影片
電話號碼
23296244
98573918
開飯介紹
營業至凌晨的港式火鍋店，湯底提供養生、香辣等口味，而火鍋配料逾70款，另有刺身、小菜供應，選擇多元化。
繼續閱讀
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
有關獎賞計劃
隱世火鍋店火鍋湯底太特別，勁抵食海鮮套餐食物有救新鮮老闆又好人，呢個生拆蟹肉海鮮鍋真係勁特別,用腐竹包住海鮮成個福袋咁,淨係睇呢個湯底都夠哂噱頭。個套餐仲有象拔蚌刺身,好鮮甜。手切封門牛柳,你睇下啲肉質幾鮮嫩。養顏花膠,花膠真係好厚身。仲有埋原隻鮑魚,特大嘅元貝,生蠔,手打墨魚丸,同埋師傅手工包嘅水餃,雲吞,烏冬同菜當然都唔少得啦。呢個價錢咁多嘢食真係三個人都夠食,仲可以豪食海鮮,真係冇去錯地方呀。
繼續閱讀
今次去呢間火鍋小店絕對稱得上係懷舊店，响新蒲崗開業已經超過15年，夠哂地道嘅老字號，佢哋嘅手切封門柳及罕有自家黑松露丸仲好出色添😋，但係價錢絕對親民，$688已經有個象拔蚌肥牛二人套餐喇🤑。象拔蚌肥牛二人套$688呢個套餐真係好抵👍，有豐富足料嘅鍋底之外，仲有成10款火鍋配料，當中有海鮮、手切牛肉、丸類、餃類、蔬菜及麵食，最正仲有象拔蚌刺身添🤩。鍋底可以揀生拆蟹肉海鮮鍋、瑤柱海味冬瓜鍋或胡椒豬肚雞鍋，我哋就揀咗生拆蟹肉海鮮鍋。🫕鍋底賣相超震撼，上枱時鍋底插咗4隻生蝦，真係好生猛新鮮，啲蝦腳仲郁緊，面頭有素翅及蟹柳，另外用腐皮包住嘅餡料有蘿蔔、花甲、雞腳等，鍋底豐富足料👍。🥢生猛象拔蚌刺身份量充足，三人前都夠食，鮮度十足，爽脆鮮甜，高質超好味，連旁邊嘅蕃茄都好新鮮😃。🥢手切封門柳唔一定要A5和牛先好食嘅，就好似呢個封門柳，口感軟腍中帶質感，牛味濃郁仲帶有牛嘅鮮甜味，份量仲好多添😝。🥢鮑魚2隻冰鎮鮑魚軟腍中帶Q彈口感，鮑汁濃郁鹹香👍。🥢元貝2隻或生蝦4隻 見佢火鍋底已有生蝦，所以就揀咗元貝試下，超大隻，鮮甜爽口，正😋。🥢廣島蠔2隻手掌咁大嘅廣島蠔，肥美飽滿，蠔肉嫩滑鮮甜👍。🥢養顏花膠 我哋一開始已經將花膠放入鍋底，到最尾先食，超軟腍滑溜溜口感，好滋補養顏🥰。🥢手打墨魚丸或手打黑松露丸4粒揀咗墨魚丸，口感爽彈，味鮮甜。🥢雜菜一份蔬菜都幾新鮮，食落唔會有渣。🥢雲吞拼水餃各2粒或韭菜餃拼魚皮餃各2粒揀咗雲吞拼水餃，可以雙拼實在太好，皮薄餡料充足。🥢手打烏冬或出前一丁 有我哋最愛嘅手打烏冬，口感煙韌又幼滑，索埋湯汁一齊食超正😋。🍺藍妹啤酒 $38火鍋配啤酒是常識吧， 當然要啤啤佢啦😂。冇諗過$688嘅套餐有咁高質嘅食材，象拔蚌刺身及其他海鮮都超新鮮，其他食材亦完全唔揸流灘，而且份量超充足👍。另外，好欣賞佢哋嘅擺盤，因為通常小店嘅擺盤賣相都係求求其其，但呢間店舖就剛好相反，由鍋底以至象拔蚌、封門柳等嘅擺盤都花過唔少心思😍。服務亦都好好，絕對係一間值得推介嘅火鍋小店👍。而家仲要抵上加抵，follow佢哋嘅社交媒體網站仲可以減$100添🤑。
繼續閱讀
幾時都話新蒲崗係個好地方，無論隔幾耐冇嚟，對新蒲崗嘅愛只會有增無減！今次媽咪去新蒲崗行街，見到金筷子嘅火鍋套餐都幾抵食，依家follow佢哋IG仲會減HK$100，真係幾抵食xd 🌟象拔蚌肥牛二人海鮮套餐 $688👉🏻套餐包咗勁多嘢食，仲要一啲都唔Hea，食物質素超高！揀咗胡椒豬肚湯底，用腐皮包住豬肚同雞，豬肚好新鮮！雞肉好滑嫩，冇雪藏味，唔嚡口，真係有雞味㗎！再飲返碗湯，真係成個人都暖晒😋👉🏻生猛象拔蚌刺身，就咁食又得，淥兩淥都得，新鮮爽彈👉🏻廣島蠔大隻飽滿，鮮味十足👉🏻養顏花膠每啖都充滿骨膠原，口感軟腍👉🏻罕有自家黑松露丸有驚喜，佢係墨魚滑再吸咗啲黑松露香氣，勁好味👍🏻👉🏻元貝超大隻，食落鮮甜👉🏻冰鎮鮑魚夠爽口👉🏻本地牛切封門牛柳 ，最鍾意佢夠瘦，牛味又濃郁，食得出係用靚牛！另外仲會有雲吞拼水餃各兩粒，蔬菜併盤同手打烏冬，食到最後真係飽到捧住個肚走！返屋企特登上網搵先知，原來佢係新蒲崗超過15年老字號嘅懷舊本土火鍋店，唔好睇佢鋪仔細細，出嚟嘅食物品質，真心贏晒坊間嘅火鍋店！大家都要多啲支持小店呀🔥
繼續閱讀
♡新蒲崗嘅隱世美食店都非常多，今次嚟到呢一間係已經開咗16年嘅金筷子火鍋小廚，能夠喺呢個地方屹立不倒16年唔係一件容易嘅事😳 一定係質素夠高先至可以有咁多街坊支持🥰 今次嚟到試吓佢哋嘅二人火鍋套餐，$688勁豐富！仲要有原條象拔蚌刺身😱 原來唔止質素高價錢都平得驚人😳 follow埋金筷子IG，仲可以減$100😱♡象拔蚌刺身超鮮甜爽脆，原條嘅份量好多，內臟部份我覺得可以烚完更好食😋 ♡手切封門柳雖然油花唔多（本身呢個部位係瘦嘅）但係佢嘅牛味非常香濃，而且咬落去都好軟熟唔會韌同埋嚡口，我覺得有驚喜。♡我哋揀咗蟹鍋，個湯底因為好多隻蟹淆出嚟，所以好鮮甜，呢個鍋有三隻蝦，都好甜好彈牙。♡凍鮑魚就咁食非常Q彈；港島蠔好驚喜，烚完好Juicy同埋鮮甜；花膠份量好多，烚完之後好夠膠，絕對唔係cheap嘢，女士們要食多啲🥰♡手打墨魚丸非常好食，個質地彈牙得來唔會好實，有encore嘅衝動😳 ♡雲吞同埋水餃都脹卜卜好豐滿，皮薄餡靚🥰手打烏冬都有驚喜，口感好好索埋個蟹湯底好好食🥰============ヽ(○´∀`)ﾉ♪✰象拔蚌肥牛二人餐 $688▫️湯底三選一：❥生拆蟹肉海鮮鍋 / 香濃沙嗲鍋 / 澳門豬手鍋▫️套餐內容：❥原條象拔蚌刺身❥手切封門柳❥鮑魚2隻❥元貝2隻❥廣島蠔2隻❥養顏花膠❥手打墨魚丸4粒❥雲吞拼水餃各2粒❥雜菜一份❥手打烏冬或出前一丁* follow金筷子IG即減$100！🈹店內仲有好多其他優惠！例如有加$1霜降肥牛😱 半價醉雞鍋🤩 夜晚9:30後入座宵夜正價火鍋料8折優惠等等！🫶🏻店員同埋店長都非常Nice好好傾，我覺得香港地呢啲餐廳已經買少見少😳好有人情味好有香港風味🥰
繼續閱讀
🍱餐廳：金筷子火鍋小廚 (新蒲崗)🍽️類別：香港菜💯回頭率：9/10隨著時代演變，食材價格逐年攀升，許多傳統港式單點火鍋店為了降低成本，紛紛轉型為自助放題，昔日那種充滿人情味的火鍋私房菜氛圍逐漸消失。 .然而，位於新葡崗的金筷子火鍋小廚卻因深受附近街坊的喜愛，堅持保留幾年前的價格，讓人均200多元便能享用到10餸一鍋的港式火鍋私房菜，並且包括了多款高級食材，實在是物超所值。 .在老闆娘和老闆的熱情招呼下，與一幫老顧客的談笑間，看到他們不時送出一些火鍋材料，以確保大家能吃得飽。而小編和友人也意外獲贈飲料，這種人情味讓人感到格外溫馨。 .🍲生拆蟹肉海鮮鍋先不說火鍋材料的豐富程度，光是湯底已經讓人驚艷。生拆蟹肉海鮮鍋裡的食材可謂應有盡有，包含了兩隻蟹、大蝦、雞肉、雞骨、花膠、腐皮和粉絲。別說人均200多可以吃到十餸一鍋，外面200多只能買到這個湯底。 ▪️手打墨魚丸在食材方面，每一款的擺盤都相當精緻。特別值得一提的是手打墨魚丸，其擺盤設計相當有趣——一條豎立的鐵鏈單邊支撐著一個橫放的酒樽蓋，酒樽切開一半，用來盛載墨魚丸。墨魚丸的口感結實爽彈，內裡藏著豐富的墨魚粒，鮮味濃郁，讓人回味無窮。 ▪️生猛象拔蚌刺身象拔蚌刺身的分量同樣驚人，敢說絕對不只是二人分量，其口感冰爽彈牙，鮮而不腥，吃得出是即開即切，處理得非常到位▪️手切封門柳 手切封門柳亦有驚喜，厚度適中，賣相華麗，盛放在金牛盤上，完全不是一貫小店的作風。▪️鮑魚 2 隻▪️元貝 2 隻▪️廣島蠔 2 隻
▪️養顏花膠▪️雲吞拼水餃4粒
▪️雜菜一份▪️手打烏冬十餸一鍋原價$688已經非常實惠，追蹤店鋪的社交平台還可享受$588的特別優惠。小編不禁擔心，老闆和老闆娘究竟能否在這樣的價格中獲利呢…….😍整體評分 味道：🌟🌟🌟🌟性價比：🌟🌟🌟🌟🌟環境：🌟🌟🌟🌟🌟服務態度：🌟🌟🌟🌟🌟
繼續閱讀