佳運餐廳

營業中

休息中

大家認唔認得這家有得食酸辣豬軟骨米線嘅好地方，真係巷子裡的美食秘密呀！湯頭好酸好辣，正宗咁勁爆我啲味蕾，仲有酸菜嚟提味，簡直係醒胃極品！啲豬軟骨炆到軟綿綿，咬落去有啲回彈，又唔會太腍，真係夠晒霸氣！同埋佢嗰幾撮配菜，韭菜、芽菜啲啲鮮口，令人食咗仲想再食🤤！至於嗰碗過橋米線，啲腩肉同火腿絲真係配合得好搭，雖然腩肉肥瘦分佈有待優化，不過都算係過得去。腐竹同冬菇都吸晒湯汁，好惹味！個湯底夠辣夠香，好過癮！😋最後講下配搭嘅凍檸茶，可能日子熱所以覺得質素就普普通通，未算到係咁突出，但喺辣過後飲一啖，都算解渴。下次有機會路過又繼續會黎試其他啲嘢，好期待架！👌🏻✨

同朋友第一次嚟呢個市場，見到呢間比較多人，所以坐低試試。點了一碗豬軟骨米線，另一碗墨魚卷拼豬頸肉米線。一上枱2碗都大大碗熱辣辣。米線配料都幾多，有鹹酸菜，生菜及蔥，花生。米線爽口幼身，美中不足是湯底比較普通。墨魚卷拼豬頸肉米線，墨魚卷有一大條，食落都真才實料，唔會好粉，配米線一流。至於豬頸肉切絲，雖然有少少咖哩黃色，但食落無味份量算合格。而豬軟骨米線，的豬軟骨的確大大舊，滷水煮得好入味，朋友食完一碗唔夠，再外賣單餸豬軟骨回家加餸！飲品點了2杯凍檸茶，茶味夠👍🏻亦做到少甜少冰。姐姐亦記得走飲管，服務很好。

今日公司叫外賣，搵咗上水石湖街市裏面一間佳運餐廳，這餐廳每日都有很多選擇，每個餐都有跟湯和飲品，價錢方面正常不選大貴。 今次我叫了一個火鴨絲炆米加凍0茶，賣相方面没有甚麼特別，份量充足，比較細食的朋友可以找人兩份，至於我從街市回到公司大約要6、7分鐘，在溫度方面仍然保持到熱度，味道很好，汁方面不會太鹹，米粉很入味，火鴨絲及其他配菜也算多，凍0茶也很好喝，杯裝size很好，不論冰嘅數量或甜度都很適中，所以他們堂食的食客也不少。

第一次去呢邊熟食市場到食野。。其實呢類型的食店，雖然外界有些人會覺得環境點點點。。。但佢d 野食有時比出面茶記/冰室的好味😀嗌左個。。。三絲炒米粉 $49好味度：⭐️⭐️⭐️⭐️.炸髀配沙律 $36好味度：⭐️⭐️⭐️⭐️⭐️見佢ge 炸髀好似都有擺左少少香草去醃製，所以食果陣除左好入面，出來的味道都再多左個層次，好香好juicy 😍👍🏻👍🏻而且沙律都正。。鍾意呢類型舊式整法的沙律😋😋.炸髀配薯條 $36好味度：⭐️⭐️⭐️⭐️⭐️.奶茶比檸茶好🙈🙈😀

🍴佳運 @ 上水🍴 今日又黎到上水街市食飯 ，今次就試下食佳運啦。 ------------------------------過橋米線腩肉炆得好好，好入味。入邊仲有腐竹、金腿、金菇等等。入邊勁多餸，好飽。個湯底夠麻夠酸。唔怪之得咁多人黎到呢度會揀食米線。蟲草花鴨腿湯飯大大隻鴨腿夠誠意，好養生，個湯飯轉頭就食晒，食完成個人暖笠笠，唔錯。菜粒臘味粉飯夠晒鑊氣，炒飯粒粒分明，都係好快就掃完一碟。蔥油炸雞脾飯大大隻炸雞脾，不過隻雞脾太濃味，有D失色。

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍佳運餐廳黎到上水朋友話好想食呢間餐廳嘅米線，之前佢食過話幾好味🤤身為吃貨嘅我梗係要試下😛🤍過橋米線🍜💰43湯底叫佐小辣唔會算好辣🤤配料有腐竹、仿鮑魚絲、火腿、冬菇、蟹柳、芽菜、金菇、腩肉～配料份量充足🤤好入味，米線唔會好諗幾好味仲有酸菜配埋幾開胃🙈🤍西多士💰30熱辣辣即整嘅西多士好香口，最緊要記得淋蜜糖呀～又脆又香牛油味😝🤍生炸雞髀配薯條💰35雞髀肉好嫩滑，熱辣辣炸出黎好正🤣雞髀肉係醃過似係南乳味～薯條都好香口整體都不錯！

📍上水 佳運餐廳上水街市熟食中心入面有好多間餐廳都好出色，例如之前介紹過嘅林德記。而今次呢間深受街坊歡迎，尤其係學生，最受歡迎係碟頭飯同雲南米線🍜（仲使乜食譚仔個(碎)豬軟骨闊麵）🤭𓇠 紅燒豬軟骨米線 $41 𓇠叫咗酸辣中辣，湯底清得嚟帶麻辣，平時食開三小辣都覺得辣，食完嘴唇發麻🥵米線份量十足，米線爽滑。有三大舊豬軟骨，煮到淋曬好入味😋而本身每碗米線都配有芽菜、花生、韮菜、蔥、芫荽同酸菜。值得一提係佢嘅酸菜好大塊！同其他米線舖唔同。PS 碗米線一嚟到，用原子筆寫嘅落單紙浸咗入湯🖊️如果可以改善呢點就好。▪️類別：#yinkifoodie_noodles🔺味道：5/5🔹服務：4/5🔸環境：3/5

之前黎上水街市都係叫餸食飯，但竟然發現原來呢度有間出色既餐廳有米線食，仲要又平又好食！呢間餐廳外表同普通茶餐廳無異，都係有茶餐同常餐等等，但佢竟然有米線叫～酸辣豬軟骨米線🍜 $41食落口超有驚喜，本身諗住佢係頹頹嘅米線，點知佢拍得住出面啲米線舖。個酸辣湯幾濃幾有層次，啲酸菜好惹味。而且有韭菜同芽菜等配菜，口感十足👍🏻👍🏻而且豬軟骨超淋超入味，舊舊都有大大舊軟骨，好滿足！份量一啲都唔細，飲埋杯凍奶茶真係飽到上心口

上水其中一樣讓人念念不忘的就是佳運的米線，每逢來到上水，都會想到佳運止止癮。佳運的門面，位於上水街市。米線的餐牌，價錢真係非常抵。我叫了一碗豬頸肉米線和豬軟骨米線。豬頸肉米線，HKD 40，比較有咬口d；而豬軟骨米線就貴1蚊，HKD 41，就比較有啖啖肉的感覺，兩款都非常好食。一定要記得叫多酸菜，因為佳運既酸菜比起其他餐廳係好食好多，一試難忘。至於辣度方面，個人認為小辣已經有辣下辣下的感覺，不用叫太辣。特飲凍檸樂都係加5蚊。食完之後，見到餐牌推薦奶油豬，口痕叫了一份。估唔到咁大份。有超級多奶油，也是必吃之選，正！食咁多野埋單都係HKD 99，一百蚊仲有找。

今日嚟到上水街市熟食中心食早餐🥰呢間已經唔係第一次嚟食😁😁😁對上果次黎已經幾個月前☺️☺️我就叫咗個醒神早餐五香肉丁米粉 配太陽蛋腸仔凍檸茶少冰 HK$33 另外佢出名就係個米線另外叫咗個雞中翼 腐皮 腩肉麻辣米線 小辣 HK$50 上菜速度都幾快早餐嘅五香肉丁米粉 我就覺得細碗咗少少而佢嘅腸仔 唔係好啱我嘅口味整體都唔係話差嘅正常嘢食😃😃😃而佢嘅米線唔係太油 佢嘅雞中翼亦都係另外炸會另上嘅👍🏻👍🏻👍🏻佢嘅酸菜特別好食 我另外外賣左一兜酸菜HK$20 而嗰度嘅環境 你唔好預好好因為始終係熟食中心但係佢嘅價錢真係好優惠

☟非專業最真實食評☟𝙂𝙧𝙖𝙙𝙚 𝘼- ：奶油豬（$12）依個真心超正🤤佢個皮夠脆，個包又熱，入邊個煉奶同牛油超夾，我地兩個唔洗一分鐘就清曬成個😂甜得黎又唔會膩，重點係12蚊依個質素去邊到搵🙊𝙂𝙧𝙖𝙙𝙚 𝘼- ：豬軟骨米線 （$38）咁就叫左一個唔辣，一個麻辣少辣，碗米線重大過我塊面🤯而豬軟骨超多又大件又入味，配料方面又足，同埋個湯底又濃又香。個人認為辣好食過唔辣，佢少辣既程度相信絕大部分人都接受到👍平時唔食得辣既朋友都可以試下。～～～～～～～～～～～～～～～～～～～～～～～❀總評❀ 𝙤𝙫𝙚𝙧𝙖𝙡𝙡 𝙜𝙧𝙖𝙙𝙞𝙣𝙜 : 𝘼- 簡單啲黎講無論價錢同份量都冇可挑剔👍，個米線絕對絕對好食過同抵食過譚仔十倍🙊，一定要一試🤣

是日上午, 我同媽咪如常到聯和墟買野, 期間, 母親話肚餓, 故一試該餐廳。凍檸茶: 夠茶味, 本人至愛。沙爹牛肉蛋面: 十分入味, 好有家的感覺, 而且面感軟硬適中;環境: 在這類熟食中心, 環境算不錯, 衛生情況亦佳^^

政府街市既特色,莫過於頂層有個熟食中心。而熟食中心裡面有唔同既食肆,以大排檔形式經營。去到呢D地方,當然睇下佢邊一個食肆坐滿人。坐得愈滿,基本上就等於間鋪係最好食。而今日..坐得最多人既,係呢一間。呢一間比較多人推介既,除左碟頭飯,就一定係雲南米線。🔸雞翼腩肉酸辣米線(中辣)嘩,本身以為小辣無料到,叫左中辣。真係辣到飛起呀,食完仲即刻胃痛。講返配料,雞翼係炸雞翼,分開上,不過就有少少乾物腩肉一舊舊,但有入口即溶既感覺米線煮得過火左,偏淋。🔹雞扒墨魚卷麻辣米線(小辣)小辣就真係啱啱好,帶少少麻味。雞扒調味唔錯,墨魚卷好爽口,咬落仲有一粒粒墨魚。💬其實,如果唔係叫錯辣度,呢餐都應該幾好食。下次會嘗試返小辣架啦(利申:可食用辣度-譚仔2小辣)

其實上水街市都有好多好食嘅餐廳 ! 佳運一定係街坊都會食過 ! 最鐘意食佢呢到既米線 ! 叫左個酸辣豬軟骨米線，佢既湯底偏酸，呢到既酸菜好食! 豬軟骨份量又多，配埋杯熱奶茶好滿足 !

由細食到大嘅佳運咁多年來都無變過，啲姐姐全部都勁快手，一個打10個，由落單到出餐5分鐘內搞掂，快靚正！今日食中午飯係咖喱叉燒雜錦炒飯，炒飯好夠鑊氣又乾身，正！個味道就好似星洲炒米咁～呢度嘅焗飯都唔錯架，我朋友食嘅呢個係雞扒芝士腸焗飯，味道都可以，但個人鍾意食炒飯多啲。呢度啲湯麵都好吸引，見到周圍都好多食客食～推薦大家嚟呢度食，最重點係價錢都唔貴，個餐包埋嘢飲同湯。是日餐湯係紅青蘿蔔湯，味道好正飲落去暖下胃一流。兩個餐都係講緊$80有找，呢個價錢去邊度搵呢個質素！上水街市其實有好多美食，得閒再介紹比大家～