影片
營業時間
星期一至日
10:15 - 23:30
以上資料只供參考, 請與餐廳確認詳情
招牌菜
食評 (47)
呢間野岩岩開果陣試過一、兩次，d野甜到漏，所以決定唔會再係到買野飲。今日夜晚10點幾經過，見到有野食，就諗住買黎試下啦。一、裡面有4,5個店員，一係就係到玩iphone一係就係到hea。態度仲要極差！二、10點幾基本上係已經冇咩人，但係都可以要人等成3個字。奇怪既係，咁多店員真正做緊野既真係得1,2個。三、等左3個字，終於等到碗鹽蘇雞。真係難食到唔可以忍受呀！！！鹹到痴線，d調味好似唔使$咁，仲要d油多得過份！絕對唔會再有下一次！
繼續閱讀
其實上水既小食,外賣飲品店唔多,我先有時逼於無奈因為方便先會去臺北站幫襯話說本人係非常之鐘意食小食同飲珍珠奶茶,但由佢開業至今,我幫襯既次數不足十次原因係,臺北站既水準真係好差,服務態度又差,收比旺角,深水埗市價仲貴的價錢,但質素就低過人地我每第一次幫襯珍珠奶茶店,我都會叫珍珠奶茶試下水準的,但臺北站由我第一次試到今日,我都未試過飲到一杯好味既珍珠奶茶囉第2樣我會叫既係茉香珍珠,臺北站係我第一間飲唔到茉莉茶香的店,粉就食到一大舊因為昨日係深水埗食左舞茶X的鹽蘇雞,雖然不及係台中夜市同墾丁夜市既鹽蘇雞好味,但我都覺得係全港數一數二既美味鹽蘇雞,到今日都仲想食,見近派佢地加左小食,包括鹽蘇雞,飲品加配價就平少少,我就俾多次機會去試去到臺北站唔係太多人等緊,但幾位女職員就好努力咁傾計同HEA,咁我叫左珍珠奶茶多珠+鹽蘇雞,埋單$24佢地用左二十分鐘先整到幾件鹽蘇雞俾我,大佬,間野又唔係商場內,企係外面吹住風真係唔多舒服囉...我叫既珍珠奶茶加珍珠就無加,而且仲少左,我第一時間問有冇多珠,個收銀諗左幾秒,口窒窒咁答我"有呀"然後我試下鹽蘇雞,一咬落口,WTF!?KFC D炸雞仲好食過佢囉!完全無鹽蘇雞的風味,味道,佢D雞大大件,大佬,有冇食過台式鹽蘇雞嫁?無椒鹽的味道,無九層塔,仲要炸粉勁多,一咬落去,勁易將雞同炸皮分開,見到大大舊唔知脂肪定一片雞皮....我已經唔多想食落去....轉口飲啖珍珠奶茶,唉....一如以往,珍珠,係無味道,都唔會甜或有QQ的口感我認為佢地係煮珍珠的時間唔夠耐,或煮珍珠的糖太淡,但卻飲到奶茶勁重既糖漿....奶茶應有的茶香,奶滑,臺北站係無的...我已經對臺北站失望,希望就開業係旁的X腳亭有返水準啦,如果唔係我餐餐去仙跡X買中杯茉香珍珠$15好貴呀...ps.唔該你地d職員咪做寫手啦...
繼續閱讀
同家人拜山, 經過上水再試下呢間野今日要左鹽酥雞, 同薯條好鬼平, < 比我上次黎平左好多而家只要買野飲, 加8蚊就有薯條薯條比M記更脆, 可能因為即時炸, 仲有D 醬都幾好味, 有芝士, 蜂蜜芥末等之前要20蚊鹽酥雞就濕左少少, 可能未隔哂D油, 但D 椒鹽都好味咁抵再買埋雞骨, 呢個同街食既無咩分別, 一兜都應該有幾十粒, 脆脆的, 抵食又係買飲品加配. 價錢平D講開又講, 而家好似有兩個著黑衫既女仔, 唔同左以前O個個禮貌好左, 笑容都ok可能老闆從善如流, 炒左以前o個個啦都好的, 希望大家再俾下機會呢d肯用心改善既食店啦
繼續閱讀
本身屋企樓下都有臺北站,朋友生左個BB所以入去上水探佢...見到臺北站...發覺呢間同我樓下間賣D野有好大分別..之前冇見過有芒果沙冰同一口腸...所以試下...芒果滑冰...幾好飲,個味係鮮芒果...好大杯..係高過個杯o既!!一口腸,好好味,12蚊7條...價錢都ok...唔知我樓下間臺北站幾時會有呢...但呢間冇雪糕芭芙,平時我去會買呢個,但今次冇得買...可能佢地間間鋪頭d野都唔同...原本想試埋鹽酥雞,但人太多,所以唔等喇..下次有機會入上水再試~去相~~
繼續閱讀
下午茶時份, 諗住離開粉嶺去上水d 商場行一陣先又飲返杯珍珠奶茶先, 又係3分鐘攞到手, 冰量ok, 珠份量亦可, 唔會好淋, 亦唔太甜今次加多個雞軟骨, 即炸的, 好好味仲有一杯細杯野飲送, 好似係蜂蜜蘆薈唔錯的一個下午茶, 再去行街街
繼續閱讀