21
12
5
| 餐廳: | 嘉豪酒家 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
今日嚟到上環打邊爐，見到$198全包，仲要係無限時，而且任飲啤酒🤣即刻同咗朋友過嚟試吓有冇伏😌酒樓雖然比較懷舊，但係環境都乾淨企理，特別一讚係所有職員都非常有禮貌🤣係酒樓難得一遇！火鍋係可以先揀食雞煲，然後再打邊爐，全部食材都幾新鮮！特別係魚，竟然有脆肉鯇魚！😝食得出係鮮味，應該就係新鮮嘅！火鍋湯底可以揀鴛鴦鍋，唔需要另外加錢！沙嗲湯非常之濃😆大致上所有食材都好大碟，味道都高質，就算丸類都好食，適合一大班朋友或者幾個人過嚟！順便任飲啤酒
繼續閱讀
前晚一家去食自助火鍋，起初抱住好大祈望，但最後好大失望。幾年無幫趁，今次一試覺得完全吾掂，食物質素需要作出重大改善外，仲要添加款式。以咁嘅價錢不如加多小小去食放題。
繼續閱讀
如大家有機會去中上環食飯，可以考慮到此酒家。就服務質素(自動有禮)、食物質素(蝶蝶餸都精精神神)而言，其性價比之高在現時嘅香港，實在難得之至。大家北上之餘，也看看有沒有值得撐嘅本地店，以汰弱留強嘅理念，進一步優化香港聲譽和經濟。昨晚自帶了一支紅酒，問問店員是否有開瓶費。店員話無此收費，還主動協助開酒。因為酒塞老化，有木塞碎入了紅酒。我地不知如何處理，店員就自動提供了隔篩，讓我哋把紅酒隔乾淨。碟碟食物就都好味新鮮，特別是龍蝦🦞伊麵更加是一絕。另外，有主動幫客人換骨蝶，在香港已經是歷史了。每人206蚊，就開開心心享受了3個多小時了。希望佢哋繼續努力做好，成為業界嘅榜樣，救到自己、也救救香港嘅日益走下坡嘅經濟。
繼續閱讀
喺嘉豪酒家嘆完一場好滋味既早茶，真係滿足到我呢位平民美食愛好者！開頭嗰啖蜜汁叉燒包，香甜得嚟不膩口，每啖都咬到飽滿叉燒，真係太正啦！流沙奶黃包嘅流沙心夠滑夠綿，呢個比賽，流沙奶黃包贏晒！面層嘅流沙香濃又唔會太甜，食一個真係啱哂！嗰個咸水角就有啲失色，餡料不夠豐富，改善空間大大有。至於栗米煎魚餅就係性價比之王，香脆可口，實在讚呀！鮮蝦菜苗餃個皮剛啱哂不過軟硬程度，餡料新鮮十足，咬落去仿似個口都回春咗！燒鴨瀨粉嘅燒鴨唔算好多，但佢隱藏嘅美味係嗰啲令人驚喜嘅甜美菜心，同粉條軟硬適中，可圈可點。燒賣皮薄香嫩，肉感十足，一啖一件嚟個滿足感真係💯！最後，飽魚菇雞粥真係豐盛得黎，每啖都食到雞肉同魚菇，粥底幼滑入口，雖然少少味精味但都接受到！啖啖肉香，滿足感爆燈，嘉豪酒家嘅點心真係唔使太多花巧，已經係咁搞掂！試完之後實話實說，下次想食個靚早茶，我知道邊度揾！🥢🍵🥟
繼續閱讀
【中西區】【嘉豪酒家】同浣紗娘喺西營盤搵嘢食，我就因為返香港冇耐所以想打吓邊爐。附近好似都諗唔到有邊度可以去食，浣紗娘就講起呢間喺上環嘅酒樓。我就之前已經見識過佢哋其他分店，晚飯小菜或者早午飯市都食過，呢間就第一次嚟。嚟之前望吓 Openrice 先，見到都有啲負評，講到個火鍋幾差吓，攪到我哋聞之而卻步。但係我一向秉承「自古成功在嘗試」同埋「人有多大膽，地有多大產」嘅原則去做事，所以大膽建議不如照去，唔係點証明食評真偽。去到就食 $208 嘅「任飲任食海鮮火鍋無限時任食」，佢哋有「重慶雞鍋」可以揀不過我哋直接要「鴛鴦鍋底」打邊爐算。個鍋有啲問題，侍應都好好態度咁幫我哋解決。而火鍋料方面，啲肉類都可以，估唔到都唔差喎。因為啲食評講到佢哋啲肉類同服務態度都好差，所以特登留意呢兩點多啲。而任飲嘅飲品包括罐裝「醇滑嘉士伯」同「果汁先生」，唔差。佢哋呢度嘅火鍋係冇加一嘅，所以埋單價兩位夾埋係 $416，我覺得又唔算貴喎，可以。。。（地址：上環皇后大道中328號中源中心一樓）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #上環 #嘉豪酒家 #任飲任食 #海鮮火鍋 #無限時任食 #重慶雞鍋 #鴛鴦鍋底 #罐裝醇滑嘉士伯 #果汁先生 #1am1172 #1ambackup
繼續閱讀