可能對於我嚟講地點唔太方便,不過因為咁啱經過見到,又成日聽到啲食評話佢好食,又再加上本人確實好鍾意食餃子,於是乎就決定行入去坐低。鋪頭唔算大,人都比較多,不過好彩唔駛等位。見到 menu 餃子款式雖然唔多,不過夠新穎,佢有平常嘅白菜嗰啲餃子,不過我比較唔傳統,所以就叫咗芫茜胡椒及咖哩洋蔥雞雙併10隻,然後又見到椒鹽雞翼好想食就叫咗啦!首先,佢先上碟雞翼,一碟有4隻,成為 $28 , 外表望落去有啲過咗火,不過堅脆嘅,可惜肉質有啲鞋同有啲梅梅地;味道 ok 唔難食,28蚊係咁上下。餃子我叫咗魚湯,聽聞個魚湯唔錯,一到當然先嚟飲一啖先啦!噢有啲失望,味唔濃有啲淡,不過應該無味精;餃子皮唔厚,夠大隻,我都差啲食唔哂,先講芫茜,料係夠,不過胡椒相對多咗,佢冚咗芫茜嗰味,對於鍾意食芫茜嘅人嚟講可能會覺得失色咗,不過唔太差嘅。咖哩洋蔥唔差,咖喱味重,正 ! 最後我仲叫咗杯豆漿,唔係話好好飲,不過豆味都重嘅。最後埋單成為 $100 ,價錢嚟講唔算好平,但可以接受。不過有下次,因為仲有其他餃未試,等我搵日再去試埋先。
繼續閱讀
您可能會有興趣的...