陸宜居茶餐廳 (已結業)

曱甴的蛋白質含量最高，接近70%，又含有8種必需氨基酸、奧米加-3、奧米加-9等脂肪酸，非常有營養。而味道上，他們認為比較像一些堅果，例如花生和栗子。雖然大家可能會覺得很噁心，但他們所用的蟑螂並非大眾平常在廚房所見的蟑螂

今日係大埔嘗試左抵食又大份之選「陸宜居」💫😆雖然只係下午茶時段，但臨近6:00 （我地5:45到）都有各式各樣下午茶menu選擇（附近有食店依個時間都只係會比炒粉面你架炸）所以算得上有良心既！👍🏻//首先叫左個吉烈豬排沙律，沙律就不過不失，豬排就真係好surprise!!!🥰首先係佢塊排好似成隻碟甘大，一食落口仲有少少香茅味（有用香料炮製過）值得一讚呀！（$30-35）另外叫左個焗白汁龍利柳飯，飯有炒過底！可見依間鋪係用心的☺️☺️（$40-45）

睇開我食評嘅人，就知道我最愛嗰間豬扒店係喺邊度。不過呢間嘅豬扒係我心目的排名都有第二，都幾難架啦講真係幾好食，不過比較細塊而且都比較貴。一碟飯好似幅相裏邊咁樣就要$50。不過如果你好追求豬扒嘅質素嘅話，就嚟啦！冇錯架啦！😘

這間餐廳，雖然門面以及內裏都比較遜色，沒有另外那一間綠怡居那麼舊式，但是餐牌上面選擇亦都非常之多。例如有煲仔小菜、普通小菜、炒粉麵飯、又或是鋸扒的選擇。西蘭花炒牛肉，份量不少，西蘭花不少，牛肉也不會太老鑊氣足夠，也挺不俗。一心來到，我就點了一個鋸扒，黑椒牛扒，阿姐說可以選擇蒜蓉汁，那就更好。茶餐廳竟然沒有忌廉湯，但一向不算太喜愛喝中湯，我就點了羅宋湯（爆冷，可見我對中湯之憎恨）。羅宋湯的質地，竟然好像忌廉湯那般，比較杰身，而且很多料，例如有雜菜、蘿蔔、蕃茄、薯仔。結果端到來，除了鐵板上有一大塊牛扒，底下還有一些薯條，而另外，還有一隻細碟裝着一疊波浪紋薯條。牛扒比較軟林，相信都應該用鬆肉粉醃過，肉味普通，當然，這種港式西餐鋸扒，你不能期望它有濃郁的牛肉香。而另上那一碟細細碟的薯條，也相當有誠意，因為立即吃，也感覺到它有翻炸過，最少不是弄多了，然後順便送給食客。但當然，通常鐵板上面煎在牛扒底下那些薯條，就最為美味。這個蒜蓉汁，反而調味比起蒜味更加濃，那麼波浪紋薯條吸入肉汁，以及這種甜甜的蒜蓉汁，味道就更加好。凍檸樂加$7 ，當然就加兩蚊飲凍檸茶算。凍檸茶的味道，茶味可以，始終都是晚上的時刻

今晚和屋企人去大埔墟附近買東西，突然肚餓，見到有間陸宜居茶餐廳，就入去填肚，餐廳外面貼滿餐牌，有很多套餐，炒粉麵等，最後我們點了一個套餐，蝦醬炒通菜、京都豬扒、醬爆雞煲，跟兩碗湯和餐飲，價錢$138。餐廳裡只有三四檯客人，叫了餐等了約十分鐘，餐湯有中湯、西湯。西湯淡如水中湯無味精，還可以蝦醬炒通菜都沒有特別，是多了油這個京都豬扒，豬扒有如吃了一斤粉漿，未見過京都豬扒會落青椒、蕃茄雞煲又會落生菜，不知所謂總評：三個字，無下次

星期六同男朋友仔入完大埔墟踩完單車，肚仔餓落左廣福道食下午茶。仔仔好想食炸雞肶，醒起住係大埔既朋友仔講呢度有間開左十幾二十年既茶餐廳，今日有機會就入黎試一試😝二話不說即刻叫左兩個炸雞肶沙律，男朋友個份就配薯條。因為係即炸既關係，所以等左15分鐘先有得食。雞肶用豉油炸，肉汁鎖住夠Juicy，不過略嫌中間部份既皮未炸透。沙律中規中矩，吾係罐頭生果溝沙律醬。總結，細看呢度有好多款式既食物，小菜/ 碟頭/面食，價錢當然合適，呢間絕對係食速食平食好選擇！

今日好好天，太陽出來了，又有風，舒服既天氣，一於去大埔踩單車。因為早食午飯，所以未到五點已經踩到無力肚仔餓，想食炸雞脾做下午茶。係大埔帶住架單車周圍行，經過呢間茶記，有炸雞脾拼薯條，即刻泊好架車入去醫下肚我叫左炸脾薯條加熱奶茶，熱奶茶好快到，不過茶味較淡。之後等左應該有最少十分鐘，奶茶已經飲左一半，雞脾終於黎啦，首先薯條好熱同幾脆，雞脾係即炸，個皮都係脆，而雞脾食落無血水同剛剛好熟，用刀切開仲有少少肉汁流出黎，唔會炸到過曬火同好乾，唯一唔好係成碟野都幾油下，如果係碟底放張紙吸下油會更好。

食物同相信不符! 原本見到有蕃茄牛肉螺絲粉的相片响餐牌隔離，先入去食，因為餐牌係寫“羅宋湯螺絲粉“，咁我落單前都問清楚有冇牛肉，個阿姐好惡咁話“冇架！“，咁我再問有咩肉？佢又係好惡咁話“有火腿囉！“....使唔使咁嘅態度! d 阿姐全程面黑! 又唔係平，食物質素又差..唔會有下次！

平常感冒只需1星期便康復，這次居然要3星期才好得7788，整個人都沒甚體力，對美食都失去欲望，這食評記載了我回大埔看醫生後所吃的早餐，原來大埔的物價真的較便宜，只需$28 便能享用豐富早餐，可惜我永遠不回搬回大埔了. 這間茶餐廳開了一段相當長時間，多年前食過記得味道都幾一般，所以對它都沒甚印象. 這次再來，是因為我媽比我早幾天打敗仗，回大埔看醫生後已經軟弱無力，就來到距離診所只需2mins步程的茶餐廳吃點東西才乘車回家. 她說食物是即製的，熱度足夠、味道都不錯，最重要是客人不太多，可以靜靜休息一會. 炸菜通粉、腸仔煎蛋、牛油方包配熱檸茶 ($28) 牛油方包好軟鬆，內層塗了一層薄薄的牛油，都幾好吃. 雞蛋是即煎的，燶邊蛋富蛋香，配上我好喜歡但又不健康的炸腸仔，是生病中的一種慰藉! 餐牌寫上炸菜通粉，本以為只有炸菜，原來也有肉絲的，份量極多. 可惜通粉過稔又發漲，好難食!! 早知吃米粉，因為我媽說她的雪菜肉絲米爽口又惹味. 以$28 的港式早餐而言，是頗抵食的. 不過如果下次再來，一定不會選通粉囉! 大埔寶鄉街51號華樂樓B座地下 2658 9987

其實之前一直都係叫開呢間既外賣以前既真係幾好食既 但係而家真係差到痴線首先講服務態度 坐台果個真係要反省下幾次都係咁 一係就送左去第2條街 搞到我等左半個鐘一係就俾錯野 講左係葡國雞扒飯 佢自己都講左次係雞扒 之後都係俾雞我同埋佢根本就唔知自己係到講緊乜佢地有寫低我個電話既 因為次次講親係邊 以前個坐台都UP到個電話出黎但係而家呢個唔會睇 頌要我講成10幾次 勁慢咁講佢都可以寫唔低個NO.頌要聽聽下同第2個人講野 咩事呀?第2就係d野食 以前d白湯都叫中等而家果d 有怪味又有d唔知乜野硬硬地既係入面飲左啖就要擲 已經就飲唔落口頌有個葡國雞飯 d雞同d汁都有怪味 勁難食搞到我食左幾啖又係要擲 但係湯加個飯要成37蚊37蚊俾d咁既野食同咁既服務態度我?枉我次次叫外賣都係叫呢間 而家我以後都唔會叫又難食又貴 頌有可能講到勁清楚都會送錯地方俾錯野食佢地真係要反省下囉唔該

現在轉去了大埔區工作，記得多年前也曾在大埔工作過，真的有時光飛逝、歲月如梭的感覺，從同事口中得知有不少以往熟悉的食店都已結業或易手，倒如老牌酒家冠年華現址經歷兩度易手已變身為大日子，舊日區內咖喱名店Cosmo巳於數年前倒敝。 不過俗語有云一鷄死一鷄鳴，相信區內除了老店外尚有一些尚未為人發現的新食肆，在未來的日子裹有機會給大家介紹一下大埔區內的優質隱世食肆。南乳猪手飯今天同事帶路到他們常去的陸宜居食晏，同事要了住家式肉餅飯，我見到牆上除了快餐外有不少有特式飯款，其中的南乳猪手飯吸引了我的目光，原因是之前未吃到上水水上人的南乳猪手飯，它已經摺埋了，因此我怕歷史重演，正所謂有花勘折直須折，無待無花空折枝，所以即時落單叫南乳猪手飯，只等了數分鐘侍應便送上枱，南乳豬手以碟上、白飯另上，我發覺碟中的豬手不少共四大件，比一般的份量要多，反而顯得一碗白飯太少了。 豬手上面淋滿了醬汁，醬汁濃度適中，不會像下品般太稠而有糊口的感覺，厨師煑豬手的火侯、時間控制得宜，我用牙輕輕一咬已骨肉分離、肉質不靭亦不黐牙，亦唔會到牙較蘇軟，南乳味道不會過厚而令人生膩，水準算是中上出品，唯一不好的是伴碟太少菜及太少飯

tea時間...第1次黎~叫左2個鐵板餐~1個係牛仔骨蟹柳~1個係西冷~37蚊個鐵板~仲有包+湯同野飲~d扒當然不是上等貨~但係味道都ok的~份量又夠~抵!!俾個笑啦~

由於一早去影証件相，在等相期間去左食個早餐。叫左牛肉通粉，仲有芝士腸加紅腸，凍齋啡。成份早餐份量唔少，芝士場有成三條，其實味道冇話差或好，因為全部都係凍肉，整熟就得，唯一可以講就係個通粉幾硬下，如果佢再煲林少少就好勒。