順 石磨腸粉 (已結業)

今日去咗深水埗度買電子野，行咗咁耐個肚都餓到就嚟偏，所以去咗西九龍中心度，食返個下午茶醫下肚先行咗一個圈，間間舖頭都係食正餐嘅，好唔容易搵到一間食腸粉嘅小店，啱晒食完正餐又肚餓嘅我<套餐A-$32>6粒燒賣加石磨腸粉，價錢合理魚肉燒賣魚肉味重，咬口彈牙，六粒啱啱好腸粉揀咗推介嘅雞蛋瘦肉碎腸粉腸粉，滑脫脫咁超級好味，再加埋甜鼓油，真系食到停唔到口裏面嘅瘦肉碎分布得好均勻，基本上啖啖腸粉都食到瘦肉碎，正

今日R唔到飯腳，唯有食自己。走上food court轉咗一陣，見到呢間少少新嘅石磨腸粉，即管試吓！以food court嚟講佢嘅價錢就唔係特價平，不過依家嘅心態都係想振興經濟同支持小店，所以決定落單。其實佢有好多款腸粉，不過我唔記得影相😅諗咗一陣，就決定要個套餐C，因為我想食真正屬於佢哋自己出品嘅食物，咁先見到佢哋嘅真功夫！大概等咗8分鐘，佢哋就已經準備好食物俾我攞走，即叫即整嚟講都算快手，店員亦好有禮貌我揀咗雞蛋瘦肉腸粉同埋雞粥，因為我唔食葱，所以走了葱。腸粉包住薄薄雞蛋皮同埋肉碎，淋上秘製醬汁，仲可以隨意加入芝蔴、辣醬等，我覺得佢嘅石磨腸粉比出面嘅較厚身但滑溜啲。至於雞粥，粥底味道唔錯，都有3-4件唔同部位嘅雞件，有雞髀亦有雞胸，雞肉夠滑，可惜我唔知佢有薑絲，否則一定走埋。花生粒就唔夠脆，好似放咗幾日疏咗氣咁，希望只係個別事件。另外嘅熱飲其實係一杯普洱茶。為咗支持小店，我絕對會俾個好評以示鼓勵，期待佢不斷進步

今日lunch 一上到西9 8樓 離遠就見到石磨腸粉街招牌門面好特別. 我同個fb 行去叫左兩個套餐. 佢地主打石磨腸粉 即叫即做 我地叫左個 葱花蝦米 同 主打鮮蝦腸 值得一讚個皮好薄又滑 料又多. 仲有個燒賣醬油好👍🏻👍🏻蒜香. 朋友叫左個雞粥 粥夠綿 食到最尾見到有 「行運糖水」 好攪笑 走去買左碗 雪梨雪耳糖水 同朋友share 仲見到有個開胃小食 甜酸鳳爪 不過太飽喇🤣下轉去再去試埋佢先. 簡簡單單 一個lunch食到好飽飽 好滿足